رواية رؤيا كاملة بقلم دينا محمد عبر مدونة كوكب الروايات
رواية رؤيا الفصل الرابع 4
عاصي كان بيتكلم في الموبايل
عاصي: انت فين يامروان كل ده سفر
مروان: ايه ياعم أنا برضو اللي فين
عموما أنا وصلت انهارده الصبح وكنت لسه هكلمك
عاصي: تصدق انتَ ندل استنى بس لما نتقابل، انتَ فين
مروان: أنا في الشركه
عاصي: طيب أنا في الطريق
مروان: تمام مستنيك
استوب
عاصي ومروان اصحاب من أيام الكليه
بس مروان بعد الكليه اشتغل مع والده في شركته وحاليا هو اللي ماسك الشركه بعد وفاه والده
مروان :الشركه نورت ياعاصي القلوب
عاصي: يا ابني مش أنا قولت بلاش الاسم ده أنا مش فاهم عجبك فيه ايه
مروان: يا ابني الاسم ده معمول ليك اصلًا
المهم انتَ مالك صوتك كان فيه حاجه وانتَ بتكلمني
عاصي بتنهيده: اطلب قهوه الأول علشان مش قادر من الصداع
مروان: تمام
يالا احكي، في حاجه مع الحاج والحاجَّه
عاصي: لا الحمد لله بخير، أنا اللي مش تمام
أول مره أحِس إني متلغبط، شعور مختلف ماحسيتش بيه قبل كده ممكن علشان زي ما انتَ بتقول عاصي القلوب، وديمًا شايف ان موضوع الارتباط ده موضوع تافه، وكمان من بعد موضوع أسامه الله يرحمه وأنا قررت إني مش هفكر في الموضوع خالص، وممكن كمان علشان مالقيتش البنت اللي تشد انتباهي واحس انها مختلفه
بس المره دي الموضوع مختلف تمامًا
مروان مش مصدق الكلام اللي بيسمعه
انتَ بتتكلم بجد أنا بسمع الكلام ده منك انتَ، ياعم ده أنا كان عندي أمل ان الحجر يحس بس انتَ مكنش عندي فيك امل
عاصي: هتفضل تهرج كده كتير هسيبك وهمشي
مروان: تمشي قال تمشي قال
انسى انتَ هتحكيلي كل حاجه،وخلاص هنتكلم جد
يالا أنا سامعك
وبدأ يتكلم معاه عن رؤيا
مروان: الصراحه انا لحد الآن مش مصدق، القدر بيعيد نفسه تاني، وبرضو ياعاصي مينفعش تحكم على مشاعرك بالسرعه دي انتَ ماشوفتهاش غير مرتين، أنا مش عايز أكون محبط بس الموضوع مع والدك مش هيكون سهل فلازم تتأكد الأول من مشاعرك ياترى قويه لدرجه هتقدر تدخل بيها معركه مع الحاج والحاجَّة
ولازم كمان تقرب منها أكتر قبل ما تعمل أي خطوه
مروان بيضحك
أنا مش قادر أصدق لحد دلوقتي انك بتحب
عاصي حدفه بكوبايه كانت قدامه بس ماجتش فيه
أنا ماقولتش إني بحب أنا بس مش فاهم شعوري
مروان: خلاص يبقي الفتره الجايه أكيد هتفهم فيها مشاعرك
عاصي: ان شاء الله
المهم انتَ ايه اخبارك عملت ايه في السفر
مروان: الحمد لله اتفقت على شغل جديد والدنيا تمام
عاصي: وانتَ هتفضل كده حياتك كلها شغل و خلاص
مروان بيضحك: ومالي ياعم ما أنا زي الفل
عاصي: مروان انتَ بتضحك على نفسك ولا عليا
أنا عارف ان اللي حصل كان صعب
بس برضو عارف انه كان اختبار من ربنا وانتَ الحمد لله نجحت فيه وقدرت تطلع من المحنه دي بس مش هينفع تكمل حياتك علي ذكريات
عاصي لو سمحت انا مش عايز اتكلم في الموضوع ده
يامروان انتَ عارف إنك أقرب صاحب ليا وعارف إني بقول الكلام ده لاني خايف عليك
ياسيدي علي الاقل حاول تطلع من الماضي اللي انتَ حابس نفسك فيه
خلاص ياعاصي لو سمحت كفايه كده
تمام أنا هسيبك دلوقتي بس فكر في كلامي كويس
يالا السلام عليكم
مروان وعينه بتدمع
وعليكم السلام
مروان بيرجع بالزمن لسنين كتيره فاتت
زهره:حبييي ايه رايك في الفستان
مروان مذهول ما شاء الله تبارك الله
يجنن زي القمر يازهره حلو اوي
لسه مش قادر أصدق ، انتِ عارفه انا فضلت أدعي ربنا قد ايه ان اللحظه دي تتحقق وأشوفك بالفستان الابيض
انا حاسس ان قلبي هيقف من كتر الفرحه
زهره:ايه كل الكلام الحلو ده يا حبيبي طيب خلي شويه يوم الفرح دي يدوب بروفه علي الفستان
مروان: حبيبتي الكلام الحلو ده هتسمعيه كل يوم لحد اخر يوم في عمري
زهره بخوف بعد الشر عليك ربنا يجعل يومي قبل يومك
وبعدين يالا اتفضل استناني تحت لحد لما اخلص
مروان: تمام بس متتأخريش
بعد فتره مروان كان مستني زهره في العربيه
موبايله رن
مروان السلام عليكم
المتصل: استاذ مروان انا مدام ساميه صاحبت الاتليه
لو سمحت اطلع بسرعه آنسه زهره تعبانه جدًا
مروان طلع يجري بسرعه على فوق
في ايه زهره مالك حبيبتى
زهره: مروان إلحقني مش قادره اخد نفسي
مروان بيزعق حد يطلب الإسعاف بسرعه
ماتخافيش يا حبيبتي هتبقي كويسه
بس اهدي حاولي تأخدي نفسك براحه
الاسعااااااااااااااااااااااف
في المستشفى
مروان وعاصي قدام باب الطوارئ
عاصي: اهدى يا مروان هتبقي كويسه ان شاء الله
مروان بتوهان أنا مش عارف ايه اللي حصل، دي كانت ملاك بالفستان
الدكتور خرج
مروان: طمني يادكتور
الدكتور: أنا اسف انتَ عارف ان قلبها كان ضعيف حاولنا نسعفها بس مقدرناش شد حيلك
مروان بذهول والدموع نازله من عنيه انت بتقول ايه
وانفصل بعد كده عن الواقع
وافتكر الشهر اللي كان بيتعالج في المصحه علشان يقدر يتخطي الصدمه
بس هو لحد دلوقتي مش قادر يقتنع ان زهرته خلاص مش موجوده وانها اتحولت لذكريات
ونكمل المره الجايه ان شاء الله
مستنيه تفاعلكم
ايه رأيكم في عاصي
ياتري هيقدر يحكم علي مشاعره ويعترف بيها ولا لا
🤔🤔🤔🤔🤔🤔🤔🤔🤔
- يتبع الفصل التالي اضغط على (رواية رؤيا ) اسم الرواية
تعليقات
إرسال تعليق