رواية زوج للايجار الفصل السادس عشر 16 - بقلم أميرة محمد

   رواية زوج للايجار كاملة  بقلم أميرة محمد   عبر مدونة كوكب الروايات 

رواية زوج للايجار الفصل السادس عشر 16

 
نايا بتوتر : هه جيت امتي محستش بيك ليقول الاخر وهو يجلس بهدوء : من اول هعترفله بكل حاجه اي اللي هتعترفي بيه
نايا بتوتر وهي تزيح عينيها عنه : بصراحه يا الياس انا عندي حاجه مخبياها عنك ومظنش اني ينفع اخبيها عنك اكتر من كده
ليضيق الاخر عينيه وهو ينظر لها بتركيز : سامعك قولي لتنظر نايا في عينيه بثبات وهي تنحني بمستواه لتقول بكل هدوء: الياس انا بحبك
لينظر الاخر بلا مشاعر لثواني حتي انفجر في الضحك ليحاول تحريك يديه أمام وجهه وهو يقول بين ضحكاته: اه بطني مش قادر واي تاني كمان قولي
لتنظر له نايا بهدوء وهي تضع يديها أمام صدرها لتقول بهدوء : هو ده بس اظن ده يكفي اي رايك ليتوقف الياس عن الضحك وهو يقول بتشتت : انتي بتتكلمي جد
لتنظر له نايا بهدوء وصمت لتضحك بشده هي الاخري لتقول : يالاهوي كان لازم تشوف وشك احمر ازاي وودنك بقت شكل الطماطم
لينظر لها الياس بضيق وهو يبعدها ليزفر براحه وهو يقول : يشيخه وقفتي قلبي كنتي بتهزري بس بجد كنتي هتقوليلي اي
لتتوقف نايا عن الضحك وهي تقول بلا مبالاه : اصلي بصراحه لقيت شوكولاته في الدولاب انت مخبيها فكلتها ومكنتش عارفه اقولك ازاي عشان متزعقش فقلت استفزك الاول
ليزفر الياس بهدوء وهو يقول : لو كنتي قلتي قبل ما توقفي قلبي كنت اتعصبت بس دي ارحم من دي متكرريهاش تاني
لتنظر نايا له بألم وهي تحاول مداراته لتبتسم بحزن وهي تقول : للدرجادي خايف اكون بحبك اطمن انا عارفه حدودي وعارفه اقف فين
الياس بهدوء: مش خايف من كده بس خايف علاقتنا تتأثر وانتي عارفه لو حصل وكله عرف حقيقتي اول ناس وقفت جمبنا هي اللي هتقف فوشنا
لتومئ نايا بهدوء وهي تحاول الابتسام وهي ترحل : عادي اصلا مظنش يحصل متقلقش مش هبله للدرجادي لينظر الياس لها بضيق وهو يلحق بها : قصدك اي بهبله يعني انا معجبش ولا هتبقي هبله لو حبتيني
لتتجاهله الاخري وهي تخرج لتقول : هنزل عند ماما شويه لو حابب ابقي تعالي ليلحق الياس بضيق بها وهو يقول : تعالي هنا يا نايا قصدك اي بهبله يبنت بارم ديله صحيح منا مش من مستواكي يختي ، انتي يبت
___________________
تمارا بضيق وهي تتلمس بطنها : مش عاجبني اللي بيحصل المرادي لو الياس رفضها نايا هتدمر كلامها فيه نبره مخلياني مش مطمنه خالص
تالي بريبه : مش شايفين سكوت عاصم بعد اللي حصل حاجه غريبه اتوقعت يثور ويهدد ويكسر غريبه انه ساكت بعد كل اللي خسره
نونيا بهدوء: عاصم مفكر ان نايا بره عشان كده مفيش فايده غير يستني المفروض يرجعوا بعد اسبوع فنظر الكل وقتها هتتفرجي علي اللي هيعمله عرفت انه اجل الفرح ودي خطوه حلوه عشان نلحق نتصرف
