رواية جحيم الصعيد كاملة بقلم أميرة أسامة عبر مدونة كوكب الروايات
رواية جحيم الصعيد الفصل السادس 6
رحيم ساب.. دكتوره سماح ونزل يجري عالصيدليه اللي بتبعد عن البيت بمسافه مش صغيره.. ونزل يجري بين الزرع عشان يقدر يخرج بسرعه علي الشارع ويشوفها راخت الصيدليه زي ما توقع ولا لا…فضل يجري وسط المطر والرعد والبرق شغال..وبيدعي من جواه ميكونش حصلها حاجه كان جواه مشاعر متلخبطه مابين خوف وقلق وحيره عايز يعرف نزلت ليه وليه مصممه تروح الصيدليه ليه مقالتلوش عاللي هي عيزاه.. ليه مخافتش علي نفسها من كل اللي عايزين يأذوها.. ايه اللي خلاها تخبي عليا حاجه هي عيزاها وتعرض نفسها للخطر.. كان بيجري زي المجنون كأنها بنته حبيبته حاجه تخصه خايف عليها من اي حاجه تحصلها… وكل ما كان يسمع صوت البرق. كان يجري اسرع عشان يلحقها ويفتكر لما قالتله انا عندي فوبيا من صوت الرعد….وفوسط ماهو بيجري وقبل ما يخرج عالشارع…..وقف مره واحده اول ماشاف المنظر..
لمح رجاله كتير بتجري وبيتكلمو مع بعض…
الاول… اجري..من الناحيه دي واني هجري اكده… وانت روح اكده…
عايزكم تجلبو عليها الارض دي كلتها ومتجوش غير وهي فيدكم بنت المركوب دي.. كان جلبي حاسس انها لسه موجوده.. يلا بسرعه..
وفنفس اللحظه سمع رحيم بعد هدوء صوت الرعد صوت نفس عالي كأن حد بيصارع عشان ياخد نفسه.. ركز رحيم في مكان صوت ومشي براحه.. دخل جوه الزرع.. لمح حور .. كانت واقفه بضهرها وحاطه ايدها الاتنين علي بوئها…عشان محدش يسمعها..قرب منها وبسرعه حضنها من ضهرها .. وحط ايده علي بوئها فوق ايديها… وهمسلها في ودنها… متخافيش انا رحيم…بمجرد ماسمعته….لفت وشها ليه. وبسرعه لفت ايديها علي رقبته ودفنت وشهافي صدره.. وقالتله…
حور… رحيييييم… متسبنيش…
رحيم… متخافيش انا جنبك.. مش هسيبك .. بلاش تعملي صوت….وخليكي هنا….
حور… مسكت فيه .. لا متنسبنيش والنبي..
رحيم… قولتلك متخافيش..
خرج.. رحيم براحه من بين الزرع….. واول ما خرج بعد شويه عنها لقاهم بيدورو في كل مكان حس بالخطر عليها.. طلع المسدس بتاعه وضرب فالجو.. طلقات كتير ورا بعض..بطريقه يفهمها الغفر بتوعه… اول ما سمعو الطلقات ..
ارجعو بسرعه دول اكيد الغفر بتوع العمده.. ولو اتجفشنا العمده هيطلع عنينا….
فاللحظه دي بقي يخرج الغفر عالمزرعه ويضربو نار من كل حته…..بعدها اتقدم رحيم.. علي اول واحد مسكه وفضل يضرب فيه وجه واحد علي رحيم يضربه بحركه سريعه رحيم كان ماسكه من دراعه وتانيه وبقو يتجمعو علي رحيم بسرعه وهو بيسددلهم ضربات لحد ما اتجمع الغفر.وحاوطو.. الرجاله……من كل اتجاه…..ومسكوهم الغفر….ورجالت رحيم….
رحيم…. خدوهم من اهنه وارموهم فالمخزن لحد ما اجيلهم واتوصو بيهم يارجاله لحد ما اجي عشان اعرف الكلاب دوا كيف يتجرئو ويدخلو مزرعه العمده وكمان جايين يتهجمو عليه….
واحد..منهم… ابوس ايدك يا جناب العمده غلطه ومهتتكررش…
رحيم… اكيد ماهتتكررش طول مااني موجود انما حسابكم لسه مابتداش معايا… خدوهم يارجاله..واتجمعو رجاله رحيم..اللي خرجو بسرعه البرق من كل مكان ومسكوهم…وودوهم عالمخزن بتاع رحيم….
