رواية سينا أصبحت قدري الجزء الثاني الفصل الثاني عشر 12 - بقلم مي محمد

   رواية سينا أصبحت قدري كاملة   بقلم مي محمد    عبر مدونة كوكب الروايات 

 رواية سينا أصبحت قدري الجزء الثاني  الفصل الثاني عشر 12

 

ف الصباح التالى (اليوم المنتظر)..

تتم التجهيزات لحفل زفافهما بأعلى كفاءة …كل يعمل على قدم وساق..

نرى الجميع مشغولون بشدة بتزيين الفيلا من الخارج والداخل لتليق بزفاف هذان العاشقان ..

نرى هناك احمد منهمك ف الشغل ومع ذلك يتحدث مع أحدهم عبر الهاتف ..

: يا روز يا حبيبتى والله مش هينفع تحضرى الفرح ..متحاوليش مش هوافق..

روز برجاء ..

: والنبى عايزة احضر والله هخلى بالى من نفسى ومش هقوم من مكانى ..

احمد ..

: افهمينى يا روز الوضع خط’ير ومش حمل اننى اقلق عليكى كمان ..

صمتت روز ولم ترد فيشعر احمد بحزنها وأنها الان تكبت دموعها كأنه لا يعرف انها الان تبكى .

احمد ..

: خلاص ياستى هخليكى صوت وصورة حاضرة معانا وشايفة الفرح كئنك موجودة..هااا قولتى ايه ..

روز بفرحة لا بأس بها ..

: ماشى ياسيدى موافقة ..

احمد ..

: طيب اقفلى دلوقتى بقا عشان عندى شغل كتير اوى ومش ملاحق ..

روز ..

: اومال فين البغل ال اسمه سيف سايبك تعمل كل حاجة لوحدك كده !!!

كبت احمد ضحكاته بصعوبة ثم انفجر ضاحكا على وجه سيف فقد كان يضع الهاتف على وضع الاسبيكر..

روز باستغراب ..

: بتضحك على ايه يا احمد ..

سيف بضيق ..

: عشان البغل ال اسمه سيف واقف جمبه ياختى ..

ما أن سمعت روز صوته حتى أغلقت المكالمة فورا ..

احمد بضحك ..

: دى قفلت السكة هههههه .

سيف بغيظ ..

: انا اكبر من مراتك بدقيقة ونص وشايف بعينك مفيش اى احترام نهائى ..

احمد ..

: طيب ياعم الكبير روح شوف تجهيزات الحديقة والكاميرات والأمن ال برا وانا هشوف ال جوا ..

سيف ..

: يارب بعد التعب ده كله ميرموش قنبلة يدمروا المكان ع روسنا ..

احمد ..

: ايه أنبوبة التفاؤل ال ضربت ف وشى دى ..روح خلص شغلك الله يسهلك ياعم هتنبر فيها ..

سيف ..

: لحظة بس ..هوا منعم فين ..

احمد ..

: هههه خلع راح يساعد رعد ف اللبس والتجهيز عشان يجيب العروسة ..

سيف ..

: ده ع اساس رعد مبيعرفش يلبس نفسه يعنى ..

احمد ..

: سييف ع فكرة معدش الا قليل والفرح يبدأ ولسا ورانا شغل متلتل مخلصناهوش..فتيجر نخلصه بهدوء وبعدين ارغى زى منتا عايز ..

واخذ احمد سيف من تلابيبه يسربعه لإنهاء كل هذا العمل الذى وكل إليهم ..

**********************

حور بضيق ..

: انا مش عايزة الافورة دى كلهاااا ..خلي الميكب يكون سيمبل مبين ملامحى مش عاملة زى الطماطم المنفوخة..

رجاء ..

: يابنتى ماهو حلوو اهو وطالعة قمر ما شاء الله ..

الميكب ارتست..

: لو سمحتى يا فندم اهدى بس وانا اصلا عاملالك ميكب سيمبل اصلا لانه ملامحك جميلة وانا مش عايزة اخبيها ..

حور …

: بقاا ده سيمبل ده !!! شوفى ايلنيار ده والا اسمه ايه واصل لحد حواجبى وتقوليلى سيمبل !!!!

الميكب ارتست..

: حاضر يا فندم هعمل زى منتى عاوزة ..

حور وقد بدأت تشعر بالملل حقا فهيا على جلستها تلك منذ ما يقارب الثلاث ساعات ..

: هنخلص امتااا!!!

الميكب ارتست ..

: كان زمانى مخلصة من بدرى بس انتى كل مرة ميعجبكيش الفاينال لوك فبضطر امسح واعملك تانى ..

حور ..

