رواية نبضات قلب الاسد الفصل الرابع 4 - بقلم حليمة عدادي

   رواية نبضات قلب الاسد كاملة   بقلم حليمة عدادي    عبر مدونة كوكب الروايات 

 رواية نبضات قلب الاسد الفصل الرابع 4

في نص الليل فاق صهيب مفزوع لما حد سكب عليه ميه

صهيب بغضب حارق : مسكها من ايدها إنتي إزاي تعملي كدا مش شيفاني نايم ..

نيار : المكان هنا مش للنوم مفهوم عندك تدريب دلوقتي ..

صهيب : تدريب في الوقت دا في نص الليل ..

نيار : أنا شايفه إن جسمك مش محتاج تدريب كتير واضح إنك رياضي ..

صهيب بخبث قرب منها : اممم جسمي عاجبك ..

نيار : جسم مين ياروحي إتحرك قدامي أحسن أكسر عضمك هنا ..

صهيب : اممم شكلك متعوده على السهر والتدريب ..

نيار : مش شغلك قدامي على الساحه علشان مافيش عندنا وقت ..

صهيب : ليه التدريب دا إحنا بنشتغل إيه ..

نيار : لما يجي الوقت المناسب هبقى أقولك لكن أوعى تعمل أي حاجة من غير إذني ..

صهيب : أنا أخذ الإذن منك هههه يلابينا ..

في الساحه كانت نيار بتعلمه إزاي يمسك السلاح وإزاي يدافع عن نفسه في حال لوحد هاجمه وهو من غير سلاح ..

نيار : شكلك مش محتاج تدريب كتير ..

صهيب : أنا عايز أعرف إيه طبيعة شغلي هنا أنا مش محتاج تدريب ..

نيار بغضب : مش كل مرة تسأل يلا روح ارتاح دلوقتي الصبح عندك شغل ..

بعدت عنه وهو بص لأثرها بإستغراب إزاي بنت رقيقه تكون بالقوة دي

راح علشان يكتشف المكان اللي هو فيه شاف مكان زي المخزن قرب منه بخطوات بطيئه فضوله خلاه يفتحه بص جوا لكن اللي شافه صدمه ..

******************

في منزل قصي

كان قاعد جنب ليلى والدكتور بيعالج راسها

الدكتور : قصي بيه ذراعها مكسور محتاج جبس والضربه اللي على دماغها محتاجه خياطه ..

قصي : أعمل شغلك هنا ولا اطلع بره ..

الدكتور : يا بيه إزاي هشتغل من غير مخدر ذراعها مكسور لازم ننقلها المستشفى ..

قصي بغضب : أقولك خذها إنت على المستشفى أو سيبها تموت هنا مفهوم أطلع برا أحسنلك ..

خرج وسابها تبكي من الألم

يوسف بدموع : ماما إنتي كويسه عمو الشرير عملك إيه لوسمحت يادكتور ساعد ماما ..

الدكتور : مش هقدر زي ماسمعتوا قصي بيه طلب مني أطلع برا ..

ليلى بتعب : أطلع برا عالم مافيش في قلوبهم رحمه كلكم شبه بعض خايف منه لدرجه إنك شايفني بموت ومش عايز تساعدني أمشي من هنا ..

يوسف : ماما أعمل إيه ماماااا ..

ليلى من كتر ما نزفت فقدت الوعي

يوسف : ماما ردي عليا أنا يوسف ماما فوقي ..

فجأة حد نط من الشباك لابس إسود ومغطي وشه

يوسف : علشان خاطري ساعد ماما ساعدها إنت مين رد عليا ..

من غير مايتكلم شال ليلى بين إيديه وخرج من غير ماحد يحس بيه ..

****************

حميد : لوسمحت يابني سيب مروة هي متهوره وغلطت بنتي وأنا عارفها لكن هي مراتك ..

أسد : دي مش أي غلطه ياعمي دي على ذمتي وخانتني مع حد تاني والولد دا مش إبني ..

حميد : إنت ليه شاكك فيها مايمكن يكون إبنك حتى إنت بتغلط الخيانه لا ..

أسد بغضب وعروقه برزت : الولد مش إبني عملت فحص DNA

والولد طلع مش إبني ..

