رواية رؤيا كاملة بقلم دينا محمد عبر مدونة كوكب الروايات
رواية رؤيا الفصل الثاني 2
رؤيا : صباح الخير ياست الكل
الام صباح الخير يا حبيبتي، انتِ لابسه ليه مش قولتي مفيش محاضرات انهارده
رؤيا بإبتسامة :ايوه حبيبتي بس ندى هتعدي عليا قالتلي على مكان ممكن يأخد الشغل بتاعي ادعيلي يا أمي
الام :ربنا يكتبلك الخير ديمًا ويرزقك بابن الحلال يارب
رؤيا : هههه ابن حلال ايه يا امي اللي هيأخد واحده بحالتي دي
الام : ليه يا حبيبتي انتِ زي الفل وده اختبار من ربنا يا بنتي
رؤيا: اكيد يا امي وأنا راضيه بقضائه الحمدلله
طرقات علي الباب، دي اكيد ندى
الام تفتح الباب
ندوش القمر اللي مبتسألش
ندى :ست الكل وحشتيني
الام :يالا يا بكاشه ادخلي لصاحبتك
ندى : رؤيتي عامله ايه حبيبتي يالا فين الحاجه خلينا نلحق الراجل
رؤيا : جوا معلش هاتيهم ياندى
يالا يا ماما مع السلامه
الام: خلي بالكم من نفسكم يا حبايبي
رؤيا: سوقي براحه ياندى انتِ عارفه انا بتوتر من سواقتك دي
ندى : ما أنا بسوق براحه أهو انتِ بس بطلي توتر اصلا قربنا نوصل
ندى : استني هنزلك وهأخد الحاجه
في معرض أقل ما يقال عنه متحف وليس معرض تدخل رؤيا وندى
تقول ندى لأحد العمال:لو سمحت استاذ عاصي موجود
العامل:على وصول يا فندم اقوله مين
ندى هو عنده خبر إني جايه
رؤيا كانت واقفه متوتره جدا ومن التوتر بعدت عن ندى واكتشفت انها نست العصا في عربية ندى وماكنتش عارفه تعمل ايه لحد ما خبطت في حد وكانت هتقع علي الارض بس هو لحقها
الشخص بعصبيه: ايه مش تبصي قدامك ايه الاستهتار ده
رؤيا بتوتر ولكن اخفته: ايه الأسلوب ده انتَ اللي ماشي ومش شايف قدامك حضرتك بتزعق بدل ماتعتذر ايه قله الزوق دي
وسابته ومشيت
ندى: رؤيا وقعتي قلبي اتكلمت مع الراجل وببص عليكي ملقتكيش، حسيت بيها وهي بترتعش، مالك يارؤيا انتِ كويسه
رؤيا: لا بس انا عايزه اروح
ندى: اهدي بس يا حبيبتي خلاص هندخل نقابل صاحب المعرض وبعدين هنروح يالا تعالي المكتب قريب كام خطوه بس
استووووب
عاصي شاب ثلاثيني، قمحي البشره، طويل القامه، قوي البنيه، وحيد لأبويه من عائله ميسوره الحال
جاد دائما ومندفع احيانا، مسؤول عن المعرض بسبب مرض والده
طرقات علي الباب
عاصي: اتفضل
تدخل رؤيا ممسكه بيد ندى وتقف خلفها
عاصي:اهلا بيكي استاذه ندى اتفضلي ارتاحي
رؤيا استطاعت أن تميز الصوت بسهوله، شعرت بتوتر ولكن تظاهرت بالقوه
ندى: اعرفك استاذ عاصي برؤيا هي اللي عامله التماثيل دي كلها
عاصي يتكلم بسخريه وهو يحاول ان يكتم غيظه
استاذه رؤيا كتله من قله الزوق
رؤيا بتهكم
والله حضرتك الماده الخام لقله الزوق
عاصي وقد نفذ صبره
لا انا كده خلاص جبت اخري انتِ ازاي تتكلمي معايا بالاسلوب ده
ندي: تنظر لهم بدهشه وهي لا تفهم شئ
خلاص ممكن تهدوا ايه اللي حصل لكل ده، اكيد ده سوء تفاهم
استاذ عاصي لوسمحت اهدي شويه، وانتي يا رؤيا تعالي نقعد
أمسكت ندى بيد رؤيا و ساعدتها في الجلوس علي الكرسي
كان يتابع عاصي ما يحدث امامه وهو غير قادر علي استيعاب الصدمه
عاصي: يحدث نفسه ازاي مأخدتش بالك من حاجه زي دي انتَ غبي ومتسرع ديمًا كده، طيب أنا أتعامل ازاي معاها دلوقتي
افاق من تفكيره علي صوت ندى
ندى: استاذ عاصي أنا بعتذر بسبب سوء التفاهم اللي حصل
رؤيا: انتِ كمان بتعتذري هو اصلا اللي غلطان ولازم هو اللي يعتذر
خلاص بقي يا رؤيا مفيش حاجه حصلت
قاطعها عاصي: فعلا استاذه رؤيا معاها حق و أنا بعتذر و ياريت تقبلي اعتذاري
رؤيا تحاول ان تكون هادئه
تمام اعتذارك مقبول
عاصي ينظر إليها بدهشه واعجاب
تمام نتكلم في الشغل
ندى وضعت امامه التماثيل
ده جزء من شغل رؤيا
عاصي يتفحص التماثيل بتعجب
انتِ اللي عامله الشغل ده
رؤيا كانت متفهمه دهشته
ايوه انا بشتغل في النحت من قبل ماتحصل الحادثه وبحبه جدا علشان كدا اصريت إني اكمل فيه حتى بعد اللي حصل
عاصي كان ينظر اليها بإنبهار
الشغل حلو جدا بس في ملاحظات هنتكلم فيها بعد كده ان شاء الله
رؤيا كانت فرحانه ان الشغل عجبه
تمام ان شاء الله
عاصي بعمليه
الحاجه هتتعرض هنا في المعرض وهيبقي ليكي نسبه متعارف عليها في السوق وده جزء صغير اعتبريه مقدم وطبعا هستنى شغل جديد لاني متأكد ان الشغل ده هيتباع وبسرعه كمان
ندى: شكرا جدا لحضرتك
عاصي: مفيش شكر ولا حاجه،وهنتقابل قريب اوي يا استاذه رؤيا
رؤيا بإبتسامة مرتبكه
ان شاء الله، يالا ياندى
السلام عليكم
عاصي يقوم بتوصيلهم إلى باب المكتب، وعليكم السلام
- يتبع الفصل التالي اضغط على (رواية رؤيا ) اسم الرواية
تعليقات
إرسال تعليق