رواية العشق الممنوع كاملة بقلم مارلي إيهاب عبر مدونة كوكب الروايات
رواية العشق الممنوع الفصل السابع و الستون 67
بعد مرور ثلاث اشهر علي الاحداث الماضية حدث فيهم بعض الامور
بنسبة لمهاب فتح شركة صغيرة علي قده و اشتغل فيها هو وايهم
ومريم حاليا حامل وفي شهرها الثاني
وجني كمان حامل وفي شهرها الاول
وانس كما هو مهاب يعامله مثل ابنه بظبط
وحياتهم مستقرة جدا
واكمل وبناته حياتهم مازلت مستقرة ولا يوجد بها شئ جديد
……………………….
بنسبة لرحمة بعد رجوعها بيت خالها بعد شهر اكتشفت انها حامل من عمر وعرفته ومكنش مصدق و كلامه كان
فلاش باك
كان يقف هو وهي لوحدهم وهو يمسك ايديها بغضب
عمر بغل…. انتي هتستعبطي مش مني انا مجتش جنبك غير هي مرة واحدة وجاية بتقولي انك حامل
رحمة بصدمة وبكاء…. انا معملتش حاجة ده ابنك صدقني
عمر بغل… لا اكيد منه هو مهو اكيد مش هو لمسك بدل المرة عشرة ومحملتيش منه وانا هي مرة واحدة وتبقي حامل مني مش هصدقك وبعدين انتي بقالك هنا شهر من ساعة ما اطلقك يمكن رجعتي للقرف اللي كنتي فيه صح
رحمة ببكاء… حرام عليك يا عمر انا معملتش حاجه اقسم بالله
عمر زقها وقال بغضب… انا مش معترف بيه ولا هعترف بيه سامعة
وتركها و ذهب ومن وقتها لم تعد تراه
خالها حسن عرف الموضوع هو مراته و اخته
وكانوا عارفيين ان رحمة مخرجتش من البيت من ساعة ماجت وحاولوا يفهموا ان ده ابنه لكن هو مصر علي كلامه
………………………………..
نبدا حلقتنا
في الكلية كان يجلس عمار و حورية في المحاضرة
بعد انتهاء المحاضره ذهبوا الي الكافتيريا
وجلسوا
عمار بابتسامة… تشربي ايه
حورية بابتسامة غصب عنها…. اي حاجه
عمار اتنهد بضيق … لو سمحت اتنين كابتشينو
نظر عمار وقال بحزن….. حورية بقالك فترة متغيرة ليه فضفضي معايا ايه اللي مضايقك.
حورية بدموع… عمار انا عايزة اكشف
عمار بقلق.. ليه انتي تعبانة ولا حاجه
حورية بدموع… بقالنا سبع شهور متجوزين و محصلش حمل
عمار اتنفس براحة… ياحورية احنا مش. بقلنا كتير متجوزين يعني علي الاقل نقفل السنه ونبقي نكشف
حورية بدموع… مش شرط انا صحبتي اتجوزت ومكملتش تلات شهور ومشاء الله حملت وانا لسه محملتش احسن يكون فيا حاجه
عمار مسك ايديها بابتسامة…. حبيبتي ده حاجه بتاعة ربنا بس لو انتي مش هترتاحي غير لما تكشفي تعالي نكشف انا وانتي
حورية بدموع وقلق… ولو طلعت مش بخلف
عمار بهدوء… انتي ليه بتفترضي السئ يا حورية
حورية بدموع…. برضه عايزة اعرف ردك
عمار ابتسم بحب…. لو ربنا مش رايد لينا الخلفة مش فارق معايا يا حورية انا لو عايز عيال عايزهم منك انتي لانهم هيربطتوا بيني و بينك للابد
لكن لو مش رايد ربنا مفيش حاجه هتتغير انتي حبيبتي و روحي ووجوك جنبي يغنيني عن العالم كله
حورية بدموع…. بس برضه عايزه اكشف
عمار ابتسم.. طيب يا ستي تعالي نكشف وانا كمان معاكي
حورية بابتسامة ودموع… طيب يلا
عمار بابتسامة… طيب و الكابتشينو
حورية بابتسامة… مش. مهم
عمار دفع حق الكابتشينو وقام هو حورية وركبوا العربية وهما ماسكين ايد بعض لغاية ما وصلوا
