رواية خفايا القدر الفصل التاسع و الستون 69 - بقلم اسماء صلاح

                      رواية خفايا القدر كاملة بقلم اسماء صلاح عبر مدونة كوكب الروايات

رواية خفايا القدر الفصل التاسع و  الستون 69

 

توقفنا زاهر قال بعصبية : شوقي الناري

وقام جده قال بدهشة : ايه شوقي الناري

زاهر قال : ايوه يا جدي هو اللي قتل أبي وأمي وعمي ومرات عمي

جده قال باستغراب : إزاي مافكرتش انه هو ممكن يعمل كده

خالد قال بدهشة : هو حضرتك تعرفه ياجدي

جده قال بتفكير : ها قولي يازاهر انت عرفت منين انه هو اللي عمل كده

زاهر قال بغضب : انا من ساعة ما الحادثة حصلت وانا بحلم بأبي وأمي أحلام غربية زي مايكونوا بيقوللي دور علي اللي حصل ولما الحلم اتكرار كذا مرة فكرت اني ادور علي اللي حصل في الحادثة وفعلا روحت وقابلت اللواء رفعت وقالي إن النيابة حفظت القضية علشان التحريات موصلتش للجاني والدليل اللي معانا مش كفاية انه يفتح القضية تاني فقولته دليل ايه فقالي كاميرات المراقبة اللي كانت في الشارع بس للاسف الكاميرات مش ظهر فيها اوي الشخص اللي كان بجانب العربية وقولته طيب يافندم مش ممكن حضرتك تعمل تحريات ممكن نوصل لدليل تاني ويكشف من اللي عمل كده وقالي انا مقدر اللي انت فيه انا هحاول علي قده مقدر اني اساعدك

خالد قال باستغراب : وعمل ايه

زاهر قال : ساعدني فعلا وفضل شغال علي الموضوع ده لما ظهرت الحقيقة النهاردة وعرفت مين اللي عمل كده

جده قال بدهشة : ايه اللي حصل علشان تقول ان شوقي الناري هو اللي قتل ولادي

زاهر قال : في واحد شاف الحادثة يومها بس خاف ان شوقي الناري يعمله حاجة وهرب بس قبل مايموت كتب رسالة بكل اللي حصل يومها ووصها واحد صاحبه انه يوصل الرسالة دي للشرطة وصاحبه فعلا عمل كده ولما قراءنا الرسالة عرفنها إن شوقي الناري هو اللي عمل كده في ابي وأمي وعمي ومراته

خالد قال : وهوا عرف منين انه شوقي الناري

زاهر قال : عرف لما شوقي الناري كان بيتكلم مع وأبي وأمي وعمي وزوجته وبيقولهم انتم وابوكم حامد العشري لعبتم بالنار لما فكرتم تقفوا قدامي انا شوقي الناري دي اخرت كل واحد ممكن يقف قدامي قدام شوقي الناري

جده قال بدهشة : معقول اللي انا بسمعوا ده وقعد

ملك قالت : جدي وراحت له

خالد قال بعصبية : والمجرم ده اتقبض عليه

زاهر قال : ايوه يا خالد انقبض عليه في أسيوط

جده قال بحزن : إزاي مخدتش بالي انه ممكن يعمل حاجة بسبب اللي حصل ماكنش ده كله حصل

زاهر قال بدهشة : هو انت تعرف شوقي الناري ياجدي

ونظر له جده وقال بحزن : ايوه اعرفه

خالد قال باستغراب : تعرفوا منين ياجدي

جدهم وقال بحزن : كان فيه صفقة مع شركة عالمية وكان عاوز ياخدها بس ابني حامد لما كلمني عن الصفقة دي وقالي إن الصفقة دي هتنقلنها حته تانية خلاص في الشغل بتاعنها فوافقت علشان الصفقة فعلا كانت مهمة لقيه شركة علشان كده انا قررت ان الشركة بتاعتي تأخذ الصفقة دي وبالفعل اخذنها بس لو كنت أعرف إن الصفقة دي هي السبب في موت أولادي ماكنتش فكرت ابدا اني اخدها

خالد قال بعصبية : معقول ياجدي يعمل في ابي وأمي وعمي وزوجته كدا علشان ماحصلش علي صفقة هو الرجل ده بيفكر ازاي يحرم أولاد من ابوهم وأمهم علشان بس ماحصلش علي صفقة

جده قال بحزن : ولا انا كنت أتخيل اللي هو ممكن يعمل كده تعرفوا لو كان جاني وهددني كنت عرفت انه ناوي علي حاجة كنت اخدت بالي وعملت حاجة وماكنتش فقدت أولادي والله لو كنت اعرف انه هيعمل كده انا كنت اتنزلته عن الصفقة وانا راضي والله علشان احمي حياة ولادي

زاهر قال بعصبية : ماتخافش ياجدي هياخذ جزائه علي اللي عمله معانا

جده قال بحزن : يعني ده هيخلي أولادي يرجعوا للحياة تاني لا طبعا منه لله على اللي عملوا في ولادي وفيا منه لله وأغمي عليه

زاهر وخالد وملك قالوا بخضة : جدي

زاهر قال بقلق : اصح ياجدي جدي

خالد قال بخوف : جدي مالك

ملك قالت بخوف :جدي جدي ومسكت ايده وبتقيس النبط

خالد قال بخوف : ايه ياملك جدي ماله

ملك قالت بقلق : النبط بتاعه ضعيف لازم يروح علي المستشفى حالا

خالد قال ببكاء : يا حبيبي ياجدي

زاهر قال بخوف : متخافش يا خالد اكيد مش هيسبنها ويروح

ملك قالت بقلق : مافيش وقت للكلام ده لازم ناخده علي المستشفى

زاهر قال : شيل معايا ياخالد

خالد قال بقلق : حاضر

وجاءت خيرية وقالت : زاهر احضرلك وبتنظر ايه ماله حامد بيه

زاهر قال : تعب يادادة وهناخده علي المستشفى يلا يا خالد

خالد قال بخوف : حاضر ومشي

ومشت ملك وراهم وعلي وجهها علامات الخوف وبدون تعليق

خيرية قالت بصوت مرتفع : استر يارب ابقي طمني

خالد قال : حاضر

في الصعيد :

في فيلا صابر الجمال :

في الانتريه :

جبران قال : الحق يا صابر بيه

صابر الجمال قال باستغراب : فيه ايه

جبران قال : شوقي الناري اتقبض عليه

صابر قال بدهشة : ايه اتقبض عليه

جبران قال : ايوه يا بيه

صابر قال بدهشة : وعرفت منين

جبران قال : انا كنت في القهوة والناس كانت بتقول انه شوقي الناري الشرطة قبضت عليه

صابر قال باستغراب : وقبضت عليه ليه

جبران قال : معرفش

صابر قال : متعرفش ازاي هي الناس في القهوة متعرفش انقبض عليه ليه

جبران قال : لا يا بيه هما شافوه بس وهو في البوكس

صابر قال بدهشة : وكمان كانوا حطينه في البوكس

جبران قال : ايوه

صابر قال بتفكير : يا شكل الموضوع كبير

جبران قال : باين كده يابيه

صابر قال : طيب روح انت وابعتلي فكري

جبران قال : حاضر ومشي

في الجنينه :

جبران قال : يا الأستاذ فكري

فكري قال : ايوه يا جبران فيه حاجة

جبران قال : صابر بيه عاوزك جوه

فكري قال : طيب ومشي

في الانتريه :

صابر قال : تعال يا فكري

فكري قال : هو حضرتك مش هتسافر مصر

صابر قال : هسافر بكرة

فكري قال : طيب حضرتك كنت عاوزني في ايه

صابر قال : سمعت اللي حصل في البلد

فكري قال : لا حصل ايه

صابر قال : بيقولوا إن شوقي الناري اتقبض عليه

فكري قال بدهشة : ايه اتقبض عليه

صابر قال : ايوه ومالك متفاجئ كده

فكري قال : أصل دي آخر حاجة كنت أتوقعها ونقبض عليه ليه

صابر قال : معرفش

فكري قال باستغراب : امال حضرتك عرفت منين انه اتقبض عليه

صابر قال : جبران هو اللي قالي أصله كان في القهوة وسمع الناس وهي بتقول ان شوقي الناري الشرطة جات أخذته من الفيلا

فكري قال باستغراب : طيب وقبضوا عليه ليه هو عمل ايه

صابر قال : تلقيه عمل حاجة

فكري قال : أو يمكن مسكه حفيده علشان كده جاين يأخدوا

صابر قال : معتقدش أصل لو زي ما انت بتقول كده ماكنوش ركبوه البوكس

فكري قال بدهشة : هما كمان ركبوا البوكس

صابر قال : ايوه فاكر لما قوتلك ان شوقي الناري هو شخص تاني مش زي ما الناس فاكرها اهو حصل الشرطة قبضت عليه

