رواية وحوش الأرض الفصل الثالث 3 - بقلم منة ضياء

   رواية وحوش الأرض كاملة   بقلم منة ضياء  عبر مدونة كوكب الروايات

رواية وحوش الأرض الفصل الثالث 3

 

وحوش الارض..

بسم الله..

كان ياسين ماسك دراع وعد بعصبيه..

وعد مسحت دموعها بايديها التانيه واتكلمت بجمود : وانت مالك.. هو انت كل ما تشوف خلقتي تمسكني كده..

قربت هالة وبعدت ياسين عن وعد : ياسين انت اتجننت.. انت ازاي تمسك بنت كده.

ياسين مسح ع وشه وحاول يهدى : يعني اي واحد يخلي بنت تتزفت تعمل اللي بتقوله ده؟! لا وكمان هربت وقعدة ع البحر لوحدها؟!!! انتِ بكامل قواكي العلقيه..

وعد : وانتَ مالك ها؟ مالك.. ملكش دعوه ياخي انا كنت تعبانه وانت تُشكر مسبتنيش لوحدي.. بس خلاص بقيت كويسه ومن حقي اعيش حره واقعد ف المكان اللي يناسبني.. ولولا ان الدنيا مش مظبطه ومش هعرف امشي مكنتش هتشوف وشي هنا تاني..

ياسين بحده : وانا بقولك مفيش خروج من بوابة الفيلا غير لما اعرف مين عمك ده وياخد جزاءه ع اللي عمله سواء.. كان قتل او خطف او اذيتك..

وعد : والله ده شئ ميخصكش..

ياسين : مش بمزاجك انا قولت مفيش خروج اي هتهربي تاني؟!!

وعد : اهرب؟!! لا كده مش بهرب انا كده بخرج من الغابة اللي بتحبس فيها لتاني مره.. و لو سمحت متدخلش ف حياتي و اول ما امشي من هنا معتش هتشوف وشي ولا كانك شوفتني.

ياسين حاول يهدى علشان ميتهورش وسابهم وخرج..

وعد راحت ع الاوضه اللي بتنام فيها وهي اوضة ياسمين.. وعد جريت ع هناك و قعدة ع الارض تعيط..

ياسمين كانت راحه وراها لكن هالة منعتها : سبيها تاخد راحتها شوية..

ياسمين بتفهم : حاضر يا مامي..

________

عصام رمى شاهي ع الارض تحت رجليه..

والجارد واقفين وهيموتوا من الرعب..

وجه عصام سؤاله تاني : اظن سؤالي واضح.. قولت وعد فين؟!!

واحد من الجارد : والله يا باشا ما نعرف هي راحت فين هي فاجاة اختفت ولما ملقنهاش قولنا اكيد خرجت بامر ..

عصام حس ان كل حاجه بتضيع منه.. شغله كله كان مبني ع البت دي..

عصام : قدامكم فرصه لمدة 24 ساعة بس تكون وعد قدامي.. لو جث.ه انا عايزها..

اتكلم واحد من الجارد : بس الجو ميسمحش وقبل ما يكمل كلامه كانت رصا صه اخترقت قلبه من سلا. ح عصام ووقع ع الارض وما. ت..

عصام : شيلوا الكلب ده من هنا.. و بعدها تجبولي وعد تحت رجلي هنا..

بقلمي /منة ضياء..

كانت شاهي قعدة ع الارض عصام داس ع ايديها ونزل لمستواها ومسكها من شعرها و راسها رجعت لورا وهي صرخت من الوجع..

وهو اتكلم بشر : اتمنى ان وعد ترجع.. اصل لو مرجعتش انتِ كمان هتسافري فوووووق لمكان اللي بيروحه ما بيرجعش.. اكيد عرفتي فين..

وسابه وراح قعد ع الكرسي وولع سيجار ومتعصب ع اخره.. وشاهي قعدة ف الارض بتعيط وخايفه ان دي تكون نهايتها…

____

راحت هالة عند ياسين…

هالة : انا عارفه انه مينفعش تمشي لان لو وقعت ف ايد عمها ده هتبقا نهايتها هي.. واكيد شره مش هينتهي..

ياسين بخنقه :ده مجر م ولازم يتكشف..حتى لو مش علشانها علشان كل الضحايا اللي ماتوا واللي اتخطفوا بدون ذنب..

هالة بحيرة : بس ملكش حق انك تمنعها انها تخرج..

ياسين : انا عندي الحل..