مركز نسا و توليد
نزلوا الاتنين واول ما دخلوا العيادة اتصدموا
عمار بصدمة… ينهار اسود كل دول احنا هندخل الفجر كدة
حورية ابتسمت ونظرت له برقه… حبيبي مش مهم نحجز وخلاص
عمار اتنهد وقال.. طيب انا ابويا هينفخني اتاخرت علي الشغل
قرب من الاستقبال وقال بهدوء… هو انا ممكن ادخل حجز مستعجل
… طبعا يا فندم
عمار بابتسامة.. طيب لو سمحتي عايز احجز كشف مستجل بس بسرعة مش هقدر استحمل استني دول كلهم
الاستقبال بهمس… شوف يا فندم هو الكشف 1000 المستعجل 1500 المستعجل اوي اوي 2000
عمار اتنهد بضيق وقال… اعملي مستعجل اوي اوي يا انسة
حورية بصدمة… اية ياعمار الاسعار دي
دفع عمار 2000 جنية وجلس هو وحورية
حورية بصدمة… ده الدكتور عندنا اكتر حاجه بياخدها 250 جنية دي واخدة 2000
عمار ابتسم بهدوء… حبيبتي ده مركز كبير اوي واكيد لازم هيبقي غالي جدا عم اي مكان بره
لسه حورية هترد
الاستقبال… استاذة حورية تتفضل
عمار بابتسامة… يلا
دخلت حورية وعمار وهي متوترة جدا رات طبيبة كبيرة في السن وجهها بشوش والطيبة علي ملامحها
الدكتورة… اتفضلوا استريحوا
حورية وعمار جلسوا بهدوء
الدكتورة بابتسامة…. اتفضلي حضرتك بتشتكي من اية
حورية بتوتر.. احنا متجوزين من سبع شهور ولحد دلوقتي محصلش حمل
الدكتورة ابتسمت… انتم صغيرين خالص بس يا حبيبتي سبع شهور دول قليلين جدا تبداي تدوري علي الحمل بعد سنه من الجواز بس احنا حاليا هنعمل اتشك اب والاستاذ هيعمل تحاليل برضه علشان نطمن من كل الجهات
حورية بتوتر.. اوك
الدكتورة بابتسامة… اتفضلي اعملي انتي التحاليل دي وانت التحاليل دي وتعالوا في فوق في المركز قسم للتحاليل اعملوا التحاليل وتعالوا بس دلوقتي اتفضلي معايا يا مدام حورية نكشف و نطمن
حورية بتوتر…. حاضر
جلست حورية علي الشزلونج وهي متوترة وعمار يجلس مكانه
بعد مرور بعض الوقت
الدكتورة بابتسامة… الكشف المبدئ مفيش حاجه لكن اللي هيثبت التحاليل
حورية بابتسامة… شكرا هنعمل التحاليل وهنيجي لحضرتك
الدكتورة بابتسامة.. في انتظاركم
عمار خرج بهدوء هو وحورية وطلعول علي قسم التحاليل
لو سمحت عايزين نعمل التحاليل دي
… تمام اتفضلوا
جاهزهم و اخدوا العينات
عمار بهدوء… هيخلصوا امتي
… كمان ساعة و نص يا فندن
عمار بهدوء.. تمام يلا
حورية بهدوء… مش. هنستني التحاليل
عمار ابتسم… حبيتي هنقعد ساعة ونص هنا نستني
حورية بابتسامة… علشان خاطري يا عمار
عمار ابتسم… علشان خاطرك انا اعمل اي حاجه تعالي
جلسوا في مكان الانتظار
. ……………………
في الجامعه كان يجلس زياد في مكتب الدكتورة كارما
كارما بابتسامة… ها يا زياد فهمتها ولا لاء
زياد بضيق.. لا
كارما ابتسمت وقالت.. طيب انت فين المشكله عندك انا شايفة انك شاطر ومجتهد و بتحل كل حاجه ليه المسألة دي مش قادر تفهمها
زياد بضيق.. يا كارما دي مسألة معقدة مش قادر افهمها
كارما بهدوء…. طيب اية رايك نشرحها مثلا بطريقة تانية يمكن تقدر تفهمها
زياد بهدوء… معلش يا كارما تعبتك معايا.
