رواية فرصه ثانيه كاملة بقلم وعد حامد عبر مدونة كوكب الروايات
رواية فرصه ثانيه الفصل الثاني 2
لاحظت نظراته اللي اتحولت بعدها من البرود للحقد والكره اللي معرفش سببه وفجأة لقيته بيسحبني من شعري وبيفتح الباب وبيرميني برا !!
بصتله بصدمه وانا مش مصدقه قفل الباب في وشي وانا قعدت علي السلم اعيط بحسره وانا مش عارفه اعمل ايه ولا اروح فين دلوقتي ومن جوايا بدأ قلبي يشيل منه لأول مره واحس اني كرهته فجأة بعد اللي عمله دلوقتي لقيت فجأة باب الشقه بيتفتح بعد نص ساعه تقريباً من قعدتي علي السلم قرب مني بهدوء وهو بيقول : انا اسف مكنتش اقصد اطردك برا البيت بس الغضب كان عاميني من تصرفاتك معايا اتفضلي ادخلي بس ياريت تتجنبيني خالص عشان اللي حصل ده ميتكررش تاني
أومأت له وانا حاسه اني معنديش كرامه طردني بمزاجه ورجعت له تاني بمزاجه انا لازم اعمل كده اهلي صعبين جداً ولو اشتكيتلهم منه او طلبت الطلاق ممكن يقتلوني فانا لازم اتحامل علي كرامتي لحد ما اشوف هعمل ايه الفتره الجايه دخلت البيت وانا ببتسم بسخريه وآلم للاكل اللي كنت واقفه في المطبخ بقالي ساعتين بجهزه ودخلت اوضتي علي طول غيرت هدومي ونمت علي السرير من غير ولا كلمه وانا بعيط بس !!
قومت تاني يوم وانا عيني حامره من العياط ومصدعه خدت شاور وبدأت ارتب الشقه و دخلت اوضته ملقتهوش فيها ابتسمت بهدوء وانا بحمد ربنا وبكمل ترويق خلصت ترويق وانا بقعد في الصاله بفكر هعمل ايه وهفضل مستمره معاه واحنا علاقتنا بالشكل ده ولا انفصل عنه وفجأة لمعت في دماغي فكره ابتسمت بفرحه وانا بجري علي اوضتي !!!
عند جاسر
دخل الشغل بخنقه لقي احمد في وشه وهو بيبتسم بلطف : مالك يا عم مش طايق نفسك علي الصبح ليه حصل ايه تاني ؟
جاسر بملل : مصممه بردو تقربني ليها باي شكل تصور روحت انهارده البيت لقيتها مجهزه اكل وعماله تقولي في كلام معسول واخر ما زهقت طردتها برا البيت
احمد بصدمه : ايه طردتها برا البيت انت اتجننت
جاسر بملل اكبر : يا عم اهدي طلعت بعدها اعتذرتلها ورجعتها تاني بس انا زهقت يا احمد منها لامتي هنفضل كده !!
احمد بهدوء وجديه : بس يا جاسر انا قولتلك اديلها فرصه وانت مرضتش وانت مش راضي تطلقها عشان اهلها ممكن يقتلوها فيها وانت مش عايز تكون ظالم فانت الحل الوحيد ليك تديلها شويه فلوس تجيب بيهم شقه حلوه ومبلغ في البنك وتطلقها وساعتها هي مش هتضطر ارجع لاهلها تاني وانت هتكون خلصت منها
جاسر باعجاب : حلو اوي ثم اكمل بعبوس : بس انت عارف اني يدوبك قبض الشغل مبيكفيش حاجه
احمد بتفكير : خلاص يا عم اضغط نفسك شويه في المصاريف واستني شويه يعني مش لازم تمشي بكره عما تكون جمعت الفلوس تكون عدي اربع خمس شهور
جاسر بسخريه: اهو اي حاجه تخلصني منها
احمد باستغراب : للدرجه دي
جاسر بسخريه اكبر : واكتر من كده والله انت متعرفش انا مستني اليوم اللي هخلص منها فيه ده قد ايه ؟
قاطع كلامهم صوت انثوي يعرفه جاسر جيداً : جاسر !!
يتبع…
- يتبع الفصل التالي اضغط على ( رواية فرصه ثانيه ) اسم الرواية
تعليقات
إرسال تعليق