رواية حي بداخلي كاملة بقلم عهد عامر عبر مدونة كوكب للروايات
رواية حي بداخلي الفصل الخامس 5
فى مكان مجهول
صحى من نومه مفزوع فضل يستغفر ربنا وقام صلى ركعتين وفضل يقرأ قرآن، قاطع كل ده صوت موبايله بيرن، اتعدل ورد
: آن الاوان ترجع بلدك، مراتك ف خطر
اتنفض من مكانه
_ فى خطر ازاى يعنى، فهمنى
: اتخطفت، وحاليا الكل بيدور عليها وبيحاول يرجعها، انت لازم ترجع لانهم ممكن يكون ليهم يد ف اللى حصل يا ادهم
ادهم بغضب: ليهم يد ازاى يا سياده اللوا، انتو طلبتوا منى اختفى عن بيتى واهلى ومراتى وابنى اللى لسه مشوفتوش مع وعد انهم هيبقوا تحت حمايتكم، تيجى دلوقتى تقولى معرفش مراتك فين؟
اللوا: ادهم، انا مقدر حالتك، ومش هعاقبك ع اللى قولته، مراتك كانت ف المستشفى و( حكى كل اللى حصل)
ادهم: تمام يا فندم انا راجع انهارده
اللوا: ادهم هترجع، بس مش هتظهر، هترجع على طياره انهارده الساعه 3،باسم مستعار والرائد حمزه هيكون عندك كمان شويه هيغير فى شكلك بحيث انك متتعرفش.
ادهم بتنهيده: يعنى حتى مراتى مش هعرف اشوفها
اللوا: لو عايز تعرض. حياتهم للخطر شوفهم
ادهم: خلاص يا فندم تحت امرك.
قفل معاه وفضل يفكر ف موج ويفتكر اليوم اللى موج كانت حامل فيه
flash back
ادهم كان ف شغله وكان فاضل ساعتين على معاد رجوعه البيت ل موجة قلبه زى م بيقولها
موج وقتها كانت دايخه اوى وكل شويه ترجع ومفيش حاجه ثابته ف معدتها، بعتت اشترت اختبار ودخلت عملته وطلعت حامل ( ربنا يرزق كل مشتاق بالذريه الصالحه يا رب)
فكرت ف انها تعمل مفاجأه لادهم ورنت على مريم
موج: السلام عليكم ورحمة الله وبركاته، ازيك يا روما
مريم: وعليكم السلام ورحمة الله وبركاته الحمد لله يا روحى انتى عامله ايه
موج: بخير الحمد لله، كنت عايزه منك طلب
مريم: اتفضلى يا قمر
موج: بصى انا عايزه اعمل مفاجأه لادهم، فعايزاكى تنزلى تشترى زينه حلوه و..( قالت اللى عايزاه)
مريم: بجد يا موجه انتى حامل
موج: الحمد لله يا مريم، ادهم هيفرح اوى
مريم: اكيد طبعا ربع ساعه واكون عندك
وجابت مريم الحاجه وجات وساعدت موج تجهزها ومشيت
لبست موج فستان شيك جدا قصير لونه بينك وشوز اسود وعملت ميكب هادى ورشت البيرفيوم بتاعها وفضلت مستنيه ادهم
دخل ادهم من باب الشقه لقى الانوار مطفيه
ادهم: موج، يا موجه، انتى فين
وفجاه نور الشقه نور ونزل على ادهم ورق ملون بشكل حلو ومكتوب جوا (Hi dady) ادهم مجاش ف دماغه ان موج حامل وكمل لجوه لقى موج واقفه جنب الترابيزه اللى عليها التورته وكانت زى القمر
حضنها ادهم وقالها
ادهم: ايه القمر ده، هتعملى ف قلبى ايه تانى
موج بحب: وحشتنى
ادهم: وانتى كمان يا روحى
وبص على الترابيزه ولمح التورته ومكتوب عليها ( Hi dady)
ادهم: هو ايه اللى كله مكتوب عليه هاى دادى، هاى دادى، ايه اللى بيحصل
موج: انت مفهمتش حاجه؟
ادهم: اممم وحشتك عشان كده بترحبى بيا يعنى
موج: اقول عليك ايه وكل العبر فيك
مسكت بوكس صغير من على ااترابييزه وادتهوله ف ايده
موج: يمكن ربنا يكرمك وتعرف
ضحك ادهم وفتح البوكس لقى جواه جزمه صغيره
هنا ادهم استوعب كل اللى حصل
ادهم: موج، ده بجد
هزت موج بدماغها: انا حامل يا ادهم
شالها ادهم ولف بيها وقال بصوت عالى: بحببببببببببببك
back
ادهم: يا رب احفظهالى هى وابنى يا رب.
