رواية غرام النمر كاملة بقلم جنى ياسر عبر مدونة كوكب الروايات
رواية غرام النمر الفصل السادس عشر 16
فى الصباح الجميل فى قسم الشرطه كانو عبدالله و غرام وصلوا
عبدالله: يلا غرام انا هوصلك لحد مكتب جاسر .
وذهبوا الى المكتب ودخلوا
جاسر قام من مقعده ورحب بعبدالله .
جاسر: يا أهلا وسهلا يا سياده اللواء حضرتك جاى بنفسك لحد عندى .
عبدالله: جاى اوصل غرام .
جاسر نظر لغرام بخبث: يا أهلا بالانسه غرام .
غرام بقرف: اهلا .
عبدالله: طيب هسيبك انا ياغرام بعد ماتخلصي اللقاء مع جاسر عدى عليا قبل ما تمشى .
غرام : حاضر يا بابا .
خرج عبدالله وغرام نظرت لجاسر بعصبيه واتوجهت اليها ورفعت يديها ومسكت جاكت بدلته .
قالت بغضب : اسمع بقى لو قررت اللى انت عملته فى التدريب المره اللى فاتت …. صدقنى هتشوف منى وش عمرك ما شوفته سامع !!
جاسر نظر ليديها الذى كانت وضعها علي جاكت البدله وبعد ذالك نظر اليها ووضع يده فى جيبه
قال : ههههه بموت فى شرستك دى نزلى ايدك احسن ليكى مش النمر ياقطه اللى يتقله كدا …. وبعدين هو اي اللى حصل انا مش فاكر حاجه.
غرام اتغاظت بشده وقالت : يعنى ايه مش فاكر اسمع بقى انت تعديت حدودك اوى انا مش زى البنات اللى بتضحك عليهم اوعى تنسى انا بكون بنت مين …شكلك نسيت انا بنت سياده اللواء عبدالله الشاذلى…
جاسر اتغاظ منها لاول مره غرام تنجح انها تغيظه .
جاسر قال مع حاله انه فعلا تعدى حدوده وحس انه غلط فى حق قائده انه خانه فى ضهره قرر ان يعتزر لغرام .
جاسر : بصى انتى عندك حق المره دى انا بعتذر ليكى ومش هتحصل تانى لان كانت لحظه ضعف وخلاص راحت لحالها ياريت تنسى تمام …تفضلى يلا عشان نبدء اللقاء اللى شكله مش هيبتدى ده ..
غرام كانت مازلت ماسكه جاسر من الجاكت نزلت يدها بصدمه لما سمعت انه اعتزر منها واعترف انه غلط .
غرام بغرور : يلا هنبدا اتفضل .
جاسر جلس على مقعده وغرام هي الاخرى جلست على الكرسى امامه ووضعت قدم على الآخرى بغرور .
قالت : هنبدء دلوقتى …داست على كلمه تسجيل فى تليفونها وحطته على المكتب .
جاسر نظر اليها بغيظ : استغفر الله العظيم ممكن افهم ايه الغرور اللى فيكى ده نزلى رجلك يابت انتى .
قفلت التسجيل بخنقه وقالت له : هو انت قاصد تستفزني هو انت مش شايف انى بدءت التسجيل ….
جاسر: مش هبدء غير لما تنزلى رجلك .
غرام: اوف ونزلت قدمها ونظرت له بخنقه
قالت: اتفضل نزلت ممكن نبدأ بقى فى يومن الأسود ده
جاسر نظر لها : اه اتفضلى وياريت نخلص انا مش فاضى للعب العيال ده .
غرام داست على كلمه تسجيل مره اخرى ووضعت الهاتف على المكتب ونظرت له .
غرام: بسم الله الرحمن الرحيم اول سؤال ممكن تقول اسمك بكامل .
جاسر نظر لها بغرور : اسمى ….جاسر يونس الحديدى ولقبى النمر البنغالي ظابط مخابرات برتبه مقدم
غرام نظرت له بقرف و قالت : السن
جاسر :- ٢٨
غرام :- ممكن حضرتك تكلمنى عن اخر مهمه اللى طلعتها و نجحت فيها وقومت بيها لوحدك برغم صغر سنك .
جاسر رجع لورا بثقه وقال : انا مفيش مهمه اطلعها ومتنجحش ….هيا المهمه كانت لها قدرات خاصه وانا اللى قدرت اعملها بكل سهوله……. طبعا مش هحكي تفاصيل المهمه بالظبط المهم انى نجحت وقدرت اقبض على المجرم بسسب بنت مش اكتر ……وصلتني معلومات ان الدراع اليمين للمجرم هي بنت بداءت ارسم خطه صغيره كدا علشان اوصل ليها ….. انا طبعا لي قدارتي الخاص وعرفت ازي اجيب كل المعلومات منها عن المجرم وقدرنا نوصله ههههه قولتلك بالاول انا عندى قدرات خاصه .
