رواية العشق المنتقم الفصل الحادي عشر 11 - بقلم مي أحمد

     رواية العشق المنتقم كاملة  بقلم مي أحمد   عبر مدونة كوكب الروايات

 رواية العشق المنتقم الفصل الحادي عشر 11

 

قمر وهي ماسكه السكينه على ايدها فجاه بيدخل فهد

قمر بصدمه فهد

فهد راح ناحيه قمر وخد من السكينه وقال لها انت بتعملي ايه يا قمر عايز يموتي نفسك وتحرمي قاسم منك كده قاسم يزعل يلا يا حبيبتي اقعدي هاديه وساكته عشان اجيب لك قاسم

قمر قربت منه بحبه وفرحه كبيره/ بجد هتجيب لي قاسم

مش قلت لك يا دكتور اصل مستحيل يسيبني هو قال لي ان انا ا النفس اللي بيتنفسه عشان كده مستحيل يسيبني انا هقعد هاديه وساكته لغايه ما يجي قاسم وياخدني من المكان ده قاعد تكرر في كلامها وتقول نفس الكلام بطريقه هوس وجه الدكتور من وراها واعطاها حقنه مهدئه قمر بعد ما اخذت الحقنه راحت في عالم ثاني

الدكتور شالها وحطها على السرير بص لها بحزن شديد كل يوم حالتها بتسؤ اكتر من اليوم اللي قبله

فهد قربمن دكتور و ساله لو سمحت يا دكتور انا عايزه اعرف حالتها بالظبط وهل في نسبه علاج

الدكتور بياس/بص انا مش هخبي عليك هي حالتها كل يوم بتسؤ ما فيش تحسن خالص هي اصلا مش راضيه تتجاوب مع العلاج هي عايشه بس عشان اللي اسمه قاسم ده دي بترسم له صور وبتكتب عليها مش ناسيه اللي كان بينهم وان هو هيجي ياخدها مهما طول فهي عندها ثقه فيه مش عارف اقول لك ايه بالظبط انت تقرب ايه للمريضه

فهد بحزن على حاله قمر/ انا بقى اخو صاحبتها وما توقعتش ان حالتها تبقى كده اختي قالت لي ان هي في مستشفى الامراض النفسيه بس ما اتوقعتش ان هي تبقى مجنونه فعلا

الدكتور احمد بعمليه/ان شاء الله هتبقى كويسه بس انت ادعي لها ان هي تخرج اللي اسمه قاسم ده من قلبها هو مش بس في قلبها ده كمان في عقلها اهلها لما يجوا بيروحوا منهارين وبالذات امها ربنا يصبرهم

فهد بحزن/طيب يا دكتور انا مضطر امشي اتفضل ده الكارت بتاعي لو حصل اي حاجه رن عليا

الدكتور احمد تمام لو حصل اي حاجه هرن عليك بس انا كنت عايزه اسالك سؤال انت تعرف اللي اسمه قاسم ده عشان انا شايفه هديت لما شافتك

فهد بتوتر/ايوه يبقى صاحبي بس ما توقعتش ان هو يعمل فيها كل ده على العموم ربنا يشفيها انا مضطره امشي دلوقتي

ماشي فهد هو بيفكر في حاله قمر اللي وصلها لها قاسم البنت اللي عامله زي الورده المفتحه خلاص دبلت ومشي وراح على الفيلا بتاعته

نروح لفيلا قاسم الالفي

كان قاسم في غرفه المكتب بيعمل شويه اوراق فجاه وهو بيلم الورق جات صوره قمر تحت ايده طلعها قاعد يدقق في ملامحه ا بس فكر نفسه انه خلاص مش هيقدر اشوفه ثاني حتى لو شفته عمرها ما هتسامحه على اللي عمله فيها قطع شروده دخول اخت مريم بعصبيه

