رواية اللقاء الثاني كاملة بقلم منة محرم عبر مدونة كوكب الروايات
رواية اللقاء الثاني الفصل الثالث 3
فرح: يااعزوزززز شوف حد يزوقنا احنا الاتنين
زياد: بابا جاي وجايب معاه ونش
فرح: يا مسهل
بعد شويه في البيت
••••••••••••••••••
عبدالله: عال يا ست فرح تاخدي التاكسي من ورايا
فرح: ماانا لو كنت خدته من قدامك مكنتش هتوافق ههه
عبدالله: اتعدلي يابت
فرح: احم اسفه مش هعمل كده تاني
عبدالله: مااخوكي زياد شغال بلونش اهو وبيجيب مبلغ حلو يعني مش محتاجين اصلا شغلانه التاكسي بس انا بحبه وبحب اشتغل عليه فا متفكريش ان ده تعب عليا بلعكس التاكسي ده حياتي
فرح: حاضر مش هسوق تاني التاكسي حصل خير ممكن اخش انام بقه
عبدالله: خشي وخلي بالك انا كلمت صاحبي وقالي انك هتروحي تشتغلي معاه
فرح: هشتغل ايه يا بابا طب ما اشتغل مدرسه علوم بشهادتي
عبدالله: فرح حبيبتي انتي اترفدتي من تلات مدارس علشان بتلعبي مع البنات ومش بتعلميهم
فرح: اه صح نسيت طيب هشتغل ايه مع صاحبك ده
عبدالله: هتشتغلي في الصيدليه
فرح: حلو ماشي
بعد شويه
••••••••••••••••••
زياد: اصحي يا فرح اصحي
فرح: ايه يا عزوز سبني انام
زياد: يابت انا عملي مفاجاة
فرح: عملك مفاجاة طب ما تعملك انا مالي
زياد: مهي هتعجبك
فرح اتعدلت: ايه هي يا سي عزوز
زياد: انا جبتلي عروسه
فرح: بجد ياالف نهار مبروك جبتلك عروسه طب كويس طب ما تجبلي عريس ويبقا الفرحه فرحتين
زياد: عريس في سنانك مش لما اتجوز انا الاول
فرح: طب وبعد ما جبتلك عروسه مروحتش ليه طلبت اديها وكنت تعزمنا علي فرحك ده احنا زي اهلك برضوه
زياد: انتو اهلي طبعا انتو هتكونو اول المعزومين
فرح: قوم من وشي يا عزوز
زياد: يوووه علي فكره انتي تعرفيها كويس اوووي
فرح: ومين دي ان شاء الله الي اتعمت في عينها
زياد: مش هقولك خليها مفاجاة
فرح: طيب وانت يا فالح هتروح تتقدم من غير شبكه ولا شقه
زياد: هنتجوز هنا في الشقه دي
فرح: اه تقعد معاانا يعني
زياد: لا انتي هتمشي انتي وابوكي
فرح: اه من اولها فضلت مراتك علينا
زياد: يا هبله ما هنجوزك ونجوز ابوكي
فرح: تف من بوقك ابوك يتجوز ايه اتهبلت ولا ايه
زياد: ده الف واحده تتمناه يختي انتي مش شايفه شكله شبه حسين فهمي ازاي
فرح: معاك حق ابوك مز بس لا مستحيل يعملها قوم بقه عايزه انام بلا بابا يتجوز قال
عبدالله: ياحياتي عامله ايه
مني: فتحت العيال ولا لسه يا عبدالله
عبدالله: خايف اوي يا مني وخايف اكتر من فرح
مني: لا اجمد كده انت مش بتحبني ولا ايه
عبدالله: ازاي ده انتي عديتي مرحله الحب يا حياتي
بقلمي/menna moharam
فرح: نهار ابيض عدت مرحله الحب ويا حياتي كمان مين الوليه دي
عبدالله: فرح حبيبتي انتي فاهمه صح
فرح: قفشتك يا بابا قفشتك يا جوز امي الله يرحمك يااما بس متقلقيش هبعتلك بابا
عبدالله: انا بحبها وهتجوزها يا فرح
فرح: ايه ياحج الي بتقوله ده علي جثتي يا بابا
عبدالله: اه قلبي
فرح بخوف: بابا مالك
عبدالله: قلبي بيوجعني علشان بترفضي كلمتي اه
فرح: يوووه طيب اعمل الي تعمله
عبدالله: اااه
فرح: ايه
عبدالله: قلبي خف
فرح بزعيق: عزوزززززز
زياد: ايه يابنتي
فرح: ابوك عايز يتجوز