تمارا بتوتر : اسكتوا انا مرعوبه امبارح يزن كان عايز يرن علي نايا لولا اني وقفته بالعافيه وقلتله ده هو اسبوع واحد عايز تنكد عليهم قالي حابب اطمن بس تخيلوا يرن ويعرف انهم في مصر الخط المصري بس اللي شغال
تالي بتفكير : كويس انك عرفتي تشغليه كانت هتبقي مصيبه و المفروض نلاقي حل نايا قدامها اسبوع عشان تشوف الخطوه التانيه في الوقت ده لازم نشوف حاجه عاصم نفسه مش هيعرف يتوقعها ونكون مستعدين للي هيعمله
نونيا وهي تومئ بهدوء: بالظبط عشان كده لازم نشوف نايا ونتناقش هنعمل اي تاني بقترح نروح نزورها هي الوحيده اللي هتقول علي الحركه اللي بعدها
تمارا بضيق : امتي نخلص من ده كله كنا احسن شله في الجامعه وكله بيحسدنا علي فرحتنا من يوم اللي حصل وكل واحده بقي عندها هم يكفي جبال
نونيا بشرود : لازم نقوي بعض معندناش غير الحل ده نايا ياما استحملت عشانا هتصل بيها واعرفها اننا هنروحلها بكره
تالي بأستغراب : بس مبقالهمش غير يومين فبيت اهل الياس مش عيب نروح فوقت زي ده لتحرك تمارا رأسها بنفي وهي تقول : لازم نشوف بدري هنعمل اي عشان منتوترش ونغلط
نونيا وهي تومئ باقتناع : فعلا تمارا اول مره تقول حاجه صح لازم بكره نشوف هيحصل اي
_____________
في صباح اليوم التالي
روجينا بتوتر وهي تتحرك في كل مكان : ازاي يعني يا الياس تعمل فيا كده هقوله اي دلوقتي بقي وهو قالي ان حسام جاي وطلع علطول مدنيش فرصه حتي اقوله لا
لتستمع لخبطات علي الباب لتدخل نايا بهدوء وهي تنظر لها لتتوتر نظرات روجينا بندم وهي تقول ببرود مصطنع : نعم جايه ليه
نايا بابتسامه : سمعت ان حسام جاي النهارده عشان يطلب ايدك حبيت اسالك لو عايزاني اساعدك فحاجه لتقول روجينا بضيق : شكرا مش عايزه حاجه تقدري تطلعي
لتنظر لها نايا بهدوء وهي تجلس أمامها لتقول بسخريه: مفكراني معرفش انك مش طيقاني يا روجينا من اول يوم اخوكي عرفني عليكوا عرفت انك بتكرهيني معرفش اي سبب الكره بس اعرف انك مش هتحبيني مهما عملت
روجينا بسخريه وهي تبعد عينيها عنها : كويس انك عارفه يا نايا ومظنش كرهي ليكي يتغير لتقول نايا بملامح متجهمه : ليه
روجينا بحقد : عشان انتي متستاهليش اخويا كان يستاهل واحده تانيه واحلي منك مش واحده زيك مستغربه بصلك علي اي لتقول نايا ببرود وهي تبتلع تلك الاهانه : متاكده عشان كده بس يعني مفيش سبب تاني
لتنظر لها روجينا بتوتر وهي تحرك عينيها بخوف : وهيكون سبب اي تاني مفيش اسباب تانيه لتضع نايا قدم علي اخري وهي تلعب بأظافرها وتقول ببرود : او مثلا عشان انا صاحبه نونيا واللي خلتها تقرب من شادي
روجينا بصدمه وهي تبتلع ريقها بتوتر : وانا مالي بصحابك ولا بشادي انتي هتدخليني فمواضيع مليش فيها