فكري قال : ايوه فاكر بس احنا ايه هنعرف منين ايه اللي حصل

صابر قال : علشان كده انا طلبتك

فكري قال باستغراب : يعني ايه مش فاهم

صابر قال : انا أقصد انك تروح القسم وتعرفلي هما ليه قبضوا عليه

فكري قال : صح وانا كمان عاوز اعرف هما ليه قبضوا عليه

صابر قال : طيب يلا روح وتعال بلغني

فكري قال : طيب ومشي

في مصر

في المستشفى :

في الطرقة :

زاهر قال بقلق : ايه الوضع يادكتور جدي ماله

الدكتور قال : مقدرش اقولك دلوقتي غير لما اكشف عليه دخلوه بسرعة علي الغرفة

الممرض قال : حاضر يادكتور ومشي

ورحوا وراهم زاهر وخالد وملك وعلي وجههم علامات الخوف وبدون تعليق

الدكتور قال : لوسمحتم خليكم هنا

خالد قال بخوف : بس يادكتور

ملك قالت بقلق : الدكتور معه حق يا خالد اتفضل حضرتك يادكتور واحنا هنقف هنا

الدكتور قال : طيب ودخل

خالد قال ببكاء : جدي مش هيسبنها صح يازاهر

زاهر قال بخوف : لا يا خالد ربنا مش يحرمنا منه علشان عارف اللي احنا ملناش غيره

ملك قالت : متخافش يا خالد انت بس ادعيله وربنا إن شاء الله هيستجاب لدعائك

خالد قال بخوف : هدعيله بس هو يقوم بسلامة

ملك قالت : إن شاء الله هيقوم

زاهر قال بغضب : كل ده من المجرم شوقي الناري والله لو جدي حصله حاجة مش هيكفيني فيه عيلته كلها

خالد قال : مش وقته الكلام ده المهم جدي يبقي كويس اهو الدكتور خرج

زاهر قال بقلق : جدي ماله يادكتور

الدكتور قال : ما تقلقوش هو كويس

خالد قال بقلق : يعني هو كويس

الدكتور قال : ايوه كويس انا لركبتله محلول وان شاء الله هيبقي كويس

زاهر قال : طيب يادكتور ممكن نشوفه

الدكتور قال : ممكن بس بدون متكلموش معه كتير علشان هو محتاج للراحة

خالد قال : حاضر يادكتور

ملك قالت : شكرا يا دكتور

الدكتور قال بإبتسامة : العفو ومشي

في غرفة حامد بيه :

وقعد زاهر بجانبه وقال : الحمد لله ياجدي انك كويس انا مش عارف لو حصلك حاجة لقدر الله انا مش عارف كان ممكن يحصلي ايه

خالد قال : خلاص يا زاهر الحمد لله انه كويس

زاهر قال : معاك حق الحمد لله انه كويس

وبتنظر ملك لحامد بيه وقالت : جدي فاق

ونظر له زاهر وقال بإبتسامة : حمد لله على السلامة يا جدي

خالد قال بإبتسامة : كده ياجدي تقلقنها عليك

ملك قالت بإبتسامة : يمكن يكون عاوز يعرف غلوته عندنا وقدا ايه بنحبه

ونظر لها حامد بيه وابتسم وبدون تعليق

خالد قال : انا بيتهيئلي كده برده ياملك

جدهم وقال : هو ايه اللي حصل

زاهر قال : مافيش اغم عليك فجأة والنبط بتاعك انخفض

جده قال : اه ااااه

ملك قالت : جدي متفكرش دلوقتي غير في صحتك دي الأهم دلوقتي وأي حاجة تجي بعدين

خالد قال : ملك معها حق يا جدي صحتك دلوقتي هي الأهم

زاهر قال : صح ياجدي هو ده اللي يهمنا صحتك تكون كويسة

في الصعيد :

في القسم :

فكري قال : ازيك يا شاويش محمد

الشاويش محمد قال : الحمد لله ازيك يا استاذ فكري

فكري قال : الحمد لله كويس

الشاويش محمد قال : هو صابر بيه لسه في البلد

فكري قال : ايوه بكرة إن شاء الله مسافر مصر إنما بتسال ليه

الشاويش محمد قال : لا مافيش

فكري قال : لو عاوز منه حاجة قولي وانا هكلمه

الشاويش محمد قال : لا شكرا مش عاوز حاجة ده كان مجرد سؤال بس مش اكتر

فكري قال : طيب إنما قولي ايه اللي الناس بتقولوا ده

الشاويش محمد قال باستغراب : والناس بتقول ايه

فكري قال : بتقول إن انتم قبضتم علي شوقي الناري ده صحيح

الشاويش محمد قال : ايوه فعلا حصل

فكري قال باستغراب : ليه عمل ايه

الشاويش محمد قال : العلم علمك

فكري قال بدهشة : ايه يعني انت متعرفش انتم قبضتم عليه ليه

الشاويش محمد قال : انا نفسي معرفش احنا قبضنا عليه ليه كل اللي حصل اللي احنا جتلنا أوامر اللي احنا نقبض عليه

فكري قال : معقول اللي انت بتقوله ده ياشاويش محمد

الشاويش محمد قال : هو ده اللي حصل

فكري قال باستغراب : طيب وازاي شوقي بيه جيه معاكم كده من غير ما يعرف انتم قابضين عليه ليه

الشاويش محمد قال : ماهو ده اللي انا مستغربله

فكري قال باستغراب : ليه هو فعلا مسالش

الشاويش محمد قال : ايوه مسالنش أي سؤال ده بالعكس كمان قال للضابط شوف شغلك زي مايكون عارف هو عمل ايه وكمان مستنينا

فكري قال باستغراب : معقول ده

الشاويش محمد قال : هو ده اللي حصل ولو مش مصدقني جوه حضرة الضابط أدخل واسأله هيقولك نفس اللي انا قولته

فكري قال بإرتباك : لا ضابط ايه انا مصدقك بس مستغرب من اللي انت قولته

الشاويش محمد قال : وانا كمان مستغرب من اللي حصل

فكري قال : امال شوقي بيه فين عند الضابط

الشاويش محمد قال : لا في الحجز

فكري قال بدهشة : ايه في الحجز

الشاويش محمد قال : ايوه

فكري قال باستغراب : وكمان حجز يا الموضوع كبير بقي

الشاويش محمد قال : الله واعلم إنما قولي انت كنت عاوز ايه

فكري قال بإرتباك : لا مافيش انا كنت معدي من جانب القسم قولت أدخل اسلام عليك

الشاويش محمد قال بإبتسامة : الله يسلامك تشرب ايه

فكري قال : ولا حاجة انا هامشي بقي وقام

الشاويش محمد قال : طيب مع السلامة

فكري قال : الله يسلامك ومشي

في المستشفى :

في غرفة حامد بيه :

جاء الدكتور وقال بإبتسامة : لا ده احنا باقينا كويسين

حامد بيه وقال : الحمد لله يادكتور

ومسك الدكتور ايده حامد بيه وبيقس النبط وقال : ااااه يا احنا باقينا كويسين أوي

زاهر قال : يعني ممكن يخرج النهاردة

الدكتور قال : ايوه اول ما يخلص المحلول ممكن يمشي

خالد قال بإبتسامة : شكرا يادكتور

الدكتور قال بإبتسامة : العفو بعد اذنكم ومشي

ملك قالت بإبتسامة : ايوه كده ياجدي ارجع البيت علشان ينور تاني

حامد بيه وقال : هو منور بيكي من ساعة ما دخلتيه

ملك قالت : ربنا يخليك لينا يا جدي

حامد بيه وقال : ويخليكي لينا

زاهر قال : طيب ياجدي انا شويه وجاي

جده قال : رايح فين

زاهر قال : مافيش رايح الحسابات

جده قال : طيب متتاخرش

زاهر قال : حاضر ومشي

ورنها تليفون خالد وبينظر فيه وقال : طيب انا شويه وجيلك

جده قال : مين اللي بيتصل

خالد قال : مافيش دي دادة وخرج الووه ايوه يا داده

خيرية قالت بقلق : حامد بيه عامل ايه دلوقتي

خالد قال : الحمد لله بقي كويس وشويه كده جايين

خيرية قالت : طيب الحمد لله هو كان ايه اللي حصل علشان حصله كده

خالد قال : لما نجي يادادة هبقي هقولك علي كل حاجة سلام

خيرية قالت : طيب مع السلامة

في الصعيد :

