رواية العشق الممنوع كاملة بقلم مارلي إيهاب عبر مدونة كوكب الروايات
رواية العشق الممنوع الفصل السابع 7
كان يجلس عمار هو وحورية في كافية
عمار بيحاول يكون هادي…. ممكن تفهميني ليه بتكرهي الناس الاغنياء
حورية والكره يشع من عيونها… لانهم هما اللي دمروا حياتي واخدوا ابويا مني مكنتش متوقعة في ويوم من الايام انه يروح مني بطريقة دي وكمان من غير ما حقه يرجع
عمار بقلق…. ازاي
حورية بدموع…. كان عندي 13 سنه لما نزلت انا وبابا نجيب حاجات للبيت وكنا ماشيين عادي وانا كنت عايزة اشتري ايس كريم وقولتله وهو قالي خليكي واقفة وانا هجبلك راح يجبلي وهو ماشي عربية كانت ماشية مخالفة خبطته وقع قدام عيني
واللي خبطته بكل بحاجة وبرود نزلت وبصتله كانه كلب وراح مش بنادم من لحم ودم ومسؤل عن اسرة روحت عند ابويا والناس كلها اتلمت علينا واتصلوا بالاسعاف وفضلوا يقولوها مش تاخدي بالك. وانا قولتلها حرام عليكي. انتي اللي خبطتيه ودينا المستشفى ابويا هيموت وقتها ردت عليا بمنتهي الاحتقار وقالت ليا انا هركبكم انتم معايا وفي عربيتي علشان توسخوها لا مستحيل وبعدين ما يموت ولا يغور في ستين دهية
وقتها صرخت فيها وقولتلها انا هحبسك مش هتفلتي منها
وقتها قالت بكل جبروت وقسوة قلب…… انا شاهندا يوسف السيوفي هتحاسب علشان ابوكي وضحكت بسخرية قالتلي. وريني هتحبسيني ازاي
واخد عربيتها ومشيت
عمار اتصدم اول ما قالت اسم خالته اتصدم ومكنش قادر يتكلم سكت حاسس ان عايز الارض تنشق وتبلعه الدموع اتملت من عيونه كانت بتتكلم بحرقة
حورية ودموعها تنزل… مهماش عياطي وصرخي ومصعبش عليها الراجل اللي مرمي بسببها علي الارض كانت قاسية وجبروت مهماش العيلة اللي هتشرد بسبب اب مات وهي كان معها حق الشرطة جابت الحق علي ابويا وهو اللي كان ماشي غلط ومش مركز وطلعت براءة وقتها كانت في القسم وصوت ضحكها بسخرية كان مسمع القسم وهي بتبصلي بشماته قدام امي وبتقول….. اعرفي مقامك يا شاطرة انتي واهلك اخركوا تمسحوا الجزم بتاعتنا مش ترفعوا قواضي علينا من ساعتها وانا بكرة كل الاغنياء وهفضل اكرهم طول حياتي
عمار بدموع بيحاول يدريها قال… بس مش كلهم وحشين في ناس بتبقي كويسة
حورية بسخرية…. بجد لا كلهم بلا استثناء وعمر ما نظرتي فيهم هتتغير
وبعدين نظرت له بحدة…. وبعدين انت بتدفع عنهم ليه بعد اللي حكتلك عليه
عمار بهدوء… صوابع ايدك مش. زي بعضها يا حورية في ناس وحشة اذا كانت غنية او فقيرة وفي ناس كويسة اذا كانت فقيرة او غنية ده اللي انا بحاول اقوله
حورية بدموع… عمر ما نظرتي هتتغير فيهم ابدا هفضل اكرهم طول حياتي هما السبب اني اتحرم من ابويا وهما السبب اني امي تبهدل علشان تصرف عليا هما السبب في كل حاجه وحشة حصلت ليا
عمار… طب اهدي
حورية مسحت دموعها وقالت… انا همشي
عمار… طيب يلا
عمار دفع حق الحاجه اللي طلبوها ومشوا وهو مكنش مصدق ان خالته بالجبروت ده وان قتل النفس سهلة عندهم كدة معقول خالته تعمل كدة
اما حورية كانت تنظر لشروده الشديد ومستغربة منه
حورية وقفت بهدوء.. عمار
عمار كان ماشي ومسمعهاش وهي بتندي
حورية بصوت اعلي… عمار
عمار بصلها ورجع ليها…. في اية وقفتي ليه
حورية بهدوء… انت ليه سرحان من ساعة ما حكتلك حكايتي انت منهم
عمار بصدمه.