زياد: ياالف نهار ابيض بابا حبيبي هيتجوز ونفرح بيه ياالف نهار ابيض
فرح: انت بتهزر
زياد: لا انا مبسوط اخيرا هيتجوز ونفرح بيه مش كفايه محضرناش فرحه لما اتجوز ماما خلينا نفرح بيه
فرح: يابني انت اهبل وانت كنت هتحضر فرحه هو وماما ازاي
زياد: في ايه ياستي ما تسبيه يتجوز ماانتي بكره تتجوزي
فرح: بكره هتجوز ازاي يعني
زياد: هما بيقولو كده المهم مين العروسه
عبدالله: اسمها ماما مني يا حبيبي
فرح: ههههه ماما اه
عبدالله: تمام بما انكو عرفتو وموافقين احنا هنروح بكره نتقدم
عند عمرو
••••••••••••••••••
عمرو: متقدملك عريس
مني بتوتر: اه يا حبيبي انت مش نفسك تفرح ب ماما
عمرو: استني بس علشان مش فاهم انتي اتقدملك عريس بجد وموافقه عادي
مني: اه يا حبيبي واسمه بابا عبدالله
عمرو: لا انا كان ليا اب واحد ومات الله يرحمه جواز يا ماما مش هيحصل عن اذنك
مني: ولد انا امك والي اقول عليه هيتنفز وبعدين انت مالك يااخي اتجوز ولا متجوزش
عمرو: تمام اتجوزي يا ماما انا مالي
مني: اتاخرت ليه الفرح كان حلو
عمرو: لا مروحتش
مني: ليه
عمرو:ركبت مع واحده نحس
مني: واتاخرت كل ده ليه
عمرو: زي ما قولتلك كانو نحس
مني: طيب هكلم خالك علشان تنزل معاه من بكره المعرض وياريت تروح بكره عمرو ده معرض خالك وحكالي كتير انه بيدخله مبلغ حلو يعني لو اشتغلت فيه هتكسب كتير ياريت تروح يا عمرو علشان تعمل لنفسك حاجه متنساش اني نفسي افرح بيك واكيد مش هنروح نتقدم من غير شقه وشبكه
عمرو: بابا الله يرحمه سايب مبلغ كويس ليا في البنك انتي اصلا عارفه اني مش عايز اشتغل
مني: اه عايز تلعب بس عايز تروح تسهر مع اصحابك كل يوم وترجعلي وش الفجر تقدر تقولي لو حبيت بنت وعايز تتقدم هتقول لاهلها ايه هتاكلها منين
عمرو: ماما وانتي عارفه اني مش هفتح قلبي للكلام ده انا مش عايز وجع دماغ تصبحي علي خير
مني: هتروح المعرض بكره يا عمرو متحرجنيشش
عمرو: حاضر حاضر
بعد شويه
••••••••••••••••••
عبدالله: وقالك ايه يا حياتي
بقلمي/menna moharam
مني: مقلش وافق طبعا ورحب جدا جدا بلموضوع
عبدالله: نفس الي عملته بنتي بظبط رحبت جدا بلموضوع وفضلت تقولي هيبقا عندي ام
مني: يا حياتي
فرح وهي عماله تاكل في ضوافرها بعصبيه: شايف ابوك الي الكدب بينط من عنيه بيقول ايه
زياد: اهدي بس مايمكن تكون كويسه وبتعرف تعمل فراخ مشويه حلوه
فرح: انت همك علي كرشك بس اسكت هضربك كفايه ابوك
بقلمي/menna moharam
عبدالله: استني يا قلبي اكلمك لما اخش اوضتي اصل عيالي بيبصولي ويبتسمو معجبين اوي بقصه حبنا
فرح بقرف: الصبر يارب الصبر لولا انك ابويا كنت عملت عليك شوربه
زياد: تفتكري هيبقا طعمها حلو
فرح: هي ايه
زياد: شوربه بابا
فرح: لا بتاعتك هتكون احلي لو مقومتش من وشي دلوقتييييييي
زياد: اهدي يا حبيبتي متعمليش في نفسك كده
فرح: اهدا ازاي بس انا هاين عليا اسيب البيت وامشي
زياد: انا هخش اكل انا
فرح: خش ماانت همك علي كرشك يا تلاجه
عمرو: فايز متجننيش انا مش قادر انا مش عارف ازاي هتتجوز مش مصدق ومش مستوعب
فايز: ياعم مضايقش نفسك عادي
عمرو: عادي ايه بس انا مش متحمل الفكره دي بس مش قادر امنعها مهما كان هي امي ومينفعش اقف قصادها واعاند معاها