في الجبل :

سعد قال : هنعمل ايه علشان اقدر اشوف جدي

كبير المطاريد قال : تعال معايا

سعد قال باستغراب : علي فين

كبير المطاريد قال : تعال بس

سعد قال : طيب

في المغارة :

كبير المطاريد قال : امسك الجلبية دي

سعد قال : اعمل بيهل ايه

كبير المطاريد قال : اسمعني كويس علشان اللي قولك عليه ده مش مسموح فيه غلط علشان لو حصل أي غلطة هتدفع ثمنها حياتك فهمني طبعا

سعد قال : طيب

وحكله كبير المطاريد على اللي هو هيعمله وقال : فهمت

سعد قال : فكرة كويس وان شاء الله مش هيحصل حاجة

كبير المطاريد قال : يارب يلا جاهز نفسك

سعد قال: طيب

كبير المطاريد قال : ربنا يستر وخرج عويس عويس

عويس قال : ايوه يا كبير

كبير المطاريد قال : عاوزك تروح مع سعد بعد مايخلص علشان يشوف جده

عويس قال : بس ياكبير ده خطر عليه وممكن يتمسك

كبير المطاريد قال : عارف بس هو مصير انه يشوفه وبعدين هو عارف هيعمل ايه كويس

عويس قال : اللي تشوفه ياكبير

كبير المطاريد قال : طيب روح انت دلوقتي

عويس قال : حاضر ومشي

في المستشفى :

في غرفة حامد بيه :

خالد قال بإبتسامة : المحلول خلص

زاهر قال : تمام خالد روح انده لحد علشان يشيله

خالد قال : طيب ومشي

ملك قالت : لا يا خالد استنا

خالد قال باستغراب : فيه ايه يا ملك

ملك قالت : انا هشيله

خالد قال باستغراب : انتي بتعرفي تشليه

ملك قالت : ليه يعني شيله مش صعب جدي ممكن يوجعك شويه وانا بشيله بس متحركش ايدك ماشي

حامد بيه قال بإبتسامة : طيب

وشلت ملك إبرة المحلول من ايده

ملك : وجعتك ياجدي

حامد بيه وقال : لا ولا حسيت بحاجة

ملك قالت بإبتسامة : طيب كويس

زاهر قال باستغراب : انتي مين بضبط

جده قال : مين يعني ايه هي ملك ويلا علشان عاوز اروح وقام

خالد قال : يلا يا جدي

زاهر قال : تعال ياجدي إسندك

جده قال : انتم فاكرني عجزت ولا ايه يا انا اصبها منك انت وهو مش علشان تعبت شويه يبقي خلاص راحت عليا لا يا انا صحتي بومب والحمد لله

وضحك زاهر وخالد وملك

جدهم : انتم بتضحوا علي ايه مش مصدقني

ملك قالت بإبتسامة : لا طبعا ياجدي مصدقينك

حامد بيه وقال : طيب اوعي وانا همشي لواحدي قال تسندني قال ومشي

وضحك زاهر وخالد وملك ومشوا

في الصعيد :

في فيلا صابر الجمال :

في الانتريه :

صابر قال بلهفه : عملت ايه

فكري قال : طلع الكلام اللي بيقولوه أهل البلد صح

صابر قال : يعني فعلا كانوا حطينه في البوكس

فكري قال : ايوه

صابر قال : وقبضوا عليه ليه

فكري قال : معرفش

صابر قال بدهشة : متعرفش ازاي امال انت كنت في القسم بتعمل ايه

فكري قال : ما هما ميعرفوش هما قبضوا عليه ليه

صابر قال بدهشة : إزاي دي حد يروح يقبض علي حد من غير ما يعرف هو عمل ايه

فكري قال : هو ده اللي حصل

صابر قال : حصل انت فاهم بتقول ايه

فكري قال : ايوه هما جتلهم اوامر انهم يقبضوا على شوقي الناري ليه بقي محدش يعرف هو عمل ايه

صابر قال بدهشة : معقول ده وكمان الضابط ميعرفش هو قبض عليه ليه

فكري قال : انا معرفش يمكن يكون يعرف أصل انا قابلت الشاويش محمد وهو اللي قالي الكلام ده وبعدين ماكنش ينفع أدخل واسال الضابط انت قبضت علي شوقي الناري ليه كان ببساطة قام دخلني جمبه في الحجز

صابر قال باستغراب : يعني شوقي الناري راح معهم كده من غير ما يعرف هو مقبوض عليه ليه

فكري قال : فعلا ده اللي حصل والغريب انه مسالهمش انتم جاين تقبضوا عليا ليه

صابر قال بدهشة : امال عمل ايه

فكري قال : راح معهم من غير مايقول أي حاجة زي مايكون عارف هو عمل ايه ومستنيهم

صابر قال بدهشة : معقول الكلام ده

فكري قال : ده اللي قالهولي الشاويش محمد

صابر قال بتفكير : وهو فين قاعد في مكتب الضابط صح

فكري قال : لا في الحجز

صابر قال بدهشة : ايه في الحجز

فكري قال : ايوه

صابر قال بتفكير : ده الموضوع كبير بقي

فكري قال : باين كده يا صابر بيه وبعدين بكرة نعرف هو عمل ايه

قال بتفكير : بس تفتكر هو عمل ايه

فكري قال : واحد زي ده وفي السن ده هيعمل ايه يعني هيسرق مش ممكن

صابر قال : ليه يعني

فكري قال : علشان عنده اللي هو عاوزه يبقي هيسرق ليه وبعدين لو سرق هيسرق ازاي وهو في العمر ده يا مش قادر يمشي

صابر قال بتفكير : صح ممكن يكون معملش حاجة دلوقتي بس زمان ممكن يكون عمل

فكري قال باستغراب : تقصد ايه ياصابر بيه

صابر قال بتفكير : أقصد انه ممكن يكون عمل زمان حاجة تكون مخالفة للقانون وماتكشفتشي غير دلوقتي علشان كده الشرطة جات وقبضت عليه

فكري قال : تفتكر

صابر قال : إلا افتكر يا انا افتكر وافتكر كمان

فكري قال : بس ايه هي الحاجة دي

صابر قال : يمكن الشرطة عرفت انه بيتاجر في السلاح مع حفيده علشان كده قبضت عليه

فكري قال : يمكن ايه العيلة دي كل يوم نكتشف حاجة جديدة فيها مرة ابنه اتسجن في قضية سلاح وبعدين حفيده بيتاجر في السلاح ودلوقتي شوقي الناري ويعالم عمل ايه هو كمان عيلة كلها ألغاز

صابر قال بتفكير : فعلا وبكرة نعرف شوقي الناري اتحبس ليه هو كمان علي العموم الوقت اتاخر تصبح علي خير

وقام فكري وقال : وحضرتك من اهله ومشي

في فيلا العشري :

في الانتريه :

خيرية قالت بإبتسامة : حمد لله على السلامة يا حامد بيه

حامد بيه قال : الله يسلامك

ملك قالت : مش تطلع ترتاح شويه ياجدي وكمان الوقت اتاخر

حامد بيه وقال بإبتسامة : طيب وقام تصبحوا علي خير

ملك قالت بإبتسامة : وانت من اهله انا اطلع معاك علشان اديلك الدواء

حامد بيه وقال : بس انتي تعبتي روحي انتي ارتاحي وانا هخده

ملك قالت : لا يا جدي هدهولك وقعد معاك شويه لغاية ماتنام علشان انا عارفة انك هتقعد تفكر في اللي حصل ومش هتنام وحضرتك لازم ترتاح

حامد بيه وقال بإبتسامة : طيب تعالي ومشي

ملك قالت : تصبح علي خير يا خالد

خالد قال بإبتسامة : وانت من اهله ياملوكة وبينظر ايه يازاهر مش هتنام

زاهر قال : لا يا خالد اطلع انت نام وانا هقعد شويه وهحصلك

خالد قال : طيب تصبح علي خير

زاهر قال : وانت من اهله

خيرية قالت : احضرلك الأكل

زاهر قال : لا يادادة مش جعان

خيرية قالت : طيب حتي لو كوباية لبن

زاهر قال : صدقني يادادة لو عوزت حاجة هبقي اقولك

خيرية قالت : طيب انا هفضل سهرنها علشان لو طلبت حاجة

زاهر قال : لا يادادة روحي نامي وانا لو عوزت حاجة ابقي اطلبها من فتحية

خيرية قالت : بس

وقطع زاهر كلامها وقال : مابسش يا داده يلا تصبحي علي خير

خيرية قالت بإبتسامة : وانت من اهله ومشت

في الجنينه :