كارما بابتسامة.. مفيش تعب ولا حاجه
يلا نبدا
كارما عدت شرح المسألة تاني و بعد مرور ربع ساعة
كارما بابتسامة… ها فهمت
زياد بتنهد… الي حد ما
كارما بابتسامة… مع التكرار هتفهمها هي صدقني سهلة بس محتاجة منك التركيز الشديد
زياد بابتسامة…شكرا دكتور تعبتك معايا.
كارما بابتسامة.. مفيش تعب ولا حاجه يا زياد انا كتبتلك كذا مسألة نفس النوع حاول تجرب فيهم علي قد ما تقدر
زياد بابتسامة… ان شاء الله بعد اذنك
كارما بابتسامة… اتفضل
بنسبة لزياد و كارما اتعرفوا علي بعض وفهموا بعض جدا وخصوصا ان سنهم زي بعض مكنوش طالب ولا طالبة كانوا يتحدثون بمنتهي الاحترام سوا والاثنان يعجبان ببعضهم ولكن. لا احد منهم لديه الشجاعة علي الكلام
هي الدكتورة تعجب باحد طلابها وهذا مرفوض
اما بنسبة له… هو يعجب بالدكتورة الخاصة بيه وهذا مرفوض
اما الطلبة يتعاملون كادكتورة و الطالب ولكن في المكتب ينديها باسمها عادي
…………………..
في الشركة كان يجلس مهاب علي مكتبة
الباب خبط
مهاب بهدوء… اتفضل
دخلت شاهندا وهي تنظر للارض بحزن
مهاب بضيق… نعم
شاهندا بدموع… مهاب انا جاية ليك علشان تساعدني
مهاب بسخرية… اساعدك في اية بقي
شاهندا بدموع… دخلت صفقة و خسرت كل ما املك والبنك حجز علي كل حاجه بس مش مكفيين يا مهاب
مهاب بسخرية.. المطلوب
شاهندا بدموع… تساعدني انا كدة هتدمر وهعيش في الشارع
مهاب بضيق.. وانتي عايزة كام بقي
شاهندا بدموع…. عشرة مليون
مهاب بضيق.. انا معيش المبلغ ده يدوب اللي كانوا معايا فتحت بيهم الشركة دي
شاهندا بدموع… بيع الشركة. العربية و كل اللي تقدر تبيعه انت واخوك بيعه المهم اني مترميش في الشارع
مهاب بسخرية… وللهي لا طبعا مش. بعد كل اللي عملته جاية تقولي بيع مش. هبيع. لاايهم هيبيع تعرفي ليه لانك انانية مش. بيهمك الا نفسك و بس
انتي السبب اني امشي من الشركة وانتي السبب اني اقطعك كل اللي يهمك الفلوس مش. مهم سعادتنا كل اللي بيهمك الفلوس زي اكمل بظبط ازاي ازاي تجمعوا فلوس مش. مهم انتم هتيجوا علي مين
اسف طلبك مرفوض انا معيش الفلوس ولا حتي جزء منها انا لسه ببني نفسي
شاهندا بدموع… طيب خلي مريم تكلم ابوها يسلفهملي ارجوك
ضحك مهاب بسخرية…. وللهي مش دي اللي انا اتجوزتها وانتي قولتي ملقتش غير دي دلوقتي عايزه مساعدتها ليه انا مش. هطلب منها حاجه ولا هكسر نفسي قدامها واطلب منها
شاهندا بدموع…. انت هتتكسر فعلا لما امك تترمي في الشارع
مهاب بسخرية…. انتي مش قولتي اني بنسبة ليكي ميت اعتبريني كذلك
شاهندا بدموع… بقي كدة مش عايز تساعد امك في محنتها