واحد من الغفر…تأمرني بحاجه يارحيم بيه…
رحيم… لاع روح انت يا حميده.. وراهم اني رايح عالبيت وشويه ورايح للكلاب دول عالمخزن….
فضل رحيم.. واقف واول ما اطمن.. ان كلهم مشيو …
راح علي حور .. جوه الزرع… لقاها اعده فالارض ضامه رجليها علي صدرها ومخبيه وشها .
رحيم….. قرب منها ووطي لمستواها…..متخافيش خلاص كل حاجه تمام…
رفعت حور.. وشها.. وبصتله وهي خايفه منه لقت وڜه جامد خالي من التعابير ملامحه جامده.. وكأنه نفسه يكسر دماغها…
قام.. رحيم…يلا عشان نروح البيت هدومنا اتغرقت خالص عشان متبرديڜ كمان….
حور… قامت من غير ولا كلمه ومش قادره تقف علي رجلها اللي اتبهدلت مايه وطينه من الزرع…والكوتش اللي كان في رجلهااتقلع منهاوهي بتجري….
رحيم… سبقها وبص وراه لقاها لسه بتحاول تاخد خطوه..
اساعدك….
حور… نزلت راسها فالارض… لا شكرا….انا همشي .لوحدي…
لف رحيم.. تاني بمجرد ما قالت لا وقبل ما يسمع باقي كلامها…
حور. انا هدومي متبهدله طينه وهبهدلك….
وقف رحيم… ونفخ وحط ايده علي راسه ومررها كذا مره دليل علي خنقته منها وفنفس الوقت صعبانه عليه وعايز يعرف عملت كده ليه..
رجعلها من غير ولا كلمه.. ووطي عليها يشيلها حط ايده علي ضهرها والايد التانيه تحت مؤخرتها… ومش باصص عليها خالص… اما هي فا اول ما شالها سكتت منطقش لفت ايديها حوالين رقبته وفضلت باصه علي ملامحه ونفسها بيخبط في وشه ورقبته.. اما رحيم.. فا نفسها وقربها منه كان كفيل انه يخلي مشاعره في حاله هياج وثوران غير طبيعيه….فضلو عالحال ده لحد ما وصل بيها لحد البيت… واول ما وصلو فتحت الدكتوره بسرعه الباب..
دكتوره. حنان… الحمد لله انكم بخير…
زق رحيم الباب.. اكتر برجله…. وسط زهول الدكتوره.. فا هي اول مره تشوف رحيم قريب من ست كده رحيم معروف عنه انه ديما حاطط حدود مع اي ست ومفيش اي ست تقدر تقرب منه..وهو معروف باخلاقه وسمعته…
دخل بيها عالاوضه وبعدها عالحمام….
رحيم… ورجع للهجته الصعيديه…
اني هجبلك الدكتوره.. تساعدك فالحمي.. وتغير خلجاتك دي كلها… وبعدها تخرج تغيرلك عالجرح بتاع رجلك…
حور…. بلاش يارحيم.. انا هاخد شاور لوحدي….
قرب.. منها رحيم.. بعصبيه ومسك ايدها… انتي ليه عنيده اكده.. كل حاجه لا لا لا.. في ايه ماهتجوليش حاضر من سكات ليه….
حور.. وابتدت دموعها تنزل…عشان متعودتش حد يدخل معايا ويشوفني وانا بتكسف… ممكن تسيب ايدي انت بتوجعني
رحيم…. سكت ومعرفش يرد عليها.. وبسرعه ساب ايدهها..
رحيم.. الدكتوره لازم تساعدك ياحور انتي مش شايفه شكلك عامل ازاي… وبعدين تخرجي تحكيلي كل حاجه..وتعرفيني ليه خرجتي من غير ما تجولي..
حور… طيب ممكن الاول ماتخليهاش تيجي….
رحيم…. يابنتي بطلي عناد ما شيفاش رجليكي وحالتك عامله كيف. وبعدين البيت كله غرج دم .. وسكت مره واحده.. لما شاف تحت رجليها.. مليان دم..