………..
موج بعد م اخدت الحقنه، بقيت ساكته مش بتتكلم بس باصه على الفراغ ودموعها بتنزل
الدكتوره خرجت من عندها وكلمت الشخص اللى بتكلم دايما
الدكتوره: تمام، انا نفذت كل حاجه
@: تمام الفلوس بقيت ف حسابك، المهم البيبى نزل
الدكتوره: نزل
@: تمام، كده نكمل باقى خطتنا.
وقفلت معاها والدكتوره دخلت تانى لموج، نضفت المكان عشان ميبانش اى حاجه وادت موج حقنه منوم وخرجت وقفلت عليها من بره
…………….
وصل يامن المكان اللى خالد ساكن فيه وطلع خبط وخالد فتحله كانه لسه صاحى من النوم
خالد: انتو مين؟
دخل يامن ووراه اتنين عساكر وقعد على الكرسى
يامن: اقعد هنا
قعد خالد قصاده وهو خايف من هيبه يامن وقال
خالد: ا انا معملتش حاجه
يامن: وانت تعرف انا عايزك ف ايه اصلا؟
خالد: لاا
يامن: اومال بترد على اى اساس؟
سكت خالد بخوف وفضل يبص على يامن مستنيه يتكلم، ويامن قاعد بيلعب بأعصابه ومش متكلم
يامن: كنت فين
خالد: ك كنت نايم
يامن: امم، نايم واختك ف المستشفى وانت السبب؟
خالد: وانا مالى بيها منمش يعنى
يامن: لا ازاى نام طبعا المهم راحتك، طيب انت مطلوب ااقبض عليك عشان مدام موج مقدمه فيك بلاغ انهارده الصبح بالتعدى عليها ودخولها المستشفى
خالد: نعم؟ بلاغ ضدى انا
وقف يامن وقاله: انا مش عايز كتر كلام هاتوه وحصلونى
ومسكوا خالد ومشيوا بيه ع القسم.
……………
دخل ياسين من بره لشقته لقى سها قاعده وبتعيط
راح عندها وحضنها
ياسين: مالك بس يا روحى، مين مزعلك؟
سها: زعلانه من نفسى يا ياسين، انا السبب ان موج تتخطف ياريتنى م سبتها ونزلت
ياسين: ششش اهدى يا حبيبى اهدى، محدش عارف يمكن ربنا عمل كده عشان ليه حكمه معينه
سها: ونعم بالله، انا خايفه عليها وعلى اللى ف بطنها، موج روحها ف ابنها لو حصله حاجه اعرف ان موج انتهت، وبعدين ده اخر ذكرى لينا كلنا من ادهم الله يرحمه
ياسين بتنهيده: عارف يا حبيبتى، عارف، انا نزلت وروحت المستشفى وشوفت تفريغ الكاميرات تانى ملقتش حاجه، وجبت نسخه كمان من التسجيل معايا
سها: تعالى نشغلها يمكن نلاقى اى حاجه
جاب ياسين اللاب توب وحط الفلاشه وفضل يسمع التسجيل هو وسها، مره واتنين
بعد مده
سها: ياسين ارجع كده شويه
ياسين: اهو، فيه ايه
سها: بص كده العربيه دى موجوده ف اللقطه التانيه اختفت
جرى ياسين الفيديو تانى ولقى فعلا زى م سها قالت، بص على وقت الفيديو لقيه مقصوص الوقت اللى موج اتخطفت فيه
سها: ده معناه ايه ياياسين
ياسين: كده معناه ان موج اتخطفت ف الوقت ده وهما حذفوا الجزء اللى فيه الخطف
طلع فونه وكلم يامن وقاله ع اللى شافه ويامن بلغه انهم قبضوا على خالد وهيفضلوا وراه لحد م يعرفوا ودا موج فين
قفل معاه ياسين وبقى قاعد وباصص قدامه وساكت
سها: خير يا حبيبى، خير
ياسين: انا زعلان انى مش قادر احافظ على امانه اخويا يا سها
سها بحب: متقولش كده يا حبيبى، ربنا هيسترها ومش هيخيب ظننا ابدا.
