رواية العشق الممنوع الفصل الخامس و الستون 65 - بقلم مارلي إيهاب

           رواية العشق الممنوع كاملة  بقلم مارلي إيهاب   عبر مدونة كوكب الروايات 

رواية العشق الممنوع الفصل الخامس و الستون  65

 

بعد مرور اسبوع علي الاحداث الماضية لم يحدث فيها الكثير غير معرفة عمار بما حدث لسهر و احزن عليها فترة زمنية قصيرة ولكنه نسي الموضوع ورجع لحياته الطبيعية و حبه لحورية يزيد كل يوم عن اخر ثم انه نزل يشتغل مع والده في الشركة علشان يصرف علي مراته وابوه مايصرفش عليهم

……………………

اما حورية حبها كل يوم يزيد لعمار و تشكر ربنا طول الوقت علي نعمته التي اعطاها لها

ودايما تذهب لانجي للاطمئنان عليها ولكن اتصدمت لما شافت صور والدها غير موجود

فلاش باك..

حورية باستغراب… ماما هي صور بابا راحت فين

كانت انجي بين نارين يا تقول لابنتها و تكسر فرحتها يا تداري علي الموضوع

انجي بدموع بتحاول تداريها… العيال ولاد سماح جابتهم يقعدوا معايا هنا علشان مسافرة هي وجوزها يومين كسروا ليا الصور و قطعوها حتي في طقم صيني اتكسر وانا هعمل اية يعني اللي حصل حصل

حورية باستغراب… ومتعوروش من الازاز

انجي بتوتر…. دول عيال نار عيال معجونه بمياه عفريت ولا حصلهم اي حاجه غير الولا الصغير ايده يعني اتعورت حاجه بسيطة وانا نضفتهاله و حتطله حتة لازقه وبقي كويس

حورية بدموع واستغراب… وانتي ازاي تخليهم يعملوا كدة في صور بابا ياماما ليه محشتهمش

انجي بدموع وقهر وكدب… انا كنت في السوق وجيت لقيتهم قلبوا الدنيا معلش يا حبيتي الصور محفوظة في الذكريات مش علي الحيطان

حورية دمعه نزلت منها وقالت… الحمدلله انا معايا صورتين ليه

انجي بدموع… خليهم معاكي يا حبيتي احتفظي بيهم علشان لما تخلفي تعرفي ولادك علي ابوكي

حورية بدموع… ماما انتي متغيره في حاجه غربية فيكي ممكن تقولي في اية في حاجه مزعلاكي

انجي بدموع.. لا يا حبيبتي شوفتي ليكي بالدنيا يا حورية انتي بنتي الوحيدة وفرحتك بتفرحني انا يا حبيبتي مفيش حاجه مزعلاني متقلقيش

حورية نظرت لولدتها و كانت مستغربة حكاية الصور وكمان مكنتش عارفة الحزن اللي جو عيون امها ده من ايه

باك

#بقلم_مارلي_إيهاب

…………………..

اما مهاب ومريم حياتهم عادية و ماشية كويس جدا متفاهمين شاهندا لسه لحد الان معرفتش ان مهاب اتجوز مريم

ومهاب بيعامل انس كانه ابنه بظبط

…………………….

اما اكمل واحد صاحبه شاف ليه شغل في شركة و اشتغل و ابتداء يصرف علي بناته ولكن عايشين في مستوي اقل من مستواهم اللي اخدوا عليه

واتصل بمهاب و اللي كمان بدا يساعده في المصاريف علشان ميحسسش ولاده انه قليل ومش قادر يعيشهم في المستوي اللي واخدين عليه

………………………

اما اسيل عاشت حياتها بره مع ابنها بعد ما انتقمت من الكل

ورغم ذلك انها ترقبهم لتعرف اي معلومة جديدة

……………………….

اما ايهم اتجوز و حاول يصالح شاهندا ولكن رفضت رفض قاطع وعرف حماه عصام كل حاجة وعصام وافق انه يجوزه بنته علشان امين وانه متمسك ببنته ومش باصص لفلوس اشتغل واخد شقة ايجار و كتب وصلات امانه كتير علشان يقدر يجهز شقته ويتجوز هو وجني

وفعلا جهز الشقة وجاب العفش وهي كذلك و اشترك و الدها في الفرح بالنص ما بينه و بين ايهم

واتجوزوا وحياتهم ماشية بالحب و برضا ربنا عليهم…

#بقلم_مارلي_إيهاب

…………………………..

