رواية عمياء وسط الذئاب الفصل التاسع 9 - بقلم محمد طه

     رواية عمياء وسط الذئاب كاملة    بقلم محمد طه    عبر مدونة كوكب الروايات 

رواية عمياء وسط الذئاب الفصل التاسع 9

البارت 9

_ممدوح…امي قالتلي على تفسير الحلم..

اللي بتحلمو نور.. وسبب إحنا ليه..

مش بنرد على نور ف الحلم

_نرجس بقلق وخوف… قالتلك إيه يا أبو نور

_ممدوح… قالتلي الحلم دا بنسبه كبيره جدآ..

هيتحقق ولو اتحقق.. إحنا مش هنبقى موجودين..

عشان كده ما بنردش على نور ف الحلم

_نرجس بخوف وانفعال… لأ.. لأ.. أمك كبرت وخرفت..

أمك اتجننت ياممدوح.. بنتي مش هيحصلها حاجه..

بنتي مش هيحصلها حاجه يا ممدوح

_ممدوح يهدئها… اهدي يا نرجس البنات جوه يسمعوكي..

وينظر للسماء.. المكتوب مفيش منو هروب..

لله الأمر من قبل ومن بعد

__مع طلوع نور ونهله من الاوضه __

_نور… إحنا جاهزين يا بابا..

بس بعد إذنك أنا هاخد الدب معايه

_ممدوح… ماشي يا نور خديه

____عند جده نور _____

_ممدوح… إزيك يا أمي عامله ايه

_الجده… الله يسلمك يا حبيبي

_نور… إيه رأيك يا جدتي ف الدب ده

_الجده… على قد ما هيفرحك.. على قد ما هيخوفك

_نور… هوه فعلاً يا جدتي خوفني مره

_نرجس بانفعال… خوفك.. خوفك إزاي يعني

_نور تطمئنها… اهدي يا ماما مفيش حاجه

_نهله… مفيش حاجه دا إيه.. لأ دا فيه وفيه..

أنا هقولك يا مرات خالي.. نور نامت كده حوالي ساعه..

وكانت منيمه الدب جنبها.. صحيت شافت الدب..

قاعد قدامها عالكرسي وف ايدو سييي سييي..

وكانت هتقول سيجارة.. بس جدتها وخالها قاعدين..

لحقت نفسها وقالت.. سيفن آب بيشربها

بقلم… محمد طه عبد المجيد

_نور… يا ماما أهدى ما تخافيش.. هوا كل دا حصل..

بس هيا اللي عملت كل ده..

هبله بقا ونعذرها

_الجده… نور خدي الهبلة دي.. وادخلي جوه..

عايزه أبوكي وأمك ف كلمتين

_نور… حاضر يا جدتي قومي يا هبله.. سيفن آب

_الجده… مالك يا نرجس.. فيه إيه..

دا انتي حتى ما سلمتيش عليا

_ممدوح… معلش يا أمي.. نرجس متوتره بس من..

الحلم اللي بتحلمو نور..واتوترت أكتر..

لما قولتلها علي تفسير الحلم.. اللي انتي قولتيلي عليه

_الجده… وطبعاً قولتي عليا إني كبرت وخرفت واتجننت

_نرجس بدموع… إيه اللي هيحصل لبنتي يا أمه

_الجده… اللي هيحصلها هيبقى كله خير ان شاء الله

_ممدوح… شوفي يا أمه لو انتي شايفه..

إن المشكله ف الشقه.. أنا من بكره الصبح..

هدور على شقه تانيه

_الجده… الشقه الخطر اللي فيها وحواليها ذاد

_نرجس بخوف… خطر.. إحنا عملنا إيه..

عشان يحصلنا دا كله

_ممدوح… اهدي يا نرجس.. مش عايزين نور تحس بحاجه

_الجده… قوم يا ممدوح.. خد مراتك وادخلو نامو..

وابعتلي نور تنام معايه الليله

___الجده ونور ___

_نور وهيا نايمه ف حضن جدتها والدب نايم جنبها

_الجده… حلو الدب دا يا نور

_نور… انا حبيتو أوي يا جدتي.. واتعلقت بيه بسرعه..

مع إنو رعبني.. بس انا ما خوفتش منو..

أول ما شوفته قاعد قدامي عالكرسي..

قولت أكيد دا حلم أو كابوس..

أول مره استفاد من الحلم بتاعي..

اللي طالعلي ف البخت ده..

كل ما اشوف حاجه وحشه أو حاجه تخوف..

أقول دا أكيد حلم أو كابوس

_الجده… انتي طيبه يا نور.. وان شاء الله..

ربنا هيحميكي..من الديابه المصعوره..

قدرك إنك اتولدتي ف وسط غابه..

قدرك إنك تكوني طيبه وتبقي بالبراءه دي..

_وتبص عليها الجده تلاقيها راحت ف النوم

_بعدين تبص للدب حوالي خمس دقايق

وتقوله… هتقدر تحميها

_الدب… هقدر…….

• يتبع الفصل التالي اضغط على (   رواية عمياء وسط الذئاب) اسم الرواية