رواية زوج للايجار الفصل الثامن 8 - بقلم أميرة محمد

  رواية زوج للايجار كاملة  بقلم أميرة محمد   عبر مدونة كوكب الروايات 

رواية زوج للايجار الفصل الثامن 8

 

روجينا ببكاء : بقولك في حاجه غلط انا حاسه بيحب غيري مشوفتيش كان بيبصلها ازاي قلبي كان بيتقطع يا شروق هموت بجد

شروق بمواساه : معلش يا روجي منتي عارفه انه بيعتبرك زي اخته من الاول الظاهر انا وانتي مكتوب نعيش كده وناخد الدور الثانوي وبس

روجينا بصراخ : يعني اي عايزانا نسكت انا لو قربت منه واحده تانيه هموت نفسي مستحيل اسمحله لتقول شروق بتفكير : انا غلط لاني معترفتش لالياس وللأسف خلاص اتجوز بس انتي ليكي فرصه اخيره استغليها

روجينا بأستغراب : يعني اي مش فهماكي لتقول شروق ببساطه : اعترفيله اقفي قدامه قوليله كل اللي حاسه بيه ويا يرفض يا يقبل ولو كده ممكن أقل حاجه تشغلي تفكيره شويه او يشوفك خارج إطار الاخوات انتي عارفه كلنا متربيين سوا فصعب عليه يفهم ده

روجينا بتفكير : بس افرضي رفضني او قال لالياس انا مش هقدر ابص فعين واحد فيهم لتقول شروق بضيق : وممكن يقبل بلاش تحطي تفكير سلبي فكل حاجه جربي مش خسرانه حاجه

لتنظر روجينا بتفكير امامها وهي تعزم ان تقول كل شئ فهي تعبت من كتمانها المستمر

_________________

الياس بتعب : انا تعبت لفينا علي خمسين شقه ولسه مش عاجبك ولا واحده فيهم معدش غير اسبوع علي الفرح بالطريقه دي مش هنلحق نجهز حاجه

نايا بضيق : اوف بقي مش هينفع لازم تكون شقه فخمه وبسيطه حتي لما يشوفوها يصدقوا الموضوع مش شقه معفنه وضيقه

الياس بأستغراب : هو سؤال غبي وفضولي بس حابب اعرف هو محدش بيحس بالفلوس اللي بتسحبيها دي أصلها ملايين مش اتنين جنيه

نايا وهي ترفع كتفيها بلا مبالاه : لا الا لو حد طلب كشف بالحساب وقتها هتبقي مصيبه لو سألوني صرفتهم فأي بعدين انا ليا رصيدي في البنك من الصفقات اللي بتحصل تلقائي بتتحول لهناك واللي بصرفهم ولا حاجه جمب الباقي

ليومئ لها الياس وهو ينظر بدهشه لها هو يعلم مركزها ولكن ليس لتلك الدرجه لتقول نايا سريعا : افتكرت انا شفت اعلان عن شقه قبل كده وكانت خرافه بس ده كان اكتر من شهرين معقول تكون لسه متباعتش

الياس : جربي مش خسرانه حاجه لو معاكي رقمهم لتومئ نايا سريعا وهي تهاتفهم بلهفه : الو ، لو سمحت انا كنت قريت الإعلان عن الشقه بس كان اكتر من شهرين عدوا ، ايوه ايوه هي دي هي اتباعت ولا لسه ، بجد كويس اوي انا جايه لو حضرتك فاضي ، تمام نص ساعه واكون عندك تسلم

لتنظر بفرحه لالياس وهي تقول : فاضيه فاضيه وكمان مش محتاجه دهان او تظبيط يلا بسرعه انا واثقه هتعجبك اوي ليومئ لها الياس وهو يزفر بتعب : منك لله يبعيده حد قالك ماشي بالطاقه الشمسيه لما من ٧ الصبح بندور وبقينا المغرب

_______________

مؤمن برقص : بتعدي فحته انا قلبي بيتكسر ميت حته افضل فمكاني ان شاله لسته الصبح بفكر فيك ليشعر بعدها بشئ يلقي عليه ليصرخ بألم : يا حسام يا حيوان دماغي عاجبك كده قطعت الرقصه

حسام بعصبيه : اخرس يا غبي صدعت اهلي من الصبح نازل تعيد في الاغنيه ييجي ١٠٠ مره اي مزهقتش ده الشريط قرب يسف منك ارحم امه وبعدين رقصه اي يخويا ده شكل واحد البراغيت بتقرص فيه وبيتحرك عشان يهرشها جربان يعني