اما رحمة وعمر مش بيتكلموا من اخر موقف حصل وعمر شاكك انها بتكلم حد من الرجالة اللي بره و قفل الشباك خالص بخشب و مسامير وحتي الباب بقي يقفل عليها بالمفتاح و اخد منها التلفون وبقت زي اللي محبوسة في السجن ومش قادرة تخرج منه حتي الحارس اللي بره وفادي مستغربين من اللي عمر بيعمله لكن محدش قادر يقوله بتعمل اية

كل حاجه بتحتاجها هو اللي بيجبها بقالها اسبوع مشفتش الشمس ولا مسكت الفون

ولكن لا تقدر ان تتكلم لان تعلم انه معه ان يشك بها وباخلاقها لا تقدر ان تلومه بسبب غلطتها

……………..

اما زياد بدء يروح الكلية الهندسة و يركز علي مستقبله و استقل في الشقة اللي كان بيذاكر فيها و ساب البيت بتاع والدته واستقل لوحده

…………………….

في صباح يوم جديد كانت تجلس حورية امام الهاتف و عيونها تدموع وتقف عب جفونها تريد ان تبكي ولكن من الصدمة تشعر ان الدموع لا تريد ان

تنزل

خرج عمار من الحمام بعدما اخد دوش ساخن

وشاف حورية دي علي حالتها قرب منها بقلق شديد وقال… حورية مالك يا حبيبتي في اية

لفت نظره نظراتها للهاتف و دموعها تنزل بصمت. مسك الهاتف وهو يري ما الذي راته و اتصدم وهو يري عقد زواج اسيل من احمد و شهادة ميلاد كريم احمد

خالته تزوجت والد حبيبته هو كان يعلم ان شاهندا قتلت زوج انجي بسبب ان خالته ماشية معه لكنه لا يعلم انه متزوجها و مخلف منها

عمار وهو يمسك ايد حورية وبيقول بحزن.. حورية اسمعيني

حورية شالت ايديها وقالت بصدمة ودموعها تنزل… خالتك متجوزه ابويا و مخلفه منه علشان كدة شاهندا قتلته صح انت ساكت ليه

عمار بتوتر وحزن… طيب انا ذنبي اية يا حورية انا مليش دعوة

حورية بدموعها تنزل بقهر.. ازاي ملكش دعوة هي بتعه وهي بتقول ان امك كمان مشتركة في موته هي اللي راحت قالت ليهم انهم متجوزين يعني هي السبب كمان في موته

وقالت بصوت مهزوز ودموع.. بس تصدق اني اتكسرت يعني ابويا رمز الوفاء و الاحترام يبقي كذاب و خاين وسايب امي علي زمته علشاني انا علي اساس انه بيحبني لو كان بيحبني مكنش جرحني ولا جرح امي انا دلوقتي فهمت حكاية الصور امي اللي كسرتهم علشان اكتشفت خيانته ليها اكيد هو ده السبب بس مكنتش اعرف ان امك

عادي عندها اوي انها تخرب و تشجع اختها علي خراب بيت امي امي اللي اتمرمت انا وهي بسببكوا

عمار بصدمة ودموع… حورية انا مليش ذنب في اي حاجه حصلت انا بحبك.

حورية بدموع وصدمة وهي تنظر حولها بعدم تصديق… مانا بحبك بس بفكر ازاي ابقي عايشة مع واحد امه السبب في خراب حياتي انا و امي

وانا كمان يا عمار ذنبي اية اعيش من غير اب ذنبي اية وذنب امي اية تفضل تشتغل و تشقي لغاية ما يجلها الغضروف من الشقي و التعب ذنب امي اي تفضل تبكي علي فراقه ليله ليله و الدموع علي خدها كنت اسمعها تفضل تعيط و تكرر اسمه

كنت بحب حبها ليه انا كمان ياعمار ذنبي ايه بعد عشرين سنه اكتشف ان ليا اخ انا معرفش بيه في يوم وليله بقي عندي اخ انا حبيتك اوي انت الوحيد اللي حبيته و وقف جنبي في حزني قبل فرحي بس مش قادرة استوعب ان امك كانت سبب في دمار حياتي انا وامي اسفة انا محتاجة وقت ارتاح فيه انا هروح عند ماما فترة

عمار بدموع اتصدم.. انتي عايزة تسبيني معقول

حورية نظرت بعيد عن عينه بدموع

عمار مسك ايديها وقال بدموع … بصيلي حورية انتي بجد عايزة تسبيني تبعدي عني بجد.