رحيم… ايه ده الدم ده كله….انتي بتنزلي دم من كل حته…
يادكتوووووووووره…
سماح… ايوه يارحيم بيه اني موجوده…
رحيم…بعد اذنك تدخلي تساعديها.. زي مانتي شايفه مفيش حد غيرك اهنه وهي كيف ماانتي شايفه بتخرج دم من كل جسمها…
سماح.. اتفضل اخرج يا رحيم بيه واني هتصرف متجلجش…
قبل ما يخرج مسكت حور ايده… عشان خاطري.. انا هاخد شاور لوحدي….
رحيم… مسك ايدها ونزلها من عليه… من اللحظه دي اني اللي هجول ايه اللي يتعمل…وتبطلي عند…يلاااا يادكتوره.. ساعديها واني هستني بره….
خرج رحيم… وحور فضلت تعيط…
دكتوره.. سماح… هتبكي ليه عاد… مش نجول الحمد لله انه محصلكيشي حاجه… وبعدين.. ماتزعليش من رحيم بيه.. هو جلبه طيب بس كان خايف عليكي جوي..
حور… خايف.عليا…
سماح.. ايوه مشوفتيهوشي وهو بيجري رايح جاي فالبيت كيف المجنون وثواني وكان بره البيت.. بيجري يدور عليكي….باين عليكي غاليه عنديه… وصراحه رحيم بيه معروف عنه انه ملوش فالحريم واصل ولا بيحب السكه العوجه دي بس اللي شوفته معاكي غير اكده..
حور… واضح انك تعرفي عنه حجات كتير..
سماح.. ولا كتير ولا خاجه هو عمدتنا واهله كلهم ناس زينه وجمايله مغرجاني اني وابويت يمكن الفضل ليه بعد ربنا فأني ادخل طب واتخرج منها كمان هو اللي ساعد ابوي في دراستي.. لحد ما خلصت واتعينت كمان عشان كده مجدرش ارفضله طلب.. وبردله جزء بسيط من جميله..
حور…. افتكرت ان ده كان حلمها حزنت..
ربنا يوفقكم .
سماح… يلا بجي عشان اساعدك بجيتس كيف التلج وجسمك بيشلب دم..من كل حته..خليني اشاعدك ومتخافيش مش هبص عليكي. صدجيني..
حور… مش هينفع صدقيني اصل انا اصل….يعني ده السبب اللي خلاني اخرج من البيت ومقدرتش اقول لرحيم. عليه..ينفع تساعديني…
سماح..سر. ايه عاد..
حور… انا جاتلي البريود ومش معايا اي حاجه استخدمها وطبعا مقدرش اقوله .حاجه زي دي…ومعرفتش اجيب اصلا وادي فلوسه اهي في جيبي اصلا مش عارفه ازاي ادهاله هيقول عليا حراميه….
سماح.. متجلجيش… اني معايا فالشنطه بتاعتي .. كام..واحده..هدهملك..مؤقتا..يلا بجي عاد..
حور اعده علي حرف البانيو و
فضلت تساعدها حنان وفضلو جوه اكتر من نص ساعه….
سماح… بس خلصنا الحمد لله يلا نطلع بجي نغير علي الجروح دي…
حور.. ماسكه بطنها وبتترعش…..ومش قادره تقوم من عالبانيو ورجليها مغرقه الارض.. دم…وكلها فتحت تاني…
سماح…. رجليكي مرضياش توجف الدم.. واضح انك دوستي عليها كتير… يلا نغير…
مالك بتترعشي كده ليه…وماسكه بطنك ليه ..حاسه بأيه…
حور… انا تمااا وقبل ما تكمل كانت اغم عليه وصرخت سماح..الحجني يارحيم بيه.. الحجني
جري.. رحيم عليها وفتح الباب لقاها اعده عالبانيو وحنان وخداها في حضنها قبل ما تقع ومغم عليها…
رحيم… حصل ايه عا.د وشالها بسرعه كانت لابسه كاش قصير لونه روز في رسمت برج أيڤل بالاسود .. وكانت شبه الملايكه..
حطها بسرعه عالسرير…..
دكتوره… غيريلها بسرعه علي رجليها وحاولي تزجفي الدم .ده…
سماح……. ماتجلجش.. بص اني معايا ماده تتحط عالجرح هي زي الماده الكاويه بس هتوجف الدم علي طول عشان هي نزلت دم كتير وهي ضعيفه…
رحيم…. طيب بسرعه اعملي كده…
سماح…. بس مينفعش تدوس علي رجليها خالص لمده يومين.. ..
