رواية تزوجت اختها كاملة بقلم همس حسن عبر مدونة كوكب الروايات
رواية تزوجت اختها الفصل السابع 7
** الكهربا قطعت في المكان كله والدنيا ضلمت كُحل **
حصل ارتباك في المكان كله وإدارة الكافيه بقوا مستغربين ازاي المولد مشتغلش كل ده وفضلوا دقايق يجروا في الكافيه كلهم بيحاولوا يتصرفوا لحد ما قدروا يرجعوا الكهربا
بدر بيبص جنبه …
وزي ماحنا كلنا متوقعين .. ملقاش زهرة 🔥🔥🔥🔥
بدر برق وبدأ يبص حواليه في وشوش كل الناس يدور عليها .. ملقاش اثر ليها وكأنها فص ملح وداب “””
بدر بيلف في الكافيه يدور عليها
و بخضة وصوت عالي : زهرررررررررررة
زهرة فيييين ياجدعان كانت لسة جنببببي كله يدور عليها بسررررعة
اللي قاعد قام يدور واللي واقف بقى بيجري يبص يمين وشمال .. مها بتبسم من تحت لتحت وبتغمض عينيها وتاخد نفس عميق
عاصم بيقعد ع الكرسي اللي وراه بصدمة ومن غير ما ينطق ولا كلمة
ناهد : مراتك فين يا بدر .. ما كانت لسة جنبك راحت فييين😱😱
فريد بيبص لـ مها : اختك فين ؟؟؟
مها : يووووه وانا ايش عرفني هو كل مصيبة هتلبسوها فيا 😒
بدر : قولتهالك امبارح يا مها وهرجع اقولهالك تاني في موقف مختلف .. اقسم بالله يا مها لو طلعتي ورا اختفاء زهرة ما هخلي فيكي حتة سليمة فلو تعرفي عنها حاجة الحقي نفسك وقوليها بسرررعة عشان نلحقها
عبير : يا سلام هو كل ما ست الحسن هتختفي هتتهموا بنتي في ااايه ماهي واقفة جنبك زيها زيك هتكون عملتلها ايه يعني
تلاقي عروستك المصونة خلعت من الفرح بعد ما وصلت لهدفها
فريد : خلعت ازاي يعني ياماما احنا هنهزر ، وايه هو هدفها اصلا
عبير : هدفها تبوظ جوازة اختك والسلام واول ما لقت الموضوع دخل في الجد واتكلبشت في جوازة هربت
فريد : ماماااااا متطلعنيش عن شعوووووري
بدر : بااااااااس .. مش عايز اسمع صووووت انا مراتي اتخطفت من جنبي وانتو واقفين تتخانقوا احنا في ايه ولا في اااايه ، انا عايز كله يسيب اللي في ايده ويدور معايا عليها مش هنسيب طرف إبرة في المنطقة مش هندور فيه
مصطفى صاحب بدر الانتيم : وانا معاك ياصاحبي شوف هنبدأ منين ويلا بينا
بدر جاي يجري عشان يشوف هيعمل ايه .. عاصم وقع من ع الكرسي في الأرض
عبير : عاااااصم
فريد بيجري عليه : ابوياااا
بدر جري عليها بسرعة قبلهم كلهم مسكوا عدله : في ايه ياحج فوق كدا مااالك
عاصم بتعب بيمسك ايده : انا امن.. امنتك على بنتي يابدر وبقت أمانة في رقابتك .. لازم تلاقيها بسرعة قبل ما يعملوا فيها حاجة يابني
بدر : متخافش ياعمي زهرة محدش هيلمسها و هلاقيها لو تحت الأرض وهجيبهالك في حضنك وده وعد مني بس انت قوم اقف علي رجلك مينفعش كدا
فريد : قوم ياحج متوجعش قلبنا عليك انت كمان ابوس ايدك
عاصم بيمسك جنبه الشمال جامد وكأنه منمل ومش عارف يحركه
بدر : فريد أبوك لازم يتنقل علي مستشفي بسرررررررعة جدا
عبير : مستشفي ايه دلو….
