رواية وحوش الأرض الفصل الاول 1 - بقلم منة ضياء

  رواية وحوش الأرض كاملة   بقلم منة ضياء  عبر مدونة كوكب الروايات

رواية وحوش الأرض الفصل الاول 1

 

كانت قعدة وعيونها ع البحر و الجو هوا شديد جدا والدنيا ليل و الكل بيجري ع بيته قبل ما تمطر..

كانت قعدة سرحانه والهوا من شدته بيحرك الصخور اللي حواليها و الهوا بيضرب فيها بقوة وهي ف عالم تاني..

شافها شاب وجرى عليها..

يا انسه.. يا انسه قومي من هنا الجو برد اوي وهتمطر..

وعد متحركتش من مكانها ولسه عيونها ع البحر..

الشاب اتكلم بقلق من منظرها المتخشب : يا انسه انتي سمعاني؟!

بصت وعد ف عيونه : افندم..

ياسين : انتي مش شايفه الجو عامل ازاي ولسه بيكمل كلامه لمح صخره اتحركت من مكانها و هتقع عليها وهي قعدة.. راح بسرعه قبل ما تدحرج مسكها وحطها بعيد.. والجو قلب هوا اكتر من الاول وكل حاجه بتقع من مكانها..

ياسين بصوت عالي : بقولك قومي من مكانك..

وعد قعدة ف مكانها متحركتش..

المكان كله بقا فاضي وهو مش عارف يمشي ويسيبها ولا ياخدها يوصلها لحد البيت ولا يخليها تمشي وهي ترجع بيتها..

وبعد تفكير راح مسكها من دراعها قومها.. مستنيه اي لو صخره من دي وقعت عليكي مش هتعيشي بعدها..

وعد بهدوء: وانت يهمك ف اي.. وبعدين انت مين علشان تمسك دراعي كده..

ياسين : لا ما هو احنا مش هنتعرف هنا.. ولسه بيشدها من دراعها علشان تمشي..

وعد زقت ايده بقوه : ابعد عني..

ياسين مسح ع وشه : انتي حره خليكي انا همشي صحيح انا شاغل بالي بواحده مش هممها حياتها اصلا ليه.. ولف ضهره ليها وراح ع عربيته ولسه هيركب الدنيا مطرت جامد وبرق و رعد واصبحت عاصفه.. ياسين ركب و حيران يتحرك ويروح ع بيته ولا يروح يجيب البت العنيده دي بدل ما تموت من البرد..

واخر ما زهق من التفكير.. قفل الجاكت وحط الكاب ع شعره و نزل جري وهو بيقاوم الهوا والمطر ولقاها قعدة مكانها ضمه نفسها من شدة البرد..

ياسين : يا انسه مينفعش اللي انتي بتعمليه ده هتتعبي..

وراح وقف قدامها : الجو صعب اوي و الظاهر انها عاصفه وانتي لازم تمشي من هنا..

وعد اتكلمت بصعوبه وبتترعش وسنانها بتخبط ف بعضها من كتر البرد : لا م.. مش همشي.

ياسين : تمام ولسه هيبعد عنها قعدة ع الارض بتترعش و شبة بتغيب عن وعيها..

ياسين بعصبيه : الله يخربيتك انتي هموتي ولا اي.. كل ده علشان عنيده.. بص حواليه ملقاش اي حد مفيش حل غير انه يشيلها.. قرب شالها.. وهي مكانتش قادرة حتى تعترض وغمضت عينيها وكانها لقت جزء من الامان وراحه من الخوف اللي محاوطها دايما..

ياسين و هو ماشي زق حاجه برجله لفتت انتباهه بص عليها لقاها شنطة نزل بجسمه وهو شايلها جاب الشنطه وراح بسرعه ع العربيه نايمها ع الكرسي اللي ورا وحط الشنطة بتاعتها جنبها.. ساق بسرعه وطلع ع الفيلا لان الطريق صعب والمسافة طويله علشان يوصل للمستشفى…

وصل ونزل من العربيه ونده بصوت عالي : رررررعد….

رعد : ايوه يا باشا..

ياسين حدف لرعد مفتاح العربيه باستعجال : اركن العربية دي يا رعد..

رعد : اوامرك يا باشا..

ياسين شال وعد وكانت بتتنفس بصعوبه..

_______

جوا الفيلا..