مهاب بدموع… وانتي امتي ساعدتيني في محنتي امتي وقفتي جنبي وساعدتني ولا مرة قعدتي معايا و صاحبتني كنتي بتشوفني زعلان مش بيهون عليكي تقولي مالك لا انتي ولا هو طول الوقت سفر وخروجات مفيش مرة اخدتني في حضنك مفيش مرة قربتني مني وبعد ما خلفتي ايهم ادتيله كل الدلع والحب وانا كنت زي ما انا رمي مليش اي لازمة انا يوم ما غبت عن البيت اسبوع محدش عبرني ولا سال عليا ولا بمكالمة تلفون انا عمري ما حسيت بهتمامك ليا ولا خوفك عليا لما جه ايهم بعد عشر سنين كنتي بتدلعه دلع طلعه عيل صايع وانا كنت ببص ليه واحنا صغيرين و اقول في عقل بالي يعني في ايه مميز عني علشان تحبيه هو وانا لا ليه كنتي دايما تفرقي بيني وبينه عمرك ما حبتني طول الوقت كان ايهم هو محور الاهتمام يا شاهندا هانم امشي انا لا عايز اشوفك ولا اساعدك يلا امشي
خرجت شاهندا وهي تبكي هذا حصاد ما زرعته
……………..
في البيت عند رحمة كان يجلس حسن معها هي حالتها تغيرت عن قبل بكثير عيونها محمرة من البكاء وجهها دبلان ومصفر نقصت وزن كثيراً عن قبل
حسن دخل ليها يتحدث معها
حسن بحزن….. بكفياكي عاد يا رحمة يا بتي اللي بتعمليه في روحك ده صدجيني عمر هيرجع عن اللي بيعمله ده هو بس محتاج شوية وجت (وقت) وهيرجع عن اللي عمله ده
رحمة بدموع وعيون تنظر بقهر…. انا مش زعلانة مش زعلانة يا خالي عمر معه كل الحج علشان انا اللي رخسرت نفسي وجليت بيها يا خالي بعد بكرة بس عايزة يجي معايا ويعمل التحاليل واذا مكنش ابنه انا هنزله ولو ابنه يكتبه بااسمه مش طالبه منه اي حاجه تاني هو ده بس اللي نفسي فيه كلمه بس جوله انا بتصل بيه مش بيرد عليا
حسن بحزن… حاضر يا رحمة يابنتي هتصل بيه و هشوف اخرتها معه
رحمة بدموع… متشكرة جوي يا خالي
حسن بحزن…. علي ايه هسيبك ترتاحي و هبعتلك الوكل وكلي عشاني بلاش انا علشان يابتي اللي بطنك ده ذنبه ايه
رحمة بدموع… حاضر
حسن هز راسه بحزن وخرج وكانت والده رحمة تجلس بحزن
صابحة بوجع… كيفها دلوجتي
حسن بحزن…. بخير بس روحي اتكلمي معها خديها في حضنك
صابحة بوجع… مجدرش يا خوي بعد ما حطت راسي في الطين اكلمها واديك شايف ابنك مش عاوز يعترف بالعيل ومعه حق يشك فيها
حسن بحزن… حرام عليكم خلاص ربنا تاب عليها انتم هتموتوها بحسرتها بكفياكم بقي جسوة القلب دي يا صابحة عمر انا هتحددت معه و هجيبه هنا سبيه عليا لكن دي بنتك روحي خديها في حضنك طمنيها دي عيله لسه مكملتش العشرين سنه
صابحة بوجع… مجدراش يا خوي
حسن هز راسه بحزن علي رحمة التي لا احد في صفها
قام حسن ودخل المكتب و اتصل علي عمر
عمر بضيق… الو يا ابوي
حسن بحزن… عايزك تيجي هنا يا عمر بكرة
عمر بضيق.. ليه