فايز: خلاص وافق ياعم وخلاص ماانت بكره تتجوز يعني
عمرو: لا برضوه
عند فرح
فرح: يا وفاء هتجنن يا وفاء
وفاء: فرح علشاني اهدي وبعدين روحي وشوفيها يمكن تحبيها
فرح: مستحيل يا وفاء
وفاء: اهدي بس يا حبيبتي وخير ان شاء الله
تاني يوم
••••••••••••••••••
مني: حبيبي صباح الخير
عمرو: صباح النور عايزه حاجه انا رايح المعرض
مني: لا يا حبيبي مش هتروح انهارده
عمرو: يعني ايه
مني: يعني في ضيوف جايلنا دلوقتي
بقلمي/menna moharam
عمرو: ممم ومين هما بقه
مني: اخواتك وباباك
عمرو: اده ااااه قولي كده يعني انتي متجوزه من ورايا وكمان
مني: ششششش بس يا ولد ايه الي بتقوله ده اونكل عبدالله وعياله جاين علشان يجو يتقدمو وانت لازم تبقا موجود
عمرو: مع السلامه يا ماما انا نازل
مني: هستنااااك متكسفنيش
بعد شويه
••••••••••••••••••
مني: اهلا نورتو يا حبايبي وقالت بكسوف نورت يا عبدالله
عبدالله: ده نورك اتفضلي جبت الورد ده علشانك
زياد: اتفضلي يا طنط وده جاتوه علشاني احم علشانك
مني: تسلم يا حبيبي اتفضلو اتفضلو اتفضل يا عبدو
فرح: عااااا
مني: في حاجه يا حبيبتي
فرح: ها ولا حاجه بس عندي غممان نفس
مني: من ايه يا حبيبتي طب اجبلك لمونه
فرح: لا لا لو خدت ايه مش هيروح غير لما اغور من هنا
مني: ايه
فرح: متاخديش في بالك
مني: طب تعالو اتفضلو يا حبايبي
زياد: طنط دي طلعت عسل اوي
فرح ضربته في بطنه: اسكت خالص
عبدالله: اومال فين عمرو
مني: ها نزل زمانه جاي اده اهو شكله جه هقوم افتحله
زياد كان ماسك طبق جاتوه: مش فاضي يا بابا ورايا مهمه
فرح: انا هقوم انا لو قعدت دقيقه كمان هرمي نفسي من البلكونه الي وراكو دي
عبدالله: هههه ههههه بنتي فرح بتحب الهزار قد عنيها
فرح: ده قد مناخيري وحياتكو
علي الباب
••••••••••••••••••
عمرو: اسف نسيت مفاتيحي انا جاي اخدها و، ااااده معقول جيت التاكسي بدل شقتنا انتي انتي بتعملي ايه هنا يا نحس انتي
فرح:انا نحس يا بومه انت الي بتعمل ايه هنا
نتعرف علي الابطال
(فرح عنيها عسلي فاتح وبشرتها بيضا جسمها متوسط وقصيره لبسها كله بناطيل وعمرها ما فكرت تلبس فساتين وتفك شعرها وهي الي شايله مسؤوليه البيت مدرسه علوم بس اترفدت من كذا مدرسه باباها قرر يشغلها في صيدليه صاحبه متعلقه باباها اوي وبتغير عليه من اي حد ملهاش غير صاحبه واحده وبتحبها اوي وهي وفاء بتحب تقعد في هدوء ومش بتحب الدوشه)
(عمرو جسمه رياضي عنيه خضرا غامق وبشرته قمحاويه وعنده دقن خفيفه لونها بني غامق مبيحبش الشغل واكتر حاجه بيحبها هو الخروج مع اصحابه والچيم مرتاح وباباه سايبله فلوس في البنك خريج كليه تربيه بس هينزل مع خاله معرض عربيات)
(عبدالله عنده 45 شعره ابيض وعنيه زرقا غامق وجسمه متوسط الحجم بيهتم بنفسه وبلبسه وشيك)
(مني وهي قد عبدالله في السن بس ميبنش عليها طيبه جدا وبتحب الخير لغيرها عنيها عسلي فاتح وبشرتها بيضا)
(زياد ودلعه عزوز اخو فرح الكبير بس في التصرفات يبان فرح الاكبر نقطه ضعفه الاكل مبيحبش حد في حياته قد الاكل عنده 27سنه عنيه عسلي وجسمه مليان شويه بس طيب)
- يتبع الفصل التالي اضغط على ( رواية اللقاء الثاني ) اسم الرواية
تعليقات
إرسال تعليق