غرام نظرت له بغيره وغيظ وقالت وحضرتك كل المهمات بنفس الطريقه ده .
جاسر نظر ليها بخبث : ياريت احم …… لاء اكيد علي حسب المهمه .
غرام نهت الحوار وقالت :نشكر حضرتك وبالتوفيق دايما وقفلت التسجيل وهي متغاظه جدا .
جاسر لاحظ انها مش طبيعيه قال بمكر : فى حاجه يا انسه غرام
غرام : انا ……لازم امشي بعد اذنك .
غرام وهى ذاهبه جاسر قال : اشوفك فى التدريب يا انسه غرام .
غرام التفت ونظرت له: لا مش هاجى انهارده عندى شغل ….
وذهبت جاسر قعد على مقعده وقعد يضحك عليها
جاسر: ماشى يا ست غرام شكلى كدا هتعب معاكى ….بس ماشى انا وانتى وزمن طويل 😂
♥️♥️♥️♥️♥️♥️♥️♥️♥️♥️♥️♥️♥️♥️♥️♥️ ♥️
نروح لفيلا صغيره راقيه …محاطه بحديقه كبيره بازهار متنوعه واشجار مخضره تلوح وريقاتها مع نسمات الهواء الخفيفه …ندخل الفيلا بالداخل بالأخص الطابق العلوى فى احدى الغرف كانت بنت متسطحه على السرير … كانت بمنتهى الجمال والأنوثة فجاءه بتفتح عيونها الخضر بتعب وخوف قامت مفزوعه و تتلفت حولها بخوف خرجت من الغرفه هيا ليست عارفه هيا فين نزلت على الدرج ووصلت الى ريسبش وتلفت حولها كان مفيش حد فيه بس فجاءه شاب كان موجود بالفيلا
قال :- انتى فوقتى يا انسه اخيرا .
البنت بخوف ورجعت لورا برعب
قالت : انت مين …. انا فين
الشاب : اهدى يا انسه متقلقيش انتى فى بيتى .
البنت : فين ….انت مين .
شاب : اسمى رحيم السيوفى …وانا كنت هخبطك امبارح بس فرملت على اخر لحظه وانتى اغمى عليكى من الخضه .
براءه : اااه شكرا لحضرتك بجد …..ممكن لوسمحت اطلب منك طلب .
رحيم:- اتفضلى .
براءه : ممكن تليفونك اعمل منها مكالمه ضرورى
رحيم:- اكيد وطلع هاتفه ليدهولها .
براءه خدت منه الهاتف ومسكته وكتبت رقم كان رقم والدتها و بعدت عنه .
رددت عليه امها وقالت لها : الووووو
براءه : الووو يا ماما انا براءه
والدتها : براءه بنتى وحشتينى يا حبيبتي …….
براءه بدموع : ماما الحقينى ونبى انا هربت من بيت بابا كان عاوز يجوزنى غصب عنى بسبب مراته ….قوليلى انتى ساكنه فين اجيلك .
والدتها : مهما كان مكانش ينفع تهربى وتسيبي البيت ….
براءه : يعنى ايه مكنش ينفع اهرب ….بقولك هيجوزنى غصب عنى ….وبعدين ده كل اللى همك انى سبت البيت انتى بجد ازاى كدا. ….وبعدين انتى بقالك فتره ليه مش بتسألى عنى .
والدتها : اعملك ايه يعنى يا براءه ما انتى عارفه ان طه محرج عليا ان اروح ليكى البيت ده يطلقني يرديكى اطلق…
براءه بحسره عليها : بجد حته لو كلمتينى مكلمه هيطلقك ….انا بجد مش عارفه عملت ايه عشان يحصل كدا اب مفيش رحمه في قلبه وأم بتيجى على بنتها عشان تعيش هيا ….ماشى ياماما انا فهمت دلوقتى مش هتساعدينى صح….
والدتها: يا بنتى غصب عنى اعمل ايه ما انتى عارفه طه ودماغه مش هيرضى انك تقعدى معايا لان عندو تلات شباب ….ارجعى لابوكى وحاولى تقنعى انك مش موافقه ….انا مش بايدى حاجه اعملها ليكى….
