رواية طفلي الصغير كاملة بقلم هدير عبدالعليم عبر مدونة كوكب الروايات
رواية طفلي الصغير الفصل التاسع عشر 19
ريم بعصبيه وصوت عالى: هو أنتِ إزاى بتكلميني كده ؟
يمنى بهدوء: يا بنتي يا حبيبتي أنا مش عايزه مشاكل , أنتِ شايفه ان ده وقت كلام فى خطوبه و زين تعبان , دا أنا هموت من الخوف عليه.
ليلى أخدت ريم على كرسي بعيد : ممكن تقعدى هنا لحد زين ما يكون كويس وأنا هاجى اخدك تطمنى عليه.
ريم برفع حاجب: لا أنا مش هستنى هنا , أنا مش طفله أنا هعرف اطلعله.
^^^
أيمن جاى من فوق :أنا اطمنت على زين هو لسه فى العمليات , أحسن مما كنا متوقعين الحمد لله.
يمنى بهدوء: الحمد لله.
ريم نازله من فوق وراء أيمن : عمو هو زين فين؟ هى فين غرفه العمليات ؟أنا طلعت دورت عليه بس مش عارفه أشوفه.
أيمن: أنتِ مين؟
ليلى بدهشة : مريم و سليم و سلمي جايين .
مريم بقلق: زين فين؟ عامل أيه؟
ريم : خائفه عليه؟
مريم بتكشيره و غضب : مين إللى جاب البت دى هنا؟
أيمن ب استفهام: هى مين؟
مريم : زميله زين فى الكلية.
أيمن: اه.
ريم : عن اذنكم هطلع أطمن على زين فوق لأنى بدأت اقلق عليه أوى.
مريم مشيت بسرعه وراها : ريم مين السبب ان زين يعمل الحادثة ؟
ريم : بتساليني أنا لى ؟
مريم : رامي مات فى الحادثة يا ريم , عرفتي؟
ريم : يا حرام , ربنا يرحمه
مريم : مين السبب ان رامي و زين يركبوا مع بعض عربيه رامي؟ , و الغريب إللى كلنا عارفينه ان زين و رامى حصل بينهم خلاف و بسببك.
ريم بصوت عالى : بت أنتِ اقسم بالله ما تحاولى تدخليني فى مشاكل ل اخليكِ تقعدى جنب أمك.
يمنى بعصبيه بتمد أيديها على ريم : أمشي اطلعي من هنا , أنتِ معندكيش ذوق .
ريم : هو أنتوا فاكرين نفسكم مين , والله ل اعلمكم الآداب.
يمنى : فى داهيه.
مريم: ماما أنتِ إزاى عرفتي أننا شدينا مع بعض ؟
يمنى : كنت جايه أخد منك رقم الباص إللى بيوصل محمد و سمعت كل حاجه لان صوتها عالى.
مريم: ..
يارا : مين فيكم فصيله الدم بتاعته O.
يمنى : تقريباً مفيش غير سلمى هي إللى O.
مريم : وأنا فاصيله دم O.
يارا : كده كده الدم إللى هناخده مش هنحتاجه غير بعد ١٢ ساعه لان بنك الدم بعيد.
مريم : مفيش مشكله أنا هتبرع بيه او أروح مع بابا مستشفى تانى نجيب دم.
يارا : زين فاق بس لازم نعمله إشاعة على المخ و مش هينفع دلوقتى علشان البنج.
مريم : هو عامل أى ؟
يارا: هندخل عنده كلنا دلوقتى
يمنى : ياريت علشان أطمن لان قلبي وجعني عليه أوي .
^ بعد خروج زين من المستشفى^
يارا : مين ؟
ريم : أنا ريم
يارا : زين مش هيقدر يقابل حد دلوقتى, لانه لسه تعبان.
ريم : بس أنا كلمته فى الفون و قالى تعالى.
يارا : أنا الدكتوره و أنا إللى احدد أمتى حضرتك تيجي و أمتى لا.
ريم : أنتِ دكتوره اه بس على نفسك , أنا هدخل ل زين.
يمنى فى الصاله جوا بس حاسه ان فيه مشكلة: مين يا يارا ؟
يارا : دى..
ريم دخلت بالعافية: أنا يا طنط
يمنى : ازيك يا ريم عاملة أيه, إحنا لسه مش بندخل حد ل زين.
ريم بعصبيه : بس أنا مش حد .
يمنى بهدوء و إبتسامة: لما زين يقوم بالسلامة ممكن يقابلك بره , لكن عايزه الحقيقه أنا ميشرفنيش تيجى عندنا هنا حتى لو مره واحده .
ريم بغيظ : امم , ماشى والله لا أعلم حضرتك الأدب.
يمنى ب إبتسامة وضحك:لازمتها أى حضرتك مع الشتيمه وقله الذوق , للأسف إن فيه ناس كتير أوى اليومين دول محتاجين يتربوا من أول وجديد .
ريم : سلام.
سلمى : واقفين بره لى؟
يمنى : جايين أهو يا حبيبتي.
سلمى : زين عايزكم.
يمنى : عايز مين ؟
سلمى : قالى قولى ل ماما و يارا كلموا .
يارا : ماما براحه عليه.
يمنى بتنهيده : حاضر , يلا ندخله.
زين : لى عملتوا كده؟
يمنى : عملنا أى يا حبيبى
زين : مشيتوا ريم
يمنى بقوة : لانها مش زينا و أسلوبها مختلف كلياً عننا .
يمنى :.ء
- يتبع الفصل التالي اضغط على (رواية طفلي الصغير) اسم الرواية
تعليقات
إرسال تعليق