مؤمن وهو يرقص ليغيظه اكثر : لا مش هبطل ولو مش عاجبك غور من هنا مش عشان مشاركني البيت هتزهقني كده انا قربت اطق منك وبعدين انت مش عاجبك رقصي يمعفن ده انا ولا شاكيرا فزمانها

حسام وهو يرفع كم القميص بعصبيه مبطنه : شاكيرا يا مؤمن ماشي يعني مش هتبطل الهبل ده يمؤمن يا حبيبي لينظر له مؤمن وهو يداري خوفه ليقول: انت عارف بالتفكير في الموضوع انا لسه صغير علي الموت ومتجوزتش بقول استني لما اتجوز وبعدين ارقص براحتي

ليبتسم له حسام وهو يقول بسماجه : فينها اللي امها داعيه عليها لا امها اي دي عيلتها واحد واحد دعوا عليها فليله قدر اللي هتتجوزك يحبيبي

مؤمن وهو يحرك يده في حركه شعبيه ليقول بعصبيه : نعممم ده انا حلو والف مين يتمناني الدور والباقي عليك ياللي هتعنس جمبي حد ياخد برميل رخامه وبرود زيك

لينظر له حسام بخبث وهو يقول : لا بس لقيت مش تالي قالت بنفسها اني طبق حلويات وبكره تحضر فرحنا عارف بفكر اتقرب منها عشان افهمها اكتر اصل هي عجباني اوي

مؤمن بعصبيه وهو يضغط علي اسنانه بغيظ : اه مبروك اصل جوز متخلفين ولايقين علي بعض هقول اي ليقترب منه حسام بخبث وهو يقول : ايوه فعلا لايقين انا لاحظت ده يعني انا عاجبها وهي عجباني ولو اتقدمت مظنش انها تعارض اي رايك

مؤمن بعصبيه وهو يحرك يده : هو سلق بيض ده جواز ثم انك متعرفهاش يعني اي تتقدملها علطول كده افهم عجبك فيها اي دي لاسعه ومخها مش فيها

حسام ببرود : وانت اي مزعلك اوي كده يعني شايفك متعصب الا اذا لينظر له وهو يقول بخبث : الا اذا حاسس تجاها بحاجه

مؤمن بعصبيه : نعممم انا احس بحاجه ناحيه دي ليه اتعميت ولا اتعميت مستحيل لا يمكن بعدين انت عارف اننا ناقر ونقير يعني هي اصلا مش بطيقني

حسام بخبث: قلتلي يعني همك انها تكون مش طيقاك بس انا شايف ما محبه الا بعد عداوه يعني مش ممكن الخناق اللي بينكوا يتحول لحاجه تانيه

لينظر له مؤمن بتفكير وهو يتنهد بضيق ليقول حسام بخبث : الله الله دي فيها تنهيدات امال بتقول مش واقع ليه ده شكلك واقع لشوشتك

مؤمن بتوتر : وهقع ليه يخويا اسم الله عليا من الوقعه وبعدين هي تطول مؤمن يحبها دي تتكتب في التاريخ قال ممكن ترفضني قال لا يمكن هي بس تقولولها مؤمن معجب بيكي لو موقعتش من طولها تف فوشي لينظر له حسام وهو يومئ له بأقتناع وخبث

________________

تالي بعصبيه : نعممم ده لو اخر واحد يختي انا احب قرد مسلسل زي ده ده متحر’ش عايزاني افكر فيه ازاي اصلا بعدين مشوفتيش الحلويات التانيه عايزاني اسيب البسبوسه وافكر في المخلل

نونيا بخبث : اه قلتيلي اصل كتره الخناق والكلام عليه وسيرته اللي بتيجي فكل كلمه مش طبيعي يعني لتزفر تالي بضيق وهي تحرك عينيها بتوتر لتقول : اه قلتيلي طب انا ومؤمن مستحيل نتجمع احنا اصلا مبنتجمعش غير لما نبهدل بعض

لتكمل وهي تنظر لنونيا بخبث : انما شايفه ناس كده عاقله زي بعض ونظرات من اياها واخده بالك انتي لتقول نونيا بتوتر : انتي غبيه مستحيل انا احب شادي

تالي بخبث : شادي اممم قلتيلي بس انا مقولتش اسمه يتري عرفتي اسمه لوحدك يبقي شاغل تفكيرك لتنظر لها نونيا بعصبيه لتخرج تمارا من الحمام وهي تقول براحه : اخيرا شلت الصبغه دي مصدقت بجد كانت مزهقاني

لتنظر لها نونيا وتالي بصدمه وهم يبتلعون ريقهم بتوتر لتلاحظ تمارا وتقول بريبه : في اي هو حلو للدرجادي مالكم انا لسه مبصتش في المرايه لتقترب من المراه

