رواية جنون حنين كاملة بقلم نور محمد عبر مدونة كوكب الروايات
رواية جنون حنين الفصل الاول 1
-الو حضرت الظابط معايا
-ايوه مين حضرتك
-انا حنين ياباشا الحقوني ياحكومه انا اتسرقت ياحكومه
-مين الى سرقك يأنسه وسرق ايه منك
-سرق قلبي ياباشا منغير استئزان كمان
-هو ده انتى تاني يابت انتى مش حتبطلى لعب العيال ده باباكي فين ومامتك
-اه انا، هو مش الحكومه في خدمه الشعب براضو وانا من الشعب والله.. يعني لازم تخدمني كمان زيهم
-طيب وعاوزه ايه دلوقتي يعني
-عاوزه قلبي الى اتسرق او رقم حضرتك ينفع برضو
-بت اقفلى حالا ولو رنيتي تاني انا ححطك في الحجز فاهمه بتهمه ازعاج السلطات
“وقفل الفون في وشها ”
-ماشي ياحضرت الظابط برضو حيجي يوم وقلبك يحن عليا ويحبني انا عارفه مانا حجوز ظابط يعني حجوز ظابط برضو
تسمع صوت امها من الخارج **
امها: انتي يازفته التلفون فين يابت وبتعملى بيه ايه كل شويه كده
حنين ببرائه: مفيش ياماما بكلم صحبتي مش انتو مش عاوزين تجبولى فون تاني علشان كسرت تلاته قبل كده بس
امها: اهو قولتى بلسانك كسرتي تلاته قبل كده اخر واحد ب6000جنيه يامفتريه
حنين: علفكره انا مش بكسرهم هم الى بيتكسرو لوحدهم اعمل ايه يعني ماهو كل مايقع مني بيتكسر
امها: يارب الصبر من عندك وانتى بتوقعيهم ليه اصلا يازفته ماهو لازم يتكسر بعد مايقع يعني
حنين: يعني انتو مش حتجبولى فون بقى انا قاعده اسبوعين منغير فون ياحنون وكده حرام دنا بنتك الوحيده برضو والنبي لتقنعي بابا والنبي
حنان: واقنعه بايه دنا بقوله كل مره معليش عيله وتكبر بس عيله تلات مرات كتير على الراجل يستحمل كده
حنين: يعني كده ياحنون ده المدرسه مش فاضل عليها غير اسبوعين بس وانا عاوزه فون ضروري والنبي اخر مره قوليلو
حنان: ماشي حقوله بس اخر مره بعد كده مفيش فون تاني اصلا غير بعد الجواز ماشي
حنين: انشاء الله يسترك يارب ياحنون ادعيلى كتير بقى علشان انا نفسي اجوز ظابط كده مالي هدومه
حنان: ههههههه ظابط مره وحده كده مش لما تلاقي حد يبصلك اصلا الاول
حنين: لو سمحتي ياماما راعى شعوري شويه وعلفكره انا الف واحد يتمناني بس انا صابره علشان يجي فارس احلامي بالبوكس بتاعه ياخدني مانا حجوز ظابط يعني حجوز ظابط انا بقولك اهو
حنان: صابره ايه ياجزمه، انتى ليسا 16سنه صابره على ايه بقى، دنتي ليسا مطلعتيش من البيضه يابت الهبله
حنين: لا خدي بالك انا كبيره واعجبك اوي مش علشان 16سنه، ابقى ليسا مطلعتش من البيضه، ولو سمحتي متشتميش نفسك قدامي، علشان انا امي محدش يشتمها حتي نفسها
حنان: والله ماعارفه اقولك هبله والا اصيله بس الاكيد انك مجنونه، يكون في عونه الى حتبقى من بخته بابنت بطني
حنين بثقه: خدي بالك ياماما ده يابخته الى احنا من بخته والله 😂
حنان: يعوض عليا عوض الصابرين يارب
حنين:ماما انا عاوزه فلوس علشان عندي درس بكره مع صحبتي هبه
حنان:ابقى بكره قولى لبباكي هو حيعطيكي الفلوس
حنين بترجي:مبلاش بابا ياماما انتى عارفه انه
زعلان على اخر مره، لما كذبت وطلبت منه لدرس وانا جبت بيهم شكولاته واندومي، هو ليسا زعلان انا عاوزه منك انتى ووالله لدرس فعلا
حنان بقله حيله:خلاص ماشي بكره حديلك الى انتى عاوزاه تمام كده
حنين بمكر:تمام يست الكل ربنا يديمك ليا ياحنون قلبي
حنان بضحك:ربنا يصبرني على مابلاني والله
“خرجت الام من غرفه ابنتها لتبتسم حنين بمكر ”
**
حنين:ماشي الخطه (أ) الاستدراج فشلت..حنبدء الخطه (ب) الدخول الى مباشر الحدث..بقى فرجني حتفلت منى ازاي تاني ياحظابط، انا وراك والزمن طويل، منا حجوز ظابط يعني حجوز ظابط
وفي اليوم التالى **
“صحيت حنين وهي تشعر بسعاده جاء وقت الجد دقت ساعه السعد الأن”
“بعد ساعه من تناول افطارها مع والديها وعمل روتينها اليومي في المنزل وقد دقت الساعه العاشره الأن ”
حنين:ماما معاد الدرس دلوقتي لو سمحتي عاوزه الفلوس امشي
حنان:حاضر ياحبيبتي عاوزه كام