لتنظر لها نايا بثبات وهي تقول ببرود : انا مش غبيه اياكي تحاولي تستغبيني انتي بتحبي شادي وباين اوي من نظراتك ليه وكرهك ليا ولنونيا انا لاحظت فكتب الكتاب بس اتاكدت يوم الفرح بعد ما حسام قال انه عايز يتجوزك سبتي كله وبصيتي علي شادي بسرعه تشوفي رده فعله
لتبتلع روجينا ريقها بخوف وهي تقول بدموع : ده كذب انتي هتتبلي عليا كمان ده محصلش لتقول نايا بهدوء: لا حصل وانا وانتي عارفين ايا يكن مليش حق احاسبك بس نظرات شادي لنونيا يا روجي تدل انه عمره مفكر فيكي ولا حبك
لتنظر لها روجينا سريعا بدموع لتكمل الاخري : مش هقولك انسيه لاني عارفه مش بالسهوله دي بس علي الاقل اياكي تدمري حياتك متوافقيش علي حسام هتدمري حياتك وحياته وهتفرقي الصحاب
روجينا بعصبيه : وانتي مين عشان تقوليلي اعمل اي ومعملش اي اياكي تدخلي فحياتي يا نايا اياكي لتقول نايا بهدوء وهي تستعد للخروج : ده اختيارك انتي مقدرش اغصبك بس فكري محدش هيخرج مأذي غيرك تخيلي تتجوزي واحد مش بتحبيه عشان واحد مش شايفك من أصله يوم ما هتندمي هيكون الوقت فات عن اذنك
لتتركها وتذهب وتنظر روجينا ببكاء صامت لاثرها وهي تفكر مليا في ما قالته
______________
حسام بسعاده : ها شكلي حلو انا جبت الشوكولاته وجبت النوع اللي روجينا بتحبه والورد كمان كده كفايه ولا نسيت حاجه
لينظر لمؤمن الصامت وهو يقول بأستغراب : مالك يا مؤمن ساكت من الصبح ليه ليقول الاخر بهدوء: مفيش يا حسام بس حاسس ان حياتنا بتروح فأتجاه محدش فينا اتخيله
حسام بضحك : بحسك لما بتتكلم بعقل انك واحد غريب مش متعود منك علي كده ليرفع مؤمن كتفيه ببرود وهو يقول : اذا كنت بهزر وبضحك ده مش معناه اني متخلف الوحيد يمكن اللي فاهم كل حاجه وساكت انا
ليجلس حسام بجانبه وهو يقول بأبتسامه : واي بقي اللي فاهمه واحنا لا يبو العريف لينظر له مؤمن بهدوء وهو يقول: اننا اتاخرنا وحضرتك قاعد هنا وكده الياس هيقولك انت مش ملتزم ويطردك قوم يلا
ليضيق الاخر عينيه بريبه وهو يقول : ماشي يلا نطلع بس مسيري اعرف كل حاجه انت مش طبيعي بقالك كتير ليقول مؤمن بأبتسامه حاول جعلها سعيده : يلا يعم يمكن بقيت درامي عشان مشوفتش البت تالي هييح يجدع لو جت النهارده هطلع ارقص علي الترابيزه
ليضحك حسام عليه بشده وهو يخرج ليلحق به مؤمن
_________________
تالي بغيظ : مقولتيش ليه ان في خطوبه اخت الياس النهارده شكلنا اي واحنا متجمعين كده واحنا ملناش مكان لترفع نايا كتفيها بملل وهي تقول : وهتفرق فأي انتو عيلتي وطبيعي تحضروا بعدين انا كنت عارفه انكوا هترفضوا لو قلت
نونيا بضيق : تالي معاها حق حاسه كأننا متطفلين عليكوا كويس تمارا مجتش كانت عايزه تيجي بس حملها صعب الايام دي المفروض متتحركش
ليستمعوا لصوت جرس الباب ليذهب الياس سريعا وهو يقول بصوت عالي : ده اكيد حسام جه لينظر كلا من تالي ونونيا لنايا بغيظ لتبتسم الاخري بغباء لهم