حسن بحزن… رحمة هتاخدك وتروحوا تعملوا تحاليل DNA للجنين علشان تعرف اذا كان ابنك ولا لاء
عمر بضيق… ماشي بس هيتعمل في مصر لاني مش واثق فيها تدفع و تزور التحاليل
حسن بعصبية… كفياك يا عمر اللي انت بتعمله ده بنت عمتك. مش. من الشارع هي مخرجتش من عندي من ساعة ما طلجتها
عمر بغل… وانا بقي مش. واثق انها مخرجتش من ورايا انا والفيلا كانت بتشغي رجالة حراسة
حسن بصدمة… لا انت اتجنينت خلاص مبقاش فيك عجل اقفل تجي بكرة فاهم
عمر بضيق… مش جاي ابعتها في قطر وانا هستلمها من هتا
حسن بحزن…. ماشي يا عمر
وقفل الخط وهو مضايق من ابنه
………………
في مكتب اسيل كانت تقف وهي مصدومة و تسند علي المكتب بصدمة
معتز يجلس امامها بحزن.
اسيل بصدمة… انت فاهم انت بتقول اية يا معتز فاهم معني كلامك ده
معتز بحزن.. وجية سن سنانه عليكي من اخر مقلب عملتيه في ابنه ومش مش ساكت دي تاني شركة تقع لينا يا اسيل كلمي وجية اتصافي معه هو مش سهل ابدا يا اسيل مش سهل هيدمرنا شركتين وقعوا مش فاضل غير اتنين انا شغلي اتخرب انا اتبهدلت و شركتك ومش عاوز اخسر كل اللي بنيته في عمري اتصلي بيه و اعتذري خليه يوقف اللي بيعمله ده
اسيل هزت راسها بدموع… هكلمه هكلمه
فتحت تلفونها وهي ايديها بترتعش والدموع في عينيها
وجية رد ببرود… عايزة ايه
اسيل بدموع…. وجية ا
وجية قاطعها وقال ببرود… تؤ تؤ تؤ اسمي وجية بيه
اسيل بدموع…… وجية بيه كفاية كدة وقعت ليا شركتين ارجوك انا فضلت ابني نفسي سنين
وجية ببرود وضحكة بارده… وانا اعملك ايه انا يا اسيل بكرة اوي اللي يجي جنب ولادي واديكي شوفتي لما قلتي بعقلك معايا حصل
اسيل بدموع… طيب اوعدك اني هبعد عنكم خالص و مش هعمل اي حاجه تاني ارجوك يا وجية بيه سامحني انا اسفة
وجية ببرود… هفكر اسيبك في حالك بس مش اكيد
وقفل الخط وهي نظرت للهاتف وجلست تبكي
ومعتز خبط ايديه علي المكتب بغضب وخرج من المكتب
…………………
في العيادة
كانوا يجلسون امام الطبيبه
الدكتورة بابتسامة… مفيش اي مشكلة لا عندك ولا عنده هي مجرد وفت و هكتبلك كمان علي شوية فيتمنات و منشطات تمشي عليها وان شاءلله قريب اوي يحصل حمل
حورية بابتسامة فرح.. متشكرة جدا يا دكتورة
الدكتورة وهي بتديها الرشته… لا شكر علي واجب يا حورية يا بنتي ربنا يرزقكم الزرية الصالحة يارب اتفضلي
حورية بابتسامة…. شكرا بعد اذنك
الدكتورة… اتفضلوا
خرجوا الاتنين بره المركز
فتح عمار باب العربية ليها وهو مبتسم
ركبت حورية
عمار بابتسامة….. اتمني تكوني اطمنتي
حورية بابتسامة… اطمنت نفسي في ولد او بنت منك يا عمار
عمار بابتسامة… ربنا يدينا يلا نروح بقي انا تبعت انهارده
حورية بابتسامة… اوك
…………………….