براءه بتبكى على بختها وعلى حياتها : ماشى يا ماما شكرا انا غلطانه اصلا انى اتصلت عليكى واستنجد بيكى روحى كملى حياتك انتى متشغليش بالك انا هعرف اتصرف واشوف هعمل ايه …..ومش هرجع لبابا عشان لو اتصل عليكى وسألك متقولش ليه انى كلمتك ….سلام يا مدام واجده واوعدك مش هتصل واقرفك تانى …..
كانت براءه هتقفل بوجهها السكه بس والدتها قالت
:- طب روحى لخالتك اه انا بقالى زمن مكلمتهاش وله روحتلها بس اكيد هترحب بيكى وهتشيلك جوه عنيها هيا قلبها ابيض …..وسامحيني يا بنتى انا مش بأيدي حاجه تانيه اعملها غير كدا .
براءه بتضحك بوجع وقالت : هههه مش بايدك حاجه تعمليها ….اتصدقى انى انا غلطانه انى فكرت اكلمك……
والدتها : حقك عليا يا بنتى ….انا قلبى والله بتقطع عليكى انا مش ام وحشه يا برائه بس انا عاوزه اعيش ومخربش بيتى ….روحى لخالتك هى ساكنه فى …………….. هبقى اجى اشو..
براءه مستحملتش اكتر من كدا قفلت بوجها هى موجوعه اوى قلبها بيقطع هى مش عارفه تعمل ايه الدنيا جت عليها اوى عمرها ما ضحكت لها 🥹
اما رحيم كان سامع كل الحديث الذى دار بينها وبين والدتها هو استحقر والدها ووالدتها اد اي هما ليس عندهم رحمه الام بتفكر فى حياتها وبس والأب ليس عنده ذره رحمه هيا صعبت عليه لاول مره يتأثر ويصعب عليه بنت هو ديما عامل البنات لعبه بيلعب بيهم ويقضى معاهم ليله وبس ……
رحيم قرب منها كانت واقفه بتبكى بحرقه هيا فى دوامه كبيره وهيا مش قدها رحيم وضع يده على كتفها هي اتخضت ورجعت لورا .
رحيم :- اهدى يانسه مش قصدى انى اخضك انا اسف ..
براءه مسحت دموعها وقالت : احم عادى وله يهمك ومدت له الهاتف وكملت : شكرا تعبتك اوى انا همشى
وكانت ذاهبه بس هو ..وقف امامها وقال
:- هتمشى بس تروحى فين انا سمعت المكالمه انك هربانه من بيت والدك هو انا مكانش قصدى اسمعك بس انتى كان صوتك عالى ….
براءه بخجل وحزن : ارض الله واسعه هروح الاول ادور على شغل وبعدين اشوف مكان اقعد فيه ….
رحيم: طب انا ممكن اساعدك على فكره
براءه 🥹 بجد ازاى
رحيم : انتى ممكن تقعدى هنا لحد ماتلاقى مكان تروحى فيه ….
براءه : اي ده ازاى تطلب منى حاجه زى كدا انت قليل الادب ومش محترم ….
رحيم: ايه اهدى انا مش قصدى اللى فى دماغك انا مش عايش هنا خالص انا قاعد عند خالتو وباجى هنا فين وفين …
براءه بخجل: انا اسفه مكانش قصدى احم شكرا بجد انا هبقى اشوف مكان وربنا هيسر الأمور…
رحيم :- لا انا قررت انك هتقعدى هنا لحد ماتلاقى مكان ومش بحب اعيد كلامى ….
براءه : بجد انت حد لطيف اوى واول مره اشوف حد كدا ونزلت رأسها بالارض بخجل .
رحيم بصيغه مضحكه: هههه خلاص اهدى قلبتى طماطم خالص انا همشى ….بقولك ايه انا امنتك على البيت اوعى يابت تكونى حراميه وتسرقي .
براءه : حراميه اي ده لا والله انا استحاله اكون كدا وخلاص انا همشى وشكرا ليك .
رحيم: يابنتى انا بهزر معاكى وبعدين زى الست نكديه كدا ليه كل شويه انا همشى ….انا همشى ايه كنت بهزر وبضحك معكي والبيت بيتك ….انا بقى اللى همشى هههه سلام .
براءه لاول مره تضحك من قلبها .
ورحيم سرح فى جمالها وفى ضحكتها الجميله هى كلها جميله …..وفاق على صوتها وهى بتقول .
براءه : انت واقف ليه مش قولت هتمشى .
رحيم: اي ده انتى بطردينى من بيتى هيا حصلت .
براءه بضحكه : ههه اه عندك مانع .
رحيم: لا ياستى سلام لو عوزتي حاجه بلغى الحارس اللى بره وذهب
وبراءه نظرت للفيلا وهى مش مصدقه نفسها هى اخيرا هربت من والدها ومرات والدها .