تالي سريعا : اوعي تبصي استني لتقول تمارا بخوف توشك علي البكاء: هو حلو للدجادي صح قوليلي مش اللي فدماغي لا عاااااا لتستمع لصوت يزن قادم

نونيا سريعا : دااااريييي شعرككك بسرعه يختاااي لو شافك كده هتطلقي لتنظر تمارا سريعا لنفسها في المرأه لتصرخ برعب وهي تضرب خدها برعب : يالاهوي يالاهوي يختااااي اعمل اي انا قلت صبغه وسهله هنيلها فدقيقه انما اي ده اي دهههه لتنهي حديثها وهي تشير لنفسها في المرأه

تالي بضحك وهي تمسك ببطنها : بقيتي شكل العفاريت يخربيتك الصبغه حمره بطريقه فظيعه ونشفت شعرك بقي واقف زي اللي لبس فعمود كهربا

نونيا وهي تغلق الباب سريعا: دااارييي شعرك بسرعه يزن جه لتبحث تمارا حولها وهي تكاد تبكي لتمسك شرشف السرير وهي تضعه علي راسها بأهمال ليدخل يزن بعدما دق الباب

ليقول بأستغراب : مالكوا في اي قاعدين كده ليه لتبتسم تالي ببراءه وهي تقول: أصله حر حر اوي مش كده يا نونيا انتي وتمارا صح لتقول نونيا سريعا: اه صح انا بقول كده برده

تمارا بتوتر : اه فعلا حر اوي ليقول يزن بريبه : ولما هو حر مغطيه نفسك بالملاليه دي ليه مش المفروض تشغلي التكييف وتقعدي بعدين مغطيه راسك بالطريقه دي ليه لتقول تمارا بتوتر : اه الملاليه اصل اصل سقعانه يا يزن هرمونات بقي وكده منت عارف بعدين انت اي جابك دلوقتي

ليدخل عدي وهو ينظر لهم بريبه ويضيق عينيه لها ليقول يزن وهو يبحث عن شئ ما : نسيت ملف مهم هنا وجيت اخده

تمارا بتوتر وهي تنظر لتالي ونونيا : دوروا بسرعهههه علي الملف ليقول يزن وهو يضع يديه في اذنه : براحه يا تمارا يا حبيبتي في اي خرمتي ودني

تمارا سريعا وهي تتمسك بالشرشف: اصل جوزي حبيبي هيتأخر علي الاجتماع لازم نلحقه ليقول يزن وهو يمسك بالملف : في حاجه مش مظبوطه بس انا متأخر لما ارجع نشوف في اي لينظر لهم بتحذير ويخرج بهدوء

لتزفر تمارا براحه ليقترب منها عدي وهو يضع يديه أمام صدره ويرفع احدي حاجبيه لتقول تمارا بتوتر : في اي بتبصلي كده ليه

عدي وهو يقترب منها اكثر : حاطه الملايه علي راسك كده ليه يا تمارا لتقول تمارا بتوتر : ولد عيب انا امك اي تمارا دي بعدين سقعانه مش سمعت كلامي لابوك

عدي بسخريه : طب ابويا يصدق انما بذمتك ده منظر واحد ممكن يصدقك لا طبعا اعترفي لوحدك بدل مستخدم القوه معاكي لتبتعد تمارا وهي تمسك بالشرشف بقوه : مش مخبيه حاجه صدقني

ليومئ عدي بأقتناع مصطنع وهو يسحب الشرشف بقوه لينظر بصدمه وهو يضرب خديه ليقول: يا نهار اسود يا نهار اسود اي ده مين لبسك طمطمايه فدماغك كده

تمارا ببكاء وهي تحرك يديها : عااااا انا قلت هعرف اعملها ومش عايزه اروح لكوافير منت قعدت تقولي اتزوقي واغريه عشان ميتجوزش عليا

عدي بعصبيه: انا قلت اغريه مش اقرفيه بعدين بالمنظر ده مش هتيجوز عليكي ده هيطلقك بالتلاته والقانون فصفه لتنظر له تمارا بضيق لتقول نونيا بهدوء: البسي ونروح نظبط القرف اللي عملتيه ده

تمارا بدموع : مش هعرف اخرج كده اعمل اي ليقول عدي بتفكير : انا عندي فكره

________________

الياس بصدمه وهو ينظر حوله : اي ده دي شقه ولا خيال مستحيل تكون حقيقه لتقول نايا بحماس : مش قلتلك انها تحفه عجبتني اوي

لتنظر الي الرجل وهي تقول بأبتسامه : انا خلاص اشتريت ياريت تجهز العقد بأسم الياس لينظر لها الياس بصدمه وهو يهمس لها : تكتبيها بأسمي ازاي مينفعش احنا اتفقنا علي مبلغ معين مينفعش تزودي