في بيت انجي كانت تجلس بضيق من الوحدة اللي ملازمها
الباب خبط قامت تفتح بهدوء شافت خالد عم حورية
انجي بضيق… نعم
خالد بهدوء.. هتسبيني واقف علي الباب
انجي بضيق.. اكيد انا قاعدة لوحدي مش هدخلك
خالد بضيق… طيب يا انجي ردك ايه علي الكلام اللي قولته ليكي
انجي بضيق… انت مجنون مش موافقة طبعا رفضك بدل المرة عشرة مش بتفهم ولا اية
خالد بتصميم.. وانا هفضل وراكي. لغاية ما توافقي بقالي اكتر من اربع شهور كل شوية اطلبك و ترفضي مش هسيبك غير لمل توافقي
انجي بعصبية…. يبقي هتفضل العمر كله مستني
خالد بغل… شوفي لو موفجتيش حورية مش هتاخد حق احمد من ورث ابويا وامي
انجي بضيق… حورية مش محتاجه اتفضل من هنا
وقفلت الباب في وجهه
خالد بغضب وهي بيرزع علي الباب… مش هسيبك يا انجي و هتجوزك يعني هتجوزك سبتك زمان لاحمد لكن دلوقتي انا مش هسيبك
اسمتعت له انجي وهي تبكي بصمت لا تعلم كيف تتخلص من هذا المختل
……………………..
في الوقت الغداء كانت تجلس نور و وجية و عمار وحورية
كان وجية سرحان وعمار بينظر له ويبتسم
ونور مستغربة ولدها اللي بقي شارد دايما و بيبتسم
حورية همست لعمار بضحكة… عمار هو ابوك بيحب جديد ولا اية
عمار ضحك وقال بابتسامة.. باين كدة
نور بهدوء.. بابا يا بابا
وجية انتبه لها وقال بهدوء… في حاجه يا نور
نور بهدوء… مالك يا بابا طول الوقت سرحان
وجية بهدوء.. لا مفيش انا بسرح شوية كدة في تفاصيل الشغل واللي حصل فيها متشغليش نفسك
حورية وعمار كتموا ضحكتم و وجية خد باله وقال بصوت حاد… في اية يازفت منك ليها
حورية ابتسمت غصب عنها وقالت بضحك….. مفيش حاجه يا عمو ده هو اللي بيضحكني
وجية ابتسم وقال… ما انا بعد كدة مش هخليه يعرف يضحك خالص
لسه عمار هيتكلم تلفون حورية رن
حورية باستغراب… دي طنط ام محمود جراتنا
الو
… ايوه يا بنتي ازيك.
حورية بقلق… ماما فيها حاجه
وجية استمع ليها بقلق
… لا ابدا بس حاجه كدة حصلت وانا قولت لازم اقولك
حورية بتوتر.. يا طنط اتكلمي بقي بلاش تتعبي اعصابي
… بصي من كام شهر كدة امك جت واتكلمت معايا وقالت ليا يعني ان عمك خالد اتقدم ليها وهي رفضته لكن هو كل شوية يجي و يطلبها للجواز وهي ترفض لغاية النهاردة رفضت وقفلت الباب في وشه وهو فضل يرزع علي الباب و يقولها مش هسيبك غير لما اتجوزك انا زمان سبتك لاحمد لكن ده مش هيحصل تاني انا قولت اقولك احسن المجنون ده يعمل حاجه تبقي انتي عارفة هي مكنتش عايزة تقولك علشان متخفيش
حورية بتوتر… شكرا يا طنط اكيد هنشوف حل مع السلامه
… مع السلامه
عمار بقلق…. في حاجه
حورية قالت بضيق… عمو خالد طلب ايد ماما اكتر من مرة وهي رفضت و انهاردة خبطت وزعق جامد وقالها انه مش هيسبها غير لما يتجوزها
وجية بعصبية… نعم
حورية باستغراب نظرت له هي ونور و عمار كتم ضحكته
وجية تملك نفسه لما شاف نظرات حورية