الياس بأبتسامه : يا اهلا يبني اتفضلوا يعيال اتفضلوا لينظر الثلاثه له بملل ليقوم مؤمن بدفع الياس وهو يقول : ازيك يا عمي احنا جينا نطلب ايد البت روجينا لابننا حسام الا طنط عملت حلويات اي انا موصيها الصبح علي كنافه بالقشطه
لينظر الياس له بغيظ وهو يلتفت لشادي وحسام : منورين انتو يعيال اتفضل يبني ده البيت بيتك لينظر حسام بأستغراب له وهو يقول : لا انا مش مرتاح هو انا اتسرعت ولا اي
شادي بهمس: الحق نفسك ياض ياحسام ليكون فخ وتقع فيه ليومئ له حسام وهو يلتفت ليركض ليمسك به الياس من قميصه كاللصوص وهو يقول : هو دخول الحمام زي خروجه يحلو يلا ياض علي جوه وهات الشوكولاته دي كمان
حسام وهو يتمسك بها بشده : لا الا الشوكولاته لو خدتها البت الغلبانه مش هتدوق منها حاجه تيجي واديهالها بنفسي
الياس بغيظ وهو يسحبها منه : هات يعم اخو العروسه برده لازم يكون راضي وحياه امك لو مسيبتها لرفضك واخرجك قفاك يقمر عيش
ليتركها حسام بغيظ وهو يقول له : عارف لو خلصت هعمل فيك اي ليستمع لشهقه مؤمن وهو يقول : اي ده تالي جوه انت مقولتليش ان تالي جوه ليييه معملتش حسابي
الياس بأستغراب : وهو ده يفرق فأي يا استاذ مؤمن معاك ليقول الاخر بتوتر : مجهزتش نفسي عدل ده انا جاي بالترنج مش عارف تقولي يا حيوان شكلي حلو ولا شعري مظبوط
شادي بسخريه : مش بيحبها يجماعه عادي دي مجرد اعراض للشلل لينظر لع مؤمن بغيظ وهو يقول : عارف لو مسكتش هقولهم علي النحنوح وهو بيسبل لنونيا ويقولها هعزمك علي الغدا يمعفن ياللي بتحاسبني علي بوق الميه لا ويبصلها وعيونه هتطلع قلوب ويقو……. اممم اممم
شادي بابتسامه متوتره : مؤمن بقي اكيد بقيتوا عارفين انه بيخرف صح ليبتسم الياس بخبث وهو يقول : امم قلتلي لا نشوف حسام النهارده ونشوف حكايه تالي ونونيا بعدين يلا بينا
يجلس الجميع وينظرون لبعضهم البعض يقطعه نظرات مؤمن لتالي التي تنظر له بخجل من حين لاخر و نظرات شادي لنونيا التي تبتسم له وحسام المتلهف لرؤيه روجينا ونايا التي تجلس بملل وهي تنظر لالياس
الياس بشده : احم احم لينظر حسام له وهو يبتسم ليزفر الياس بشده وهو ينظر له بحده : بقول احم احمممم
حسام ببراءه : مالك يا الياس يا حبيبي محتاج ميه ولا حاجه ليقول الياس بعصبيه : لا محتاج يكون عندك دم بقالنا ساعه قاعدين اخلص
ليتحمحم حسام بشده وهو يهم بالحديث ليقول مؤمن وهو ينظر لالياس بفخر : احنا يبني بما ان محدش راضي يتكلم فأستاذ مؤمن كفيل بكله احنا جايين نطلب ايد الانسه روجينا لابننا حسام
ليومئ حسام بشده وهو يبتسم ببلاهه ليقول الياس بتكبر: ايوه بس بنتنا مش اي حد ياخدها برده ولا اي منتوا عارفين لازم اللي ياخدها يكون حسب ونسب ويقدرها كويس