ياسين: يا رب
………………
يامن: ها يا خالد، قولتلى متعرفش صح
خالد: يا باشا انا بالعقل انا اخبطها ف الحيطه ازاى لا وكمان وانا باخدها من بيت حماها يعنى مفيش حد كان بيدافع!
يامن: خلاص نبعت نجيب مدام موج وهى تقولنا على اللى حصل
خالد: موج؟ تيجى هنا
يامن: ايه مالك؟ هى لسه مكلمانى من المستشفى وقولتلها تيجى عشان قبضنا عليك
خالد اتجنن: ازاى يعنى كلمتك وهى مش ف المستش…
قطع كلامه لما افتكر زله لسانه ف اللى قاله
يامن: وانت عرفت منين بقى انها مش ف اامستشفى
بلع ريققه بتوتر وقال: يعنى ت تكون خرجت
يامن: خرجت اه
مسك خالد من هدومه وقاله: انطق يلا والا اقسم بالله ادفنك مطرحك، وديتها فين؟
خالد: ياباشا مش عارف انت بتتكلم عن ايه
يامن: حلو، انا هخليك تقول، لما تلاقى نفسك واخد اعدام ولا مؤبد ف كام قضيه حلوين كده من النوع التقيل وقتها بقى ابقى قولى انا مش عارف انت بتتكلم عن ايه، يا عسكرى
العسكرى: امرك يا باشا
يامن: خده ع الحجز عايزه يتروق الترويقه المظبوطه، وابقى طلعهولى
خالد: لا لا ياباشا ابوس ايدك، انا هقولك هى فين بس تسيبنى
يامن: انجز وقول يلااا
خالد: وديتها مستشفى
الامراض العصبيه والنفسيه وسبتها هناك م الصبح
يامن اتجنن ومسكه نزل فيه ضرب وسابه للعسكرى ينزله الحبس تحت عشان يتربى وطلع هو على بيت ياسين.
………
فى المطار
وصل ادهم المطار وطلع ركب عربيه واتجه للقياده بتاعته، وصل ونزل ودخل
ادهم: السلام عليكم
اللوا: وعليكم السلام ورحمة الله وبركاته، حمدلله على السلامه يا ادهم
ادهم: الله يسلمك يا فندم
اللوا: اتفضل اقعد، ليك عندى خبرين واحد حلو وواحد وحش
ادهم بقلق: خير يا فندم
اللوا: الحلو انهم لقيوا مراتك
ادهم بفرح: الحمد لله، لقيوها فين ومين كان خاطفها
اللوا: احم، هى مكنتش مخطوفه، خالد اخوها خدها من المستشفى ووداها مستشفى الامراض النفسيه والعصبيه
ادهم بغضب: مستشفى ايه؟ ، وليه يوديها هناك وهو عارف انها حامل وغير انها حامل دى اخته
اللوا: اهدى يا ادهم، احنا منعرفش ايه اللى بيحصل ف البيت من جوه عشان نعرف هو ليه عمل كده.
ادهم: انا مش ضامن مراتى تبقى سليمه وهى هناك يا فندم، واجبى اتجاها يخلينى اعمل اي حاجه عشان تبقى بخير، اعتقد انى سمعت كلامكم واختفيت 3 شهور كاملين واكتر عشان خاطركم وخاطر المهمه كفايه يا فندم كده
اللوا: ادهم، انت عارف انى معتبرك ابنى، وعارف ان غلاوتك عندى كبيره، عشان كده بقولك استنى لحد م نتصرف ونرتب لظهورك تانى ومش هتستنى كتير شهر تانى يا ادهم وبس، وعد منى، ودلوقتى روح على المكان الجديد اللى هتختفى فيه ممكن
ادهم: مش هقدر يا فندم انا هتابع حركاتهم من بعيد يا فندم، من بعيد
اللوا: اللى تشوفه يا ادهم المهم انك تختفى عن الانظار.
