رواية جنون حنين كاملة بقلم نور محمد عبر مدونة كوكب الروايات
رواية جنون حنين الفصل الرابع 4
جلست حنين وهبه امامه على المكتب وهبه تفرك في يدها بتوتر وحنين تنظر لمروان بهيام لاحظه مروان ليبتسم لها”
مروان بشك:متاكده انك عاوزه تقدمي بلاغ يأنسه هبه
هبه بتوتر ولم تستطع التحمل اكثر من هذا:لا انا مش عاوزه … وكملت بدموع…احنا كذبنا هو معملش حاجه انا اسفه ياباشا، بس انا ملييش زنب دي كانت فكره حنين، وانا مكنتش اعرف بيها الاول
مروان بغضب:حنييين الكلام ده صحيييح
حنين بخوف وتعلثم:انا…انا…اصل كان بيغلس عليها وحنا قولنا نأدبه بس يعني، مش حنسجنه علطول يعني
مروان:ده قسم ياحنين هانم مش بيت اهلك، علشان تعملى كده ده بلاغ كاذب، والقانون بيعاقب عليه ياهانم
حنين بدموع:انا اسفه ياحظابط اخر مره سماح المرادي بس، والله ماحعمل كده تاني
مروان بصوت عالى:ياشاويييش تعال فورا
حنين بترجي ودموع:والنبي والنبي خلاص مش حعمل كده تاني، بلاش الحجز والنبي
دخل الشاويش:نعم ياباشا
مروان:جيب الولد الي اجه دلوقتي حالا هنا
الشاويش:حاضر يافندم
بعد قليل **
مروان:احنا اسفين يااستاذ حسن، انا عرفت الحقيقه تقدر تخرج دلوقتي
حسن بغضب:لا ياباشا انا عاوز اقدم فيهم علشان، علشان اتهموني كذب
مروان:ده حقك ياحسن بس انا بقول، الطيب احسن وهما حيعتزر ليك دلوقتي
هبه بدموع:انا اسفه ياحسن والله، ماكونت اعرف الي حتعمله حنين ده، ومقدرتش اكذبها بعدين انا اسفه
حنين:بس انا بقى مش أسفه علشان، انت شخص غلس وتستاهل الى حصلك ده
حسن بغضب:شوفت ياباشا طولت لسانها انا عاوز حقي منها دلوقتي
مروان بغضب :حنييين اعتزري منه فورا
حنين بخوف وضيق:انا اسفه
مروان:كده تقدر تتفضل تخرج، وأسفين ليك تاني
حسن:تمام ياباشا السلام عليكم
بعد خروج حسن **
مروان بتحزير:وانتي ياحنين قسم بالله، لو جيتي في مصيبه تاني انا حسجنك فاهمه
حنين بخوف:تمام ياحظابط انا حمشي، ومش حتشوف وشي تاني
حنين في سرها وهي تخرج مع صديقتها:ماشي الخطه (د)فشلت برضو، بس،انا مش حيئس ليسا معاك ياحظابط… مانا حجوز ظابط يعني حجوز ظابط
“مرت ثلاثه ايام وحنين لم تدخل القسم مجددا بسبب تهديد مروان لها ولكن هل ستتقبل الامر اخير ام انها تفكر لفعل مصيبه اخرى ”
في الكافيه القريب من القسم **
حنين بمكر:ارجوك يامصطفي، تساعدني بقي دنا بنت عمك الوحيده حتي
مصطفي:طيب مش لما افهم الاول، انتى عاوزه ايه باظبط مني
حنين:مانا قولتلك انت حتروح على القسم ده، وتبلغ عن اختفاء بنت الى هي انا تمام، علشان اخر مره هو هددني لو رجعت بمصيبه حيسجني، فانا فكرت اني حطلعه هو يدور عليا ويقابلني كمان
مصطفي:والله انتى مجنونه رسمي كل ده علشان ظابط