زاهر قال : حمزه

وراح له حمزه الحارس وقال : ايوه يا زاهر بيه

زاهر قال : أخبار الراجل اللي معاكم في البدرون ايه

حمزه قال : مافيش زي ما هو

زاهر قال : يعني لسه حي

حمزه الحارس قال : ايوه

زاهر قال : طيب بكرة الصبح تاخده وتسلمه للواء رفعت بنفسك في المديرية

حمزه الحارس قال : حاضر يافندم

زاهر قال : واخد معاك اتنين من الحرس علشان ميهربش

حمزه الحارس قال : حاضر يافندم

زاهر قال : تعال معايا

حمزه الحارس قال : حاضر

في البدرون :

زاهر قال : افتح القفل

حمزه الحارس قال : حاضر يافندم وفتحوا

خميس قال : ابوس ايدك يابيه سبني اروح انا مش قولت كل اللي حضرتك عاوزه

وقعد زاهر قال : هتقوله تاني افتح تليفونك يا حمزه وصور كل اللي هو هيقوله

حمزه الحارس قال : حاضر يافندم

خميس قال : ليه يابيه كده

زاهر قال : انا عاوز كده هتقول ولا اخليهم يدفنوك هنا حي

خميس قال بخوف : لا يا بيه هقول هقول يابيه اللي حضرتك عاوزه

زاهر قال : ايوه شاطر جاهز ياحمزه

حمزه الحارس قال : ايوه يا فندم

زاهر قال : طيب قول بقي

خميس قال بخوف : حاضر

في الصعيد :

في الجبل :

سعد قال : انا جاهز

كبير المطاريد قال : طيب انت فاهم اللي انت هتعملوا صح

سعد قال : ايوه ما تقلقش

كبير المطاريد قال : ربنا يستر عويس

عويس قال : ايوه يا كبير

كبير المطاريد قال : يلا روح معها

عويس قال : هو فين سعد بيه

كبير المطاريد قال : ما هو قدامك اهوه

عويس قال : ايه ده يا انا معرفتوش

كبير المطاريد قال : طيب كويس كده انا اتاكدت إن محدش هيعرفك

سعد قال : يلا ومشي

عويس قال : حاضر ومشي

كبير المطاريد قال : ربنا معاك

في فيلا العشري :

في البدرون :

خميس قال بخوف : انا عملت كل اللي حضرتك عاوزه سبني اروح بقي

زاهر قال بنرفزه : بعد كل اللي عملته عاوز تروح بسهولة كدا

خميس قال بخوف : بس يابيه

ونظر له زاهر وعلي وجهه علامات الغضب وبدون تعليق وخرج

وخرج وراها حمزه الحارس وقفل الباب

زاهر قال : اما تسلمه للواء رفعت ابقي اعطيله الفيديو ده

حمزه الحارس قال : حاضر يافندم

زاهر قال : اوعي تتضيعوا

حمزه الحارس قال : ما تخافش يا فندم

زاهر قال : طيب وخرج وراح ووقف أمام الورود وسرح

في غرفة حامد بيه :

ملك قالت : اتفضل يا جدي الدواء

حامد بيه وقال : شكرا

وقعدة ملك أمامه علي الكرسي وقالت بإبتسامة : بالشفه

حامد بيه وقال : تعرفي ان اللي حصل النهاردة

ملك قالت : جدي انا عاوزك ترتاح وماتفكرش في أي حاجة

حامد بيه قال : طيب انظري كده من البلكونه

ملك قالت باستغراب : ليه ياجدي

حامد بيه وقال : بس روحي وانا اقولك

ملك قالت باستغراب : حاضر وراحت علي البلكونه

حامد بيه وقال : شايفها ايه عندك

ملك قالت : مافيش

حامد بيه وقال : قوللي بس ايه اللي عندك

ملك قالت : مافيش غير الحرس وبتنظر لقيت زاهر واقف أمام الورود فاسكتت

حامد بيه وقال : سكتي ليه مين تاني عندك

ودخلت ملك وبدون تعليق

ونظر لها حامد بيه وقال بإبتسامة : زاهر واقف أمام الورود مش كده

ملك قالت باستغراب : ايوه وعرفت ازاي ياجدي

حامد بيه وقال : أصل كل مابيحصل حاجة او بيفكر في حاجة يروح عند الورود ويفضل واقف لغاية الصبح بقولك ايه ياملك روحيله هو دلوقتي محتاج حد يتكلم معه ومافيش احسن منك علشان تسمعله

ملك قالت بنرفزه : بس ياجدي

حامد بيه وقال : انا عارف إنك لسه زعلانه بسبب اللي عمله معاكي وبتتجهلي الكلام معها وانتي معاكي حق في كده بس هو محتاج حد يقف جانبه وانتي اكتر واحدة ممكن تخليه يتكلم ويطلع اللي جوها علشان يرتاح

ملك قالت : لا يا جدي خليني بعيد احسن وبعدين خالد ممكن يروحله و يكلم معه

حامد بيه وقال بإبتسامة : خالد

ملك قالت : ايوه

حامد بيه قال : خالد دلوقتي زمانه في سابع نومة وبعدين انا لو كنت كويس ماكنتش طلبت منك كده وعلي العموم انا مش عاوزك تعملي حاجة غصبن عنك وقام

ملك قالت : رايح فين ياجدي

حامد بيه وقال : هروح انا اتكلم معه علشان مقدرش اشوف حفيدي بالشكل ده واقف ساكت اه

ملك قالت بخضة : اقعد ياجدي حضرتك لازم ترتاح

حامد بيه وقال : بس

ملك قالت : مابسش انا هروح وحضرتك ارتاح

حامد بيه وقال : بس انا مش عاوزك تعملي حاجة غصبن عنك

ملك قالت : وانا مش ممكن اخليك تنزل وانت في الحالة دي هروح وخلاص

حامد بيه وقال : طيب تصبحي علي خير

ملك قالت : وحضرتك من اهله ومشت

حامد بيه وقال لنفسه بإبتسامة ماكرة : هو ده اللي انا عاوزه علشان تتكلمي معها بس يارب مايتخنقوش علشان اعرف انام ربنا يستر ومايبقش انا اللي جبته لنفسى

في الجنينه :

وقفت ملك بجانب زاهر بدون تعليق

زاهر قال : تعرفي انا اول مرة أحس اني مرتاح بعد وفاة أبي وأمي بس كان نفسي يبقوا معايا وحشوني اوي ونفسي اشوفهم

ملك قالت بتنهيد : مش كل حاجة بنتمنها ممكن تحصل وبعدين هما اكيد حاسين بك وفخورين بلي انت عملته

زاهر قال : انا عارف علشان انا كل اما باجي أقف قدام الورد بحس انهم حوليها وحاسين بيا

ملك قالت : ايوه انت ليه مانع حد يجي جنبها

زاهر قال : تعرفي ليه علشان دول آخر ذكرى من أبي وأمي

ملك قالت باستغراب : إزاي يعني

زاهر قال بحزن : كان زمان امي كانت مابتحبش الورد الصناعي وبتحب الورد الطبيعي اوي فقررت انها تزرع حته من الجنينه ورد طبيعي وفي يوم كان أبي طلع الجنينه علشان يجري شويه وشافها وهي قعده وبتزرع فستغراب وراح لها وقالها انتي بتعملي ايه فقالتوا انا بزرع ورد طبيعي فقالها طيب هاتي وانا اساعدك وقعدوا هما الاثنين يزرعوا لما خلصوا زرع وكل يوم كانوا بيروه مع بعض علشان كده انا مانع أي حد يقرب من الحته دي

ملك قالت بحزن : الله يرحمهم معاك حق طبعا تحافظ عليهم بالشكل ده انا لو مكانك كنت عملت اكتر من كده

ونظر لها زاهر وقال : إنما قوللي انتي كنت سمعتني في اليوم اللي كنت هتتخطفي فيه صح

ملك قالت بنرفزه : ايوه

زاهر قال باستغراب : امال مرتضش عليا ليه

ملك قالت بنرفزه : انت لو مكاني وحصلك اللي حصل كنت هترد عليا

ونظر لها زاهر وبدون تعليق

ملك قالت بنرفزه : شوفت بقي ومشت

زاهر قال : استني

ملك قالت بنرفزه : فيه ايه

زاهر قال : بس انا اعتذرتلك علي اللي انا عملته

ملك قالت وبعصبية : بعد كل اللي انت عملته تقولي انا اسف وكده الموضوع انتهي صح انت فاكرني ايه معندش كرامة ولا دم ولا يمكن مش بحس علشان تقعد تهزء فيا علي طول وماليش حق اتكلم