: منا مش عايزة ابقا باربى انا ..راعى اننى نقيب وبرستيجى هيضيع ..

رجاء وهيا تضرب كف بكف .

: كل الرجالة بيتجوزوا اميرات الا رعد يعين أمه ..

حور ..

: ليه مالى انا يا ماما منا ملكة الملكات اهوو..

رجاء وهيا تغادر ..

: مش عارفة حبك ازاى يا آخرة صبرى ..أما اروح اشوف الحاج لاننى هنجلط منك ..

حور بضيق للميكب ارتست …

: انتى بتتفرجى ع ايه ..اخلصى الراجل شكله هيتجوز المأذون وانا لسا بدهن وشى ..

الميكب ارتست..

:ههههه سبيها عليا يا فندم انا خلاص فهمت دماغك وهعملك ال انتى عايزاه اهو ..

حور ..

: ربنا يسهل بقالك 15 مرة بتقولى خلاص فهمت دماغك وهعملك ال انتى عايزاه ..

************************

منعم ..

: البدلة حلوة اهى يا رعد ..اومال ايه المشكلة ..

رعد ..

: مش عارف حاسس الاستايل بتاعها قديم شوية او كئيب !!

منعم ..

: اهدى ياحبيبى دى حلوة اوووى دى مستوردة ومعمولة من مصمم عالمى يعنى اخر صيحات الموضة ..اقعد بس الله يهديك خلينى اعدلهالك ..

جلس رعد ينظر لها تارة برضا وتارة أخرى بعدم رضا كأنه بحاول إقناع نفسه بها أو أنه فقط متوتر من هذا اليوم ..

رعد ..

: احمد وسيف خلصوا كل حاجة اتفقنا عليها ..

منعم وهوا يضع عقد من اللؤلؤ باللون الابيض متعدد الخيوط على صدر بدلة رعد ..

: بيحطوا اخر اللمسات وكده تكون حفلتك مأمنة و

حتى النملة مش هتدخل الا لما نكون عارفين ..

رعد ..

: يبقا يالا خلينا نشيك على ال عملوه عشان مش عايز ولا غلطة والا صدقونى هخليكم متنزلوش إجازة لحد ما اتجوز واخلف كمان ..

منعم ..

: وع ايه بس ده كله …ومالو ننزل نشيك عليهم مرة واتنين والف ..

رعد وهوا يغادر وخلفه منعم …

: ناس مبتجيش الا بالعين الحمرا

*********************

نزل رعد ومنعم وقابله كل العمال والعساكر بالتهنئة القلبية الحارة لزفافه..

رعد وهوا يتفحص الكاميرات ..

: تخلى عينك على كل حركة ..مش عايز نملة تدخل جوا من غير ما تشوفها فااهم..ولو ف حاجة تشغل الأنذار فورا ..

العسكرى المسئول عن غرفة المراقبة ..

: علم وينفذ يا فندم ..

غادر رعد وخلفه منعم بعد أن تأكد أن كل شئ على ما يرام ..وذهب لصالة الفيلا ليتأكد من كل شىء هناك ..

رعد ..

: هااا يا احمد كله تمام هناا ..

احمد ..

: كله تمام الكاميرات ف مكانها وكل حاجة جاهزة وف رجالة هيكونوا متنكرين يتنقلوا ف الحفلة عشان لو حصل حاجة يكون معانا بردو عنصر المفاجأة مش هما…

رعد وهوا يربت على كتفه ..

: عاش يا بطل نردهالك ف الافراح ان شاء الله يغالى ..

وغادر أيضا بعد أن تمم ببعض التعليمات على احمد وترك منعم معه يساعده ف باقى التحضيرات ..

ذهب رعد للحديقة لكى يطمئن على التحضيرات بها ولم يخلو طريقه من التهانى والمباركات والان علم كم يعانى حقا العريس ف حفل زفافه وخصيصا الزفاف المصرى هههه..

رعد وهوا ينظر لكل التحضيرات فى الحديقة وكم تبدو حقا مبهرة كأنها قطعة من الجنة ..

: عاش يا سيفو عملت اعادة تدوير هنا والا اى هههه

سيف ..

: ياعم دى كانت خربانة خدت منى مجهود جامد لحد ما خليتها بالشكل ده بس ايه رأيك ..

رعد ..

: عال العال ..المهم الترتيبات الأمنية اخبارها ايه ..

سيف ..

: شايف الجتت ال هناك دى لافة حوالين الفيلا ..غير أنه ف فريق بعيد عن الفيلا ب أمتار عشان لو حد جه يبلغونا نستعد والكاميرات موجودة ومتفعلة وأجهزة استشعار الأسلحة والمواد الحادة ..كل حاجة جاهزة أن شاء الله هتتجوز النهاردة ياخويا ..