رحيم… شوفي شغلك عاد .. واني هتصرف…
فضلت سماح..تغير لحور.. علي رجليها الاتنين..وبعد كده علي وشها… اما رحيم.. فا واقف متابعها وباصص لحور.. اللي لاول مره يوشف منظر دراعتها والكدمات اللي فيها ورجلها من فوق باين عليها اثار التعذيب.. فضل واقف ويساعد حنان ويقلبها عل ضهرها وهي ترفع هدومها وتغير علي علامات الكرباج..وسامعها وهي بتأن من الالم…
خلصت سماح.. شغلها
رحيم.. هي ليه مفاجتش…
سماح.. ده رحمه من عند ربنا انها اغم عليها.. عشان متحسش بكل ده ده اللي فيها ميجدرش عليه رجاله بڜنبات… بس متجلجش هي هتفوج بعد شويه.. لازم تاكل زين هي ضعيفه جداااا وبعدين تاخد العلاج بانتظام هيساعدها تتعافي بسرعه وكمان فجدت دم كتير…وبعدين… يعني..
رحيم… يعني ايه في ايه عاد..
سماح… هي الوجت في فترتها الشهريه…
رحيم.. يعني ايه فترتها الشهريه دي..
سماح… يعني الدوره الشهريه يا رحيم بيه..
رحيم… باحراج..ايوه ايوه اسف.. وبسرعه افتكر سبب تصميمها علي انها تروح الصيدليه..
سماح.. المهم هي عايزه عنايه شويه لان الفتره دي كمان متعبه وهي منجصاش…ولو حست بالم في بطنها تشرب حاجه دافيه وتاخد مسكن.. والمهم تاكل زين…وعلي فكره..هي جالتلي ..ان ده السبب اللي خلاها تروح الصيدليه..كانت محرجه تجولك…وادتني الفلوس دي…مكسوفه تديهاىك خايفه تكون مفكرها حراميه….
رحيم.. بحزن… اني مشكتش فيها ولله بس ليه متجوليش ..
سماح … اعذورها يارحيم بيه.. البنت فالوجت ده بتحتاج امها اختها لاكن حتي ابوها او اخوها بتبجي بالنسبالها محرجه …
رحيم…تمام يادكتوره.. اتفضلي انتي يلا عشان الوجت اتأخر.. وحميده واجف تحت هيوصلك بسرعه اني كلمته وانتي مع حور فالحمام…
سماح… تسلم يارحيم بيه..تؤمرني بحاجه تانيه..
رحيم… طلع فلوس وحاسبها…
سماح… تسلم يارحيم بيه.. وفتخت شنطتها طلعت منها حجات لحور. وحطتهملها في شنطه العلاج. اما رحيم واقف مشتغرب… بتعملي ايه دكتوره وايه اللي عاتحطيه ده..
سماح… لما حور تصحي عرفها اني سبتلها حجات تنفعها الفتره دي.. وياريت الصبح تجبلها من الصيدليه من غير ما تحرجها. او تخليها تضطر تطلب منيك..
لمعت في راس رحيم فكره…. وقرر يعملها..
مشيت الدكتوره…وفضل رحيم يظبط البيت مكان مادخل هو وحور وبهدلو الدنيا وافتكر الاكل ونزل جابه بسرعه من العربيه.. وطلع جهزه يسخن…وبعد كده دخل خد شاور….
وخرج..لقاها فاقت….
رحيم… انتي كويسه..
حور… ايوه.. ممكن…تساعدني اعد…
رحيم…فرح انها طلبت مساعدته اخيرا…
راح ومسك ايدها براحه واعدها…
ومشي ناحيه الباب انا هروح احضر الاكل…
حور…. رحيمممم.
رحيم… وقف ولفلها نعم..
حور…انا اسفه…
رحيم…. علي ايه….انتي عملتي حاجه انتي بس كنتي هتأذي نفسك وتموتي ونازله وسط المطر ولوحدك عادي يعني محصلش حاجه..
حور…ممكن بلاش طريقتك دي….
راح رحيم عليها وبصوت هز البيت……كله..
- يتبع الفصل التالي اضغط على (رواية جحيم الصعيد) اسم الرواية
تعليقات
إرسال تعليق