رواية زواج بالاجبار كاملة بقلم فريدة أحمد عبر مدونة كوكب الروايات
رواية زواج بالاجبار الفصل الثاني عشر 12
ريم فتحت الباب ولسه هتخرج لاقت اميرة في وشها
اميرة .. رييم وحشيتني اوووي
ولسه هتحضنها ريم رفعت ايدها قدامها
وقالتلها بحدة .. خليكي مكانك
اميرة بستغراب .. في ايه . إيه المعاملة دي ياريم
ريم بسخرية .. عاوزة تعرفي في ايه
اميرة بتوتر .. ايوا طبعا. انا مش فاهمه حاجه . ياريت تفهميني
ريم بصتلها باستحقار وقالتلها.. في إنك واحدة وا.طيه وز.بالة
ورفعت اديها ومرة واحدة راحت نازلة على وشها بالقلم
اميرة بصدمة وهي حاطه ايديها مكان القلم .. انتي بتضربيني ياريم . انا عملت ايه لكل ده
ريم بجمود .. انتي عارفه كويس اوي انتي عملتي ايه
ريم .. انا اللي عاوزة اعرف حاجه واحده بس ليه عملتي فيا كده .. اديني سبب واحد يخليكي تدمريني
بالطريقة دي ..وصلت بيكي الحقارة انك تلبسيني
قضية ز.نا…لييه كل ده انا اذيتك في ايه
اميرة بتوتر .. ايه الكلام ده .و.وانا هاعمل فيكي كدة ليه
ريم .. قولي لنفسك .دا أنا طول عمري بعتبرك اختي عشت معاكي اكتر ما عشت مع اخواتي .كنت بشاركك في كل حاجة . عمري ما عملت حاجه من غيرك كنت بفضلك عن نفسي
اميرة .. صدقيني وانا كمان بعتبرك اختي . انتي متعرفيش انتي غالية عندي قد ايه
داليا .. كفاية تمثيل بقا انا سمعاكي بوداني وانتي بتتكلمي مع المحامي وعرفت انك انتي ورا كل اللي حصلها
اميرة بعصبية .. انتي بتخرفي بتقولي ايه
وبصت لريم وقالتلها .. متصدقيهاش ياريم دي بتتبلي عليا
ريم بجمود .. والواد الزبالة اللي انتي اجرتيه بيتبلي عليكي هو كمان
اميرة بلعت ريقها بخوف وتوتر ومكانتش عارفه ترد تقول ايه
داليا.. ما تتكلمي . ساكتة ليه . دافعي عن نفسك
اميرة بغضب .. انتي بذات تخرسي خالص . هتستفادي ايه لما توقعي ما بينا هاا
داليا .. انا بقول الحقيقة اللي مكنتش اتمنى ابدا انها تحصل .ولا انتي مفكرة اني مبسوطه باللي عملتيه فيها.. انا كمان مصدومه فيكي صدمة عمري
داليا فتحت درج المكتب وخرجت منو سي دي
داليا وهي رافعة السي دي في وش اميرة .. تقدري تقوليلي ايه ده
اميرة بلعت ريقها بخوف وقالتلها بتلجلج .. ايه ده
داليا ..دا وقع من شنتطك امبارح .. فيديو صوت وصوره ليكي وانتي بتتفقي مع الحيوان اللي اجرتيه عشان يأذي صحبتك وتفضحيها
داليا شغلت الفيديو تحت صدمة اميرة اللي ماكانتش متوقعه أبدا ولا عامله حسابها إن السي دي ده هيقع في ايد حد وتتكشف بالسرعة دي
اما ريم كانت واقفة بتشوف الفيديو وهي في حالة زهول
وهي بتسمع كلام اميرة والتخطيط اللي كانت بتخططو
عشان تدمرها
داليا قفلت الفيديو وقالت لأميرة .. ايه رأيك .انتي دي ولا مش انتي
طبعا اميرة بعد ما كل حاجه بانت خلاص ماكانش ينفع تنكر
واخيرا اتكلمت بنبرة مختلفة كلها حقد وقالت .. تمام
طالما بقا بقينا على المكشوف .. ايوا يا ريم انا اللي عملت فيكي كدة .. عاوزة تعرفي ليه .. لاني بكرهك . ايوا بكرهك .. انتي فيكي ايه احسن مني عشان الكل يحبك .