..،…،.،.،.،.،.،.،،…،.،.،.،.،.،.،.
في بيت كاميليا نزلت وكان مهاب مستنيها في العربية
كاميليا ركبت بابتسامة…. صباح الخير
مهاب بهدوء… صباح النور
كاميليا بإبتسامة…. معلش تعبتك معايا
مهاب بابتسامة… لا مفيش تعب ولا حاجه
كاميليا ملقتش اي حاجه تقولها سكتت
مهاب بعد ما طلع بالعربية… ريهام عاملة اية
كاميليا بتنهد…. بصراحة اللي بيعملوه اخوك فوق احتمال اي حد وبعدين انا حاولت اني ابعدها عنه اكتر من مرة ولكن رفضت وبنتي كرامتها بقت في الارض
مهاب بضيق… ايهم طايش ودي حقيقة وبنتك مش بتاخد موقف حزم معاه احنا تعبنا بسببه كتير واللي بيحصل فوق الاحتمال بس مش قادرين نعمله حاجه
كاميليا بحزن… معاك حق الموضوع بقي معقد اوي مش عارفة هو ليه رابطها جنبه بما انه لا بيحبها ولا عايز يتجوزها في اية
مهاب بضيق.. صدقيني انا مقدر موقفك وعارف ان اخويا غلطان غلط كبير بس نعمل اية مفيش في ايدينا اي حاجه نعملها
كاميليا بحزن… معاك حق
كاميليا ابتسمت… وانت مش ناوي تفرحنا بيك
مهاب ابتسم… لا مش ناوي انا مليش في الجواز
انا واحد عملي جدا جدا
كاميليا ابتسامتها زادت… بس لازم تأسس حياتك
مهاب ابتسم… مش فارقة صدقيني يا مدام كاميليا انا مش فارق معايا حكاية الجواز دي
كاميليا…. يمكن بكرة تغير رايك
مهاب ابتسم…. يمكن
في البيت عند انجي كانت تجلس والباب خبط وكان زياد
انجي بهدوء….. في حاجه يا زياد
زياد بهدوء… كنت عايز اتكلم معاكي في موضوع
انجي… اتفضل
زياد دخل وقعد وقال… انا هدخل في الموضوع علي طول انا جاي اطلب ايد حورية
انجي بهدوء… بس مينفعش
زياد بضيق.. ليه ان شاء الله ناقصني ايه
انجي بهدوء… اول حاجه انت وبنتي مش مناسبين لبعض انا بنتي كلها سنتين تلاته وهيكون معاها شهادة جامعية وانت مش معاك غير الاعداديه وده مش هينفع تاني حاجة المشاكل اللي بينا وبين والدتك وانا مستحيل اسلمك بنتي حتي لو صرفت نظر عن الشهادة التعلمية مستحيل ابدا اخلي امك تبقي حماة بنتي وتلات حاجة والدك وانت عارف انه اتقدملي قبل كدة واكيد مش ينفع يكون في اي احتكاك بنا نهائي علشان والدتك دي بعض الاسباب
زياد بضيق… انا مليش دعوه وبكل ده وبعدين. البت ملهاش غير بيت جوزها مش دروري شهادة جامعية
انجي بضيق…لا البنت ليها تعليمها وليها مستقبلها وشغلها وجوزها ده اخر حاجه افكر فيها وانا قولتلك اسبابي يا زياد واتمني تلقي بنت الحلال اللي تناسبك
زياد اتعصب وقال… انا هتجوزها يعني هتجوزها غصب عن عين الكل
وخرج بغضب شديد
،..،.،.،.،.،.،.،..،.،،.،..،،
لو سمحتم التفاعل ليه التفاعل قليل بالمنظر ده اتفعلوا اعملوا لايك
ياتري عمار هيقول حورية انه ابن ناس اغنياء ولا لا ولو قالها هي هتتقبل ده ولا لاء بعد ما شافت اللي عملوه علشانها
- يتبع الفصل التالي اضغط على ( رواية العشق الممنوع ) اسم الرواية
تعليقات
إرسال تعليق