رواية وحوش الأرض الفصل السابع 7 - بقلم منة ضياء

   رواية وحوش الأرض كاملة   بقلم منة ضياء  عبر مدونة كوكب الروايات

رواية وحوش الأرض الفصل السابع 7

 

تاني يوم

قام ياسين ف ميعاده عبشان ينزل الشركه.. ياسمين قامت و كانت وعد لسه نايمه لانها نايمه متاخر اصلا ياسمين قامت اخدت شاور و نزلت الكل اتجمع..

ياسين قعد وسعاد جهزت الفطار و قهوة ياسين..

جاسر قعد : صباح الخير

الكل : صباح النور..

هالة : هي وعد لسه مقامتش؟!

ياسمين : لا اصلا هي لسه نايمه الوقتي.. انا قومت اصلي الفجر و هي كانت قعدة بتعيط قولتلها تقوم تصلي معايا و بعدها نامت..

هالة بحزن : ربنا يهدي الحال.. و بصت لياسين مش هتقول اي اللي حصل و البت بتعيط كده ليه؟!! و هي كانت فين اصلا ولا مشيت من هنا ليه؟ طب اصلا لقيتها فين و قابلتها ازاي.. واتكلمت بتفكير اوعى تكون جبتها غصب عنها انا عرفاك مجنون..

ياسين ساب الاكل من ايده : ممكن تهدي ي امي.. انا هقول كل حاجه.. امبارح وانا ف الشركة و كنت اصلا راجع لقيتها واقفه بتعيط و..(قال كل حاجه بالتفصيل)

جاسر : ازاي ف شخص كده عايش بكامل حريته ده لازم يتعد.م مش يتسجن بس.. احنا مينعفش نسكت البت حياتها اتدمرت بسببه و اكيد هي مش الوحيده اللي اتدمرت بسبب الكل.ب ده..

ياسين : طبعا ي بابا مش هنسكت.. انا اصلا مكنتش هسكت و لما هي اجت طلبت مني المساعده كمان يبقا مستحيل اسكت.. بس لازم اتصرف بعقل علشان منخسرش ف الاخر.. مينفعش نعرضها للخطر بسبب تسرعنا و بما انها معانا هنا فهي ف امان..

جاسر : معاك حق و اكيد لكل ظالم نهاية..

هالة: البت دي شافت كتير.. وبصت لجاسر : انا مستحيل اتخلى عنها تاني ابدا.. هي بقت بنتي خلاص زيها زي ياسمين.. مش هخليها تمشي حتى لو عمها ده راح ف داهيه.. انا مش هسيبها غير و هي ف ايد جوزها..

جاسر : مينفعش اصلا نسيبها الظاهر انها ملهاش حد بعد ربنا و ان ده اللي اجبرها تلجا لباب بعدت عنه قبل كده بارادتها..

ياسمين قامت وقفت انا هطلع اصحيها تفطر معانا بدل ما تقوم تفطر لوحدها و تحس بالوحده و الغربه..

هالة : ماشي والله فكرة حلوه ولو عايزه ترجع تنام عادي هي مفيش وراها حاجه اصلا..

ياسين : بس صعب انها تقوم ملحقتش تنام..

هالة : ي بني باين عليها انها ماكلتش حاجه من وقت طويل تاكل بس و بعدين ترجع تنام..

ياسين هز راسه بتفهم و سكت..

ياسمين طلعت بسرعه علشان تصحي وعد..

وعد كان نايمه بعمق كبير جدا..

ياسمين قعدة جنبها واتكلمت بهدوء: وعد قومي يلا ي وعد..

وعد قامت بسرعه و فكرت ان شاهي هي اللي بتصحيها علشان تنزل الشركه..

وعد قامت بصت حواليها بخوف ولما شافت ياسمين اطمنت..

ياسمين : صباح الخير.. يلا ي وعد الكل مستنيكِ علشان تفطري معانا.

وعد : احم.. صباح النور، بس انا مش عايزه انزل بصي انزلي انتي وانا هفضل هنا بجد مش قادرة انزل..

ياسمين باصرار : انا مش هنزل غير وانتي معايا ي وعد.. وانا جعانه هتقعديني من غير اكل يبقا خافي ع دراعك.. اهو بقولك خافي مني..

وعد : بس..

ياسمين رفعت رجليها ع السرير : وادي قعدة اهي و مش هاكل و هدعي عليكِ…

وعد ابتسمت : خلاص استني اخد شاور واظبط نفسي كده و هنزل معاكِ..

