رواية رؤيا كاملة بقلم دينا محمد عبر مدونة كوكب الروايات
رواية رؤيا الفصل السادس 6
في سياره عاصم عاصي بيحاول يكسر الصمت
طنط شكلها طيبه وزوق جدا، بس غريبه انتِ مش طلعلها ليه
رؤيا بغضب: قصدك اني قليله الزوق
عاصي بيضحك: لا خالص بس مامتك شكلها هاديه وانتِ شكلك مش هاديه خالص
رؤيا: ليه شايفني بشد في شعري
عاصي لا وكمان دبش ما شاء الله
رؤيا بغيظ أنا برضو اللي دبش انت مش شايف طريقه كلامك
عاصي بمكر :انا بقول رأيي بس مش اكتر
ياريت تحتفط برأيك لنفسك
عاصي بيضحك هحاول
بس بجد انتِ بقالك قد ايه شغاله في موضوع النحت
رؤيا استغربت تحوله من الهزار والتريقه للجد
من زمان جدا وأنا عندي ٩ سنين عملت أول تمثال لوحدي
ابتسمت بابا الله يرحمه كان فرحان بيا اوي، هو اللي علمني وخلاني احب النحت
عاصي بحزن وحس بوجعها
ربنا يرحمه اكيد هو حاسس بيكي وفخور بيكي
رؤيا : اكيد هو بيجيلي علطول في الحلم وبيتكلم معايا وبيشجعني
عاصي: احنا خلاص وصلنا، ثانيه واحده هنزلك وهبعت حد يجيب الحاجه
رؤيا باصرار:لا هنزل لوحدي
عاصي بغيط:حاجه جديده عرفتها دماغك ناشفه كمان
رؤيا فتحت باب العربيه ونزلت وهي معاها العصا بتاعتها
عاصي وقف يشوفها وسرح في قد ايه هي عنيده وقويه وده عجبه جدا
فاق من سرحانه علي رؤيا اللي كانت هتتكعبل في طوبه علي الارض، جري عليها ولحقها في آخر لحظه وفجأه كانت في حضنه حس ان الدنيا كلها وقفت، سرح فيها ازاي ملامحها جميله كده ، حس بأنفسها السريعه علي رقبته اتمني انه يفضل كده طول عمره مش عايز اكتر من انها تكون في حضنه
فاق علي صوتها، استاذ عاصي
حاول يسيطر علي نفسه، انتِ كويسه
رؤيا بصوت مبحوح ايوه الحمد لله
شوفتي لو كنتي بطلتي عند مكنش في حاجه حصلت
رؤيا بغيظ لا عادي أنا متعوده امشي لوحدي مش اول مره
عاصي: مش هنتكلم في الشارع، يالا اتفضلي ندخل المعرض
عم سعيد لو سمحت ابعت حد يجيب الحاجه من العربيه
اتفضلي الكرسي علي اليمين خطوتين بس
ها تحبي تشربي ايه
رؤيا:شكرا مش عايزه حاجه
عاصي: رؤيا هتشربي ايه
رؤيا بتوتر انه قال اسمها من غير ألقاب، خلاص ممكن قهوه بس تكون ساده
عاصي بإستغراب ساده
ايوه بحبها ساده
عاصي طلب القهوه وطلب ليه واحده زياده
عم سعيد واقف عند الباب
عاصي تعالي ياراجل ياطيب ايه الاخبار
دخلنا الحاجه خلاص
عاصي: تمام وزعهم مع الحاجات اللي هتتعرض وأنا شويه كده وطلع اشوف ايه الأخبار
رؤيا باستغراب هتعرض الحاجه من غير ما تشوفها
عاصي: لا شوفتهم وانا بنزلهم من البيت وبعدين أنا ليا نظره ومن أول ما شوفت الشغل اللي فات وأنا متأكد انك موهوبه وكل شغلك هيكون ممتاز
رؤيا بثقه شكرا لحضرتك
عاصي :هو انا ممكن اسألك سؤال شخصي شويه
رؤيا: ايه سبب اللي حصلك، صح كده مش هو ده السؤال
عاصي بيضحك وكمان طلعتي ذكيه
رؤيا بدأت تحكيله عن الحادثه
عاصي كان متأثر جدًا وبيقول لنفسه انتِ شوفتي كتيير في حياتك يا رؤيا، وطبعا لازم تظهري للناس انك قويه وعنيده علشان مفيش حد يوجعك أو يجرحك بس أنا متأكد ان ده مجرد قناع وتحته في بنت جميله رقيقه وأنا وراها لحد ما تظهر
رؤيا: استاذ عاصي انتَ معايا
عاصي: ايوه بس الطب دلوقتي اتطور واكيد في حل
رؤيا: أنا تعبت من الدكاتره ومعنديش أي استعداد اتعلق بأمل تاني ويروح في لحظه أنا مبسوطه كده
أنا لازم اروح
عاصي: طلع ظرف وحطه في ايديها، دي دفعه من فلوس الشغل وعايز أقولك ان معظم شغلك اتباع وهستني الشغل الجديد
رؤيا : تمام ان شاء الله في أقرب وقت
وقفت هستأذن حضرتك
عاصي مسك ايديها، انتِ متخيله إني هسيبك تروحي لوحدك
رؤيا بتوتر : ايوه عادي
عاصي تجاهلها طيب يالا اتفضلي معايا خلي بالك هنطلع درجتين دلوقتي
عاصي راح للعربيه وفتح الباب وساعد رؤيا علشان تدخل
- يتبع الفصل التالي اضغط على (رواية رؤيا ) اسم الرواية
تعليقات
إرسال تعليق