لتبتسم له نايا بود وهي تقول : انت ساعدتني كتير اوي ودي أقل حاجه اعملهالك ولسه في مفاجأه اتمني ان هي تعجبك

الياس بضيق : نايا انا مش طماع انا وافقت عشان ظروفي كانت صعبه انا مش كده لتقول نايا بابتسامه : الياس انا مش بعطف عليك ده حقك اعتبر انها مجرد صفقه يا سيدي لما تشتغل وتقف علي رجلك ترجعلي حتي لو جزء ها نكتب العقد

ليومئ لها الياس بأبتسامه : نكتب العقد لتضحك نايا وهي تنظر له بشرود

________________

شادي بأبتسامه : روجي ازيك مكنتش اعرف انك هنا لتبتسم له روجينا وهي تقول : انا كنت عند شروق بنذاكر شويه انت عارف الامتحان بعد بكره

ليومى لها شادي وهو يقول : يلا ربنا يوفقكوا عن اذنك لتقول له روجينا سريعا : شادي انا حابه اتكلم معاك شويه ممكن

لينظر لها شادي بأستغراب وهو يقول : خير يا روجي في حاجه شغلاكي لتقول روجينا بتوتر : بصراحه حابه اتكلم معاك شويه علي انفراد لينظر لها شادي بأستغراب وهو يلحق بها للصالون

شادي بخوف : خير يا روجي اول مره تعمليها انتي كويسه ناقصك حاجه لتقول روجينا وهي تفرك يديها بتوتر : شادي بصراحه انا حابه اقولك حاجه ولو رفضتها ياريت تنسي اللي قلته

شادي : مش فاهم يا روجينا قولي علطول متوترنيش لتقول روجينا وهي تأخذ نفس طويل : شادي بص بصراحه بقي انا بحبك

شادي وهو ينظر لها بعدم فهم ليضحك : طب منا كمان بحبك انتي زي اختي لتقول روجينا بعصبيه فقد اكتفت من ذلك : شادي انا مش بحبك كده انا بحبك زي اي بنت بتحب ولد

ليصمت شادي بهدوء وهو يقول: روجينا بطلي هزار انتي عارفه ان المواضيع دي مفيهاش هزار لتقول روجينا بعصبيه ودموع : انا مش بهزر انا اكتفيت انا بحبك من سنين وانت عمرك مبصيتلي حتي سنين من صغري مش شايفه غيرك ليه انت شايف غيري وعايزها

شادي بعصبيه: اخرسي خالص انا ممكن اادبك علي اللي بتقوليه ده بس انا مش هتكلم عارفه ليه عشان انا لو اتكلمت هتزعلي انتي فعمر اختي الصغيره مش اكتر وطول عمري بشوفك اخت صاحبي وبس الهبل اللي فدماغك ده تنسيه والا مش هيحصل كويس

روجينا ببكاء : افهمي يا شادي ده قلبي مقدرش اتحكم فيه احب مين ولالا بعدين انا مش اختك افهم ده بقي ليه عمرك مبصيتلي ولا خدت بالك مني وانا لوحدي بموت فيك ليه

ليقترب شادي وهو يمسك بها بعصبيه : اسمعي انا هنسي كل اللي قلتيه بس والله لو اتكرر هتشوفي مني وش عمرك مشوفتيه انا مش هجيب سيره لحد اتفضلي روحي ومشوفش وشك لغايه لما تعقلي

ليلقيها بعصبيه لتتمسك بالباب وهي تبكي بصمت لتجر ازيال خيبها وهي تخرج

_______________

تمارا وهي تتلفت حولها بريبه : انت متأكد من اللي بنعمله ده يعدي ليقول عدي بفخر : ايوه امال دي خطه لولبيه محدش يتوقعها

تمارا وهي تنظر حولها : امال فين تالي ونونيا لتراهم خلفها يمسكون بطونهم من كثره الضحك لتقول تالي وهي تضحك بشده : شكل الفزاعه وهي بتتحرك مش قادره

نونيا بضحك : اه يما اول مره اشوف فحياتي كده حد يصدق عدي ويمشي وراه ليقول عدى بعصبيه : وماله عدي يختي مش عاجبك من غيري مش نافعين بعدين انتو تبوظوا وعدي يصلح اخص

: عدي مين اللي معاك دي بعدين فين تمارا لتقترب اكثر منهم لتقول بصدمه : تماااارااا احيه انتي اي اللي عملاه فنفسك ده

تمارا بابتسامه غبيه : طبعا لو حلفتلك اني هصلحه متصدقنيش اللي اكسر مبيصلحش

• يتبع الفصل التالي اضغط على (  رواية زوج للايجار ) اسم الرواية