رواية وحوش الأرض الفصل السادس 6 - بقلم منة ضياء

   رواية وحوش الأرض كاملة   بقلم منة ضياء  عبر مدونة كوكب الروايات

رواية وحوش الأرض الفصل السادس 6

 

بسم الله..

وعد كانت مصدومه لما سمعت اسم ياسين..

وعد بلعت ريقها : احم.. يعني افهم ان ف عداوة بينكم..

ايهاب : مش بالظبط.. هو كل الموضوع تنافس.. هو اتخلى عن الشراكه اللي بينا وانا لازم اسبقه وابقا فوق..اممم تنافس ف الشغل عادي..

وعد : اهااا.. يعني مش هتاذيه.

ايهاب ضحك ع تفكيرها : لا طبعا مش هاذيه.. مفيش اي دافع يخليني اعمل كده.. ومنساش اننا ف يوم كنا صحاب.. وحتى الشغل مش هياثر ع علاقتنا ببعض يعني برا الشغل هو صاحبي عادي جداا..

وعد ارتاحت و هزت راسها بتفهم : تمام.. انا المطلوب مني اعمل اي بقا.

ايهاب : المطلوب تفتحي عينك كويس وتركزي ف كل حاجه بتحصل.. والفتره الجاية هيكون ف ساعات شغل زياده..

وعد : اوكي.

ايهاب : يلا روحي شوفي شغلك ومش عايز المحك سرحانه تاني..

وعد هزت راسها وخرجت.

شركة العربي و المهدي بقا بينهم تنافس كبير جدا و كل واحد عايز يفوز ع التاني..

وبعد مرور كام يوم..

وعد رجعت من الشركه و كانت تعبانه من الشغل طول اليوم.. دخلت وشافت عصام كالعادة قاعد و مستنيها علشان يعرف اي اللي حصل ولو ف معلومات جديده..

دخلت وعد و نفخت بزهق..

عصام : اخلصي قولي اللي عندك انا مش فضيلك..

وعد : ولا حاجه.. ده لسه بيشتغل ف الاول..

عصام اتكلم بعصبيه : اااه يا نادر الكلب.. يبقا انت تغرقني ف شبر مايه..

وعد هزت راسها بزهق : امممم.. كل تعبك ده ع مفيش.. وقامت و طلعت اوضتها.

عصام اتعصب و طلع بسرعة اخد الس.لاح بتاعه و اتصل ع نادر و قاله يروحله ع المكان اللي بيتجمعوا فيه..

عصام ركب العربية وساق بسرعه و مستناش الجارد..

الجارد طلعوا وراه بعربيه تانيه.. عصام نزل و دخل و كان نادر واقف مستنيه..

عصام بصوت عالي : غلطت لما قولتلي ع طريق يضيع وقتي..

نادر شاف ملامح عصام اللي ما تبشرش بالخير خالص.. اتكلم بخوف : ا.. انا ليه بس.. ان. انا عملت اي..

عصام رفع المسدس ف وش نادر : مش عصام اللي يعتمد ع واحد زيك.. ومش انت اللي تضيعلي وقتي وتاخر شغلي.. فا انت لازم تدفع التمن.. وقبل ما نادر ينطق كلمة كانت روح نادر راحت للي خلقها 🙂

عصام : خدوا الكلب ده من وشي..

واحد من الحرس : اوامرك ي باشا..

عصام خرج ولكن اتفاجا بوجود وعد..

عصام : انتي اي اللي جابك هنا ومن امتى وانتي بتخرجي من غير ما اعرف..

وعد بلعت ريقها و مش قادرة تفوق من الصدمه.. ازاي حد يقدر يق.تل بالسهوله دي. ازاي؟!

عصام مسكها من شعرها : اجيتي ازاي ي بت.

وعد صرخت بوجع : اااااااااااه.

عصام بشر : بقولك اجيتي ازاي..

وعد : اجيت ف شنطة العربية اللي اجى فيها الجارد..