سابه ادهم ومشى وصل عند البيت ف وصول يامن كان الوقت 7 الصبح فكانت الحركه قليله نوعا ما.
…………
يامن نزل من عربيته وطلع على فوق خبط على ياسين وفتحله ياسين لانه كان مستنيه
قعدوا سوا وانضمت ليهم سها
يامن: استاذ ياسين، انا عرفت مكان مدام موج فين
قامت سها من مكانها بخضه: مكانها، هى فين يلا نروحلها قوم ياياسين يلا
مسك ياسين ايدها وهداها وقعدها جنبه تانى
يامن: مدام سها انا مقدر حالتك بس اللى عايز اقوله ان انا واستاذ ياسين اللى هنروح نجيبها
ياسين: هى فين؟
يامن: احم. مستشفى الامراض النفسيه والعصبية
ياسين بغضب: عملها خالد الكلب، يلا يا يامن، وانتى يا سها انزلى تحت وصحى بابا وبلغيه بكل حاجه واقعدى معاهم هو ورحمه لحد م نرجع
سابها ياسين ومشى وبعد شويه هى نزلت تحت وحكت لكامل ورحمه على كل حاجه
……………
: ايوه، عرفوا مكانها ورايحين يجيبوها
@: وماله، ده لو لقيوها
: انت عملت فيها ايه؟
@: مش انا للى عملت اخوها الى عمل، ومتدخليش ف اللى ملكيش فيه سامعه، اقفلى دلوقتى لحد م اشوف الزفت التانى اللى اعترف من اول قلم.
………….
وصل ياسين ويامن المستشفى ووراهم ادهم متنكر وواقف بعيد، واتسحب ودخل وراهم وسابهم بيتكلموا مع الممرضه ودخل هو بخفيه لحد م وصل لاوضه موج
دخل لقاها ف حاله غير طبيعيه، وشها اصفر وجرح دماغها مفتوح، وباين عليها اثر العياط، ملقاش ملامح لموج الجميله اللى كان بيعشقها، كل اللى لقيه ورده دبلانه وهشه
قرب منها وحضنها بكل قوته ودموعه نزلت
ادهم: حقك عليا، انا السبب انا السبب ف ان يحصل فيكى كده، بس والله م هسيب اللى عمل كده ايا. كان هو مين، وحياتك عندى ووحياه ابننا
قطع كلامه لما خرجها من حضنه ولقى د*م كتير على السرير اللى هى عليه، بصلها
بصدمه: ابننا يا موج
حس بحركه وقام بسرعه نط من البلكونه لبره واستخبى بعد م غطى شعر موج
دخل ياسين ويامن فضل بره والممرضه مع ياسين
ياسين اتصدم من شكلها ومن الدم واتأكد انه فقد ابن اخوه، شالها بعد م غطاها بلبس المستشفى وغطى شعرها وطلع بيها ويامن وراه واى حد يتكلم معاهم كان يامن يضربه من غضبه ف اللى حصل ف مراه صاحبه.
طلعوا بيها على المستشفى والدكتوره استلمتها على العمليات على طول
بعد نص ساعه
الدكتوره: للاسف، فقدنا الجنين، وخيطتلها الجرح تانى وهى حاليا ف الاوضه هتفوق كمان ساعتين.
ياسين: طيب وحالتها ايه؟
الدكتوره: مش هخبى عليك واضح انها متعرضه لصدمه شديده،وكمان فيه اثار على جسمها زى حد اعت*دى عليها او اجبرها على حاجه،كل حاجه هتبان لما تصحى،بعد اذنكم
سابتهم وقعد ياسين بدموع: وصلنا متأخر يا يامن، وصلنا متأخر
قعد جنبه يامن وفضل يهون عليه
………
بعيد عنهم كان واقف ادهم اللى سمع كل كلمه م الدكتوره واقسم انه ياخد حقها بس يطمن انها ف بيته الاول.
……….
- يتبع الفصل التالي اضغط على ( رواية حي بداخلي ) اسم الرواية
تعليقات
إرسال تعليق