بدر : بقول بسرعة مفيش وقت ناخد وندي شيل معايا يافريد
شالوه بسرعة هما الاتنين وودوه ركبوه العربية ومعاه مها وعبير وفريد
بدر : فريد انا هسيبك توديه المستشفي وتلحق الموقف انت وانا هخليني هنا وهقلب الدنيا علي اختك لحد ما الاقيها
فريد بيدور العربية : ماشي هروح بسرعة وخليك علي اتصال معايا طمني اول باول لو عرفت حاجة يابدر
بدر بيبص لناهد : امي انا عايزك تكلمي كل معارفنا وقرايبنا وجيراننا في المنطقة تبلغيهم لو حد عرف عنها حاجة يقولنا بسرعة
بدر : مصطفى تعالي معايا نطلع نشوف كاميرات المراقبة بسرعة
🔥🔥🔥🔥🔥🔥🔥🔥🔥🔥🔥🔥🔥🔥🔥
بدر ومصطفى صاحبه والامن واقفين قصاد الشاشة بيراجعوا كاميرات المراقبة
بدر : هات من قبل ما الكهربا تقطع ب10 دقايق كدا
**بدأوا يجروا الكاميرات ويشوفوا الناس اللي دخلوا .. كل اللي دخلوا معروفين **
بدر : طيب هات من اول كتب الكتاب كدا وبطأ
بيشوفوا من اول كتب الكتاب .. وفجأة
بدر : ايووووة وقف هنا كدا .. مين ابو كاب ده ؟؟
مصطفى : اعمل زوم على وشه كدا
بدأ يعمل زوم على وشه .. مش شايف اي تفاصيل لملامحه
بدر : هو ده .. هو ده يا مصطفى
هات تسجيل الكاميرات بعد كتب الكتاب
الامن : مش هنعرف للأسف النور كان قاطع
بدر بيخبط علي دماغه : خطفها يامصطفى
خطفهااااا ابن الك$$لب
مصطفى: اهدددي يابدر مفيش حاجة بتتحل بالعصبية دي
كدا مفيش حل غير إننا نخرج ندور عليها برا الكافيه
بدر خارج بسرعة : يلا يا مصطفى .. هنقلب الدنيااا في اي خن ممكن الحيوان ده يكون راحه
مصطفى : طب مش ناوي تحكيلي مين هو الحيوان ده اصلا ؟؟؟
بدر : هحكيلك في الطريق يامصطفى مفيش وقت
🔥🔥🔥🔥🔥🔥🔥🔥🔥🔥🔥🔥🔥🔥🔥
** في المستشفي **
الدكتور : كويس إنكم جبتوه بسرعه وقدرنا نلحقه
فريد : هو كان عنده ايه يادكتور ؟؟
الدكتور : كانت اشتباه في جلطة
بس الحمدلله لحقناها .. أهم حاجة دلوقتي الراحة التااااامة واوعو حد يزعلوا تاني عشان ميرجعش يتعب والله أعلم ساعتها هنقدر نلحقه ولا لا
عبير ماسكه ايده : سلامتك ياعاصم .. انشاله انا بدالك
عاصم بيبص لفريد : لقيتوا اختك يافريد ؟؟
فريد بتوتر : هنلاقيها يا حج متقلقش هي يعني هتروح فين
مها : مش انت سمعت الدكتور بيقول راحه تامة ومفيش حاجة تدايقك يا بابا .. متفكرش في حاجة بقا
عاصم دير وشه
فريد : انا هخرج اسألهم يقدر يخرج امتى
🔥🔥🔥🔥🔥🔥🔥🔥🔥🔥🔥🔥🔥🔥🔥
***في بيت معزول في نص جنينة كبيرة .. في اوضة في الدور التاني***
زهرة علي سرير بتبدأ تفوق واحدة واحدة .. بتحط ايديها على دماغها “اااه”
بتفتح عينيها براحة .. بتتخض وتتعدل بسرعة وتبص حواليها
زهرة : انا فين ؟؟؟؟
يابابا .. فريد
ايه المكان الغريب ده انا فين ياجدعااان
يابدررررر * الجرح شد عليها لما علت صوتها بتحط ايدها عليه* اااااه
Flash back 📸🔙
الكهربا قطعت .. زهرة بتبص حواليها : ايه ده ايه اللي حصل يابدر ؟؟
بدر : مش عارف والله في ايه .. تلاقي فيه مشكلة وهيحلوها
وقبل ما تسمع بقيت الجملة اللي بيقولها حست بـ حد جاي من وراها بيحط منديل عليه مُخدر علي بوقها وبيشدها لورا
بتحاول تشاورلهم او تعمل اي صوت .. لا عارفة تتكلم من اللي كاتم صوتها ولا حد شايفها في الضلمة .. المخدر اشتغل وغابت عن الوعي
بترجع من الفلاش باك 🔙
زهرة : معنى كدا اني اتخطفت!!!!!
