رواية رؤيا كاملة بقلم دينا محمد عبر مدونة كوكب الروايات
رواية رؤيا الفصل الخامس 5
في صباح يوم جديد
انتهت رؤيا من صلاه الضحى
جرس التليفون
تبتسم وتتعرف علي المتصل، وبتفتكر ندى
لما خصصت نغمه مخصوص ليها علشان تقدر تعرف ان هي اللي بتتصل
رؤيا: صباح الخير يا نودي
ندى: صباح الورد والفل والياسمين
رؤيا: ايه كل الورود دي يا نودي
طمنيني عليكي عامله ايه جهزتي نفسك علشان الفرح
ندى: ايوه ياستي متقلقيش، المهم انتِ حضرتي الحاجه اللي هتأخديها وانتِ رايحه مع استاذ عاصي
رؤيا:ايوه ياستي حضرت الحاجه كلها
بس كان فيها ايه لما نروح يوم تاني مش شرط انهارده
ندى: أنا مش فاهمه انتِ ايه اللي مضايقك من امبارح يا حبيبتي عادي يعني ده الوقت الفاضي عنده، وكمان طلع زوق جدا وهيجي يوصلك لحد المعرض
رؤيا: ايوه هو ده بقى اللي موترني هيجي ياخدني بنفسه ليه
كان ممكن يبعت اي حد من عنده ياخد الحاجه وخلاص
ندى : رؤيا انتِ موتره نفسك ليه، استاذ عاصي حد محترم يكفي يا بنتي انه من طرف بابا
ندى بمكر وبعدين مش ممكن يكون معجب بالقمر بتاعنا
رؤيا بتزعق ندى بطلي هبل انتِ عارفه اني مش بحب الكلام ده ولا اقولك كلميه قوليله اني خلاص رجعت في كلامي ومش عايزه ابيع حاجه
ندى: اهدي بس يا رؤيا اكيد انا بهزر معاكي بطلي جنانك ده، يالا انا هسيبك دلوقتي، أول لما تخلصي معاه كلميني علشان اطمن
رؤيا بعد لما خلصت كلام مع ندى كانت بتفكر
أنا ليه متوتره أوي كده دي مقابله شغل عادي، وهو شكله حد محترم، ايوه بس أنا برضو حاسه ان في حاجه غلط ليه قلبي بيدق بسرعه كده
حطت ايديها علي قلبها وقالت لنفسها اهدي يارؤيا انتِ قويه ودي مقابله شغل وهتخلص
صوت طرقات علي باب الغرفه
رؤيا: تعالي ياماما انا صاحيه
الام:صباح الخير حبيبتي، يالا ياقمر انا حضرت الفطار
حاضر يا أمي ربنا يخليكي ليا يارب
ويخليكي ليا يابنتي ويريح قلبك
في البيت عند عاصي
عاصي بيلبس هدومه عباره عن تيشيرت ابيض وبنطلون جينز اسود وجاكيت جلد اسود
كان واقف قدام المرايا سرحان وبيفكر في القرار اللي اخده بعد تفكير طول الليل
انا هنسي الهبل اللي كنت بفكر فيه، دي اكيد مشاعر مش حقيقيه ممكن يكون بسبب اني مش مرتبط او ممكن علشان امي بقالها فتره بتفتح معايا الموضوع ده اكيد اللي أنا كنت حاسس بيه ده بسبب كده اكيد مش مشاعر حقيقيه
عاصي يطرق باب غرفه أسامه
بابا صباح الخير
الاب صباح الخير ياعاصي، طمني ايه اخبارك وايه اخبار الشغل
عاصي:أنا الحمد لله تمام والشغل كمان الدنيا تمام
مش ناوي تيجي تنورنا في المعرض
الاب:سيبها علي ربنا
عاصي : طيب ياحج يالا علشان ماما اكيد حضرت الفطار
في المعرض
يرن هاتف عاصي
السلام عليكم ايه الأخبار يا مروان
مروان:وعليكم السلام انتَ ايه اخبارك قولت اطمن عليك
هتروح تشوفها انهارده صح
عاصي: مروان انا خلاص شيلت الموضوع من دماغي
مروان:انتَ بتقول ايه، هو ده اللي احنا قولنا عليه امبارح
عاصي:مروان معلش مش عايز اتكلم في الموضوع ده
انا هقفل دلوقتي ونتكلم وقت تاني ان شاء الله يالا السلام عليكم
عاصي واقف بالعربيه بتاعته قدام بيت رؤيا وبيرن عليها
وافتكر لما كلم ندى واخد منها الرقم والعنوان
عاصي بجديه: السلام عليكم استاذه رؤيا انا عاصي ومستنيكي تحت البيت ممكن بس تقوليلي انتِ في الدور كام علشان اطلع اخد الحاجه
رؤيا اتحرجت لا عادي انا هنزل بيهم
لا مش هينفع هتقولي ولا اطلع اخبط علي كل شقه
رؤيا بتقول في سرها ده مجنون ده ولا ايه
لا طبعا اتفضل احنا الدور الخامس
عاصي :تمام مع السلامه
- يتبع الفصل التالي اضغط على (رواية رؤيا ) اسم الرواية
تعليقات
إرسال تعليق