زاهر قال بنرفزه : بما انك مش طايقني كده ايه اللي جابك عندي وواقفه تتكلمي معايا

ملك قالت : انا عن نفسي مش عاوزها اتكلم معاك خالص بس مضطرة لكده

زاهر قال باستغراب : ايه مضطرة

ملك قالت بنرفزه : ايوه علشان جدي تعبان وكان عاوز ينزلك فأنا قولته لا يا جدي هنزل انا علشان كده جاتلك

زاهر قال : يعني جدي هو اللي بعتك

ملك قالت : ايوه ومشت

زاهر قال : استني

ملك قالت : فيه ايه تاني

زاهر قال : يعني أفهم من كلامك اني اعتذارى مش كافي علي اللي عملته صح

ملك قالت : انا مقولتش كده إنما قولي انت عرفت ازاي اللي انا اللى واقفة جانبك من غير ما تنظر جانبك مش حد تاني

زاهر قال بإرتباك : ها تصبحي على خير

ملك قالت باستغراب : وانت من اهله

زاهر قال لنفسه بدهشة : صحيح انا عرفت ازاي انها هي اللي واقفة جانبي وخصوصا انا كنت سرحان هو ايه اللي بيحصل معايا بضبط انا معتش فاهم حاجه اكيد دي تخاريف الليل احسن حاجة اطلع انام

في الصعيد :

من أمام القسم :

سعد قال : خليك انت هنا وانا هتدخل القسم

عويس قال : ايه تدخل القسم

سعد قال : ايوه ليه

عويس قال باستغراب : ليه ايه ده قسم وحضرتك هربنا من الشرطة يبقي ازاي هتدخل القسم

سعد قال : انت نسيت انك معرفتنيش بالشكل ده

عويس قال : بس

سعد قال : مابسش خليك هنا لما اجي ماشي

عويس قال بقلق : طيب وربنا يستر هو الكبير يعرف انك هتعمل كده

سعد قال : ايوه ومشي

في القسم :

الشاويش محمد قال : ايوه ياحاج

الحاج قال : انا عرفت انكم قبضتم علي شوقي الناري صح

الشاويش محمد قال : ايوه هو حضرتك قريبه

الحاج قال : ايوه انا ابن عمه شعبان الناري ممكن اشوفه

الشاويش محمد قال : مش هينفع

شعبان الناري قال : ليه

الشاويش محمد قال : علشان الوقت متأخر والضابط مش موجود

شعبان الناري : اعمل معروف ياشاويش حتي لو خمس دقايق

الشاويش محمد قال : هو حضرتك عرفت منين اللي هو مقبوض عليه

شعبان الناري قال : مافيش كنت رايحله زيارة مراته ابنه قالتي علي كل حاجة خمس دقائق بس علشان خاطر ولادك

الشاويش محمد قال : طيب خمس دقائق بس علشان مضرنيش

شعبان الناري قال : طيب

الشاويش محمد قال : تعال معايا

شعبان الناري قال : طيب ومشي وراها

الشاويش محمد قال : افتح يابني

العسكري قال : حاضر

في الحجز :

الشاويش محمد قال : في حد جاي يزورك يا شوقي بيه

شوقي الناري بدون تعليق

الشاويش محمد قال : خمس دقائق بس

شعبان الناري وقال : طيب

الشاويش محمد قال: لما يخلص يابني ابقي افتحله

العسكري قال : حاضر وقفل الحجز

وراح له شعبان وقال بحزن : ازيك عامل ايه

شوقي الناري بدون تعليق

شعبان الناري قال بصوت منخفض : جدي

جده وقال : سعد

سعد قال بصوت مرتفع : ايوه يا جدي

جده قال : ايه اللي انت عمله في نفسك ده ودخلت هنا ازاي

سعد قال : اضطرت اعمل كده علشان اقدر اجيلك كنت عاوزني اعرف انهم قبضوا عليك ومجيش

جده وقال : تقوم تدهن وشك اسود وتلبس جلبية وتركب شنب علشان تجيلي انا لو فعلا غالي عليك ماكنتش عملت اللي انت عملته ده في نفسك

سعد قال بصوت منخفض : مش وقته ياجدي صحيح انت قتلت أولاد العشري

جده قال بحزن : ايوه صحيح وانت عرفت منين

سعد قال : من كبير المطاريد اللي كان ذراعك اليمين

جده قال باستغراب : ايه كبير المطاريد هو انت قاعد معها في الجبل

سعد قال : ايوه ويوم معرفت انك اقبضت عليك حكلي علي اللي حصل كله اللي حصلك بسبب زاهر العشري وعيلته اكيد هو اللي فضل يدور علي الحقيقة لما كشفك ما انا عرفه

جده قال بدهشة : مش ده حفيد حامد العشري

سعد قال بغضب : ايوه

جده قال باستغراب : وانت تعرفوا منين

وحكله سعد علي اللي حصل وقال : بس للاسف فشلت اني اموت جده

جده قال بدهشة : وانت ازاي مقولتليش علي إللي حصل ده

سعد قال : مجاتش فرصة ياجدي

جده قال : ياريت قولتي من الاول ماكتش سمحتلك انك تعمل كده

سعد قال : ليه بقي عاوزني اسيبه بعد اللي عمله فيه وفيك

جده قال بنرفزه : ايوه سيبه استفادت ايه من اللي انت عملته ده بس دي غلطتي علشان سبتك تعمل اللي انت عاوزه من غير مسالك انت بتعمل ايه وشوف اخرتها انا في السجن وانت هربنا من الشرطة انا اللي ضياعتك زي ماضيعت نفسي وعلمتك إنك تاخد اللي انت عاوزه بأي طريقة حتي لو هتوصل للقتل مش مشكلة محدش هيقدر يحسابك علشان انت سعد الناري زي ما انا كنت فاكر زمان ياريت لو كنت علمتك إن اللي بيغلط بيتحسب علي غلطه ماكنتش وصلت لهنا دلوقتي بس للاسف فهمت ده متأخر بعد ماضايعتك وبقت من مطاريد الجبل امشي ياسعد امشي

والله يسمحني علي اللي عملته فيك وقعد علي الأرض

سعد قال : طيب يا جدي بس حقك مش هسيبه بحق رميتك دي في الحجز هجبلك حقك من عيلة العشري ومشي افتح

العسكري قال : طيب

وبينظر سعد لجده وعلي وجهه علامات الحزن وبدون تعليق وخرج

الشاوش محمد قال : ايه خلاص

شعبان قال : اه انا متشكر ياشاويش

الشاويش محمد قال : ان معملتش حاجة

شعبان قال : لو تعرف انت ساعدتني قده ايه علشان خلتني اقابله الشاويش محمد قال : لدرجتي

شعبان قال : وأكتر من كده اصل كان وحشني اوي المهم انا شغلتك كتير سلام عليكم

الشاويش محمد قال : وعليكم السلام

بجانب القسم :

عويس قال : ايه خلاص شوفته

سعد قال بتنهيد : ايوه

عويس قال باستغراب : ايه مالك هو لقدر الله تعبان ولا حاجة

سعد قال بحزن : لا بس مش هو ده جدي اللي انا عارفه حاسه واحد تاني غير اللي اعرفه

عويس قال : يعني ايه مش هو

سعد قال بحزن : حاسه انه انكسر من جوه

عويس قال : هو الحجز بيعمل اكتر من كده المهم يلا لحد يشك فينا واحنا واقفين كده

سعد قال : يلا بس انا عاوز اشوف امي

عويس قال : بلاش ليكونوا مراقبين البيت وده خطر

سعد قال : طيب يلا ومشي

في بيت عم دوريش :

ناجي قال لنفسه بسرحان : معقول الجمال ده في الصعيد انا لو كنت أعرف إن فيه جمال هنا بالشكل ده كنت جيت من زمان جارلك ايه ياناجي مالك مش عارف ليه من ساعة ماشوفتها وانا مش جايلي نوم ايه اللي حصلك هي دي اول مرة تشوف فيها بنت جميلة لا بس انا اول مرة اشوف بنت من الصعيد يمكن علشان كده انا مش عارف انام لا يا ناجي فوقك انت نسيت جيت هنا ليه ايوه صح يا انا نسيت أكلم زاهر بيه وابلغه بلي حصل والوقت اتاخر بس هو يسهر وبيتصل بزاهر الووه