بتقوم بسرعة تروح علي الباب وبتحاول تفتحه مبيفتحش
زهرة بتخبط جامد ع الباب : مين هناااا افتحوووولي
يابدررررر انت فيييين .. يافرييييد
باباااااااا
وفجأة حست بـ حد بيفتح الباب من برا .. بعدت خطوتين عن الباب عشان يفتح
وكانت المفاجأة لما لقت اللي داخل الأوضة … 💥💥
زهرة : شريف ؟؟؟؟
شريف داخل الاوضة وبيقفل الباب وراه .. زهرة بترجع خطوات لـ ورا
شريف : آه شريف .. متقوليليش اني فاجئتك
ده انا حتى معرفك من امبارح عشان تعملي حسابك يا زهرة قلبي يعني عملت اللي عليا ✋🏻
زهرة بترجع لورا ومصدومة مش عارفة تنطق
شريف بيقدم عليها : ياااااه .. مستني اليوم ده بقالي كتير اوي يازهرة .. نايم صاحي بحلم باللحظة اللي هتبقي فيها قدامي وعينك في عيني بالمنظر ده
زهرة بتبلع ريقها : عايز ايه يا شريف ؟؟
شريف : عايزك .. ومعتقدش إنك اتفاجئتي لأني معرفك ده من بعد ما خطوبتنا اتفسخت بشهر بالظبط
انا عارف اني جرحتك وسيبتك بطريقة مش حلوة بس الحقيقة اني ندمت .. ندمت اوي يازهرة واستغبيت نفسي اني ضيعتك من ايدي لأني بحبك بجد .. جيت لحد عندك واترجيتك مرة واتنين وعشرة إنك ترجعيلي قفلتي كل البيبان في وشي ورفضتيني .. قللتي مني قدام نفسي وحطيتك تارجيت قدامي اني هوصلك يعني هوصلك وهتبقي ملكي ومعايا واديكي اهو بقيتي معايا ❤️
زهرة: مجربتش تكشف علي نفسك قبل كدا ؟؟
شريف : نعم!
زهرة : بكلمك بجد والله .. مجربتش تروح تكشف علي قواك العقلية تتأكد إنها سليمة وفي مكانها بس
بغض النظر عن اااااي حاجة .. مش جاي معاك اني دلوقتي بقيت واحدة متجوزة مثلاً ؟؟؟؟
شريف : مش أزمة يعني هنتصرف .. المهم انك ترجعيلي 😍
**بيقرب عليها وبيلمس وشها**
وفجأة زهرة بتلطشه بالقلم بعزم ما فيها ..
شريف بيبرق وبصوت عالي : انتي بتضربييييني !!!!!!!