مريم بعصبيه/ممكن اعرف انت ناوي على ايه تاني قمر وخلاص دمرتها والشركه وبقت ليك اسهم فيها عايز ايه ثاني انا كل اللي فارق معايا البنت المسكينه اللي مرميه في المستشفى كان ايه ذنبها ان هي حبيتك وثقت فيك اكثر حتى من نفسها كانت بتخاف عليك من الهوا طاير وانت ذبحتها كان في كذا طريقه تنتقم بيها بس انت اخترت الطريقه اللي وجعت فيها اختك مفروض ما شفتني متوجعه ما توجع الناس نفس الوجع

قاسم بعصبيه/انا ما غلطتش هم اللي بداوا والبادي ا اظلم سمعت المثل اللي بيقول لك كل شيء مباح بالحب والحرب انا بقى واخد المثل ده مبدئي فعلشان كده انا مش حاسس بالذنب انا عارف ان انا عملته كان غلط بس هو ما غلطوش لماذوكي ما تتكلمي ساكته ليه ما غلطوش لما اموتوا اهلنا بالحسره واخذوا قصرنا وكل اموالنا دلوقتي ما تجيش تقولي لي ان انا غلطان اتفضل روحي على اوضك مش عايز اسمع كلام في الموضوع ثاني

مريم بحزن على اخوها/براحتك بس هتندم في وقت ما ينفعش في ندم انا ما اقدرش اروح ازورها لو رحت هتسالني عنك وهتقول لي جيبي لي قاسم وانا وقتها مش هقدر اجيبها لها اللي هي عايزاها سلام يا اخويا وفكر كويس في كل قراراتك

مشيت مريم وهي ماشيه قبلت فهد وهو دخل الفيلا

مريم/ عامل ايه يا فهد ما تعرفش اخبار عن قمر وهل هي بقت كويسه ولا لا

فهد بحده /بعدين بعدين يبقى نتكلم انا تعبان دلوقتي سلام مشي وسابها وهو قلبه هيقطع على قمر واللي حصل لها دخل عند قاسم وقال له الاخبار اللي هقولها لك المره دي مش كويسه خالص

قاسم بلهفه/ايه حصل لها ايه ما تنطق يا فهد في ايه

فهد بحزن/عايزني اقول لك ايه ان هي اصلا مش شايفه الحياه غير بيك انت بتصرخ باسمك ليل ونهار ده حتى بقيت مدمنه بيك بترسمك عايز ايه ثاني ده ما فيش حد بيحب الحب ده كله دي النهارده كانت هتموت نفسها عشان بس تشوفك انا عايزه اعرف بس انت ازاي قادر تنام بعد اللي عملته في المسكينه دي ذنبها ايه قول لي ذنبها ان هي وثقت فيك ده الدكتور النهارده اكد لي هي مش هتقدر تتعالج هي مش متقبله العلاج

قاسم بانهيار وصريخ/كفايه كلكم عليا انا مش ندمان فاهم يعني ايه مش ندمان ولو رجع بيا الزمن هعيد نفس اللي عملته علشان كده اتفضل امشي وسيبني لوحدي مش عايز اشوف حد اخر مره تجيب لي معلومات عنها يلا امشي

فهد وهو ماشي قال له كلمه واحده بس هتندم يا صاحبي ومشي قاسم بعد ما مشي فهد خد عربيته وراح على مستشفى القمر

في بيت عيله قمر

ام قمر بتبكي ليل ونهار على بنتها واخده صورتها في حضنها

ارجعي لي يا حبيبتي انا عارفه انك بتحبي ماما ارجعي لها يا رب ارجعها لي انا ما ليش غيرها انا عارفه ان جوزي غلط كثير بس انا وهي ملناش ذنب يا ربنا عبديتك اللي ما ليش غيرك ما تضرنيش فيها رجعها لي قعدت تبكي بالهيار وهي ماسكه صوره بنتها في نفس الوقت دخل جثوزها عليها

