رواية وعد كاملة بقلم حمادة هيكل عبر مدونة كوكب الروايات
رواية وعد الفصل الثاني 2
لما فتحت الباب ولقيته
علي .. اخويا
مكنتش عارف أتمالك نفسي من اللي شايفاه ..صدمه أو مفاجاه مش عارفه ..كل اللي اعرفه اني نزلت على ركبتي
وحضنته وفضلت ابكي
وقولتله..ياااه وحشتني اوي يا علي
وانتي كمان يا وعد
وحشتيني ..كبرتي وبقيتي اجمل عروسه
انا كل سنه في نفس المعاد بحتفل بعيد ميلادك
ابتسم وبعدها بص في عنيا وقال
انا عايزك تخلي بالك ؟
من ايه ؟
خلي بالك يا وعد
من ايه يا حبيبي ؟
منه ..هو مش ناويلك على خير
مش فاهمه ..
بعد عني وانا بحاول امسكه
بس زي ماتكون في حاجه مكتفاني
استني يا علي ..متمشيش انا مصدقت
علي ..يا علي
صرخت وانا بقوم من نومي وعرقانه جامد
وبتلفت حواليا ..يمكن ألاقيه..
خرجت من الاوضة وروحت المطبخ عشان اشرب
شربت ورانا راجعه..لمحت حركه غريبة ورا الستاره
كانت بتتحرك ..رغم أني قافله الشباك كويس
ومفيش هوا والجو حر
قربت من الستاره ..ولمحت حذاء تحتها
حذاء طفل صغير .. ايوه انا عارفاه
دا بتاع علي ..كان بيحبه اوي وهو صغير ..
قربت ببطء ..وانا بقول علي ؟
انت هنا يا حبيبي !!
مفيش رد
بلعت ريقي ودقات قلبي كانت بتزيد مع كل
خطوه وانا بقرب من الستاره
وشديتها مره واحده ولمحته واقف
وساعتها بص لي وقالي
لازم تلحقيها بسرعه
الحق مين ؟
تيته
تيته !!مالها ؟
ارجوكي مفيش وقت
قالها واختفى ..مسكت الستاره ورفعتها كان اختفى تماما وملوش أثر…
معرفش في ايه ؟
دخلت نمت بصعوبه وتاني يوم وانا في الشغل
كلامه عن تيته قلقني. فقررت اتصل اطمن عليها تليفونها كان مقفول
خلصت شغل واخدت عربيتي وطلعت بسرعه على بيت جدي في البلد..وصلت تقريبا بعد نص الليل
دخلت كان باب البيت مفتوح والدنيا ضلمه
تيته !! انتي فين
سمعت صوت صرخه مكتومه جاي من أوضة تيته
قلبي دق بسرعه وجريت على اوضتها
فتحت الباب ولقيت تيته نايمه وفي راجل جنبها
كان..
- يتبع الفصل التالي اضغط على ( رواية وعد ) اسم الرواية
تعليقات
إرسال تعليق