زهرة بصوت عالي : واكسر دمااااااااغك كمان ومتعليش صوتك علياااااا ياحيو$$$ااااان .. انت احق$ر إنسان شوفته في حياتي .. بعد كللللل اللي عملته فيا وبعد ماكسرتني وكسرت قلبي جاي دلوقتي تقولي عايززززززك .. بعد ما دمرت حياتي جاي دلوقتي عايز تدمر شرفي وابقي معاك وانا واحدة متجوزة يا زب$$اااااالة
شريف : اهدددددي يازهرررة
زهرة بتزقه بعزم ما فيها وبتمسك الكرسي الخشب بترزعه ع الارض : مش ههدى يا شريف وكفاااااااااية بقا ، كفاية قرف وعك في حياتي انا زههههههقت منكو لللللله
عايز ترجع لمين انت متستاهلش تلمس ضااافري ولا تشوف وشي .. تعرف ايه انت عني ولا عن حياتي عشان تقولي بحبك وعايزك تعرف ايه عن الأيام اللي عيشتها بعوض في المخدات بالليل عشان اكتم صوت عياطي ووجع قلبي ؟؟؟؟؟؟؟
*بتشيل الترابيزة ترزعها ع الارض تتكسر مية حتة*
*بتحط ايديها علي الجرح اللي شد ووجعها زيادة*
انا اديتك قلبي ووقتي وقدرتك وكبرتك وشيلتك علي دماغي واخرتها ادتني بالنص وقعتني علي جدور رقاااابتي حب اااايه اللي جاي بتتكلم فيه انت تعرف اااايه عن الحب اصلاااا انت المفروض متجيبش سيرته علي لسااانك
قعدت علي السرير وبدأت تنهج وتمسك الجرح من وجعها
شريف : يارب تكوني ارتاحتي دلوقتي لما طلعتي الطاقة اللي جواكي
عموماً انا مش هعتب عليكي في اي حاجة دلوقتي عشان الموقف اللي انتي فيه
زهرة بتجري علي باب الاوضة بتحاول تفتحها مبتعرفش عشان المفتاح معاه
زهرة : افتح الباب ده خليني اغور من هنا
شريف : بالبساطة دي ؟؟
ده انا بقالي قرن بخطط لليوم ده يابنتي 😹😹
زهرة : بلاش تجيبه لنفسك
بدر لو لقاني هيمسكك يكسرك 500 حتة عشان خطفت مراته فـ احسننننلك تفتح الباب ده وتسيبني امشي
شريف : 😂😂😂😂😂 بتهدديني بـ بدر
عجبت لك يا زمن
المهم .. الباب مش هيتفتح يا زهرة وانتي هتنوريني شوية
لحد ماتقبلي بطلباتي
زهرة : طلباتك اللي هي ايه ؟؟؟؟
شريف : هترفعي قضية طلاق علي بدر وتطلقي منه .. وتديني كلمة إننا هنكمل مع بعض وهنتجوز
وساعتها هسيبك تروحي بيتك عادي وهستنى تنفذي كلمتك
زهرة : تبقى لسة متعرفنيش كويس ياشريف ، و مدام مش هتخرجني يبقى اطلع برا مش عايزة اشوف وشك
شريف : وقت ما توافقي وتكوني جاهزة نفسياً تيجي معايا نروح نرفع القضية علي طول عرفيني
خرج وقفل الباب عليها من برا .. زهرة قعدت في الأرض وحطت ايديها علي دماغها
🔥🔥🔥🔥🔥🔥🔥🔥🔥🔥🔥🔥🔥🔥🔥
فريد بيتصل بـ بدر
بدر : أيوة يا فريد .. عمي عامل ايه
فريد : الحمدلله دلوقتي احسن ، وصلت لحاجة يا بدر ؟
بدر : موصلتش يا فريد .. موصلتش لأي حاجة ومخي هيشت
فريد : انا هروح اعمل محضر باختفاءها يمكن يلاقوها
بدر : روحت وقالولي لازم يعدي ٢٤ ساعة علي اختفاءها الاول
فريد : اه صح .. خلاص انا هنزل أقلب عليها الدنيا لحد مالاقيها
بدر بينه وبين نفسه : ريح نفسك يافريد انت مش هتلاقيها في الشارع عشان هي اتخطفت
**بيكتم الكلام جواه ويقرر ميقولوش عشان ميغلطش ويقول قدام أبوه ويتعب زيادة**
بدر : ماشي يافريد انزل دور ولو وصلت لأي حاجة عرفني
🔥🔥🔥🔥🔥🔥🔥🔥🔥🔥🔥🔥🔥🔥🔥
** في بيت ام بدر **
ناهد خارجة من الحمام .. هند مشغلة التليفزيون وقاعدة قدامه
ناهد باستغراب : انتي يابت معندكيش دم ؟؟؟
هند : الله !! ليه طيب
ناهد : مرات اخوكي مختفية يا عالم فين وانتي قعدالي قدام الزف$ت ده ولا على بالك
هند : اعمل ايه يعني ياماما أنزل أدور عليها معاهم !!!