طول عمرنا من واحنا اطفال كان الكل بيفضلك عليا
كل الناس كانو شايفينك حاجة تانية مفيش منك
حتي ماما وبابا كانو طول الوقت يقولولي خليكي زي ريم لازم تبقى شاطرة زي ريم اعملي زيها…
واحنا في المدرسة كل اللي كان بيقرب كان بيقرب منك انتي والكل كانو عايزين يصاحبوكي انتي والمدرسين يعاملوكي كويس ويفضلولكي انتي دونا عن باقي الطلبة
ولما دخلنا الجامعة نفس النظام بردو الدكاترة كانو بيعاملومي معاملة مختلفة كنتي انتي اللي لازم تكوني رقم واحد
ريم كانت واقفة مصدومه من اللي بتسمعو
قبل ما تكمل اميرة كلامها وتقولها .. حتي فارس الإنسان الوحيد اللي حبيته اول ماشافك حبك انتي .. مع انو كان يعرفني انا الاول وكان معجب بيا بس طبعا اول ما عرفك مبقاش شايفني بقا شايفك انتي بس وعايزك انتي بس
اتنهدت وقالت بحقد …حتي لما دبرتلك القضية دي . جي الظابط وخرجك منها بكل سهولة بعد ما عجبتيه هو كمان . يعني بردو انتي اللي كسبتي وانا خطتي فشلت
ريم ابتسمت بوجع ..يااه كل ده حقد وكره شايلاه من ناحيتي
اميرة بغل .. واكتر
ريم بقرف منها .. انتي واحدة مريضة يابنتي
وكملت بقوة وتوعد .. بس ورحمة ابويا يااميرة لدفعك تمن اللي عملتيه ده غالي اوي . ولو فاكرة اني هعدي اللي عملتيه ده تبقي غلطانه . وديني لرودهولك اضعاف . وخليكي فاكرة إن اللي انتي عملتيه فيا ده صدقيني مش هيجي حاجة جمب اللي انا هعمله فيكي
……….
في مركز الشرطة
دخل حازم مكتبه بجموده وهيبته المعتادة
بينما دخل الشرطي خلفه
حازم .. في قضايا ايه
الشرطي .. في مجموعة من الشباب والفتيات اتمسكو في شقة مشبوهة .. وفي بنت وولد اتمسكو في عربية في ساعة متأخرة بالليل وهما في وضع مش تمام
حازم خرج علبة السجاير من جيبه وولع سيجارة خد منها نفس وبعدين قالو بهدوء .. دخلي المتهمين . هنبتدي التحقيق دلوقتي .. دخل البنت والولد الاول
الشرطي .. تمام يافندم
…… عند ريم نزلت من عند داليا بعد ما طلبت اوبر
وبعد وقت قليل كانت العربية وصلت في المكان
ريم ركبت بعد ما قالت للسواق علي العنوان اللي هتروح في
والسواق طلع بالعربية
ريم كانت قاعدة في العربيه ساندة راسها علي الشباك وهي تايهه ومصدومة .
مصدومة في اقرب الناس ليها في صحبة عمرها
اللي مكانتش تتخيل في يوم من الايام انها هي اللي تكون سبب اذيتها
ريم غمضت عينيها بألم وهي بتقول في نفسها..
معقول في حد ممكن يكون في قلبه كمية الحقد والكره دي . في حد ممكن يأذي ويخون حد بالطريقة دي لمجرد انو بيغير منه
…………..
في المساء بعد يوم طويل
رجع حازم الشقة بس اتصدم لما ملقاش ريم موجودة
حازم كان بيدور عليها في الشقة بجنون لما افتكر انها هربت منه
حازم بغضب .. اقسم بالله ما هرحمك يا ريم
ونزل بسرعة ركب عربيته وطلع علي شقتها
بعد وقت قليل كان وصل قدام العمارة اللي ساكنة فيها ريم
حازم نزل من العربيه وطلع بسرعة فضل يخبط على الباب بعنف بس ملاقاش رد
حازم كان لسه هيكسر الباب بس فجأة تليفونه رن
حازم رد على التليفون بعصبية وهو بيقول .. في ايه ياماما..