حميد : علشان خاطري سيبها وأوعدك مش هتشوف وشها هنا ثاني علشان خاطر أمك ..

أسد : أمي أشرف وأنضف منها أنا هسيبها بس علشان اللي عملته معايا زمان لكن أقسم بالله لو شفتها حتى لو صدفه هت٠دفنها بإيدك ..

حميد : مش عارف أشكرك إزاي يابني أنا هسفرها برا البلد ومش هتشوف وشها تاني ..

أسد : ياعمي غلاوتك عندي هي اللي منعتني إني أذيها لولا كدا كنت خل٠صت عليها من زمان في بنت معاها جيبوها هنا معاها ..

منة : حميد مروة هتعيش معانا هنا دا بيتها زي ما هو بيتك وهي لسه على ذمتك ..

أسد : أنا طلقتها من يومها ومش هتعيش هنا مع إبن الحرام اللي معاها ..

منة : مين إنت علشان تمنعها ..

حميد : مروة أنا هخليها تسافر بره البلد ملهاش مكان بينا ..

أسد نادى على الجارد بتاعه : أحمد روح جبهم ..

حميد : كل دا بسببي أنا ..

أسد : مش إنت السبب ياعمي هي اللي غلطانه لو كان عليا كنت قتلتها ..

دخل الجارد ماسكين مروة أما ميرا كانت بتجري وهم وراها واتخبت ورا حميد ..

منة بصدمه : مروة بنتي إنت عملت فيها إيه بنتي شوف حالة بنتك ياحميد ..

حميد : تستاهل جهزي شنطتها علشان أخذها وأمشي ..

ميرا : عمو بص إحنا نتفاهم بالعقل إنتوا بتاخذوا الأعضاء و بتاجروا بيها أحب أقولك إن اعضائي كلها بايظه ..

حميد : هههه إحنا بنتاجر بالأعضاء لا يابنتي لكن إنتي عملتي ايه علشان تدخلي جحيم أسد ..

ميرا : بما إنو أسد بيعمل إيه هنا مايروح الغابه مع الحيوانات هو حكم الغابة وعايز يحكم هنا كمان ..

أسد اتعصب ومبقاش شايف قدامه مسكها من شعرها وطلعها لعندوا

أسد : عيدي كدا اللي قلتيه مرة تانيه أنا مين ..

ميرا : إنت سي السيد وأسد بيه بس سيب شعري الله يسترك ..

أسد : فين لسانك القطه أكلته اتكلمي ودلوقتي بتتمسكني ..

ميرا : لساني أكلته من شدة الجوع بس قبل ما تاخذوا اعضائي عايزه أكل وإنت ياعمو ساكت ليه قلبك حجر ..

حميد : أسد سيبها اقعدي هنا ه‍خليهم يجبولك أكل ..

أسد : دي مستحيل تأكل هنا مكانها مش هنا ..

ميرا : بص ياعم مش معنى إني سكتلك تقول البت دي كيوت أنا ممكن دلوقتي أكسر دماغك ..

أسد : أنا صبري نفذ اقعدي هنا

مريم هاتي أكل للبت دي ..

مريم : حاضر ياأسد بيه ..

أسد دخل أوضة المكتب وعمه خذ مروة ومشي

ميرا : إنتي أم البنت دي ..

منة : خليكي في حالك وأمشي من هنا ..

ميرا : أولاً دا مش بيتك ثانياً أنا سألتك بس ..

*************

فتحت عينيها بتعب شافت إن متركبلها محلول وذراعها مجبس

يوسف بدموع : ماما إنتي كويسه إنتي سمعاني ..

ليلى : أمسح دموعك ياقلبي أنا كويسه بس إحنا فين ..

يوسف : في عمو جابنا هنا مش عارف مين بس هو جاب الدكتور علشان يعالجك ..

ليلى : مين هو معرفتش إسمه

اتفتح الباب ودخل وبصلها ببروده

ليلى : إنت مين ..

****************

في نص الليل أسد رجع من بره تعبان بعد ما خلص صفقه كانت عنده دخل لأوضته اتعصب والغضب باين عليه أول ما شاف …

• يتبع الفصل التالي اضغط على (رواية نبضات قلب الاسد) اسم الرواية