ناهد بتضرب كف علي كف : اموت واعرف ازاي بطني شالتك انتي وبدر مع بعض .. ده انتي جبلة يا شيخة
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
**في شقة بدر اللي فوق شقة امه **
بدر بيفتح بالمفتاح وبيدخل الشقة .. بيتفرج علي الفرش اللي امه فرشاه .. بيقف قصاد صورة زهرة اللي محطوطة علي البوفيه .. بيمسكها في ايده وبيقعد في الأرض
بدر بعد تأمل في ملامحها : ازاي حصل ده يازهرة؟
ازاي وعدتك بيني وبين نفسي اني احميكي ومقدرتش احميكي وانتي جنبي ؟؟ ازاي كنت غبي اوي للدرجة دي ..
حقك عليا يا زهرة .. حقك عليا يااطهر حاجة حصلت في العيلة دي كلها .. تماسكي يازهرة وخليكي قوية انتي قد اي حاجة .. ولو كان مكانك فين انا هلاقيكي وهرجعك بيتك ومش هييجي عليكي ليلة تانية وانتي مع الحيو$ان ده .. اجمدي يازهرة ربنا جنبك وسايب ملايكة حواليكي بتحميكي
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
وهنا بدر بعت رسالة ذهنية لـ زهرة عن طريق الطاقة من غير ما يحس ولا يخطط لـ ده
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
زهرة نايمة ع الأرض رايحة في النوم ودموعها نازلة .. فجأة بتفتح عينيها .. بتقوم تقعد وبتمسح دموعها وبتحس بـ راحة وطمأنينة فظيعة وكأن عندها شبه يقين إن بدر جاي في الطريق عشان ياخدها
💛💛💛💛💛💛💛💛💛💛💛💛💛💛💛💛
🔥🔥 الساعة 12 🔥🔥
*في بيت ابو زهرة*
*تحديداً في الجنينة اللي تحت البيت*
مها واقفة حاطة الفون علي ودنها بتتصل بحد
مها : اظن كدا عداني العيب وازح ✋🏻
شريف : لحد دلوقتي آه .. الله ينور
مها : خليك معترف ان من غيري مكنتش هتعرف توصلها ولا تعمل اي حاجة أصلا
شريف : بس انا مستغرب الحقيقة
يعني انا غريب وليا مصلحة وهدف ف بعمل كل ده
إنما انتي بقا حوار إنك اختها ده مش واكل معاكي بجنيه ؟ 😂
مها : لا ده موضوع يطول شرحه .. وبعدين هو انا لو كان قلبي عليها كان زماني ساعدتك ووصلتك للي انت فيه دلوقتي ؟؟
مها : لا المرة دي بالذات انا مش عايزة حقي فلوس
انا عايزاك تديني حقي بإنك تطلقها منه بأسرع ما يمكن
لو مكانتش اختي كنت طنشت ، بس للأسف الشرع بيحكم اني مش هعرف اتجوز بدر طول ما هي على زمته 😒
شريف : كله هيحصل متقلقيش .. أهم حاجة انك تمسكي نفسك ومتجيبيش سيرتي في اي حاجة عشان محدش يشك ويحاول يوصلي قبل ما تطلق منه
مها : متقلقش محدش هيعرف حاجة ، بس لو غدرت ياشريف ولا عملت حركة كدا او كدا مش محتاجة اوصيك ، انا معايا تسجيلات ليك وانا محامية شاطرة الحمدلله واقدر ازاي استغلها واوديك في ستين داهية لو قليت معايا
شريف : اعتبره تهديد يعني
مها : لا اعتبره إتفاق بما إنها مصالح مشتركة .. اللي أوله شرط اخره نور .. هستني مكالمتك
سلام
بتقفل السكة وبتتلفت عشان تطلع البيت …
لقت بدر في وشها 💥💥💥
مها بتشهق وبتحط ايديها علي بوقها
بدر بابتسامه : مفاجأة صح ☺️
مها بترجع لورا بخوف : بدر استني هفهمك
بدر بيمسكها من شعرها وبيحط ايده التانية علي بوقها : بهدووووء ومن غير صوت هتيجي معايا وتقوليلي مكان أختك فين احسن ما اطلع الغضب اللي فيا فيكي واعمل منك شرايح كرسبي دلوقتي
- يتبع الفصل التالي اضغط على ( رواية تزوجت اختها ) اسم الرواية
تعليقات
إرسال تعليق