رواية عمياء وسط الذئاب كاملة بقلم محمد طه عبر مدونة كوكب الروايات
رواية عمياء وسط الذئاب الفصل التاسع عشر 19
_نور أول ما سمعت صوتها.. جسمها كله ارتعش..
وفتحت إيديها عشان..نهله تيجي ف حضنها..
وقالت بصوت كله دموع… نهله أنا اتعميت يا نهله..
مش شايفه مش شايفه.. تعالي ف حضني يا نهله
_نهله تبص للدكتورة… مين دي يا دكتورة ومين نهله دي
_الدكتوره لسا هتتكلم تقاطعها نور بصوت..
كله دموع يقطع القلب… إنتي بتقولي إيه يا نهله..
حرام عليكي مش وقت مقالب كفايه اللي حصلي..
تعالي ف حضني طمنيني على بابا وماما
_الدكتوره.. إهدي يا نور نهله هيا كمان حصل ليها مشكله..
وفقدت الذاكره.. يعني مش فاكره حاجه
_نور بدموع… لأ يا دكتورة دا مقلب من مقالبها البايخه..
وربنا يا نهله ما هسامحك مش هسامحك يا نهله
_نهله تجري على نور وتاخدها ف حضنها…
والله أنا حاسه إني أعرفك.. بس مش فاكره..
انتي مين ولا أنا اسمي إيه..
والله أنا ما فاكره حاجه خالص
_نور تحضنها جامد… أنا فاكره كل حاجه..
بس مبقتش شايفه أي حاجه
_نهله بدموع… من اللحظه دي أنا عنيكي اللي..
هتشوفي بيها.. مش هسيبك أبداً..
متخافيش متخافيش يا نور
_الدكتوره… بقولكم إيه كفايه دموع وعياط بقى..
ولا إيه يا أم محمد.. انتي كمان بتعيطي..
شوفيلنا نكته عندك قوليهالنا
_أم محمد تنشف دموعها… مره اتنين عيانين..
بيقولو لبعض.. انته تاخد المرض اللي عندي..
وانا آخد المرض اللي عندك..
الدكتور كان واقف وسمعهم..
صرخ فيهم وقالهم يا اغبيه..
لما بدلتو المرض ما بدلتوش العلاج هوا كمان ليه
هههههههه هههههههه هههههههه
_الدكتوره بابتسامه… ماشي يا أم محمد بتلقحي عليا..
ملقتيش إلا مهنتي..
بس شكل كده المزتين ما عجبتهمش النكته..
بقولك ايه يا نهله انتي مش قولتيلي إن( علي) فيه..
عندو مشكلة عايز يكلمني فيها..
يلا هاتي نور وتعالو نروح نشوف إيه المشكلة اللي عندو
_وتوجه كلامها ل ام محمد الممرضه… بقولك إيه يا أم محمد..
شوفي حد معاكي وانقلو السرير اللي ف غرفه نهله..
هاتوه هنا
_أم محمد… حاضر يا دكتورة
بقلم… محمد طه عبد المجيد
___في غرفه على ___
_الدكتوره… إزيك يا (علي) عامل إيه
_علي… الحمد لله يا دكتورة بس رجلي وجعاني أوي
_الدكتوره… دا شئ طبيعي بس اطمن الوجع..
هيروح شويه شويه..
_أعرفك بنهله ونور
_علي لاحظ إن نور مش بتشوف… أهلاً يا نور أنا علي..
عندي 25 سنة وحوالي 85 كيلو.. وو.. ولا طويل ولا قصير..
ولوني كده عاطي على أسمر..
وأهم حاجه إني مش مرتبط
_نهله… احم احم.. نسي يقول إنو بعكازين
_مع ابتسامة من الجميع.. إلا نور لسا مش مستوعبه..
الدنيا المظلمه اللي دخلتها
_الدكتوره… خير يا (علي) نهله قالتلي ان فيه مشكلة..
عايز تقولي عليها
_علي… نهله مين هيا نهله ولا ندى
_الدكتوره… لأ ندى دا كان اسم مؤقت..
لحد ما عرفنا إسمها الحقيقي.. وعرفنا إن نور..
تبقى بنت خالها.. عقبال ما نعرفلك انته كمان أهل
_مع إبتسامه الجميع إلا نور لسا ف العالم بتاعها..
الجديد اللي كله ضلمه
_علي… شوفي بقى يا دكتورة.. أنا إمبارح بالليل..
سمعت اتنين بيتكلمو عليكي..
وبيخططو إنهم يعملولك مشكله..
وواضح انهم بيكرهوكي أوي
_الدكتوره… وأنا عارفه ومتأكده هما مين..
وإن شاء الله ربنا هينصرني عليهم وهكشفهم
_نهله… وإحنا معاكي يا دكتورة ف أي حاجه تطلبيها مننا
_علي… وأنا طول الليل هلف ف المستشفى..
وأي حاجه هشوفها أو هسمعها هبلغ حضرتك بيها
_الدكتوره… إيه يا رجاله إهدو شويه..
الموضوع مش مستاهل كل ده
_نهله وعلي… خلاص انتي قوليلنا نعمل إيه..
وإحنا تحت امرك
_نور تفاجئهم… أنا هقولكم تعملو إيه…..
- يتبع الفصل التالي اضغط على ( رواية عمياء وسط الذئاب) اسم الرواية
تعليقات
إرسال تعليق