سالم بحزن على مراته/اهدي يا حبيبتي ان شاء الله هتبقى كويسه انا ان شاء الله هسفرها بره تتعالج انا عارف ربنا بياخذ حق كل حد ظلمته بس هي مش ذنبها حاجه يا رب يا رب يرجعها لنا احنا ما لناش غيرك حتى لو غلطنا انت بتسامح يا رب وقلبك كبير وراح خد مراته في حضني وقعد يبكي على بنته على بيته على شركته وعلى كل حاجه في حياته اللي اتدمرت

في نفس الوقت في بيت مي

مي كانت بتكلم مامتها وبتقول لها مش عارفه يا ماما ازعل ولا افرح افرح ان خلاص خلصت من قمر ولا ازعل اني قاسم بقى شخص احنا ما نعرفهوش بقى يؤذي لدرجه كبيره يا ماما درجه تخوف انا ايوه فرحانه في قمر بس زعلانه عليها برده ا اللي حصل لها مش قليل يا ماما دي بقت مريضه نفسيه رحت زرتها من ست شهور ما عرفتنيش بقيت تكسر كل حاجه وتصرخ باسم قاسم بقيت مدمنه بيه ربنا يكون في عون اهلها انا اه حاولت اقتلها بس ما توقعتش يكون كل اللي بيعمله قاسم تمثيل

تغريد باستغراب وانا زيك ما توقعتش ان كل اللي بيعمله ده تمثيل مثل التمثيليه ما حدش شك فيه خالص وعشان ما يتكشفش معرفش بيها حد بس انا فرحانه في سالم ومراته الحربايه اللي اخذته مني بسبب حملها بقمر قاسم خد لنا حقنا كلنا من العيله دي يا رب ما ترجعش زي الاول ابدا وهم بيتكلموا دخل عليهم فهد وبص لهم باظت ياس من تصرفاتهم قرب منهم وقال لهم ل

فهد العصبيه/لا انت هتفضلوا كده اتغيروا بقى بسبب تربيتك قاسم طلع ما عندوش قلب جرح بنت ما لهاش ذنب غير ان هي حبيته ودمر لها حياتها كل ده بسبب تربيتك اللي فيها غل وحقد اتغيروا بقى وسابهم وركب على غرفته

مي وتغريد و بصوا لبعض

مي قالت/ماله ده بقى حنين فجاه كده ليه خليه يروح يلا يلا يا ماما نحتفل بالانتصار اللي احنا حققناه في حياتنا واللي حققهنا قاسم قعدوا يضحكوا وهي وامها وهم فاكرين القدر لعب معاهم

في المستشفى عند قمر

كانت قمر نايمه على السرير وبترسم صوره لقاسم وهو على الحصان وهي مبتسمة وبتقول شكلك جميل يا فارس احلامي اللحظه دي قمر لمحت ظل حد بره الاوضه وفجاه دخل عليها قاسم

قمر بصدمه وفرحه/قاسم انت هنا انا مش بحلم مش كده جريت عليه وحضنته قوي كانها تستمد منه الحياه قاسم كمان كان بيستنشق ريحه عطرها اللي عامله زي الاطفال بعد عنها وبص في عينيها وقال لها بتحبيني قولي اللي بتحبيني يا قمر

قمر بحب ولهفه/ انا مش بس بحبك انا بعشقك لو تطلب حياه اديها لك بس انت ما تسيبنيش تاني يا قاسم

قاسم وقف وقال لها اتاكدي اني هاجي يوم واخدك سلام يا قمر قعدت تنادي عليه وطلعت وراه زي المجنونه كانت هتقع من على السلم لولا الدكتور احمد اخذها وقال لها اهدي يا قمر ايه اللي مطلعك من على السلم كنت هتقعي

قمر بهستريا وجنون /كان هنا وقرب مني وقال لي وقال ان هو هيجي ياخدني انا لازم اروح اشوف قاسم وقعدت تصرخ تصرخ