كانت قعدة هالة والدة ياسين بتشرب قهوة واول ما شافت ياسين قامت بخضه..

هالة : ياسين؟! مين دي يا ياسين؟؟

ياسين : هي سعاد فين تيجي تساعدني معلش وهفهمكم كل حاجه..

هالة : سعاد.. يا سعاااد..

خرجت سعاد من المطبخ جري : ايوه ي ست هانم..

وشهقت وضربت ع صدرها بخضه : يا حوستي مين دي..

ياسين : مش وقت خضه.. تعالي بسرعه معايا فوق ساعديني نفوقها..

سعاد: حاضر.. حاضر.. استر يارب..

ياسين طلع نايمها ع السرير وشد عليها الغطا.. وقرب منها ولقى حرارتها عالية جداا..

طلعت هالة ووقفت عند الباب وهتموت وتفهم ف اي ومين دي..

ياسين : سعاد هاتي مايه فيها تلج علشان حرارتها عالية وهنعملها كمادات.

بقلمي/ منة ضياء..

سعاد : حاضر و نزلت جري جابت المايه وطلعت..

اخدها منها ياسين.. وبدا يعملها كمادات..

سعاد : روح انت غير هدومك علشان هتتعب انت كمان وانا ههتم بيها..

ياسين قام : تمام..

راح ياسين اوضته اخد شاور ع السريع وطول الوقت بيفكر اي اللي خلاه يورط نفسه مع بنت ميعرفش هي مين اصلا..

خبطت هالة ودخلت..

هالة : ممكن افهم مين دي..

ياسين مسك ايديها : ايوه طبعا يا امي.. بصي انا نفسي معرفهاش بس اللي حصل(وقالها اللي حصل بالظبط)

هالة : طب اي اللي يخليها قعدة لوحدها بالليل كده فين اهلها..

ياسين : والله يا امي مانا عارف بس صعبت عليا اسيبها وامشي ف الجو ده..

هالة بحزن : لا اتصرفت صح ي حبيبي.. تعالى نشوفها..

ياسين يلا..

_____________

ف مكان تاني خالص وكانه عالم تاني مختلف تماما عن عالمنا.. عالم كله ظلم و تملك و شر.. عالم القتل فيه مباح وسهل جدا..

كان قاعد عصام بيشرب سيجار وكان واقف قدامه 3 رجال وكانوا بيتكلموا مع عصام.. وكان واقف وراه مجموعه من الرجال طول بعرض غير اللي واقفين ع الباب وكان المكان كله محاوط بالبودي جارد.. وكان المنظر مرعب بمعنى الكلمه الكل معاه سلاح ومستعد لاستخدامه ف اي لحظه..

اتكلم واحد من التلاته اللي كانوا واقفين قدام عصام..

: كده شحنة آلَمِــمِـنــ.ـــٌوُعــآثً اتهر بت و كله تمام..

عصام نفخ دخان السيجار و رماها ع الارض وواحد من الرجاله داس عليها..

بقلمي/منة ضياء..

عصام : تمام.. يعني الوقتي الشحنه بتاعت الاجهزة الكهربائيه اتبدلت بشحنة آلَمِــمِـنـ.ـٌوُعـآثً يعني لو اتكشفت الشركة بتاعت الاجهزة هي اللي هتلبس الليلة..

واحد تاني من الرجالة : بالظبط كده يا باشا.. والاجهزة الكهربائية ف المخزن و اول ما الدنيا تهدى كده وكل حاجه تبقا امان.. هنصدر الاجهزة دي بمبلغ مش بطال و المبلغ هيتحول ع حسابك ع طول..

عصام : تعجبني ي جلال وانتي ماشي صح بس لو لعبت بديلك… ف اللحظه دي الكل رفع آلًَسًــ.ـــلَآحً اتجاه جلال..

جلال بخوف : لا يا باشا صدقني انا خدامك..

وقف عصام و اتكلم و هو ماشي : تمام مشوفش وشكم غير ع العمليه الجديده..

_____________

ف الفيلا عند ياسين..

ياسين و هالة دخلوا علشان يطمنوا ع وعد..

هالة : هالة لسه مقامتش..

سعاد : والله ي ست هالة البت باين عليها غلبانه اوي.. قامت قعدت تصرخ وتقول سبوني مش هاجي معاكوا.. ومش هعامل اللي انتم عايزينه باين.. ايوه ايوه قالت كده..