عصام بتوعد : و انتي مفكره ان خروجك من الفيلا ده عادي؟!! لا ده انتي هتتعقبي..

وعد بدموع الخوف : والله مكنتش اقصد بس فضولي هو اللي جابني لحد هنا بس والله مكنتش اقصد..

عصام ضر.بها بالقلم ع وشها وهي وقعت ع الارض.. ورجع مسكها من شعرها..

خليكِ فكره انك مش هتكوني اغلى عندي من اخويا..

وضحك بشر : زي ما قتل.ت اخويا و مراته بسهولة ممكن اقتل.ك..

وعد من الصدمه مكنتش قادرة تغمض عيونها حتى..

وعد اتكلمت بصوت مش واضح من الصدمه : انت اللي قتل.ت ماما و بابا و حرمتني منهم.. ان.. انت اللي خلتني ادوق طعم اليتم.. واتكلمت بانهيار : انت اللي خلتني وحيده.. انت اللي خلتني كرهه العيشه واللي فيها.. طب كل ده ليه؟!! هاااااا رد عليا ليييه؟!

عصام ضحك بشر : ههههههههههه… بجد انتي غبية اوي.. هههه يعني كل ده و مفهمتيش؟ مفهمتيش اني قتلتهم علشان الفيلا و الفلوس هههه.. وعلشانك انت كمان ايوه علشان اخدك تعملي اللي انا عايزه من غير اعتراض.. بس شكلك ي قطه بداتي تخربشي.

وعد مسكت عصام من قميصه وبدات تضرب فيه وبتصرخ بانهيار و عصام بيضحك وصوت ضحكته بيعلى اكتر مع صوت صريخها لحد ما اغمى عليها..

عصام وقف ضحك واتكلم بملامح جامده : خدوها جوا وياريت متغبش عن عينيكم و محدش يفوقها هي تفوق من نفسها.. وسابهم و مشى.

_______

بقلمي /منة ضياء..

بعد مرور حوالي ساعه..

وعد فاقت و كانت لوحدها قعده ع كرسي و مش مربوطه ولا حاجه.. قامت و بصت حواليها شافت الجارد متجمعين مع بعض و بيتكلموا مع بعض..

وعد استغلت الوضع و حاولت تهرب بس هما واقفين ع البوابه هتخرج ازاي اكيد هياخدوا بالهم منها..

وعد حاولت تتماسك و راحت عند الشباك و كانت بتبص حواليها بخوف.. وكان الشباك عالي جدا ومش عارفه تعمل اي..

هي ممكن تجيب الكرسي اللي كانت قعده عليه بس لو حد لمحها مش هيرحمها.. دموعها نزلت وحست فعلا انها ضعيفه بس حاولت وراحت تجيب الكرسي و لسه هترفعه واحد من الحرس التفت ليها هي بسرعه عملت نفسها لسه مفقتش..

الحارس رجع تاني و بداو ياكلوا و الكلام اخدهم..

وعد شالت الكرسي بحذر كبير و خوف اكبر وراحت عند الشباك فتحته و شافت ان المسافه كبيره نوعا ما بس ممكن تنطها عادي..

وعد شجعت نفسها : يلا ي وعد بسرعه مفيش وقت لخوفك.. بسرعه ي وعد.. واخدت نفس طويل و نطت.. و قعت ع دراعها بس مصرختش علشان متتكشفش وطلعت تجري و هي بتتالم من دراعها..

وعد قعدة تجري لحد ما بعدت خالص عن المخزن اخدت نفس وقعدة ع جنب تعيط : ازااااي اخ يقت.ل اخوه.

وبعدها وقفت وجابت ورقة من جيبها و كان مكتوب فيها عنوان شركة ياسين وافتكرت..

فلاش باااك..

وعد كانت قعدة ف المكتب مع ايهاب و هو بيتكلم معاها ف الشغل..

