رواية لقاءنا المستحيل كاملة بقلم صفاء حسني عبر مدونة كوكب الروايات
رواية لقاءنا المستحيل الفصل الثاني 2
لقاءنا المستحيل
الكاتبة صفاء حسني الطيب
ابتسمت سجى :
اول مرة نروح مصيف ركبنا الاتوبيس
بعد ربع ساعة ظهر البحر 😆
مصيف راس البر:
هتكلم عن محافظة دمياط و مصيف راس البر، دمياط بلد جميلة كلها هادية وممكن تتلف في ساعه زمن وأهل دمياط يتميزون بالطيبة والكرم
راس البر تتبع محافظة دمياط. بين دمياط وراس البر حوالي ١٥دقيقة.. راس البر منطقه سياحية جميلة جدا وبلد كبيرة جدا. وكانت قبل كده تحتوي على عشش ووجهة مصيف مهمة جدا للنخبة والنجوم زي أم كلثوم، وبعد كده تم تغيير اسم العشش إلى فنادق.. والفنادق في رأس البر تناسب جميع الطبقات.
بالنسبة للحياة في راس البر مَش غالية وأسعارها عادية جدا و كبلد تتميز بالهدوء..
فيه منطقة مش حقدر انساها ويطلق عليها اسم منطقه اللسان، وده مكان للمشي يوجد بهذه المنطقة أجمل ما تشوف عينك، يوجد من الناحية اليمنى ماء عذب ومن الناحية اليسرى ماء مالح.
فِي منطقه اللسان تنتهي رحلة أطول أنهار العالم، حيث ينتهي نهر النيل في مدينة رأس البر بعد مروره بالعديد من الدول، وفي نهاية نهر النيل بمنطقة اللسان يلتقي البحر المتوسط مع نهر النيل.الشوارع الهامة
شارع بورسعيد وهو شارع كبير وفيه ممشى وشارع النيل
منطقه الجربي
توجد على خط النيل ويوجد عليها منطقة مرسى المراكب ويوجد بهذه المنطقة أسطول من المراكب.وفيها مراكب للنزهه البحرية الفرد بـ ١٠جنيه ههههه بس بابا خاف نركب فيها بتلف في البحر ورقص وغناء وكل شيء ويوجد بمنطقة الجربي مدينة الملاهي وسينما.
رأس البر مدينة جميلة جدا وهدوء،
الدكتورة كانت في عمارة كبيره في منطقة الجربي فيها عديد من اشهر و اكفئ الاطباء كان موعدنا عند الدكتورة الساعة 7 واحنا وصلنا الساعة 3 ماما اقترحت نروح على البحر ونلفي المكان كنت مركزه علي كل حاجة عشان قاريه كثير عنها
بابا تعب من الماشي هو وماما عشان طريق اللسان طويل جدا هههه لو حد عايز يخس يمشي عليه
قال بابا :
انا هروح اجيب اكل وعصير واستنونى هنا واشوف هحجز ننام هنا
فرح ياسر :
بجد يا بابا شكراً جدا ونفسى أدخل السينما
رد بابا وقال حاضر
وقال ل ماما :
انا منكرش انى فرحان اكتر من الأولاد قلت في نفسي يوم في العمر افرح اولادي
ردت ماما :
ربنا يكرمك يارب ويوسع رزقك ويخليك ليهم
ابتسم الاب :
ويخليكى ليا وليهم يا ام ياسر خلي بالك منهم لحد ما ارجع
ردت ماما :
حاضر
أخذنا بابا على شاطئ شعبي وقعدنا على الكراسى وياسر نزل البحر رغم تحذير بابا وكنت هتجنن وانزل بس بدأ قاموس الممنوعات
استأذنت من ماما امشي شويه بس علي البحر
وده اول مرة اتعاكس فيها
ظهر شاب قدامي طويل عيونه عسلي قمحي شويه جسمه جميل فضل ماشى ورايا جايه اقعد اقعد جانبي وفضل يتكلم ويعرف عن نفسه
انا اسمي جاسر من القاهره اول مرة بصراحة اجي هنا هههه جاي مع شلة مقاطيع اصحابي بس بجد اشكرهم اني شفت الجمال ده كله
انا فضلت اسمع كلامه من غير ما انطق بس حفظت اسمه وشكله هو علي ما اظن اكبر مني ب 8 سنين بس شكلي وقتها يعطي انطباع انسه عندها 15 سنه مش 10 سنين وفضل يتكلم ويعاكس وقال
الجميل من هنا والا مصيف طيب مكسوف ليه بس للنبي تبسم
يعني انتي خرصة طيب عندك كام سنه
طيب انا اخمن 15 صح انا بقي 18 ايه الى جاب المقطيع دول هنا هاوزعهم وارجع يا قمر
:اول ما مشي ضحكت دمه خفيف بشكل وهو يسأل ويرد على نفسه وهو لف