زاهر قال : الووه يا ناجي

ناجي قال : انا صحيت حضرتك من النوم

زاهر قال : لا انا لسه منمتش قولي ايه الاخبار عندك

ناجي قال : الشرطة قبضت علي شوقي الناري النهاردة بس

زاهر قال : بس ايه

ناجي قال : لما حطوه في البوكس مقلشي أي كلمة

زاهر قال : هما حطوه في البوكس

ناجي قال : ايوه يا فندم

زاهر قال : وهما قبضوا عليه ليه

ناجي قال : معرفش يافندم

زاهر قال : وأهل البلد بيقولوا ايه

ناجي قال : هما عرفوا انه الشرطة قبضت عليه بس محدش يعرف هي قبضت عليه ليه

زاهر قال : طيب انت كويس ومرتاح هناك

ناجي قال : مرتاح اوي يافندم والراجل اللي انا ساكن عنده رجل طيب اوي وبيعملني زي ابنه

زاهر قال : طيب ابقي بلغني بلي بيحصل ماشي

ناجي قال : حاضر تصبح علي خير يا فندم

زاهر قال : وانت من اهله

في الصباح :

في فيلا العشري :

ملك قالت : دادة خيرية يا داده ودخلت المطبخ صباح الخير

فتحية قالت بإبتسامة : صباح النور

ملك قالت : امال دادة خيرية فين

فتحية قالت : في غرفتها

ملك قالت : طيب ممكن تحضري الفطار

فتحية قالت بإبتسامة : حاضر

وجاءت خيرية وقالت بإبتسامة : صباح الخير يا ملك

ملك قالت : صباح الخير يا داده معلشي علشان طلبت من فتحية انها تحضر الفطار انا عارفة اني مش من حقي اني أمرهم

خيرية قالت بإبتسامة : ايه اللي انتي بتقوليه ده انتي خلاص بقيتي واحدة من العيلة

خيرية قالت بإبتسامة : ايه اللي انتي بتقوليه ده انتي خلاص بقيتي واحدة من العيلة ومن حقك تعملي اللي انتي عاوزها ولا انتي نسيها انك بقيتي خطيبة زاهر بيه

ملك قالت : طيب يادادة انا هروح اصحي جدي ومشت

خيرية قالت لنفسها : باين زعلت اللي انا قوتلها كده ودخلت المطبخ

على السلم :

زاهر قال : صباح الخير

ملك بدون تعليق

زاهر قال : اه ااااه انا نسيت انك بتتجهلني بالاها صباح الخير انتي رايحة وفين

ملك قالت بنرفزه : مش من حقك تسألني رايحة فين

زاهر قال : لا من حقي مش انتي عايش معانا يبقي من حقي اعرف

ملك قالت : أولا انا مش عايش معاك انا عايشه مع جدي ثانيا جدي بس اللي من حقه يسألني انا رايحة فين وجاي منين وبتعملي ايه

مش أي حد تاني وممكن بقي اطلع

زاهر قال : اتفضلي

ملك قالت بنرفزه : شكرا وطلعت علي فكرة ايدك بقيت كويس ابقي فك الرباط

زاهر قال بنرفزه : انا حر افك الرباط أو اسيبه ايدي وانا حر فيها مش انتي لسه قاليها اني مش من حقي اني اسالك انتي رايحة فين وجايه منين برغم إن ده حقي انتي كمان مش من حقك انك تقوللي اعمل ايه ومعملش ايه

ملك قالت بنرفزه : لا من حقي

زاهر قال باستغراب : من حقك

ملك قالت : ايوه علشان انا اللي قوتلك متحركهاش علشان كده انا بقولك كده وعلي العموم انت صح علشان كده انا آسفة علي اللي قولتوا ودخلت غرفة حامد بيه

زاهر قال لنفسه باستغراب : البنت دي مجنونة اكيد مجنونة ونزل

في الجنينه :

حمزه الحارس قال : صباح الخير يا فندم

زاهر قال : صباح الخير

حمزه قال : انا رايح يافندم

زاهر قال : طيب والرجل فين

حمزه الحارس قال : في العربية مع اثنين من الحرس

زاهر قال : طيب خلي بالك

حمزه الحارس قال : حاضر ومشي

في الصعيد :

في القسم :

في مكتب الضابط :

وشن الضابط الجرس

ودخل العسكري قال : تمام يافندم

الضابط : اندهلي يابني الشاويش محمد

العسكري : حاضر يافندم وخرج شاويش محمد حضرة الضابط عاوزك في مكتبه

الشاويش محمد قال : حاضر وراح علي مكتب الضابط وخبط علي الباب

الضابط قال : أدخل

ودخل الشاويش محمد وقال : تمام يافندم

الضابط قال : هاتلي شوقي الناري من الحجز

الشاويش محمد قال : حاضر يافندم بس

الضابط قال : هاتلي شوقي الناري من الحجز علشان اوديه علي مصر

الشاويش محمد قال : ما تخلي أي عسكري يوديه أو انا اوديه

الضابط قال : لا لازم انا اللي اروح اوديه دي أوامر

الشاويش محمد قال : حاضر إنما حضرتك عرفت هو عمل ايه علشان احنا قبضنها عليه

الضابط قال : لو قوتلك مش هتصدقك

الشاويش محمد قال باستغراب : ليه يافندم هو عمل ايه

الضابط قال : قتل

الشاويش محمد قال بدهشة : ايه قتل

الضابط قال : آه شوفت انت مش مصدق ازاي انا كمان كنت زايك كده لما عرفت منه

الشاويش محمد قال باستغراب : هو اللي قالك

الضابط قال : ايوه

الشاويش محمد قال : معقول ده

الضابط قال : ومش معقول ليه كل حاجة ممكن تحصل الأيام دي

الشاويش محمد قال : هو قتل مين

الضابط قال : قتل أولاد حامد العشري وزوجتهم تعرفهم

الشاويش محمد قال : حاسس اني سمعت الاسم ده قبل كده أيوه ايوه مش ده اللي عنده شركات البناء والإنشاءات

الضابط قال : ايوه هو

الشاويش محمد قال بدهشة : وقتلهم ليه

الضابط قال : مش وقته الكلام ده يلا روح هاته علشان منتاخرش

الشاوش محمد قال : حاضر يافندم وخرج افتح يابني

العسكري قال : حاضر

ودخل الشاويش محمد الحجز وقال : شوقي الناري قوم يلا حضرة الضابط عاوزك شوقي الناري انت مش سمعني قوم هو مش بيرد ليه وراح له ولمسه

ووقع شوقي الناري علي الأرض

الشاويش محمد قال بخضة : ايه ده مات وراح علي مكتب الضابط وخبط علي الباب

الضابط قال : أدخل

ودخل الشاويش محمد وقال بخوف : الحق يا فندم

الضابط قال : فيه ايه

الشاويش محمد قال : شوقي الناري يافندم

الضابط قال باستغراب : ماله

الشاويش محمد قال : مات

الضابط قال : انت بتقول ايه مات

الشاويش محمد قال : ايوه يا فندم

الضابط قال : مات ازاي وخرج افتح يابني

العسكري قال : حاضر

ودخل الضابط وقال : هو ايه اللى حصل ياشاويش محمد

الشاويش محمد قال : انا جيت علشان اجيبه زي ماحضرتك طلبت مني ناديت عليه مرتين مردش فاراحت علشان اشوف هو مش بيرد ليه فلمسته لقيته وقع علي الأرض كده زي ماحضرتك شايف كده

الضابط قال : ما يمكن ممغم عليه ونزل ومسك ايده شوقي الناري وبيقيس النبط

الشاويش محمد قال بقلق : ايه يافندم عايش

الضابط قال : لا مات

الشاويش محمد قال : ان لله وإن إليه راجعون هنعمل ايه دلوقتي

الضابط قال : سيبه زي ما هو كده محدش يجي جانبه

الشاويش محمد قال : حاضر

الضابط قال : تعال ومشي

الشاويش محمد قال : ربنا يستر ومشي

في مكتب الضابط :

الشاويش محمد قال بقلق : هنعمل ايه يافندم

الضابط قال : استنا بس

الشاويش محمد قال : حاضر

وبيتصل الضابط باللواء رفعت وقال : الووه صباح الخير يا فندم

اللواء رفعت قال : صباح الخير في ايه

الضابط قال : شوقي الناري يافندم

اللواء رفعت قال : ماله

الضابط قال : مات

اللواء رفعت قال باستغراب : ايه مات

الضابط قال : ايوه يا فندم

اللواء رفعت قال : إزاي ده حصل

الضابط قال : مافيش يا فندم الشاويش رايح يجيبه من الحجز لقها ميت

اللواء رفعت قال : يعني طبيعي

الضابط قال : ايوه يا فندم محدش لمسه

اللواء رفعت قال : طيب هات دكتور علشان نعرف ايه سبب الوفاة

الضابط قال : حاضر يافندم

اللواء رفعت قال : وبعدين ابقي بلغني

الضابط قال : حاضر يافندم

اللواء رفعت قال : وابقي سلمه لأهله علشان يدفنوه

الضابط قال : حاضر يافندم

اللواء رفعت قال : طيب سلام

الضابط قال : مع السلامة يا فندم شاويش محمد

الشاويش محمد قال : ايوه يا فندم

الضابط قال : ابعت عسكري يجيب الدكتور من الوحدة

الشاويش محمد قال : طيب وخرج وقال لي العسكري روح بسرعة انده الدكتور من الوحدة

العسكري قال : حاضر ومشي

في بيت عم دوريش :