ايهاب : انتي ممكن تدخلي الشركه وتجبيلي كل المعلومات و هتاخدي ضعف الاجر بتاعك و حط قدامها كارت بعنوان الشركه و رقم الفون بتاع ياسين.

وعد رفعت حاجبها : جاسو.سه يعني؟!! امممم بعتذر مقدرش وقامت علشان تخرج.

ايهاب بلهفه: لا لا مقصدش كده.. كنت اقصد انك تساعديني..

وعد هزت راسها : اسفه..

ايهاب : خلاص خلاص.. تعالي نكمل شغل وانسي..

وعد قعدة و كملت شغل و لما خلصت اخدت شنطتها و فونها و الكارت بتاع عنوان شركة و فون ياسين و خرجت..

بااااك..

وعد مسكت الكارت و ابتسمت بامل و ركبت تاكسي و راحت ع الشركه..

_____

بقلمي/منة ضياء

وعد وصلت الشركة وطول الطريق مكانتش مبطله عياط و مش عارفه هي اصلا راحه لياسين ليه؟ ولا هتقوله اي بس هي متعرفش حد غيره نزلت من التاكسي

و حمدت ربنا انها كان معاها فلوس ف جيبها..

راحت ع الشركة و كان اغلبية الموظفين مشيوا.. كانت الشركة هادية جدا. وعد ماشيه بخوف وشافت ياسين جاي من اول الممر وبيقرب ليها.. ياسين ماشي و معتز جنبه و بيتكلموا مع بعض و مندمجين و وعد واقفه مكانها بتعيط و حطه ايديها ع وشها..

ياسين شافها و قلبه دق بقوة و مصدقش و قرب منها بسرعه..

وعد شالت ايديها من ع وشها..

ياسين : وعد؟!! بتعملي اي هنا.. واي اللي عمل فيكِ كده..

وعد مسحت دموعها: انا اجيت بنفسي وبقولك ممكن تساعدني؟!

ياسين باستغراب : اساعدك ف اي.. و متتهربيش من سؤالي بقولك مين اللي عمل فيكِ كده.. وعد عيطت و هو اخدها ع مكتبه.. وهو بدا يطمنها و يهديها وهي بدات تحكي ليه كل حاجه..

ياسين اتعصب لما عرف ان عصام هو اللي قت.ل امها وابوها.. واقسم انه مش هيسيبه ف حاله..

ياسين : خلاص ي وعد بلاش عياط.. العياط لا هيقدم و لا ياخر وانا هاخدك معايا وياريت مترجعيش تهربي تاني..

وعد هزت راسها بالموافقه و مسحت دموعها بس هي مش قادرة تسيطر عليها.. راحت وعد الفيلا عند هالة..

ياسين دخل و كان ماسك وعد من ايدها..

ياسين : السلام عليكم..

هالة و جاسر و ياسمين : و عليكم السلام..

هالة انتبهت ع وجود وعد و شهقت بدهشه و فرحه : وعد؟! انت رجعتي تاني.. و ملامحها رجعت كشرت : وعد انتي اي اللي عمل فيكِ كده..

ياسين : مش وقته ي ماما.. اهم حاجه ان هي كويسه.. و كمان هي محتاجه ترتاح..

ياسمين جريت حضنتها : ياااه ي وعد متعرفيش انا زعلت انك سبتيني لوحدي ازاي.. بس خلاص هتنامي معايا تاني..

وعد شدة ع حضن ياسمين باحتياج..

جاسر : حمدلله ع السلامه ي بنتي.. انتي شكلك ميتحملش الكلام ف اطلعي ارتاحي و بكرا ربنا يحلها..

ياسين النوم غلبه و نام.. لكن وعد مقدرتش تبطل عياط طول الليل و مش حاسه بالامان ولا الراحه اللي بتتمناها.

تاني يوم..

..

اتكلم بصوت من نار هز المكان: اختفت راحت فين؟

 

• يتبع الفصل التالي اضغط على (  رواية وحوش الأرض ) اسم الرواية