هالة : هتتصرف ازاي..

ياسين : هعمل اي يعني.. مضطر اتجوزها..

هالة : انتَ بتقول اي.. انتي متعرفش حاجه عن حياتها ممكن تكون مخطوبة او بتحب.. انتي مينفعش تلخبط ليها حياتها..

ياسين : لفتره.. هي مجرد فترة ولو قالت عايزه تطلق مش هعترض واطلقها وترجع حره.. بس وهي ف امان.. والناس كلها ف امان.. انتي متعرفيش كام ام هتموت وهي مش عارفه ابنها ولا بنتها ما. توا ازاي ولا اختفوا فين.. حياة الناس مش لعبة..

هالة ساكته ومش عارفه تقول اي..

بقلمي /منة ضياء..

ياسين نزل جري وراح يشوف وعد اللي كانت بتفكر ف طريقه تهرب بيها..

ياسين : معاكِ بطاقة شخصيه او اي حاجه تثبت شخصيتك ي عروسة..

وعد بصتله بصدمه و عدم فهم : عروسه؟!!

ياسين : اممم… ويلا بسرعة علشان نتجوز علشان انا مستعجل بجد..

وعد : انتَ مجنون.. هو انا كنت ناقصه هم فوق همي ياربي..

ياسين : اه مجنون..

وعد : ياسين انت بتفكر ف اي.. هو علشان اجيت معاك هنا تفكر اني سهله؟! بس انا عايزه افكرك انك انت اللي جبتني هنا وانا مش ف واعيي!! والظروف هي اللي حكمت عليا ابقا هنا.. غير كده مستحيل اني كنت اجي معاك..

ياسين : مفيش حل تاني.. هتتجوزيني لفترة صغيرة ومتفكريش اني هتجوزك علشان جمال عيونك مثلا لا.. هو كل الحوار اني عايز اوصل لعمك وانتي مينفعش تخرجي من هنا..

وعد بعدت بخوف : بس انا مش موافقه.. انا لو عمي شافني مش هيسبني غير ع القبر.. ارجوك ابعد بعيد خالص متحملنيش همك..

ياسين : لو مش هتوافقي يبقا تقعدي هنا.. ف الحالتين مفيش خروج

ف الوقت ده دخلوا هالة وجاسر وكانت هالة قالت لجاسر كل حاجه..

جاسر : والله ي بنتي ياسين معاه حق.. ع الاقل هتبقا قعدتك ف البيت ليها معني.. هتبقي مراته..

وعد : بس مش هينفع..

كلهم : ليه؟!!

وعد : لان انا عارفه ان عمي هيوصلي ف اي وقت.. ومينفعش حد يتاذي معايا..

ياسين : انتي خايفه ان احنا نتاذى؟ ومش خايفه ع كم الضحايا اللي عمك هيكون السبب ف موت. هم.. ولا مش مكفي اللي ما. توا قبل كده..

وعد بعياط : مش موافقه ومستحيل اوافق.. انا لازم امشي من هنا..

هالة بحزن : انتي هتقعدي هنا معايا و انتي زيك زي ياسمين و ع الاقل لما الجو يهدي من حواليكِ نشوفلك شقة تعيشي فيها و تشتغلي و تستقري ف حياتك.. لكن الوقتي الجو مش مناسب انك تخرجي.. و بصت لياسين : انت متقدرش تتحكم ف حياة غيرك هي قالت مش موافقه ع الجواز وقالت انها مش عايزه تبقا هنا يبقا نحترم رغبتها و نتصرف بس ف الوقت المناسب..

ياسين : بس انا مش بتحكم ف حياتها..

هالة : خلاص الكلام اتقفل..

ياسين سابهم وراح ع اوضته بضيق..

هالة : ارتاحي ي حبيبتي وان شاء الله خير..

وعد ابتسمت و هزت راسها : حاضر..

الكل خرج حتي ياسمين

_________

بعد وقت طويل كان الكل نايم والساعه حوالي 2 بعد منتصف الليل..

وعد قامت من جنب ياسمين اللي غرقانه ف النوم.. وراحت فتحت الشباك فتحة بسيطه و شافت ان الجو بقا احسن والمطرة وقفت بس الجو برد..

وعد قفلت الشباك ومش عارفه تعمل اي ف حياتها اللي بقيت مقلوبه 180 درجه من ساعة وفاة امها وابوها.. وعد فضلت راحه جايه ف الاوضه وبعد تفكير راحت لبست جاكت واخدت شنطتها و نزلت ع السلم جري من غير ما حد يشوفها و خرجت بره الفيلا..