ناجي قال : صباح الخير يا عم درويش

عم درويش قال : صباح النور ايه ده انت صاحي

ناجي قال : ايوه بقلي شويه

عم درويش قال : وايه اللي مصحيك بدري كده يا انت مش بتصحها إلا الظهر

ناجي قال : مافيش قلقت شويه فصحيت هو انت رايح فين

عم دوريش قال : مافيش رايح أجيب الدواء ده من الوحدة

ناجي قال : طيب هات وانا هجبهولك

عم دوريش قال : لا انت متعرفش مكان الوحدة

ناجي قال : ما انت هتوصفي مكانها فين وانا هروح وهجيبه

عم دوريش قال : لا هروح انا اجيبه ده انت ضيفي

ناجي قال : كده ياعم دوريش تزعلني مش انت بتقول اللي انا زي ابنك

عم دوريش قال : ايوه وربنا شاهد اني مش بقول كده وخلاص

ناجي قال : طيب امال مش عاوزني اساعدك ليه بقي

عم دوريش قال : علشان انت مش عارف البلد كويس وممكن تتوه

ناجي قال : طيب خلاص اجي معاك

عم دوريش قال : بس انت لسه صاحي ولسه مفطرتش

ناجي قال : لما اجي ابقي افطر يلا بقي

عم دوريش قال : يلا ومشي

في المديرية :

حمزه الحارس قال : مكتب اللواء رفعت منين

العسكري قال : آخر الطرقة علي ايدك اليمين

حمزه الحارس قال : شكرا ومشي

واثنين من الحرس مسكين خميس وراها

حمزه الحارس قال ممكن أقابل اللواء رفعت

العسكري قال : أقوله مين

حمزه الحارس قال : قوله حمزه من طرف زاهر بيه العشري

العسكري قال : طيب وخبط علي الباب

اللواء رفعت قال : أدخل

ودخل العسكري قال : تمام يافندم

اللواء رفعت قال : في ايه يا عسكري

العسكري قال : في واحد اسمه حمزه من طرف زاهر بيه العشري بره يافندم وعاوز يقابلك

اللواء رفعت قال : طيب خليه يدخل

العسكري قال : حاضر يافندم وخرج

حمزه الحارس قال : شكرا تعالم ودخل

اللواء رفعت قال : هو ده الرجل

حمزه الحارس قال : ايوه يا فندم ده خميس اللي كان بيراقب زاهر بيه وحامد بيه

اللواء رفعت قال : زاهر بيه قالي علي كل حاجة

حمزه الحارس قال : والتليفون ده عليه اعترفه بكل حاجة هو عملها

اللواء رفعت قال : طيب وبعدين هو هيقول علي كل حاجة مش كده

خميس قال بخوف : ايوه يا بيه بس انا مليش دعوة ده هو اللي خطط لكل حاجة يا ساعة الباشا

اللواء رفعت قال : مش قوتلك

حمزه الحارس قال : طيب يافندم نمشي احنا بقي

اللواء رفعت قال : اتفضلوا وشن الجرس

ودخل العسكري قال : تمام يافندم

اللواء رفعت قال : خده الراجل ده علي الحجز

العسكري قال : حاضر واخده وخرج

في الصعيد :

في الوحدة :

دوريش قال : خليك هنا لما أجيب الدواء

ناجي قال : لا اجي معاك

دوريش قال : طيب تعال وبينظر هو العسكري واخد الدكتور ورايح علي فين

ناجي قال : تلقي الدكتور عمل حاجة كده ولا كده

دوريش قال : هيعمل ايه يعني تعال نشوف

ناجي قال : طيب ومشي

درويش قال : هو فيه إيه يادكتورة العسكري واخد الدكتور ليه هو الدكتور عمل حاجة

الدكتورة قال : لا أصل فيه واحد في القسم مات الدكتور رايح يكشف عليه ويشوف ايه سبب الوفاة

دوريش قال : ان لله وإن إليه راجعون وده مين

الدكتور قال : شوقي الناري

ناجي قال باستغراب : ايه شوقي الناري

الدكتورة قالت : ايوه هو بعد اذنكم

دوريش قال : اتفضل يلا يا ناجي

وسرح ناجي بتفكيره وبدون تعليق

دوريش قال : ناجي

ناجي قال : ايوه يا عم دوريش

دوريش قال : يلا ومشي

ناجي قال : طيب ومشي وراها

في فيلا العشري :

في السفرة :

حامد بيه قال : امال زاهر فين ياملك انتي شوفتيه

ملك قالت باستغراب : اشمعنا بتسالني انا ياجدي

حامد بيه وقال : مافيش أصل قولت يمكن شوفتيه وأنتي طلعالي

ملك قالت بنرفزه : ممكن ياجدي متسألنيش

حامد بيه وقال : ليه هو قالك حاجة ضايقتك

ملك قالت بنرفزه : لا بس متسألنيش وخلاص

حامد بيه وقال لنفسه بإبتسامة : وهو ايه اللي حصل إظهار اتخنقوا تاني بس هما امبارح متخنقوش تلقيهم اتخنقوا الصبح وهي طلعلي علشان كده شكلها مضايقة أنا مش عارف كل ما يتقابلوا يتخنقوا ده أنا نفسي في مرة القيهم قعدين من غير خناق بس لو عملوا كده مايبقشوش زاهر وملك ويبقوا حد تاني

خالد قال : جدي ياجدي

جده قال : نعم في فيه

خالد قال : مافيش انت كنت سرحان في ايه

جده قال : مافيش انت عاوز ايه

خالد قال : مافيش كنت عاوز حاجة من زاهر اعملهلك انا اعقبال ما ينزل

جده قال : لا مش عاوز حاجة خيرية خيرية

وجاءت خيرية وقالت : ايوه يا حامد بيه

حامد بيه قال : زاهر بيه صاحي ولا لسه نايم

خيرية قالت : لا صحها يافندم ولسه شايفها من شويه طلع علي غرفته

حامد بيه قال : ليه هو كان فين

خيرية قالت : كان بيلعب رياضة بره اهوه نزل اهوه

حامد بيه وقال : طيب روحي انتي

خيرية قالت : حاضر ومشت

زاهر قال : صباح الخير يا جده وقعد

جده قال بإبتسامة : صباح الخير ايه ده انت فاكيت ايدك

زاهر قال : ايوه وبينظر لملك أصلها بقت كويس

جده قال بإبتسامة : طيب ولا انتي شايفها ايه ياملك

ملك قالت : جدي انا طلعها أجيب الدواء بتاعك علشان تاخده ومشت

حامد بيه وقال : هي مالها يازاهر

زاهر قال : وانا اعرف منين ياجدي

جده قال : افتكرتك عارف

زاهر قال : وايه اللي خليك تفكر اني عارف بقي

جده قال بإبتسامة: لا مافيش عادي يعني مجرد سؤال وبس

زاهر قال : طيب

جده قال : إنما قولي اسمه ايه الراجل اللي شاف الحادثة

زاهر قال : ليه ياجدي فتحت الموضوع احنا ماصدقنها اللي حضرتك بقيت كويس

جده قال : ما تقلقش انا كويس اسمه ايه بقي

زاهر قال بتفكير : اسمه اسمه

جده قال : ايه مش فاكر اسمه ولا ايه

زاهر قال : اسمه عبد الرحمن بس عبد الرحمن ايه مش فاكر إنما ليه بتسال

جده قال : مافيش اهو سؤال وخلاص

زاهر قال : خلاص يا جدي اللي حصل حصل الأهم دلوقتي صحتك ورن هاتفه بعد اذنكم

جده قال : اتفضل

في الجنينه :