حورية بدموع…. انا مقولتش كده بس محتاجة ارتاح علشان اشوف واقرر انا هعمل اية

عمار ساب ايدها بحزن وقال… وانتي راحتك هتبقي بعيد عني وعن حضني بتحبيني ازاي و انتي عايزه تبعدي عني ازاي تبقي راحتك في بعدك عن حبيبك

حورية بدموع… انت مش مقدر مشاعري وموقفي ليه

عمار بصوت عالي والدموع في عيونه.. انتي انانية علي فكرة

حورية بدموع.. انا انا يا عمار

عمار بصراخ بدموع… ايوة انتي انانية طب انا طول الوقت بحاول احافظ علي مشاعرك طول الوقت بحاول اسعدك وانتي انتي مش بتعملي حاجه انا بس اللي بعمل عملت كل حاجه علشان تحبيني وفي الاخر تقوليلي بحب ايهم ايهم بتاع البنات اللي خاربها و اللي امه فعلا قتلت ابوكي

استحملت بعدك عني و جفاكي لغاية اللي حصلك استحملته و متكلمتش متكلمتش رغم ان قلبي محروق ومتكسر اتنازلت عن كتير ياحورية علشان اتنزلت عن كتير علشان مكسركيش قدام الناس ولا قدام اهلك واهلي حفظت علي السر و انا قلبي محروق ومتكسر ميت حته مش زعل منك بالعكس كل ده كان غصب عنك بس انا زعلت علي جرحك انتي كمان نفسي مرة تحسي بمشاعري زي ما انا بحس بيكي ولو اطول اجبلك حتة من السما هجبلك انا شايل فوق طاقتي كتير يا حورية وساكت

حورية بصدمة ودموع… انت بتعيرني يا عمار بتعيرني اني مش بنت

عمار بصدمة…. هو ده اللي استنتجاتيه من كلامي هو ده اللي انتي فهمتيه اني بعيرك

حورية بدموع… امال تقصد اية بكلامك انا مأجبرتكش انك تتجوزني ولا

عمار هز راسه بصدمة وقاطعها وقال بصدمة والدموع في عيونه.. خلاص خلاص مش عاوز اسمع ولا كلمة زيادة كفاية كدة حتي كلامي فهمتيه علي مزاجك وعلي تفسيرتك انا اقصد بكلامي اني كان نفسي بس تحسي بيا وبمشاعري و تقدريها و تقدري ان بعدك عني بيقتلني وبعدك عن حضني بيعذبني انا مش قاصد اني اجرحك ليه بتفهمي كلامي غلط ليه مش بتفهميه من زاوية تانية ليه انا مفيش مرة جرحتك بكلمة او اذيتك بنظره يا حورية علشان بفضض وبقولك اللي حاسس بيه ابقي بعيرك انتي تعرفي عني كدة ثم حتي لو امي السبب في موت ابوكي متنسيش انه في النهاية خاين امك انا خالتي مش معترف بيها ومعرفهاش اصلا كنت صغير و مكنتش بشوفها اما امي انتي عارفة كويس اوي مشاعري من ناحيتها وعلشان تشمتي او تفرحي امي اتجننت وهي حاليا في مستشفى المجانين ومش هتخرج بسبب حالتها الصعبة يعني ربنا يرجعلك حقك انتي والعذاب اللي عيشتيه يا حورية

نزلت دمعه قهر من عيونه وقال بصوت مرتعش… عايزه تمشي امشي يا حورية امشي

وتركها وخرج بره الغرفة وراته نور ونظرت له بخضه… عمار في اية يا عمار عمار

ولكن عمار لم يرد عليها وخرج بسرعة وركب عربيته وطلع بيها بسرعة

اما حورية كانت تقف تبكي وهي تلم اغراضها وهي تبكي بشدة لا تعلم ماذا تفعل غير انها تترك المنزل هذا القاتلة

