رواية خادمة امتلكت قلبي كاملة بقلم شيماء عبدالتواب عبر مدونة كوكب الروايات
رواية خادمة امتلكت قلبي الفصل الاول 1
انا هشتغل خدامه
قالتها ملك وهى بتبص ليهم ومستنيه ردهم
انتى اتجننتى يا ملك يعنى ايه تشتغلى خدامه يا ستى ان كان على ايجار السكن هنلم من بعضنا وندفعه لكن متعمليش كدا
ملك: لا يا سها انتى عارفه انى عمرى ماهقبل كدا اسمعوا بس انا هشتغل خدامه اجمع مصاريف الكلية اللى مبتخلصش دى وابعت الباقى لاهلى يسند معاهم شويه
اسماء: وهتشتغلى فين بقى يا ملك لقيتى شغل والا انتى مقرره ومقولتيش لحد
ملك مسكت الجرنان وورتهم الاعلان اللى مكتوب في
مطلوب خادمه لثلاث شباب عزاب
فمن يرغب بالتقديم عليه التوجهه الى العنوان التالى********
اسماء وسها فى صوت واحد: ايه عزاب
_______________
انا عملت اعلان عن شغاله جديده وانا اللى هختارها بنفسى وبص لاخوه اوى وكمل مش عاوز رمرمه يا حازم باشا ونركز فى الشغل وانت وشاور على اخوه التانى مش عاوز شكوه منك يا وليد المره اللى فاتت دريت عليك وسكت البنت بقرشين تانى مره انا اللى هرميك برا
وليد: قولتلك كنت سكرا يا مالك
مالك: انا ماليش فيه الكلام ده اللى عندى قولته انا رايح الشركه يلا يا باشا
وليد بنفخ: يلا كل يوم شغل شغل مفيش يوم تقولى خد اجازه يا وليد انت بتتعب
حازم بمرح: خد اجازه يا وليد انت بتسكر
وليد بصله بغيظ ومالك ضحك وقال: اهو قالك وكمل بجديه: انت بقى يا حازم يا حبيبى هتخلص كليه وتيجى على الشركه تدرب
حازم: يا سواد الحلل هيبقى كليه وشغل انت ناوى على دمارى يا بوب كنت سيبنى اروح اصيع شويه واكل فى ماك
وليد بسخريه: ماك الله يرحم ابوك ياخويا
حازم بدمعه وهميه: امين ياخويا
مالك بحزم هعد من واحد لتلاته تكونوا اختفيتوا من قدامى والا
ملحقش يكمل كلامه وكانوا طاروا من قدامه
مالك: عالم تخاف متختشيش
_________
ملك: ايوه بااااااس كدا ايه رايك يا اسماء
اسماء بضحك: هينبهروا بيكى اوى يا ملك
ملك بغرور: طبعا يا بنتى هو انا فيه ف حلاوتى حتى بصى قالتها وهى بتحول عينيها خلى منظرها يضحك
سها: هتمشى امته
ملك: كمان نص ساعه مكتوب كدا فى الاعلان
___________
مالك قاعد مش طايق نفسه كل اللى بيجيله مفيهومش المواصفات اللى هو عايزها
ملك: سالخير يا سعاده الباشا
مالك من بعيد وبيبصلها بقرف: اهلا انتى مين
ملك: خدمتك جميلة يا بيه
مالك بصدمه: انتى اسمك جميلة مين اللى اتشك فى نظره وسماكى كدا
ملك وهى بتكتم ضحكتها: ابويا يا سعاده البيه اصل اول ما اتولدت كنت جميلة اوى وكل ما اكبر كل ما جمالى يزيد انت مش شايف حلاوتى ولا ايه ده حتى الزباين عليا كدهون بس انا اللى بحب اتعب واعتمد على نفسيتى
مالك: نفسيتك طب خدى العنوان ده واسبقينى على هناك انا جاى وراكى علطول
ملك: عنيا يا سعادة البيه الحليوة
مالك: زباله بس هطلع عنيهم عشان يتعلموا الادب
____________
مالك راح ورا ملك البيت ودخلوا وعرفها مكان المطبخ والاوضه اللى هتنام فيها
ملك جواها: اش اش اش ايه الحلاوه دى ده المطبخ قد بيتنا كله
حازم رجع من الكليه وداخل المطبخ علشان يشرب شاف ملك
حازم: انتى الخدامه الجديده صح
ملك لفت ليه وشها ولسه هتتكلم حازم صرخ وطلع يجرى
حازم: عفريت عفررررررررريت الحقنى يا مالك عفريييييت فى البيت يعنى يوم ما اموت اموت على ايد عفريت
مالك طلع يجرى وراه هو وملك اللى بتقول: استنى بس يا كريم شانتيه انت
مالك دخل اوضه حازم واتصدم
مالك: انت بتعمل ايه…..
- يتبع الفصل التالي اضغط على (رواية خادمة امتلكت قلبي) اسم الرواية
تعليقات
إرسال تعليق