وجية حاول يهدي حاول يتكلم لكن مش لاقي حاجه يقولها
عمار ابتسم وقال… طبعا يا بابا ليك حق تتعصب ما دي حماتي برضه و اللي يقل ادبه عليها و يهددها لازم يتربي ولا اية يا حورية
حورية بابتسامة… اكيد يا عمار
عمار غمز لولده بابتسامة
وجية بهدوء ظاهر….. متقلقيش مش هيعتب باب شقتها تاني
عمار ابتسم… شوفتي يا حبيبتي
وجية قام بضيق وقال بابتسامة مصطنعة…. حبيبتي ابقي قوليلي عنوان عمك و اسمه بالكامل
حورية باستغراب… طيب ممكن حضرتك تقولي ايه اللي هيحصل
وجية وهو بيكبت الغل اللي جوه يظهر.. ولا حاجه هعلمه الاصول بس
حورية بابتسامة…. متشكرة جدا يا عمو تعبين حضرتك معانا
عمار وهو بيحضن حورية وبيقول.. لا لاء متقوليش كدة داحنا هيبقي في نسب تاني و
حورية باستغراب… يعني ايه
وجية نظر لعمار بحدة شديدة
عمار ابتسم بمشاكسة.. متشغليش دماغك يا حبيبتي المهم قولي اسمه والعنوان
حورية بهدوء… اسمه خالد حمادة السعيد
وساكن في ********
وجية وهو بيتوعد في نفسه… ماشي يا خالد
………………..
في مكتب المحامي
شاهندا بغل… هي كدة كدة مجنونة انا اخد شركاتها و كل اموالها بعد ما ارفع قضية حجر
المحامي… مينفعش لان ليها ولاد
شاهندا بغضب… بس كمان معدوش السن القانوني يامتر
المحامي بهدوء. . جوزها موجود
شاهندا بغضب… يعني اية خرجني من الورطة اللي انا فيها دي انا هعيش في الشارع دول حجزوا علي كل املاكي
المحامي ببرود… اسف يا هانم مفيش في ايدي حاجه اعملها و بعدين حضرتك شوفي محامي تاني غيري انا ورايا قضايا كتير و مش فاضي
شاهندا بصدمة…. انت ازاي تقولي كدة انت المحامي بتاعي من اكتر من سبعة وعشرين سنه بتبعني
المحامي ببرود… انا اكييد يعني يامدام مش هشتغل معاكي ببلاش اتفضلي متضيعيش وقتي اكتر من كدة
شاهندا قامت وهي تبكي كل شئ تقفل في وجهها لا يوجد مكان تذهب اليه
……………………
في المساء كان يجلس اثنين وكان يتكلم بغضب شديد
انتي مقولتيش ليا ليه ليه اعرف من حد غيرك
…. اسمعني بس انا قولت انا هرفض وخلاص مفيش داعي اني اقول واضايقك
تكلم الطرف الاخر بعصبية….. يعني اموتك انتي وهو في ساعة واحدة انتي مالك انتي تقولي اية اللي بيحصل انا صبرت كتير لازم نتجوز سامعة نتجوز في اسرع وقت اما الحيوان التاني لا موته
… اسمعني بس بلاش تسرع
… بعصبية شديدة… بقولك ايه انا سمعت كلامك كتير مش عاوز اسمع منك حرف زيادة سامعة هنتجوز يعني هنتجوز. ونقفل الكلام علي كدة
يلا علشان نمشي
… قالت بحزن… يلا
رايكم في رد فعل مهاب علي امه وعدم مساعدته لها
رايكم في اللي عمر بيعمله وهل معه حق ولا لاء
وياتري مين الاتنين المجهولين دول
وهل ممكن زياد والدكتورة كارما يكون ليهم مستقبل سوا وخصوصا انها الدكتورة بتاعته
- يتبع الفصل التالي اضغط على ( رواية العشق الممنوع ) اسم الرواية
تعليقات
إرسال تعليق