رواية نبضات قلب الاسد الفصل الحادي عشر 11 - بقلم حليمة عدادي

     رواية نبضات قلب الاسد كاملة   بقلم حليمة عدادي    عبر مدونة كوكب الروايات 

 رواية نبضات قلب الاسد الفصل الحادي عشر 11

ميرا : أنا مش موافقه ياأسد أنا مستحيل اتجوز واحد زيك ..

أسد : زي إزاي أنا ألف واحده تتمنى بس نظره مني ..

ميرا : وأنا مش من الألف دول مفهوم ..

أسد بعصبية : إطلعي أوضتك مش عايزك تخرجي منها ..

ميرا : أنا همشي من هنا غصب عنك ..

أسد : وريني إزاي هتمشي يابنت الشرقاوي ..

ميرا بصتله بعدها طلعت تجري برا البيت وهو جري وراها

أسد : ميرا أقفي تعالي هنا مش هتقدري تخرجي ..

وصلت ميرا للبوابه وأخيراً حست بالحرية بصت لأسد وراها

أسد : ميرا أقفي إسمعيني ..

ميرا : إبعد عني أنا عايزه أعيش حياتي بحريه ليه عايز تحبسني أنا ما عملتلكش حاجة ..

أسد : ميرا هتروحي فين دلوقتي بصي باتي النهاردة وبكره الصبح إمشي ..

ميرا : لا يا أسد إنت عايزني أرجع علشان تحبسني ثاني ..

أسد بصلها بصدمه لما شاف في ضوء أحمر على صدرها وشاف قناص واقف فوق المبنى اللي جنبهم

أسد صرخ : ميرااااااا

أسد جري ناحيتها وقف قدامها شقت تلك الرصاصة هدوء الليل

ميرا بصتله بصدمه لما أسد وقع عن رجليها غرقان بدمه

ميرا صرخت : اااسد رد عليا أسد إنت سامعني ..

زين دخل يجري هو كان برا قاعد جوا عربيته

زين : أسد أسد إنت سامعني استحمل ياصاحبي بسرعه ساعديني نشيله للعربيه ..

ميرا ساعدته شالوه للعربية وهي بتترعش من الخوف

ميرا بخوف ودموع : هو عايش مش كدا هو مابيتكلمش ليه أسد رد عليا أنا السبب ..

زين: ميرا اهدي هو كويس

كان بيهديها وهو قلبه هيقف من الخوف

***************************

صهيب مسكها من ذراعها وهو متعصب : إنتي متعوده تسهري مع الحيوان دا ..

نيار : إنت عملت ايه ياغبي أنا كنت هعرف إزاي أتعامل معاه ..

صهيب : أنا أبقى غبي لو سيبتك معاه أنا هاخذ روحه دلوقتي ..

نيار ندهت للجادر : خذوا أسر للدكتور بسرعه ..

الرجاله خذوا أسر بسرعه كان خلاص فقد وعيه

صهيب : رايحه فين خليه يموت ولا أنا اللي هخلص عليه بإديا ..

نيار : صهيب سيب ايدي أنا هعمل إيه دلوقتي دول هيقتلوك ..

صهيب قرب منها وعينيه بتطلع شرار : أنا مش خايف من حد واللي هيقرب منك أنا هنسفه من على وش الأرض ..

نيار : تعالى معايا بسرعه قبل ماحد يشوفك ساعتها الثمن هيكون روحك ..

صهيب بغضب : قلتلك نهرب من هنا لكن إنتي شكلك متعوده على السهر مع الأشكال دي ..

نيار محستش بنفسها ضربته بالقلم

نيار : أنا غلطانه لأني بتكلم معاك مسكت ايده وسحبته وراها لعند المخزن ..

صهيب : أنا بعمل إيه هنا خرجيني

من غير ماتتكلم فتحت الباب ونزلوا تحت الأرض

نيار : إنت هتبقى هنا ومش هتخرج غير لما أنا أقول ..

صهيب : نيار أنا مش خايف منه ولو إستخبيت هنا هيفكر إني خايف منه ..

نيار : صهيب متجبرنيش أعمل حاجة تانية خليك هنا علشان تبقى عايش ..

صهيب : انا مش هبقى طول حياتي محبوس هنا سيبيني يانيار ..

نيار : علشان خاطري ياصهيب يومين بس وهطلعك ..

صهيب : حاضر أنا هقعد هنا علشانك بس هما يومين ..

نيار : وعد بس أرجوك ما تطلعش أسر دا شخص خبيث وأكثر من مرة حاول إنه يتقرب مني لكن أنا عارفه هعمل معاه إيه ..

صهيب بغيره : هو عملك حاجة ..

نيار : مش هيقدر علشان هو عارف كويس أنا أقدر أعمل إيه لو حاول يقرب مني ..

صهيب : نيار أنا عايز أطلب منك طلب ..

نيار : أي هو علشان أمشي بسرعه ..

صهيب : عايز اخذ بحضني لو مرة ماتفهمنيش غلط ..

نيار قربت منه وحضنته بعدها بعدت عنه وخرجت وقفلت الباب وراها

*********************************

في المستشفى الدكاترة كانوا بيجروا

ميرا بدموع : زين هو في إيه أسد كويس صح ..

زين حاول يمسك دموعه : اهدي ياميرا هو كويس أنا هروح اسألهم ..

ميرا : أهو الدكتور جاي علينا اسأله ..

زين : دكتور طمني هو بخير مش كدا حالته إيه دلوقتي ..

