رواية البريئة والقاسي الفصل الخامس و العشرون 25 - بقلم اسماعيل موسى

       رواية البريئة والقاسي كاملة بقلم اسماعيل موسى عبر مدونة كوكب الروايات

 رواية البريئة والقاسي الفصل الخامس و العشرون 25

 

 إشتعال الفتيل

نظر معاذ الشمرى للرساله وقراء اسم المرسل، شاهنده، فى الحالات العاديه كان يرسل رجاله ليفعصها، يسحقها، يجعلها تتزلل له

فكر معاذ الشمرى وكظم غيظه

شاهنده الخبيثه بتلعب لعبه قذره، لو رد عليها يبقى خضع لتهديدها

ولو مردش ممكن تتجنن وتعمل حاجه لا يضمن عاقبتها

راح يفكر حتى استقر عقله اللئيم شاهنده مش هتقدر تعمل حاجه رقبتها بين ايديا

بس ياترى هى عرفت حاجه دى تبقى مصيبه كبيره

مسح الرساله ولم يرد عليها، كان يعرف ان المرأه لا تمتلك الصبر وستظل شاهنده تتصل به حتى يرد

فكر معاذ الشمرى هرد عليها لم ارضى عن نفسى واقتص لكبريائى

واصلت شاهنده الاتصال مرات كثيره

حتى فتح معاذ الشمرى الخط ودارت بينهم شتائم قذره أطلقها معاذ الشمرى على شاهنده بلا ذرة شك حتى انتهى غضبه

تركته شاهنده ينفجر، اهم حاجه انها تكلمه مش مهم كرامتها

اخيرا نطقت شاهنده

فهد كان ماسك عليك دليل مخليك مقيد مش قادر تتحرك، انا تخلصت من فهد، قتلته

تنهد معاذ الشمرى، هو مش عارف مين الى ماسك عليه دليل لكن فيه احتمال كبير يكون فهد فعلا

لكنه مش عايز يلين قدام شاهنده، عارف ان شاهنده لو فى ايدها الدليل هتساومه عليه

يعنى مفيش خطر من شاهنده نهائى

لو كان فهد هو الى ماسك عليه الدليل وفهد مات كل إلى عليه أن ينتظر شويه وقتها هيتضح لو كان فهد أو شخص تانى

فهد مين دا يا شاهنده إلى يمسك علي دليل، انتى كبرتى وخرفتى؟

كبرت يا معاذ؟ الله يرحم ايام زمان مكنتش تلاقى راحتك غير معايا

معاذ الشمرى بزعيق، اخلصى انا محدش ماسك عليه دليل لا فهد ولا غيره

بسرعه فهمت شاهنده ان الحبل اسحب من تحت ايدها خلاص

وان معاذ الشمرى جابها تحته بأقل سهوله

ابنى يا معاذ هيضيع، المصنع ضاع والفيلا ارجوك ساعدنى؟

سيببنى كام يوم يا شاهنده واعدك اخرج ابنك من السجن وارجعله كل حاجه

اسبوع مش اكتر

صمت معاذ الشمرى، اسبوع يتأكد من خلاله ان الدليل كان مع فهد وفهد مات

لحظتها هيرجع تانى بكل قوته ويسحق كل الجرزان والحشرات الى تطاولت عليه وافتكرت ان لحمه طرى

_____________

حست شاهنده ان معاذ الشمرى صادق المره ديه وانه منتظر يطمن ان فهد هو الى كان ماسك الدليل عليه بعدها هينفذ كل طلباتها

لكن هى كمان لازم تشتغل

مش هتفضل تحت رحمت حد مره تانيه، شاهنده قررت أن تسحق كل المقاومه

تمحى كل شخص على وجه الأرض بيحاول الوصول للحقيقه

قررت انها تقوم بهجمات استباقيه خارج قواعدها، لازم تنهى كل صله الماضى القذر إلى ظهر فجأه

اجتمعت بجعفر ورجالته، شرحت خطتها وطالبت بالتنفيذ فورا

________________

اخذ جعفر رجاله وتوجه ناحية ارض الجد ضرغام والعائله

أشعل الحرائق فى مزارع الفاكهه

حقول المحاصيل

شون التبن والغلال

حظائر البهائم، مخلاش اى حاجه خضره على الأرض

وسط الصخب والصراخ والناس إلى عماله تجرى تطفى النار وتحاول تنقذ اى حاجه متبقيه

تسلل جعفر ورجاله وقامو باختطاف الجد ضرغام وتقيده ونقله لبيت مهجور بعيد عن القريه والمدينه كلها

_______

تأكدت سادين ان حارسها الغامض كاذب، لم يأتى فى موعده كما اتفقت معه

كانت حزينه جدا لأن الشخص الوحيد إلى اهتم بيها طلع كداب

المرأه مش بتحب الكذب ولا الخيانه، وشعرت مره أخرى ان حياتها تتحطم

وقبل ان تتعافى من الصدمه بعد أن ظلت اسبوع تنتظر رسالة الاعتذار من حارسها الغامض

وصلها خبر اختفاء جدها ضرغام

ناس قالت الراجل متحملش الصدمه واتجنن وطلع هايم فى الدنيا

اخرين قالو قتل نفسه

لكن عمها كان متأكد ان والده إلى هو جدها اختطف

بحثت الشرطه فى كل مكان عن الجد ضرغام ولم يجدو له اى أثر

سادين بنفسها شاركت فى البحث عن جدها من غير فايده

بعتت رساله لحارسها الغامض تطلب المساعده لكنه لم يرد عليها

بعتت رساله تانيه وتالته من غير فايده وشاهنده كانت بتراقب من بعيد متمثله الحزن زيهم

الجد ضرغام تبخر

القصه بقلم اسماعيل موسى

_______________

بعد اسبوع رعد خرج من السجن، معاذ الشمرى تحرك بعد ما ايديه تحررت

بعد ما الرسايل التهديديه بطلت تتبعتله رجع تانى اكتر قوه، طعن فى صحة اجرأت المزاد استخدم اتصالاته الرسميه

لكن مقدرش يعيد المزاد مره تانيه، لكن معاذ الشمرى عنده حلول كتيره

مفيش حاجه تصعب عليه، المصنع رسى على سادين

إلى لولا الظروف علامته كانت هتكون محفوره على كل حته فيها

الظروف سمحت ليها بالهرب من تحت ايده من غير حتى ما يلحق يتكلم معاها

لكن الظروف اتغيرت وكل حاجه هتمشى زى ما هو عايز

الرجل عندما يشتهى أنثى يفعل اى شيء من أجل الوصول إليها

بعت لسادين انه عايز يقابلها ولما رفضت بعد رجالته لمكتبها

• يتبع الفصل التالي اضغط على ( رواية البريئة والقاسي ) اسم الرواية