براءه : شكلك الدنيا هتضحك ليكى يا بت يا براءه
بس افتكرت مكالمه والدتها وانها خايفه على حياتها حته مكلفتش نفسها وتقولها انها هيا فين واجيلك لا هى لامتها انها هربت من بيت ابوها
براءه : الله يسامحك يا ماما انا عمرى ما هسامحكم ابدا
♥️♥️♥️♥️♥️♥️♥️♥️♥️♥️♥️♥️♥️♥️♥️♥️
تفاعلوا لو سمحتوا🙏🙏🙏🙏 🥹🥹🥹🥹🥹🥹
💗💗💗💗💗💗💗💗💗💗💗💗💗💗💗💗
نروح لفيلا زين وكانت فيروز وساندى قعدين فى الريسبشن
فيروز : هتفضلى قلبه وشك كدا كتير
ساندى : هو ده كل اللى همك بقولك حب تانى ….والقصه هتتعاد تانى انا نفسى اعرف امتى حب وشاف البنت دى وبتكون مين …
فيروز : وانتى ايه اللى اكدلك انه بيحبوا بعض
ساندى بعصبيه : هو انا حكيت لمين بقولك كانوا بيرقصوا مع بعض بطريقه غير طبيعيه لاول مره اشوف جاسر كدا …..ورحيم أكد ليا انهم بيحبوا بعض
فيروز : ههههه وانتى هبله وصدقتي جاسر استحاله يوقع فى الحب مره تانيه ههههانتى عبيطه يا بت وانتى نسيتى اللى حصل له زمان …..رحيم اكيد قالك كدا عشان عارف انك مدلوقه عليه وباين جدا…
ساندى : طب اعمل ايه ….انا جاسر مش عاوزا يروح من ايدى جاسر هيكون ليا انا وبس ومحدش هيشاركنى فيه ….
فيروز : طب بصى بقى يا قطه انتى لازم تقربى منه انا هطلب من زين اننا نروح نقضى كام يوم هناك فى القصر الحديدى…..والباقى بقى عليكى لازم توقعة الفتره دى .
ساندى : طب هنقول ايه لي لعمو يونس وطنط شهد وهنقعد معاهم بحجه ايه …
فيروز : الفيلا عاوزه تصليحات …. الموضوع ده عليا بس انتى جهزي نفسك بقى الفتره اللى جايه وغمزت لها ٠.
ساندى : هههه ماشى يا ماما فهمتك …هروح اجهز نفسى من دلوقتى😏🚶♀️
♥️♥️♥️♥️♥️♥️♥️♥️♥️♥️♥️♥️♥️♥️♥️♥️
اما عند ادهم كان عند هشام فى بيته لان هشام اتصل عليه وقال له انه عاوزه فى موضوع ضرورى
ادهم : يا بنى انت بتعمل ايه كل ده اخلص انا قولت مش عاوز اشرب حاجه…
هشام فى المطبخ كان بيحط المخدرات فى العصير
قال : لا ازاى بس ده انا لازم ادوءك العصير لسه عمو جايبه من ايطاليا …هيعجبك اوى
ادهم : طب انجز لان مش عاوز اتأخر
هشام خرج من المطبخ وكان حامل صنيه فيها اتنين عصير …ودخل الصاله وقدم لادهم كوبايه العصير
هشام : دوق بقى وقول اي رايك
ادهم مسك العصير وكان لسه هيشرب تليفونه رن برقم والدته رد عليها
شهد : _________
ادهم: انا عند واحد صاحبى ومش هتأخر
شهد : _____________
ادهم: خلاص ماشى يا ماما سلام دلوقتى
وقفل المكالمه
هشام بتريقه: هيا ماما بتتطمن عليك وله اي
ادهم : اه عندك اعتراض….
هشام : هااا لا طبعا ….
ادهم : قولى انت عاوزنى فى اي لان مش عاوز اتأخر
هشان: هقولك بس اشرب العصير بس وانت مستعجل ليه ده احنا بقالنا كتير مقعدناش مع بعض …
ادهم بدأ يشرب فى العصير
وقال : اي ده العصير ده طعمه وحش اوى .ه بايظ وله اي
هشام: هااا منا قولتلك انه جاى من المانيا ده مستورد
ادهم : هو انت مش قولت ان عمك جايبه من ايطاليا …
هشام : هاااا هو انا قولت ايطاليا …اه سورى اتلغبطت اصل ..انا عندى عم هنا وهنا اصل اتلغبطت
ادهم : ماشى …..