الدكتور : مخبيش عليك المريض حالته خطيرة لأن الإصابه قريبة من القلب والقلب وقف أكثر من مرة ..

زين : أرجوك يادكتور أعمل كل اللي تقدر عليه أنا مستعد أدفع المبلغ اللي تطلبه بس أسد يقوم بالسلامة ..

الدكتور : يا زين بيه إحنا عملنا كل اللي نقدر عليه وربنا يتمم شفاه على خير ادعوله ..

ميرا بانهيار : أنا السبب أنا اللي مسمعتش كلامه وخرجت برا البيت لوكنت سمعته مكنش هيحصله حاجة ..

زين : ميرا قوليلي إيه اللي حصل علشان أفهم ..

ميرا والدموع في عينيها وهي بتفتكر ساعة ماوقع عن رجليها

ميرا : أنا موافقتش إني اتجوزوا وهربت من البيت هو لحقني علشان أرجع وأبات للصبح لكن أنا رفضت أرجع معاه شوية وهو جري ووقف قدامي وفي حد ضربه بالرصاص ..

زين : يعني اللي ضربه بالرصاص كان يقصدك إنتي إنتي ليكي أعداء ..

ميرا : لا أنا ماليش أعداء ماعنديش غير عمي وهو طردني من بيتي لكن هو ميعرفش إني هنا ..

زين : يبقى دا واحد من أعداء أسد مفكرينك حد مهم عنده علشان كدا حاولوا إنهم يقتلوكي ..

ميرا شهقت : هو عنده أعداء كتير ليه وتوصل بيهم للقتل ..

زين : أسد أعدائه كتير إن شاءالله يطلع بالسلامه وأنا هعاقبهم ..

******************

نيار : أسر عامل إيه يادكتور ..

الدكتور : هو قوي وقدرنا نطلع الرصاصه هو فاق دلوقتي ..

نيار دخلت لعنده شافته باصص قدامه والغضب باين عليه

نيار : عامل إيه دلوقتي ياأسر ..

اسر : هو فين الهمجي دا بلغي الرجاله علشان يمسكوه ويجبوه لعندي ..

نيار : إنت هتعمل معاه إيه ..

اسر : هقتله وأخليه عبره لكل اللي يحاول إنه يمد إيده عليا و هعلق جثته في الساحه ..

نيار : هو معملش حاجة غلط هو كان بيدافع عني ..

أسر : إنتي مش محتاحه حد يدافع عنك ياقمر ولا علشان متعوده تسهري معاه مش عايز حد يشاركه فيكي ..

نيار : أسر إحترم نفسك وإعرف إنت بتتكلم مع مين كلمه مني هنسفك من على وش الأرض ..

اسر : هههه أنا هدفعلك أكتر منه وكمان هبسطك بس تعالي معايا ..

نيار بغضب : كلمة كمان وهخليك من غير رجلين و ايدك الثانيه هتوحشك ..

خرجت وسابته باصصلها بغضب

*****************

خرج الدكتور من غرفة العمليات وهو باصص للأرض بيأس

زين : خير يادكتور زين بخير هو فاق ..

ميرا : أسد كويس ممكن أشوفه هو كويس ..

الدكتور : للأسف أسد بيه إتوفى البقاء لله

ميرا : لاااااااااا

******************

صهيب سمع الباب بيتفتح استخبى

نيار : صهيب إنت فين تعالى دي أنا نيار ..

صهيب : إتأخرتي ليه فكرت إن الكلب دا عملك حاجة ..

نيار : ولا يقدر يعمل حاجة إنت لسه متعرفيش كويس ..

صهيب : أنا أعرفك قلبك حجر ومش بتحسي خالص ..

نيار : عندك حق أنا قلبي زي الحجر ومش بحس خذ جبتلك أكل وميه ..

صهيب : إمتا هخرج من هنا أنا تعبت من المكان دا ..

نيار : هتقعد هنا لحد مالاقي حل للمصيبه اللي عملتها أسر عايز يقتلك ..

صهيب : سيبيه يقتلني أنا هخلص عليه قبل ما يقرب مني ..

نيار : صهيب إبعد عن المشاكل أنا مش كل مرة هقدر أحميك لوكان الزعيم هنا كنت ميت من زمان ..

صهيب : نيار أنا بحبك ومستحيل أسمح لحد إنه يقرب منك فاهمه ومش هرتاح إلا لما أخرجك من هنا ..

نيار : تبقى بتحلم ياصهيب أنا مستحيل أسيب الشغل دا إنت بتتعب نفسك على الفاضي أنا مش بحبك ولا هحبك ..

صهيب : قوليها وإنتي باصه جوا عينيا علشان أصدقك ..

صهيب قرب منها وحط إيده أسفل ذقنها ورفع راسها

صهيب : يلا قوليلها عايز أسمعها ..

فجأة سمعوا أصوات ودوشه جايه من بره

نيار : إيه اللي بيحصل خليك هنا أوعى تطلع ..

صهيب : نيار تعالي خليني أخرج معاكي أنا قلبي مش مطمن إنك تخرجي لوحدك ..

نيار : صهيب يمكن يكونوا بيدوروا عليك خليك هنا ..

نيار خرجت تجري وقفلت الباب

نيار : إيه اللي بيحصل هنا يارجاله ..

الحارس : أسر ياهانم

يتبع….

• يتبع الفصل التالي اضغط على (رواية نبضات قلب الاسد) اسم الرواية