ياسمين : اشطا..

وعد قامت دخلت الحمام و ياسمين قعدة ع الفون تضيع وقت لحد ما وعد تخلص..

وعد خرجت : يلا..

ياسمين : اشطا يلا.. و نزلوا هما الاتنين…

________

بقلمي/منة ضياء..

عصام خرج من الفيلا وراح ع المخزن علشان يشوف وعد و يخليها تروح الشركه..

عصام نزل من العربية والحرس اول ما شافوا عصام اتشهدوا ع روحهم..

الحرس واقفين ع الباب و خايفين ان عصام يدخل و ميلقيش وعد جوه.. هما نفسهم مستغربين انها قدرة تهرب من الشباك..

عصام : هو ف اي؟! مش شايفين اني عايز ادخل.

واحد اتحرك بخوف و فتح الباب: اتفضل ي باشا.

عصام دخل و عينيه بتلف المكان ع وعد و مش شايفها و شاف الكرسي تحت الشباك بالظبط و بكده هو فهم هما كانوا وقفين ومش بيتحركوا ليه..

عصام اتكلم بصوت من نار هز المكان اختفت راحت فين يعني؟

واحد من الجارد : والله ياباشا ما نعرف هي مشيت راحت فين و امتى حتى روحنا ندور عليها ف الاماكن القريبه من هنا بس مش موجوده..

عصام : ازاي يعني هربت وانتم موجودين؟!

الكل واقف ومش عارفين يقولوا اي حاجه.. اي حرف مش ف مكانه بحياتهم..

اتجرا واحد تاني و اتكلم : احنا ممكن ندور عليها ونجيبها زي المره اللي قبلها.. هي اكيد هتكون ف الشارع هي ملهاش حد تروح عنده..

عصام : يبقا لسه بتعملوا اي هنا ي اغبيه..

ف ثانية الكل اتحرك..

________

عند وعد..

وعد نزلت و كانت محرجه جدا..

اتكلمت باحراج : صباح الخير..

الكل : صباح الفل والياسمين..

ياسمين قعدة و اخدت وعد جنبها..

الكل بيفطر و محدش اتكلم ف حاجه بخصوص وعد..

ياسين شرب القهوة وقام وقف : انا هنزل الشركه انتم عايزين حاجه..

وعد : احم.. هو انا ممكن اقول حاجه.

ياسين : اتفضلي.

وعد : طبعا انت عارف اني كنت بشتغل ف شركة ايهاب و كده.. بس كنت بشتغل لصالح عصام الوقتي الوضع يختلف انا عايزه اشتغل بس علشان ابقا مسئوله عن نفسي.. بس مش هينفع اشتغل عند ايهاب تاني.. فممكن انزل الشركه معاك..

جاسر : كلام اي ده ي بنتي.. لا مفيش شغل انتي هتقعدي هنا واللي انتي عايزاه هيجيلك لحد عندك..

وعد : معلش ي عمو صدقني كده هكون مرتاحه اكتر مينفعش حضرتك تكون مسئول عني ف كل حاجه.. صدقني مش هقدر اقعد هنا بالطريقه دي.. بس انا ممكن اشتغل و اقعد هنا لحد ما اخلص من الفتره دي..

هالة تفهمت موقفها..

ياسين : عايزه تنزلي من امتى؟!

وعد : الوقتي.. انا اهو مستعده..

ياسين بص ف الساعه : اممم.. طب يلا..

وعد و ياسين مشيوا وركبت جنبه ف العربية

قطع طريق وعد وياسين عربية سودة كبيرة..

ونزل منها 3 رجالة طول و عرض وعضلات وشكل رهيب..

وعد اول ما شافتهم لطمت ع وشها برعب : خلاص يا ياسين هنموت..

ياسين نزلها تحت الكرسي هو اه مش هيقدر يخبيها لانهم كده كده شافوها بس ع الاقل هيحميها..

ياسين ف مكانه زي ما هو ومش عارف يعمل اي ووعد قعدة تحت الكرسي وماسكه ف ايد ياسين برعب..

ياسين يتفكير : ابعدي ايدك بسرعه عني ي وعد..

وعد شالت ايدها.. وياسين ف لحظه دور العربية و ساق بسرعة رهيبه.. واحد من الجارد ضرب رصا.صه ف الفردتين اللي ورا.. العربية متحركتش خطوة تانية.. وكانت ع وشك انها تتقلب..