مؤمن بضيق : وهو ابننا يعيبه اي يخويا ولا بتستعبط عشان عارف الواد طيب ومش هيتكلم لا ده احنا الف مين يتمني ابننا ولا اقولك انا مقبلش الاهانه دي فضوها سيره وانا من بكره اجوزه ست ستها
الياس بعصبيه : نعم وانت هتلاقي احسن من اختي فين مش كفايه وافقنا تقعدوا وتناولوا الشرف ده ليقف مؤمن علي الاريكه بعصبيه وهو يحرك يديه : لا بقي اقف معووج واتكلم عدل ده احنا اسمنا لوحده شرف انت عارف انا مين ولا الواد شادي ده مين ولا حسام مين
الياس ببرود : لا انتو مين ليرفع مؤمن كتفيه وهو يقول بهدوء: ولا حد لحظه حماس متركزش
حسام بغيظ : اقعد يا مؤمن يا حيوان متبوظليش الجوازه ليقول مؤمن بعصبيه : متبوظ يخويا بكره اجوزك بنت يحلف الناس بيها وبجمالها هما شايفين نفسهم علي اي
تالي بهيام : هييييح حمش لينظر لها مؤمن وهو يغمز لها بوقاحه لتخجل الاخري : أعجبك يا قمر انت يقمر
حسام وهو يسحب مؤمن بشده : اقعد يا حيوان هو ده وقته عايز تفرد نفسك علي حسابي قصره يا الياس انا جاي اطلب ايد الانسه روجينا اخلص بقي
الياس بابتسامه : هعدي اللي حصل بس برده لازم نسأل البنت انا محبش اغصب عليها اي حاجه ليقول بصوت عالي : ماما هاتي روجينا وتعالي انا مكسل اقوم
منار بعصبيه : مش شايفني بجهز الكنافه والحاجه في الاطباق ياللي معندكش دم لينظر الياس لهم بأحراج وهو يقول : الحجه بتموت فيا عنيفه اوي هقوم اجيبها وأمري لله
ليأتي بعد فتره وهو يمسك بيد روجينا المتوتره لتجلس و يقول الياس بهدوء : ها يا روجي استاذ حسام اظن عرفاه من زمان طلب ايدك قولي رايك اي من غير خوف
لتنظر روجينا لحسام بهدوء ليحذرها بنظراته لتتذكر حديث نايا وشروق احدهم اخبرتها بالموافقه والاخري بالرفض لتأخذ قرارها وهي تشعر ان نايا كانت علي حق هي لا تستطيع إلقاء نفسها بتلك السهوله في حب لن يحدث لاشعال غيره شخص آخر
روجينا بتوتر : انا انا مش… لتلمح بعينيها شادي وهو ينظر لنونيا بشرود لتشعر بقلبها يكاد يتوقف من الألم ولم تشعر بنفسها الا وهي تقول : انا موافقه
لينظر الجميع لها ثواني بهدوء حتي يقطع صوتهم حسام بفرحه وهو يقول : ايوه بقي اديها قالت بنفسها موافقه اظن كده معدش في مانع صح
لينظر له الجميع بأستغراب ليهاتف احد ما وهو يتجه ناحيه الباب ليقول الياس بأستغراب : في اي واقف عندك ليه
حسام بسعاده : استني هتعرف اهه ليستمعوا لخبط علي الباب ليفتح بسعاده وهو يدخل مع شخص ما تحت أنظار الجميع
 ليقول وهو ينظر لروجينا بنظرات غامضه: اتفضل يا شيخنا انا قلت بما ان روجينا موافقه نكتب الكتاب علطول مظنش ليه لازمه تأخير
لتقول روجينا بصدمه وهمس : اي ده مستحيل انا مش عايزه اتجوز ليقول الياس بأبتسامه وسعاده : وانا موافق
• يتبع الفصل التالي اضغط على (  رواية زوج للايجار ) اسم الرواية