حنين:100جنيه ياماما
حنان بصدمه:نعم ياروح امك ليه ان شاء الله كل ده
حنين بكذب:ياماما محتاجه ملخصات وادوات لزوم الدرس، ودول غاليين دلوقتي وانتى عارفه، بقى 100جنيه مش معاكي مانتى محوشه على قلبك ياحنون ياجامد
حنان:بت متاكليش بعقلى حلاوه، انا فاهماكي هما 50حلو
حنين باصرار:والله ماينفعو ياماما، بقى الله يسترك هاتي الفلوس اتأخرت بقى
حنان:ماشي بس عارفه، لو عرفت اشتريتي بيهم حاجه تاني حعمل فيكي ايه
حنين:ابقى احرميني من الميراث ياحنون براحتك
حنان:ههههه ماشي ياخرت صبري في الدنيا
“واخذت الفلوس وراحت عند صحبتها علشان يحضرو الدرس ”
بعد مامرت ساعتين كمان ***
“كانت تقف امام مركز الشرطه وهي تحدث صديقتها ”
حنين بسعاده:هو ده القسم يابت الى فيه قره عيني، انا دفعت 30جنيه للولد الي في القسم، وقالى الظابط الى بيرد على رقم الشرطه هنا، خلاص لقيته حنبدء الخطه (ب) اخيرا
هبه صديقتها:حنين انتى متاكده من الى حتعمليه ده ممكن تتسجني فيها خدي بالك
حنين بثقه:لا متخافيش انا مخططه لكل حاجه ومش حخرج من هنا، غير وانا منتصره كمان
هبه:ربنا معاكي ياصحبتي وخدي بالك من نفسك، انتى ليسا متعرفوش وش لوش لحد دلوقتي
حنين:لا هو باين عليه مز وعصبي من صوته، بس متنسيش مين هي حنين احمد، دنا اوقع العصفور من على الشجره بطرف عيني بس
هبه:منا خايفه عليكي من ثقتك الزياده دي خدي بالك
حنين وهي تعدل ملابسها لتتقدم للقسم بجديه:لا متخفيش انا غلاويه ومحدش يقدر عليا 😂
” وبعد عشره دقايق داخل القسم قد سمع ضراخها من الداخل” **
حنين بعصبيه: يعني ايه ياشاويش مقدرش اقابله، انا عندي محضر، انا ليا حقوق هنا انا مواطنه والشرطه في خدمه الشعب
الشاويش: يأنسه انتى ليسا قاصر، وعاوزه وصي معاكي يقدم البلاغ مينفعش انتى بس
حنين: يعني ايه انا مسروقه، وكمان مقدرش اقدم بلاغ، لا فين حقوقي ياحكومه، انا عاوزه حقوقي انا مظلومه ياحكومه، وعاوزه حقوقي فورا
“خرج من مكتبه بهيبته الكبيره ليراها تحدث الشاويش بصوت عالى وتشتكي منه ”
-ايه الي بيحصل هنا في ايه مين بيزعق كده في قسمي
“التفتت له لتصعق من جماله الرجولى للغايه فكان شاب اقل مايقال عليه مز بصراحه من وسامته طويل وعريض بعضلات فاتنه وبارزه للغايه وعيون زيتوني اللون تشع وبشره قمحاويه فاتحه سبحان من صوره بهذا الجمال”
الشاويش بخوف :احنا اسفين يامروان بيه، مشكله بسيطه بس متشغلش حضرتك بيها
حنين:لا ده كذاب، انا اتسرقت وجيت ابلغ، وهو مرضيش يخليني اشوفك ياباشا، انا مظلومه والله معندييش حد يقف معايا
مروان بجديه:خلاص تعالى ورايا
بعد قليل في مكتب مروان **
مروان:ها خير يأنسه حصل معاكي ايه
حنين ببكاء مصتنع:انا اتسرقت ياباشا ومعندييش غير الحكومه تجبلي حقي
مروان:واتسرق منك ايه وفين
حنين بتوهان :قلبي من ساعه ما شوفتك قدمي
مروان:افندم؟!!
حنين بعد ان استفاقت:احم قصدي فلوس يامروان بيه
مروان:كام اتسرق منك كام وفين
حنين:بصراحه مش فاكره كام بس في الطريق اتسرقت
مروان بحيره:طيب حتبلغى ازاي وانتى متعرفيش كام اتسرق منك اصلا
حنين:مش انتو الحكومه، وتعرفو كل حاجه انا عاوزه حقي ياحكومه بس
حنين:طيب ممكن طلب ياباشا قبل مامشي
مروان:اتفضلى
حنين:ممكن رقم حضرتك الخاص
مروان:افندم؟!!
حنين:احم علشان اسئل عن بلاغي وكده بس
مروان:تمام خدي اهو رقم شغلى هنا
حنين:تسلم من كل شر يارب،ممكن كمان تلغي البلاغ خلاص مالهوش لزوم دلوقتي
مروان:افندم ليه؟!!
حنين:احم قصدي علشان، انا بصراحه مش متأكده انها اتسرقت، او وقعت منى وانا مش عاوزه اظلم حد بس
مروان:تمام ماشي تقدري تمشي دلوقتي
“ثم خرجت من عنده ببتسامه انتصار ”
في الخارج القسم **
هبه:ها عملتي ايه جوه
حنين بغرور:عيب عليكي اخدت رقمه ومعايا اهو، مش قولتلك حنتصر ، كده الخطه (ب) نجحه نبدء الخطه (ج)ايقاع الفريسه في المصيده
- يتبع الفصل التالي اضغط على ( رواية جنون حنين) اسم الرواية
تعليقات
إرسال تعليق