ياسين بص وراه وشاف ان المسافة طويله نوعا ما.. مسك ايد وعد وطلعوا يجروا وبداو يتنقلوا من مكان لمكان بس الجارد كان اسرع منهم وقدروا يوصلوا للمكان اللي هما فيه بس موصلوش ليهم بالظبط..

الجارد كانوا بيدوروا عليهم ومتاكدين انهم ف المنطقه دي.. ياسين ووعد كانوا واقفين ف مكان كله مليان رُخام كتير مرصوص..

ياسين واقف ورا رصة رخام كبيرة و ماسك وعد جامد علشان متتحركش وتوقع الرخام عليهم ويمو.توا ماهو لو وقع مش هيبقا ف مفر يهربوا هيقع عليهم ع طول..

واحد من الجارد : ايـــــــه؟!!! الارض انشقت وبلعتهم ازاي اختفوا كده؟!! ازاي..

رد عليه واحد تاني : والله مانا عارف بس اكيد هما حاولوا يضلونا ودخلوا شارع تاني..

وڪل واحد راح من مكان يدوروا عليهم..

ياسين اول ما شافهم بعدوا سحب وعد بالراحة وبعدوا بعيد ووعد كانت بتتنفس بسرعه من الخوف الجارد اول ما سمعوا صوت وقعت الرُخام جريوا بسرعه ع المڪان بس ملقوش حد..

وبداو يدوروا ف الاماڪن القريبه..

وعد وياسين لما شافوا انهم قربوا لمڪانهم استخبوا ورا عربية نقل ڪبيرة ومڪانش ف اي حاجه يستخبوا وراها او فيها غير دي..

ياسين طلع فونة وبلغ عنهم وڪان بيطمن وعد ان كل حاجه هتنتهي..

واحد من الجارد قرب من العربية بس من الجهه التانيه..

وعد واقفه بتترعش من الخوف وياسين ضمها ف حضنه جامد وخايف عليها ولعن نفسه للحظه انه خلاها تخرج من الفيلا..

وعد مڪلبشه فيه من الرعب..

والجارد لف الجهه التانيه ولمحهم وعمل اشارة للاتنين التانين معناها انهم موجودين..

وقربوا بسرعة وواحد كتف ياسين من ايده وحطها ورا ضهره.. وواحد تاني بيحاول يطلع وعد من حضن ياسين اللي متبته فيه ومش راضيه تسيبه..

ياسين بعصابيه : شيـــــــل ايدڪ من عليهااا..

اجي التالت وضرب ياسين بوكس..

وعد صرخة و بتحاول تمسك ف ياسين اكتر بس الجارد اقوى منها وشدها غصب عنها من ياسين..

ياسين لما شافها بعدت عنه وهو ماسكها مكتفها.. فقد اعصابه و ف حركه سريعه ضرب الجارد اللي قدامه برجله ف بطنه وقع ع الارض وكان بيتالم جامد..

ياسين مش قادر يتغلب ع اللي مكتف دراعاته ورا ضهره و حاسس بالعجز وهو شايف وعد بتعيط وبتصرخ و هو راح بيها اتجاه العربية علشان يرجعها سجن عصام😢..

الجارد طلع فونه بسرعة وهو ماسك وعد..

عصام : ايوه ي زفت عملتوا اي..

الجارد : اطمن يا باشا كله ف الحفظ والصون.. وقفل

عصام فرح جدا…

ياسين : وعد.. متركبيش معاه يا وعد.. قاومي ي وعد علشان خاطري..

وعد بتعيط ومش عارفه تفلت منهم..

ياسين رجع بضهره جامد مره واحده والجارد اللي وراه اتخبط ف العربية النقل وتقريبا كان ضهره اتكسر.. ياسين حاول يقرر الخبطه علشان الجارد يفقد قوته و هو يقدر يفلت من ايده..

وفعلا قرر الحركه تاني بسرعة وهو لسه بيتالم بدل ما يسترد قوته تاني و فعلا قدر يفلت من ايده واللي كان مرمي ع الارض مسك رجل ياسين علشان مش يمشي لكن ياسين كانت عينه ع وعد اللي بتحاول تقاوم ومتطلعش العربية بس للاسف قدر عليها وزقها جوا العربية و ركبها..

وياسين زقه برجله تاني وضربه بوكس ف وشه سريع.. وكان الجارد التاني فقد الوعي او ممكن يكون مات الضربة مكنتش سهله..

….

كان قاعد و مستنيهم بقارغ الصبر لكن كانت الصدمه 🙄

 

• يتبع الفصل التالي اضغط على (  رواية وحوش الأرض ) اسم الرواية