التفت جاسر وشافنى بضحك :
الله ضحكتك حلوة كلك علي بعضك حلوه
فى الوقت ده انتبهت على صوت ماما بتنادي يا سجى تعالي هنا متبعديش يا بنتي لتوهي
لاقيت جاسر ضحك وقال
الله اسمك سجي اجمل وارق اسم وشكل نفسي ربنا يجمعنا بصدفة تانيه ومشي
انا حمدت ربنا ان بابا وماما مش شفوني بس كان اجمل احساس اول مرة اتعاكس وفهمت معني كلمه عروسه وفهمت خوف ماما وبابا عليا
رجع بابا بعد ما رجعت ل ماما بعشر دقائق
وطلب التربيزة :
هاتي التربيزه دى وفرد الاكل
اخوى ياسر فرح :
الله دي كفته يا بابا وفراخ مشوية
ابتسم بابا :
اه يا حبيبي تعالي يا سجي لازم تاكلى كويس وتتغذى عشان متتعبيش تاني
حضنت بابا وفرحت جدا اول مرة احس بحنان بابا كدة
هو بابا وجدوى من اصلي صعيدى، ويبقى ابن خال ماما والا عرفته ان
الصعيد فيها رجاله جدعان اوي، بس مش بيعرفو يعبروا عن حبهم فاكرين كلمة الحب تطمع البنت او الزوجة فيه بس الصراحة معظمهم مخلصين
بدأنا الاكل وروحنا علي العيادة
كانت العيادة الدكتورة
رشا البيومي دكتورة نساء وتوليد ومستشارة في حقوق المرأة ومعها دبلومة في العلاقات الزوجية عمري ما حقدر انسى اسمها كل ده مش كنت فاهمة منه حاجة
العيادة شقة كبير في الدور الثاني دخلنا قعدنا في الانتظار جاءت السكرتيره بنت جامده اوي
لبسه جيبة ضيقة سوده وقميص ابيض فوقها مفتوح زرار منه بصيت عليه لقيت ههه انتم عرفين بقي هو في كدة طيب انا مش عندي ليه زيها أخذت الفلوس من بابا وادتنا ورقة وقالت انتم بعد اللي جاي
رجع جاسر ملهش
انا كنت هتجننى بدور عليها وقلت ما بين نفسي
: هي راحت فين كانت موجودة هنا
سمعنى وليد وسالنى :
هي مين يالا اوعى تكون شفت عروسة البحر
ابتسم جاسر :
هي فعلا عروسة البحر
ضحك وليد :.
ماشي يا عم الحبيب احنا حجزنا في فندق صغير هنا هنبات النهارده هنا
هز جاسر راسه:
اوك
وهو بيبحث بعيونه عليها
سال وائل :
هو ماله ده كأن حد ساحر له
ضحك وليد :
والله ما عارف بس كان بيدور على واحدة
ساله وائل :
هي مين دي
ضحك وليد :
هو قال عروسة البحر
….
عند سجى قالت
سمعتهم بيندو على اسمى
الانسه سجي محمود السيد تتفضل ده دورها
قالت ماما :
محمود بينادو على اسم البت
رد بابا وقال محمود :
اه سمعت تعالي ندخل بس ياسر هنسيبه مع مين
سمعتهم السكرتيره واخدت ياسر وسالته :
انت اسمك ياسر الله اسم جميل تعالي علي حجري على ما بابا وماما يخلصو
انا وقتها ضحكت
البنت صدقتي كان قصدي تغيظ الشباب اللي موجود وطبعا سمعنا من الشباب تصفير يا بختك يا عم ياسر
شكره محمود :
شكر يا مدام هنخلص بسرعة وناخده
فجاءة شفوت ماما بضحك عشان بابا حرق دمها بس انا مش كنت فاهمه ليه بابا قال ليها مدام وهي انسة دخلنا علشان اشوف الكارثة الى دخل عليها جوا دي
رحبت د رشاء بينا :
اهلا وسهلا نورتي رأس البر يارب تكون عجبتكم
ابتسمت ماما:
اكيد جميلة زي ناسها الطيبين
ابتسمت د رشا :
ده من زوقك يا مدام بتشتكي من أيه
صدمها بابا :
هزت د رشا راسها :
ولا يهمك تعالي يا قمر إسمك ايه
رديت وقلت سجي محمود السيد
سالتنى د رشاء :
في سنه كام يا قمر
رديت عليها:
كنت في 5 ابتدائي السنة الا فاتت وطالعة ستة
انصدمت د رشا و بغضب
ممكن دقيقه لو سمحتوا جوا وانتي يا قمر إقرأ المجلة دى هتعجبك اوي
هزيت راسي واقعدة وقلت حاضر
دخلت د رشا وبعصبية
- يتبع الفصل التالي اضغط على ( رواية لقاءنا المستحيل ) اسم الرواية
تعليقات
إرسال تعليق