زاهر قال : الووه ايوه يا ناجي

ناجي قال : صباح الخير يا فندم

زاهر قال : صباح الخير ايه في حاجة حصلت

ناجي قال : ايوه يافندم

زاهر قال باستغراب : ايه اللي حصل

ناجي قال : شوقي الناري

زاهر قال : ماله

ناجي قال : مات

زاهر قال بدهشة : مات

ناجي قال : ايوه يافندم

زاهر قال : وانت عرفت منين

ناجي قال : انا في الوحدة ولقيت العسكري جاي يأخذ الدكتور علشان يشوف ايه سبب الوفاة

زاهر قال : انت متأكد

ناجي قال : ده اللي حصل قدامي

زاهر قال : خلاص يا ناجي بكرة الصبح تكون في الفيلا علشان تستلم شغلك ماشي

ناجي قال : ماتستنها شويه يافندم يمكن يحصل حاجة

زاهر قال : هو انت حبيت القعدة هناك ولا ايه ناجي بكرة القيك في الفيلا ماشي

ناجي قال : حاضر يافندم

زاهر قال : طيب سلام

ناجي قال : مع السلامة

في السفرة :

ملك قالت : اتفضل يا جدي الدواء

حامد بيه وقال : شكرا

زاهر قال بإرتباك : جدي في حاجة عاوز اقولك عليها علشان انت كده كده هاتعرفها

جده قال : حاجة ايه

زاهر قال بقلق : شوقي الناري ياجدي

جده قال : ماله

زاهر قال : مات

جده قال : مات

خالد قال : انت عرفت منين

زاهر قال : عرفت وخلاص المهم إن الخبر صحيح

جده قال بحزن : عدالة السماء أسرع من عدالة الأرض

زاهر قال : انا مش عاوزك تزعل ياجدي علشان ماسجنش وأخذ جزائه

جده قال : ازعل ليه ده رابي هو اللي هياخدلي حقي منه

خالد قال : خلاص بقي نقفل علي الموضوع ده بدل جدي لقدر الله يتعب تاني

ملك قالت : خالد معه حق يا جدي اللى حصل حصل وخلاص ياجدي متفكرش غير في صحتك وبس وأي حاجة تانية تجي بعد كده

زاهر قال : ايوه يا جدي انسها ياجدي انسها ياربنا من رحمته علينا انه خلقنها نعمة النسيان

جده قال : معاك حق يا زاهر

زاهر قال : اما انا معايا حق فين الضحكه الحلوه اللي انا متعود عليها

وضحك جده وقال : دي يعني

زاهر قال بإبتسامة : ايوه هي دي طيب ياجدي انا رايح علي الشركة عاوزا حاجه

جده قال : سلامتك

زاهر قال : خالد متتاخرش

خالد قال : طيب

في الصعيد :

في القسم :

في الحجز :

الضابط قال : ها يا دكتور ايه سبب الوفاة

الدكتور قال : هو مات نتيجة أزمة قلبية

الشاويش محمد قال : بس هو كان كويس بالليل يادكتور

الدكتور قال : ممكن تكون جتله فجأة

الضابط قال : والأزمة القلبية دي يادكتور سببها ايه

الدكتور قال : أسباب كتير ممكن يكون نتيجة صدمة حصلته فمقدرش يستحملها فجتله الأزمة القلبية وأدت الي الوفاة وتقريبا ده اللي حصل مع شوقي بيه

الضابط قال : طيب يادكتور شكرا

الدكتور قال : العفو ومشي

الضابط قال : يا عسكري روح بلغ عيلته علشان يجوا يستلموا

العسكري قال : حاضر يافندم

في عربية زاهر :

ورن هاتفه زاهر وقال : الووه اهلا بلي مش فاكريني خلاص

فؤاد قال : أولا مبروك وثانيا انا كنت مسافر ولسه واصل امبارح

زاهر قال : وده يعني يغفر لك مش معاك تليفونك ولا مسافر من غيره

فؤاد قال : لا يا سيدي معايا بس والله كنت مشغول وبعدين انا لو متصلتش انت متتصلش يعني

زاهر قال : ما انت عارف انا كنت مشغول قده ايه

فؤاد قال : يبقي خلاص واحدة قصده واحدة المهم الف مبروك متعرفش ازاي انا فرحت قده ايه لما عرفت انك نجحت في الانتخابات

زاهر قال : وعرفت منين مش بتقول انك كنت مسافر

فؤاد قال : يا انت يا استاذ أشهر من النار علي العالم

زاهر قال : لا بجد عرفت منين

فؤاد قال : هيكون منين يعني من اخويا

زاهر قال : اه ااااه

فؤاد قال : بقولك ايه انت وحشني اوي ونفسي اشوفك انت فين دلوقتي

زاهر قال : انا في العربية ورايح علي الشركة ليه

فؤاد قال : طيب ما تعدي عليا

زاهر قال : هو انت فين

فؤاد قال : هكون فين يعني ما انت عارف

زاهر قال : خلاص انا جايلك سلام

فؤاد قال : مع السلامة

في الصعيد :

في الوحدة :

درويش قال : يلا يا ناجي

وسرح ناجي بتفكيره وبدون تعليق

درويش قال : ناجي ناجي

ناجي قال : ايوه يا عم دوريش

دوريش قال : ايه مالك

ناجي قال : مافيش أصل لازم امشي النهاردة

درويش قال باستغراب : هتمشي النهاردة

ناجي قال : ايوه

دوريش قال بحزن : بعد ما تعودت عليك هتمشي وتسبني

ناجي قال : وانا والله ياعم درويش اتعدوت عليك ومش عاوز اسيبك بس لازم أسافر النهاردة ومتخافش هبقي اجي ازورك

دوريش قال بحزن : يا من يعيش

ناجي قال :متقولش كده ربنا يديلك الصحة وطولت العمر طيب بقولك ايه ماتجي معايا

دوريش قال : اجي معاك فين مصر

ناجي قال : ايوه بدل ماانت قعد لواحدك

درويش قال : مقدرش

ناجي قال باستغراب : ليه

درويش قال : انا عايش هنا طول عمري وتعودت علي أهل البلد مقدرش بعد العمر ده كله اسيب البلد واجي معاك وبعدين أنت مش هتجى تزورني

ناجي قال : ايوه طبعا

دوريش قال : طيب خلاص

ناجي قال : طيب امسك التليفون ده علشان تبقي تكلمني منه

دوريش قال : بس انا مابعرفش فيه

ناجي قال : طيب والعمل

دوريش قال : هقولك ابقي اتصل علي تليفون حسنين

ناجي قال : ما عم حسنين هيبقي معايا انا هقولك خليه معاك ولما تكون عاوز تكلمني تبقي تخلي حد يتصل بي

دوريش قال : بس

ناجي قال : مابسش امسك بقي ياعم درويش

دوريش قال : طيب يلا

ناجي قال : يلا ومشي

من أمام فيلا الناري :

العسكري قال : ياعم محروس عم محروس

محروس قال : ايوه

العسكري قال : عاوز أقابل الهانم

محروس قال : طيب وفتح البوابه اتفضل

ودخل العسكري قال : شكرا وراح وخبط علي الباب

وفتحت سنية قالت : ايوه عاوز مين

العسكري قال : الست هانم موجودة

سنية قالت : ايوه

مراته ابن شوقي بيه قالت بصوت مرتفع : مين ياسنية

سنية قالت : ده عسكري

مراته ابن شوقي بيه قالت : ايه عسكري وراحت له طيب روحي انتي يا سنية

سنية قالت : حاضر مشت

مراته ابن شوقي بيه قالت : فيه ايه

مراته ابن شوقي بيه قالت بنرفزه : ليه انا كمان عاوزني مطلوب القبض عليا

العسكري قال : لا يا فندم

مراته ابن شوقي بيه قالت باستغراب : امال حضرة الضابط عاوزني في ايه

العسكري قال : أصل شوقي بيه

مراته ابن شوقي بيه قالت بقلق : ماله حصله حاجة

العسكري قال بإرتباك : شوقي بيه

مراته ابن شوقي بيه قالت بعصبية : ماله

العسكري قال : شوقي بيه مات

مراته ابن شوقي بيه قالت بصدمة : ايه مات

العسكري قال : ايوه وحضرة الضابط عاوز حضرتك علشان تستلميه

وبتبكي مراته ابن شوقي بيه وقالت : طيب انا جايه شوقي بيه مات فينك ياسعد تجي تشوف ايه اللي حصل لجدك اهااا ااااه

في المستشفى :

راح زاهر علي مكتب فؤاد وخبط علي الباب

فؤاد قال : أدخل

دخل زاهر قال بإبتسامة : اقول يا فؤاد ولا أقول يادكتور

فؤاد قال بإبتسامة : احسن لو تقولي يا صديقي وحضنه ——-

• يتبع الفصل التالي اضغط على (  رواية خفايا القدر) اسم الرواية