رواية عشق الرعد كاملة بقلم مريم أحمد عبر مدونة كوكب الروايات
رواية عشق الرعد الفصل العاشر 10
في اي يا شمس بتصرخي كدا لي و بتكلمي مين اصلا؟؟
لفت شمس بسرعه و الخوف ظهر علي وشها: ماما!!
ابتسام….اه ماما خير وشك اتخطف كدا لي؟؟
شمس: م احم مفيش حاجه مالو وشي ماهو عادي اهو
هزتلها ابتسام دماغها…. امم… بتكلمي مين
شمس و هي بتبص علي الفون و بتقفله: محدش دي رغد
ابتسام…. رغد مين
شمس: واحده صاحبتي يا ماما
ردت عليها ابتسام بهدوء….. بس انتي عمرك ما قولتيلي ان ليكي واحده من صحابك اسمها رغد يا شمس
شمس بتوتر: م ما عايدي يعني ي ماما اكيد مجتش مناسبه اني اقولك يعني
بصتلها ابستام شويه و قالت… ماشي يا شمس لما اشوف اخرتها معاكي ايه
فضلت شمس بصالها بخوف و توتر و بعدين سكتت
******************************************
في القصر
كانت عشق قاعده علي سريرها سانده راسها علي ركبتها و بتعيط بتفكر لي اهلها مسألوش عنها كل دا!! هي تقيله عليهم اوي كدا؟! ولا هما صدقوا انها تعمل كدا بجد!!!
بس جاتلها فجأه فكره
مسحت دموعها و قامت بسرعه راحت لاوضة رعد خبطت علي الباب و دخلت لما سمح لها بدا
دخلت عشق بتوتر و هي بتحرك عنيها علي المكان
رعد من غير ما يبصلها: خير؟؟!
عشق بتهكم و صوت عالي نسبيا….هو اي دا الي خير؟ هو ف الاخر انت الي زعلان ولا اي !!
رد عليها بهدوء و هو علي وشك نفاذ الصبر: من الاخر يا عشق عايزه اي؟؟
اتكلمت عشق بهدوء و صوت منخفض: لو وافقت هترجعلي ثقه اهلي؟
فرح رعد بس مبينش و قالها بخبث و هو بيحاول يداري ابتسامته: قاصدك اي يعني مش فاهم؟
حست عشق ان فيه امل من تعبيرات وشه فقالت و هي بتقعد علي طرف الكنبه بتاعته… يعني قصدي….
قاطعه رهد و هو رافع حاجبه: اي دا اي دا انتي هتصاحبيني ولا اي؟؟
عشق:ششششش و اسمع
قالها رعد و هو بيعدل من جلسته…. نعمممم
ضحكت عشق: خلاص خلاص كنت بهزر في اي… المهم
رعد… هااا
عشق بهدوء و صوت مهزوز: بص بصراحه انت خلتني امضيلك علي حاجات كتير و انا ساكته و انت كل شويه تقولي هتفهمي بعدين.. ف انا موافقه بس لو سمحت ترجعلي اهلي تاني
رعد بهدوء…حاضر و من غير ما تقولي انا كنت هعمل كدا
عشق بفرحه: بجددد!!
هزلها رعد دماغه
قامت عشق تمشي بس لفت تاني و هي بتقوله بإستغراب: بس انت لي كنت هتعمل كدا من نفسك؟
سكت شويه بتوتر و قالها…. ااا احم عادي يعني… ملكيش دعوه و يلا روحي شوفي كنتي بتعملي اي
عشق بإبتسامه: كنت بعيط
رعد… ماشي كويس روحي كملي عياط
عشق ف نفسها بصدمه: كويس!!
بعدين قالتله بصوت بهدوء و هي فارده ايديها و مشبكاها ف بعض: ممكن طلب اخير ونبي
رعد: انا زهقتتت
عشق: معلش معلش
بصلها رعد بطرف عنيه… انجزينييي
قالتله: هو انا ممكن اكلم ماما
رعد بهدوء…. لا عشان هما مش هيردوا عليكي دلوقتي
زعلت عشق لما افتكرت و هزتله دماغها و هي بتشاورله بأيديها : بس انت وعدتني
ابتسملها رعد جت تمشي قالها…. اه يا عشق صحيح
عشق بتزمر: يا ربي بقي علي القرف الي انا فيييه
رعد بهدوء… هعمل نفسي مسمعتش حاجه عشان متزعليش بس اعملي حسابك بكره الصبح هنروح للمأذون بقي
هزتله عشق راسها و قالت بصوت واطي و هي بتمشي: امال عامل فيها كاريزما بتاع اي بقي
=بتقولي حااااجه؟؟
طعلت عشق تجري علي اوضتها و رعد ضحك عليها و عمل مكالمه
******************************************
تاني يوم الصبح
صحيت عشق علي صوت باب اوضتها قامت بضيق و فتحت
الخدامه… انا اسفه يا عشق هانم بس رعد بيه مستنيكي تحت و بيقولك الفطار جاهز
عشق بضيق: ياشيخه يلع’نن’ سكتت لما شافت ملامح الخوف علي وش الخدامه ف كملت و هي بتقول’ماشي ماشي نازله
هزتلها الخدامه راسها و مشيت من قدامها بسرعه
عشق بإستغراب: مالها دي و قفلت الباب و جهزت و نزلت
*************************************
دخلت عشق اوضه السفره و قعدت تاكل من غير ولا كلمه
رعد و هو باصص ف الطبق…. و عليكم السلام و رحمة الله و بركاته.. صباح النور
حركت عشق ايدها جمب ودنها بخنقه و كملت اكل
رد عليها باستغراب: اه
قامت عشق و و هي بتشيل شنطتها… طب يلا
لبس رعد النضاره و و مشي بالكرسي ورا عشق و هو بيقول بصوت واطي: شنطه دي ولا لعبه
رجعتله عشق و هي بتقوله بتوعد… اي؟ انت قولت اي؟!
بص رعد قدامه و هو بيحرك الكرسي: ممكن تساعديني لحد ما نوصل للعربيه
عشق بتوعد… اممم ماشي
وصلوا عند العربيه و رعد نده لمالك عشان يساعده
عشق بزهول: انت ازاي ممثل كدا!!! ازاي مبتغلطش قدام الناس و انت بتمثل انك اعمي لا و مشلول كمان اي البراعه دي!!!
بيبص لرعد لقي مالك واقف جمبه و بيبصله و هو مصدوم راح بص لعشق بغضب جحي’مي وقالها:********
- يتبع الفصل التالي اضغط على ( رواية عشق الرعد ) اسم الرواية
تعليقات
إرسال تعليق