رعد. ..

: ادعى من قلبك بس هههه الواحد معدش متطمن ههه

سيف بضحك ..

: ههههه متقلقش مش هنخليك تعنس ههه يالا روح جيب العروسة خلينا نخلص ..

رعد..

: ال هيسلم العروسة هوا ابوها ..

سيف ..

: ازاى وعمو مؤمن ااا…

قاطعه رعد ..

: وعدته انه هيسلم بنته النهاردة ولازم أوفى بوعدى …

سيف ..

: ازاى ..

رعد ..

: تعالى بس وهتشوف ..

************************

بدأ حضور المعازيم وشغلت الاغانى وبدأ الرقص والفرح ..ومعه بدأ عمل العساكر المتنكرين وأحمد وسيف ومنعم وغرفة المراقبة ..كل على قدم وساق لا يتهاون أحد فى عمله تحسبا لأى خطأ يأملون ان تمضى تلك الليلة على خير..

نزلت حور برفقة والدتها كم تبدو حقأ كتلك اميرات ديزني لا بل أكثر جمالا بذلك التاج الذى يجعلها كملكة من ملكات الجمال ..

نظر لها رعد ولم يستطع رفع عينه عنها ..بل لم يستطع أن برمش بعينيه حتى ..كم تبدو جميلة بذلك الفستان الابيض الذى زاد جمالا على جماله لانها ترتديه..

اقترب رعد منها وعينيه تفيضان عشقا كتب سطوره بخطوط من الغرام ..

كادت رجاء أن تسلمه حور إلا أن أوقفها رعد ..

: لا يا حماتى عمى هوا ال هيسلمهالى ..

نظر له كلا من حور ورجاء باستغراب كيف سيفعل مؤمن هذا وهوا قعيد ..

نظر رعد لأحد الغرف فنظر الجميع إليها ليخرج مؤمن يمشى ببطئ لكنه يمشى حقااا أنه يمشى..

ادمعت عينى حور ورجاء من فرحتهما بهذا المنظر الذى اسعدهما حقا ..

اقترب مؤمن من حور ممسكا يدها ويعطيها فى يد رعد ..

: أما مش بسلملك عروسة انا بسلملك روحى وحتة منى حافظ عليها يا رعد وحافظ على سعادتها لانه لو شوفت دمعة نازلة من عيونها صدقنى ااا..

قاطعه رعد باحترام وهوا ينظر لعينى حور بعينين تتحدثان قبل فمه ..

: مين ال يقدر يزعل روحه يا عمى ..حور نصى التانى والأهم وصية رسول الله مستحيل اسمع لنفسى اجى عليها أو انه دمعه تنزل منها طول منا عايش ..

ابتسم مؤمن لرؤية ذلك العشق الذى يتفجر من عينيه ..فاطمأن على ابنته وتأكد اكثر أن رعد انسب رجل لها…

سلم مؤمن يد حور لرعد الذى امسكها برفق ولين وأخذها على الاستيدج ليمسك رعد المايك ونزل على ركبتيه رافعا يده لها قائلا..

: انتى من اهواه انتى الحب والامل والحياه

انتى من يداوينى ويضحكنى ويبكينى

انتى من يسعدنى ويغضبنى ويرضينى

انتى من يسمعنى ويفهمنى ويحتوينى

انتى من تتمناه عينى وتنتظره سنينى

انتى من تشتاق له روحى

فهل ياعمرى تأتينى

قام رعد ممسكا خصرها وارتفع صوت الموسيقى الهادئة معلنة عن رقصتهما ..الف

رعد وهوا يضع جبينه على جبينها هامسا..

: اخيرااا بقيتى ملكى وقدام كل الناس ..

أغمضت حور عينيها فكم يحدث قربه منها الافاعيل ..

اغمض رعد أيضا عيونه يستمعون لايقاعات قلبيهما فايقاع القلوب لا يسمعه الا كل مهيمن غارق في بحور العشق ..

فاقا على انتهاء الموسيقى وصفيق الجميع لهم ..

ذهبوا لمكانهم يستقبلون الهدايا والمباركات من القلب لهم يتمنون لهم حياة زوجية سعيدة ..

الا أن تم إطلا’ق النا’ر فحدث الهرج والمرج بالمكان الا أن اظفر ثغر رعد عن ابتسامة خبث قائلا ..

: اخيراا جيتو دنا كنت مستنيكو..

***********************

• يتبع الفصل التالي اضغط على ( رواية سينا أصبحت قدري ) اسم الرواية