الدكتور احمد /ما فيش حاجه اسمها قاسم ده كان خيالك انت كل فتره تيجي وتقولي ان هو جه وقال لك انه هيجي ياخدك بقى لك سنه بتقولي ان هو هيجي ياخدك ده تهيؤات يلا ادخلي وارتاحي

قمر بحزن/ انا بقول لك انا مش مجنونه هو كان هنا وقال لي ان هو عايزني انت لو مش عايزين تصدقوني وفجاه قمر اغمى عليها الدكتور احمد جري عليها وشالها وعطاها حقنه مهدئ وقفل الباب ومشى

اما قاسم كان تحت المستشفى انا عارف اللي بعمله غلط اني باجي بزورك بس غصب عني لازم اشوفك حتى لو كنت بدهور صحتك بس ده مش بايدي اركب عربيته ومشي ورن على صاحبه معتز يجيب له واحده يقضي معاها ليله كان بفكره كده ان هو ممكن ينسى قمر

في الليل في مستشفى قمر

قمر صحيت ما لقيتش حد اتسحبت كان في اثنين ممرضات بيتكلموا قمر سحبت بالراحه عشان ما يشوفوهاش ونزلت وهي لابسه لبس المستشفى وقفت عربيه

سواق التاكسي/نعم يا مدام عايزه تروحي انهي مكان

قمر بلهفه وشوق /عايزه اروح على قصر الالفي

وفعلا بعد شويه وصلت قمر لفيلا الالفي بتاع التاكسي كان واقف مستني الاجره قمر معهاش فلوس قامت خلعت الحلق بتاعها وعطه له

سواق التاكسي باستغراب /بس ده كتير قوي يا مدام

قمر بلهفه/ لاكتير ولا حاجه المهم اروح اشوف حبيبي وابقى معاه انا عارفه ده كلهم مش عايزين اروح له يلا سلام ونزلت من العربيه وراحت على فيلا قاسم وراحت عند الباب لقيت الباب مفتوح فدخلت سمعت قاسم في اوضه النوم وسمعت صوت ضحك بصت باستغراب وقالت مستحيل راحت على اوضه النوم وفتحتها واتصدمت لما شافت قاسم بيخونها

مع واحده ونايمين على السرير

قاسم بصدمه/قمر

قمر بحزن انت بتخوني يا قاسم ليه انا ذنبي ايه انا قصرت معاك في ايه

قاسم راح عندها وبكل برود قال لها عايز تعرفي انا خنتك ليه علشان انا اصلا مش بحبك ولا في عمري في يوم هحبك انت كنت بالنسبه لي مجرد رغبه وانتقام من والدك انا ما شايفكيش ولا عمري هشوفك غير كده واتفضلي اطلعي من بيتي انا مش عايز اشوف وشك ثاني بره

قاسم راح عندها ومسك ايديها وطلعها بره البيت وقال لها بيتي ده عمرك ما تدخلي تاني انت فاهمه وحاولي تنسيني و واطلعي بره حياتي مش عايزه اشوفك تاني لو عندك كرامه ما تجيش البيت ثاني وقفل الباب في وشها

قمر طلعت من عند قاسم وهي مصدومه مش قادره تمشي حتى كانت بتكلم نفسها معقول كل ده كذب معقول انا كنت عايشه في وهم كانت منهاره مش مصدقه كل الكلام اللي قاله لها قاسم وفي الوقت ده كان في عربيه جايه عليها وهي ما واخداش بالها منها فالعربيه خبطتها وقعت على الارض وهي غرقانه بدمها

قمر وهي بتاخد نفسها بالعافيه قاسم واغمى عليها 😵

رايكم وتوقعاتكم تفتكروا قمر هتعيشوا ولا هتموت ولو عاشت هتبقى كويسه ولا هترجع زي ما كانت وقاسم هيندم ولا لا وقمر هتسامحهم ولا لا على اللي عملوه فيها وفهد ايه اللي حصل له عشان يتغير

• يتبع الفصل التالي اضغط على ( رواية العشق المنتقم ) اسم الرواية