شهيره ببكاء .. الحق ياحازم .باباك اتضرب بالرصا.ص وهو خارج من الشركة ونقلوه المستشفى
حازم بخضة .. انتي بتقولي . مستشفى ايه .انا جاي حالا
………….
عند ريم بعد ساعات طويلة في الطريق كانت وصلت شرم الشيخ
السواق .. وصلنا .. حمد الله على السلامه يا انسه
ريم .. الله يسلمك
ونزلت وحاسبتو
ريم وقفت قدام بيت مامتها واتنهدت تنهيده كبيرة ورنت الجرس
جوا
كانت سحر مامتها ودينا اختها الصغيرة كانو قاعدين قدام التلفزيون
سحر لما سمعت جرس الباب قلقت وقالت .. استر يارب . مين ها يجيلنا في وقت زي ده
وقامت تفتح
سحر بلهفة بعد ما فتحت الباب … ريم حبيبتي
وحضنتها بشوق وحب
ريم اترمت في حضنها وفضلت تعيط
سحر بخضة .. مالك ياحبيبتي
بس ريم كانت رافضة تسيب حضن مامتها وماكانتش بتتكلم
سحر بقلق .. مالك ياقلبي بتعيطي ليه
ريم اخيرا خرجت من حضنها واتكلمت بتوتر .. مفيش انتو كنتو واحشني بس
وحضنت دينا بشوق
دينا .. وحشتيني اوي يا ريم
ريم وهي بتمسح دموعها .. انتي اكتر ياحبيبتي
سحر .. تعالي ياحبيبتي استريحي .اكيد تعبانة من الطريق
انا هدخل اجهزلك اكل . اكيد ما كلتيش من بدري
ريم بتعب .. تعالي ياماما انا مش جعانة .
سحر قعدت جنبها وسألتها بشك .. مالك يا ريم .
فيكي ايه ياحبيبتي .اتكلمي
ريم خدت نفس وقالت بثبات .. انا اتجوزت
سحر .. انتي بتقولي ايه . يعني ايه اتجوزتي
سحر .. ريم انتي بتهزري .صح
ريم بنفي .. لا انا اتجوزت بجد
سحر بعصبية .. يعني ايه اتجوزتي . من ورانا لوحدك كدة
ايه مالكيش اهل..
الزااي يعني تعملي كدة .. وبعدين ما انتي وفارس كنتو متفقين إن فرحكم بعد سنة .ايه اللي حصل
ريم بهدوء .. لأ ما انا متجوزتش انا وفارس .. انا وفارس سيبنا بعض
دينا .. اهدي ياماما
سحر .. اهدي الزاي انتي سامعة اختك بتقول ايه
ووجهت كلامها لريم .. ايه هي العيشة لوحدك خليتك تمشي علي حل شعرك وتنسي إن ليكي اهل
ريم بصدمة .. انتي بتقولي ايه ياماما . انتي مش واثقه فيا
سحر بعصبية .. امال اللي بتقوليه ده افسره الزااي
ريم برجاء ..ممكن تهدي وانا هفهمك على كل حاجة
سحر بنفاذ صبر .. اتفضلي
ريم بدأت تحكي علي كل اللي حصلها بالتفصيل
من وقت ما اتحبست في قضية من تدبير اميرة صاحبتها ووقعوعها في ايد حازم لحد ما تجوزها
ريم كانت بتحكي وهي منهارة
اما مامتها واختها كانو بيسمعوها وهما في حالة من الذهول والصدمة
…..
في المستشفى بعد ما حازم وصل
كانو كلهم واقفين بخوف وقلق قدام غرفة العمليات
بعد وقت طويل اخيرا الدكتور خرج من غرفة العمليات وهو باين عليه التعب
كلهم جريو عليه .. طمنا يادكتور
شهيره ببكاء .. ارجوك يا دكتور طمنا .هو كويس صح
حازم بعصبية .. ماتنطق يادكتور إحنا علي اعصابنا
الدكتور نزل رأسه بحزن شديد وقال .. احنا عملنا كل اللي نقدر عليه بس الاسف
- يتبع الفصل التالي اضغط على ( رواية زواج بالاجبار ) اسم الرواية
تعليقات
إرسال تعليق