……………………

نور كانت متوترة تقف تحت مش عارفة تطلع ليها تشوف في اية ولا متدخلش لغاية ما شافت حورية ماسكة شنطة هدومها و ماشية بيها

نور بصدمة… حورية اية اللي بيحصل انتي رايحة فين

حورية بدموع… رايحة عند ماما

نور بصدمة.. طيب اية اللي حصل يا حورية فهميني معقول هتسيبي عمار

حورية بدموع… اروجوكي يا نور انا محتاجة ارتاح بعد اذنك لو سمحتي محتاجة ارتاح بعد اذنك

نور مسكت فيها وقالت بدموع… طيب لو سمحتي استني علي الاقل بابا يجي ويحل المشكله

حورية بدموع وغضب… انا مش عايزه حد ابعدي. عني انا ماشية

وتركتها ونور مسكت تلفونها وقالت بدموع….. الحق يابابا

……………………..

في المنزل عند مهاب كان في الشغل

ومريم كانت تجلس. علي الاب توب تشوف شغلها

المتعطل

انس قرب منها وقال… ماما

مريم وهي مركزة في الاب توب… ها يا حبيبي

انس بحزن… بابا كلمني علي فونك

مريم نظرت له بنتبه… وقالك ايه

انس بحزن… قالي انه اسف علي اللي عمله معايا هو وانطي وقالي انه بيحبني وعاوز يخرج معايا وناكل سوا ونلعب و نتفسح وقالي انه الشقة علشان يشوفنا وملقناش

مريم بتوتر… وانت قولتله ايه

انس ببرئة… قولتله احنا قاعدين عند اونكل مهاب

مريم بصدمة… نهارك اسود وقالك اية

انس ببرئة… قالي يعني هو سايب البيت

مريم بصدمة… وانت قولت اية يخربيتك

انس بحزن.. في ايه ياماما قولتله لا عايش معانا

قالي ماما بتنام معاك قولتله لا مع انكل مهاب

مريم بصدمة… يخرييتك هيرفع عليا قاضية و هيخدك مني هات التلفون ده انا غلطانة اصلا اني سيبالك الفون هات

انس بدموع.. انا مالي انا مش هو اللي سال انا مالي انا عايز الفون بلعب

مريم بغضب.. انس ادخل اوضتك و متخرجش منها لو سمحت دلوقتي

مريم اتصلت علي مهاب وقالت بدموع… رمزي عرف اني عايشة معاك هنا و تقريبا فهم اننا اتجوزنا

مهاب بهدوء.. فين المشكله

مريم بغضب…. مهاب انت هتجنني هياخد مني الولد هيرفع عليا قاضية وبما اننا احنا الاتنين متجوزين هيخلوا امه هي اللي تاخد الولد.

مهاب ابتسم… متقلقيش رمزي ده مش هيقدر يعمل حاجه وتعرفي هو كان اكيد عايز يكلمك و يلطف الجو ويحاول يرجعك بعد ما شركته هو وابوه بقت في الارض و كمان مراته سابته لما فلس وكان مفكر انه لما يجر ناعم كدة انك ممكن ترجعي ليه تاني وتبقي البنك بتاعه

مريم بصدمة… انت اللي عملت كدة

مهاب بهدوء… اكيد امال مين يعني بس علشان ميفكرش مرة تانية يقل ادبه متقلقيش واعمليله بلوك يا مريم لو سمحتي

مريم اتنفست بهدوء… الحمدلله اوك انت جاي امتي

مهاب ابتسم… نص ساعة وهاجي

مريم بابتسامة… اوك يالا باي

مهاب بابتسامة.. باي

مريم قفلت وعملت لرقمه بلوك ودخلت لانس لقيته يجلس علي السرير وهو حزين جدا وبيبكي

مريم قربت منه وقالت بحب… متزعلش مني يا حبيب ماما انا كنت خايفة ياخدك مني يا حبيبي ارجوك متزعلش

انس بدموع… زعلان

مريم بابتسامة… طيب هديلك الفون ساعة كمان هتفضل زعلان

انس بفرح.. لا لا هاتي يلا

مريم قبلت خده وحضنته وقالت.. خد يا سيدي الفون اهو بس ساعه وهاخده اوك

انس.. اوك ياماما

……………….