قرب ياسين عليها : وانتي اي حكايتك انتي كمان..

هالة قربت وحطت ايدها ع وشها وشافت ان حرارتها عالية لسه : الظاهر انها اخدت دور برد شديد الجو ميسمحش ان حد يخرج خالص..

قرب ياسين من الشباك : معاكِ حق الدنيا بتمطر بشدة وبرق و رعد.. طب والحل؟ هنسيبها كده..

هالة هي بس لو تفوق كده و تدخل تاخد شاور بمايه بارده الحرارة اللي ف جسمها هتنزل وهتبقا احسن..

ياسين : بس الجو برد اوي..

هالة : عارفه بس الوقتي مفيش دكاترة و جسمها حرارته عالية جدا و ده مش كويس و ممكن لا قدر الله يحصلها حاجه.. بص روح انتي نام وانا وسعاد هنتصرف وان شاء الله ع بكرا يكون الجو بقا احسن ع الاقل هتعرف تاخدهاعند الدكتور..

ياسين بقلة حيلة : حاضر يا امي.. وسابهم وراح ع اوضته..

هالة راحت قعدة جنب وعد وضمة راسها لحضنه وبدات تفوقها..

وعد بتحرك راسها بتعب : ااااه..

هالة : انتي كويسه ي حبيبتي..

وعد بتعب : لا.. انا تعبانه اوي.

هالة طبطبت ع ضهرها بحنية : معلش ي حبيبتي انا اعرف اي اللي قعدك ف البرد ده بس..

طلعت وعد من حضن هالة بخضه : ان.. انتِ مين انتي اكيد معاهم صح.. واتكلمت بصوت عالي بس كان هادي نوعا ما لانها تعبانه : انا مستحيل اسمع كلامكم انا هبعد بعيد و شالت الغطا من عليها وبتحاول تنزل من ع السرير و كانت هتقع : ا.. انا لازم ابعد عنكم.. انتم مش بشر انتم وحوش..

سعاد جريت عليها مسكتها : اهدي ي ضنايا متعمليش ف نفسك كده انتي تعبانه.. ومين دول يختي اللي احنا معاهم..

قربت عليها هالة واخدتها ع الحمام واتكلمت بهدوء : بصي انا معرفش انتي مين.. واكيد انت كمان بس انتي تعبانه وانا لازم اساعدك واحافظ عليكي لحد ما تطلعي من هنا ع بيت اهلك تاني..

هالة بتغسل لوعد وشها وايديها بماية بارده جداا.. ووعد عينيها بتروح يمين وشمال ومش حاسه ببرودة المايه نهائي..

اخدتها هالة من ايدها وكانت وعد زي اللعبه ف ايديها.. قعدتها ع السرير وبدات تنشف ليها ايديها ووشها..

هالة : سعاد انزلي اعملي نعناع سخن..

سعاد : عيوني ي ست هانم..

نزلت سعاد..

هالة قعدة جنبها : الا قوليلي اسمك اي..

وعد مكنتش بترد هي سرحانه ومستغربه ان ف ايد بتطبطب عليها بحنيه.. ازاي؟!! يااااه احساس حقيقي كنت مفتقداه.. احساس كله دفى واحتواء شعور بيملي الفراغ اللي جوايا.. بس ده حقيقه ولا وهم ولا فخ هقع فيه؟!!!

وعد بصت للكوبايه وعنيها تايهه ما بين الكوبايه و هالة..

هالة : يلا اشربيها و هي سخنه صدقيني هتبقي احسن لحد بكرا باذن الله الجو هيبقا احسن ناخدك عند دكتور نطمن عليكِ..

وعد اخدت الكوبايه وقالت : وعد..

هالة ضمت حواجبها باستغراب : وعد؟!! حاضر ي ستي اوعدك ان لو الجو بقا افضل هناخدك للدكتور..

وعد حست براحة شويه وابتسمت بتعب : لا انا اسمي وعد..

ضحكت هالة وضربت ع جبهتها : اووه.. فكرتك عايزاني اوعدك ههههه.. اسمك جميل ي وعد..

وعد : شكرا..

وعد شربت النعناع ونامت وفضلت هالة نايمه جنبها طول الليل..

يتبع..

_________

تاني يوم..

ياسين : هربانه؟! يعني اي هربانه ومن مين..

وعد :…

 

• يتبع الفصل التالي اضغط على (  رواية وحوش الأرض ) اسم الرواية