هشام : بصراحه انا كنت جايبك عشان زهقان وعاوز نسهر مع بعض وانت مبقتش تيجى زى زمان …فقولت اكدب عليك واقولك اني عاوزاك في حاجه مهمه عشان تيجى ..
ادهم : وانت ليه تكدب يعنى ….انا مش قصدى مردش عليك بس انا مشغول لان بدأت امتحانات ومش فاضى ….
هشام : اممم عشان كدا طيب اي هتسهر معايا زى الاول وله اي ..
ادهم : لا مش هينفع عشان بذاكر وانا همشى دلوقتى واجيلك تانى .
وقام ليذهب
هشام : ماشى بص ابقى تعالى ….
ادهم : ماشى سلام
هشام: مقولتليش صح العصير عجبك وله لا
ادهم : ههه لا حلو هو فى الاول كان طعمه وحش بس بعد كدا بقى لذيذ سلام هبقى اكلمك….
ومشى ادهم وهشام قفل الباب الشقه
هشام بخوف: ربنا يستر ميحصلش لي حاجه…. منك لله يا قرش اعمل اي الواد ده لو حصل لي حاجه انا هروح فى داهيه …..
♥️♥️♥️♥️♥️♥️♥️♥️♥️♥️♥️♥️♥️♥️♥️♥️
فى شركه الحديدى بالأخص غرفه الاجتماعات
كان جميع المهندسين موجدين ماعدا ديلان لان فى مشروع جديد هيبدؤ فيه .
الياس قال : هي الانسه ديلان فين مش متواجده ليه
رانيا السكرتيره قالت بخبث : لا هي لسه مجتش يالياس بيه وبرغم انى خبرتها امبارح ان فى اجتماع …بس ممكن تكون قاصده تتأخر…
قطع كلامها دخول ديلان
ديلان : انا بعتذر جدا عن التأخير حصلت لي ظروف..
دخلت وقعدت على المقعد كان بجوار الياس .
الياس قال:- طيب نبدأ ….طبعا انا انهارده مجمعكم لان هنشتغل على مشروع جديد …وان شاءالله هننجح فيه زى مانجحنا فى مشروع الكمبوند ….
الياس وجهه كلامه لديلان : ودلوقتى البشمهندسه ديلان هتشرح فكره المشروع بيتكلم عن ايه وبعد ما تخلص لو حد عاوز يقترح حاجه او تسألوا سؤال بعد ماتتنهى من الشرح تمام ….
الجميع قالوا : تمام يا فندم ….
ديلان قامت وتوجهت شاشه العرض التى كانت موجوده وقفت امامها وبدأت تشرح المشروع
ديلان : هنبدأ فى مشروع عمرانى جديد عباره عن قريه سياحيه على طريق *****….. شرحت لهم كل التفاصيل ….و طبعا كالعاده الياس مش معاها وسرح فى جمالها كان مركز معاها جدا كل حركه كانت بتخطيها كان ناظر اليها ومركز فيها…… شعرها التى بيطير وجننه وجهها الملائكى عيونها الجميله وشفيتها الورديه كان بيدقق فى كل تفصيله فيها .. هيا ديما بتسحره بجمالها الطبيعى 🤭☺️
فاق من سرحانه على صوتها وهى كانت تقول
ديلان: كدا انا خلصت ووضحت الفكره المشروع كله …
الياس: فى حد حابب يسأل سؤال
الجميع : لا يافندم
الياس : طيب احنا هنبدا فى تصاميم تخطيط المشروع من بكره تمام….تقدروا تفضلوا…..
الكل خرج ليتوجهو الى مكاتبهم ليتابعوا عاملهم
ديلان كانت ذاهبه لمكتبه بس وقفت لان رائف نده عليها
(رائف بيكون مهندس وظهر كذا مره )
رائف واقف امام ديلان وقال : احم انسه ديلان ممكن ثانيه .
ديلان : نعم يا بشمهندس فى حاجه …
رائف: احم بصراحه كدا …انا مش هلف وله ادور انا…..وسكت .
ديلان بعدم فهم : انت اي يا بشمهندس ممكن تلخص عشان عندى شغل .
الياس خرج هو الاخر وقف لما نظر وشاف ان ديلان ورائف واقفين مع بعض و فجاءه ضغط على كف يده بقوه وعيونه احمرت وكشر بسبب الجمله التى قالها رائف لديلان .
رائف قال لديلان بحبك
: انا بحبك يا ديلان وعاوز اتجوزك ……
يتبع….
- يتبع الفصل التالي اضغط على ( رواية غرام النمر ) اسم الرواية
تعليقات
إرسال تعليق