في الملحق تجلس رحمة تبكي بقهر في ركن علي الارض

سمعت عمر هو بيفتح الباب وبيدخل طلبات. البيت كالعادة

نظرت له بدموع وبكاء صامت لا تقدر علي الكلام تشعر ان الكلام انتهي وهو نظر لها بضيق شديد

وقال… مالك في اية

رحمة نظرت في الجهه المعاكسة ليه ولم ترد عليه

عمر اتغاظ جدا منها وقال..ليكي عين كمان تبصي بعيد ومترديش عليا ماشي يا رحمة اما اجيلك بليل هربيكي

وخرج بغيظ وقفل الباب بالمفتاح كالعادة

اما هي كملت وصله بكائها

…………………

في الشركة اللي شغال فيها اكمل كان يجلس علي مكتب ويعمل كامحاسب

دخل موظف وقال بهدوء.. استاذ اكمل الملف ده لازم يتراجع ضروري لاننا محتاجينه

اكمل بهدوء.. طيب هخلص اللي في ايدي ده بسرعة و هعملك ده

… ازك تمام بس ياريت مايتأخرش علشان المدير عاوزه

اكمل بهدوء.. اوك

………………….

في الكلية كان يجلس زياد في المدرج وبيسجل حاجه في الكشكول بتاعه

سمع واحد زميله بيقول.. بس اية يا جدع حته بيت فرتيكه صار*وخ

التاني… اه انا شوفتها بقي دي هتدرسلنا ياجدع احنا كدة مش هنركز في المحاضرة ابدا

ضحكوا الاتنين و زياد نظر لهم بحتقار و سكت

بعد مرور دقايق. دخلت انسة ترتدي بنطلون اسود جينز و قميص ابيض و جاكت اسود وشوز كعب عالي كانت في حدود 27 سنه

بشرتها بيضاء و عيون بني فاتح وملامحها هادئة

… صباح الخير معاكم الدكتورة كارما هدرس ليكم باذن الله الرياضيات التفاضل و الجبر. اتمني التعامل بنا يكون باحترام لان لو مفيش احترام هتضطر اني اتعامل معاكم باسلوب مش هيعجبكم اول حاجه انا مش بحب ابدا اني اسال سؤال كله يجاوب في وقت واحد انتم مش عيال صغيرة انتم كبار و عاقلين اي نشاط او اي شيت تلتزم انك تحله و تجيبه ليا لان كل حاجه عليها درجات اوك نبدا المحاضرة

…. اتفضلي يا دكتورة

بدات كارما تشرح بهدوء وكان شرحها سلس و زياد كل كلمة كان بيكتبها و مركز جدا معاها.

……………………..

في البيت رجعت حورية ودخلت اوضتها في ساعتها وهي تبكي

انجي دخلت وراها بصدمة…. مالك في اية

حورية بدموع… ارجوكي مش عاوزه اتكلم

انجي بصدمة… ازاي فهميني في اية

حورية بدموع وصراخ.. ارجوكي يا ماما مش عاوزه اتكلم سبيني في حالي لو سمحتي عاوزه افضل لوحدي شوية ارجوكي

انجي خرجت واتصلت علي عمار تفهم منه وسمعت صوت الباب بيتقفل

ولكن عمار مش بيرد

انجي بضيق.. ايوة ومش عاوزه تقولي في اية

وجية بضيق… ولا انا مش عارف عمار فين ولا بيعمل اية هحاول اوصل ليه وافهم منه وانتي كمان حاولي مع حورية يمكن تتكلم ولو عرفتي حاجه كلميني لو سمحتي

انجي بضيق… اوك مع السلامه

وجية بضيق.. مع السلامه

قفلت انجي وحاولت تخبط علي بنتها علشان تفتحلها..

حورية ببكاء.. ماما سبيني ارتاح لو سمحتي مش هتكلم سبيني علي راحتي

انجي فقدت الامل انها تفتح خرجت تجلس بره وهي حزينة وخايفة علي بنتها

…………………..ا

• يتبع الفصل التالي اضغط على (  رواية العشق الممنوع  ) اسم الرواية