حنين: انا متاكده انه بيحبني، بس بيكابر على مشاعره دي اكيد، مانا حجوز ظابط يعني حجوز ظابط
مصطفي:ربنا يعوضني في عقلك يابنت عمي والله
حنين:يعني حتساعدني مش كده، وانا حظبطك مع بنت مروه الى بتحبها انت اشطا
مصطفي:اذا كان كده يبقى اشطا اوي كمان
وفعلا خرج مصطفي من القسم بعد قليل **
حنين بحماسه:ها عملت ايه ياديشا
مصطفي:عملت زي ماقولتي تمام، بلغت ودلوقتي اكيد وصل لظابط جوه
حنين:كده تمام اوي دورك خلص ياديشا هنا تقدر تمشي، والباقي عليا انا
مصطفي:بس اوعي تنسي اتفاقنا
حنين:عيب عليك اعتبرها حبتك خلاص
مصطفي: يسمع منك ربنا، طيب اوك سلام بقى
في القسم تحديدا مكتب مروان **
” كان يجلس يراجع بعض الملفات القضايا بملل فهو حقا اشتاق لتلك المجنونه فقد مر ثلاث ايام ولم يرها كمثل كل يوم فقط كانت تطفي على حياته المرح رغم مصايبها المتتاليه ولكنه احب حقا مشاغبتها وجنونها هذا هل حقا اخافها تلك المره ولن يرها مجددا في القسم تلك المجنونه حنين ”
“استفاق على صوت الشاويش من الخارج ليسمح له بدخول ”
الشاويش:في بلاغ اختفاء حضرتك عن بنت من ثلاثه ايام ، واحد من قرابيها اجه وبلغ دلوقتي
“امسك مروان بالبلاغ لينصدم فور قرأت الاسم البنت ”
مروان بصدمه:حنين احمد!!!معقول علشان كده انا مشوفتهاش من ثلاث ايام، ياشاويش اجمعلى الفريق فورا حنطلع ندور عليها
خارج القسم **
حنين:كده حلو اوي، خطتي البديله نجحت، بقي ننتقل لباقي الخطه
مروان:حنتفرق دلوقتي ندور عليها، في الاماكن زي مستشفيات والاقسام المجاوره تمام
الفريق:تمام يافندم
بعد ساعه في بوكس مروان **
“رن هاتفه برقم غريب رد على الفور ”
مروان بقلق:الوو مين معايا
حنين:دي انا ياحظابط حنين الحقني ياباشا انا مخطوفه
مروان بخوف:طيب انتى كويسه دلوقتي، تعرفي انتى فين دلوقتي، وبتكلميني اذاي
حنين بمكر:ايوه ياباشا اصل الفون بتاعي انا خبيته ومحدش فيهم شافه، وانا عرفت انا فين انا في الشقه الخامسه الدور الثالث عماره رقم 15 في منطقه ***
مروان بشك طبعا علشان ظابط ويفهم في الامور دي كويس:طيب انا حاجي فورا
“بعد نصف ساعه كان يقف مروان امام العماره المطلوبه ”
مروان:انتو حتفضلو هنا لو ناديت عليكم تدخلو تمام
الفريق:تمام يافندم
“صعد مروان للعماره بشك فهي هادئه جدا وليسه مشبوهه وهذا اقلقه وصل لشقه المطلوبه ليجد الباب مفتوح وهنا تأكد من شكه فهل يخطف احد ويترك له باب الشقه مفتوح هكذا اذا تلك لعبه جديده من تلك المجنونه حنين حسنا سالقنك درسا الأن ”
مروان:حنين انتى فين
حنين وهي تخرج من المطبخ وفي يدها طبق اندومي:انت اجيب ياحظابط اتفضل اتفضل
مروان بصدمه:انتى مخطوفه اذاي!!،
- يتبع الفصل التالي اضغط على ( رواية جنون حنين) اسم الرواية
تعليقات
إرسال تعليق