اخدت نفس طويل وخرجته بخوف وقلق و دعت ربنا انه يكون معاها…

كانت ماشية ومش عارفه هي راحه فين ولا هي فين اصلا.. فضلت ماشية لحد ما تعبت و قعدة ع الرصيف ع جنب و كانت خايفه الجو ليل والكلاب معديه من جنبها.. وهي شايفه انها اتصرفت صح وان مفيش حد هيتاذى بسببها الوقتي.

وبعد حوالي ساعة كانت قعدة وحاسه انها هتنام بس مش هينفع.. وقامت تمشي احسن ما تنام و لمحت العربية بتاعت الجارد.

اتكلمت بخضه : هي دي عربية الجارد.. ايوه هي انا عرفاها كنت بركب فيها.. انا كده روحت ف داهيه و دخلت ف شارع مفيش فيه نور و قعدة تمشي وكانت هتقع كذا مره و قلبها هيوقف من الخوف.. وراحت قعدة ف شارع صغير بين البيوت وهي خايفه الجارد يقدر يوصلها..

اتكلمت بحزن ع نفسها : اتكتب عليكِ الهروب يا وعد 😔..

__________

تاني يوم قامت ياسمين من النوم وكانت مفكرة ان وعد قامت قبلها و نزلت..

ياسمين قامت اخدت شاور و نزلت وكانت امها قعدة ع السفرة هي وياسين و جاسر وسعاد بتحط الفطار..

ياسمين : صباح الخير.. وسحبت الكرسي وقعدة..

هالة : صباح الفل..

ياسين : صباح الخير..

جاسر : صباح النور.. اي النشاط ده قومتي من نفسك من غير ما حد يصحيكِ.. ولا وعد هي اللي قومتك..

ابتسمت ياسمين : لا انا قومت من نفسي وعد مصحتنيش.. ع فكرة ي بابي انا دايما نشيطه بس الجامد مش بيحب يتكلم عن جمدانه..

ياسين : اوباا دي اتغرت ف نفسها.. ي بت انتي ليه محسساني انك قايمه الفجر.. دي الساعه 10 يعني صحيتي ف معادك العادي بس من غير فضيحه 🙄..

هالة بضحكه : يسعد صباحكم ي ولاد.. والله انا مكنتش قادرة اقعد اصحي فيكِ يا ياسمين قولت افطر واجي اصحيكِ اهو يكون ف عندي طاقه..

الكل ضحك..

كملت هالة كلامه بتساؤل : الا هي وعد فين.. هي لسه مصحيتش ولا اي؟

ياسمين باستغراب : اي ده هي منزلتش قبلي.. انا قومت ملقتهاش ف الاوضه فكرتها صحيت قبلي..

ياسين ساب الاكل من ايده و اتكلم بانتباه : يعني اي؟ معقول تكون هربت..

هالة قامت وقفت : ممكن تكون بره ف الجنينه زي ما انت شايف الجو احسن من الاول ممكن تكون خرجت..

ياسين راح يشوفها و الكل راح وراه بس مكنش ليها اثر..

ياسين هز راسه بضيق: بردو عملت اللي ف دماغها.. بس لو حد حصله حاجه بعد كده بسبب عمها فهي السبب الرئيسي لانها كانت ممكن تساعدنا فاننا نوصله ونخلص من شره.

جاسر : عمر الظلم ما بينتصر ع الشر.. فاكيد هيجي اليوم اللي عمها ده هيخسر كل حاجه فيه..

ياسين : ان شاء الله.. وكمل كلامه : انا هروح الشركه الوقتي لان بقالنا 3 ايام مروحناش الشركه وفات كل حاجه ملغبطه والفترة الجاية هتكون كلها ضغط شغل..

جاسر بتفهم : تمام.. وانا هاجي اتمم ع كل حاجه اخر اليوم..

_______

بقلمي /منة ضياء♡

وعد كانت ماشية او بالمعنى الاصح تايهه و مش عارفه تروح فين وللحظه جابت اللوم ع نفسها انها هربت من عند ياسين وبعدين رجعت بتفكيرها ان كده مفيش حد هيتاذي بسببها..

فضلت ماشية وحست بالجوع والعطش و وقفت فاجاة وقلبها دق بخوف.

 

• يتبع الفصل التالي اضغط على (  رواية وحوش الأرض ) اسم الرواية