رواية خفايا القدر الفصل الرابع و العشرون 24 - بقلم اسماء صلاح

        رواية خفايا القدر كاملة بقلم اسماء صلاح عبر مدونة كوكب الروايات

رواية خفايا القدر الفصل  الرابع و العشرون 24

 

توقفنا لما دخل الدكتور فؤاد عندي الدكتورة ملك في مكتبها وقال : علشان هتبقي المساعدة بتاعتي

ونظرة الدكتورة ملك له وقالت بدهشة : مين انا

الدكتور فؤاد قال :ايوه فيه مشكلة

الدكتورة ملك قالت باستغراب وفرحة : لا شكرا يادكتور

نظر الدكتور فؤاد لها وهز راسه وخرج وقفل الباب

ونظروا الكل لها بفرحة

الدكتورة رانيا قالت بإبتسامة عامرة على وجهها :مبروك ياملك الف مبروك

الدكتورة نهاد قالت بإبتسامة : مبروك ياملك الف مبروك

ووقفت الدكتورة اميرة وعلى وجهها علامات الدهشة بما حدث

الدكتورة رانيا قالت بإبتسامة : ايه يا اميرة مالك مش تجي تباركي لها

ونظرة الدكتورة اميرة للدكتورة رانيا وقالت بدهشة : ها اه مبروك يا ملك الف مبروك بعد اذنكم علشان ورايها شغل وخرجت وعلى وجهها علامات الدهشة

الدكتورة رانيا قالت باستغراب : مالك يا ملك انتي مش مبسوطة

الدكتورة ملك قالت باستغراب : ها طيب بعد اذنكم المكتب مكتبكم

الدكتورة رانيا قالت بإبتسامة : علي فين

الدكتورة ملك قالت : شوية وجاية وخرجت

الدكتورة نهاد قالت : هي مالها حد ما يبقش فرحان وهو هيبقي مساعد المدير المستشفى

الدكتورة رانيا قالت باستغراب : مش عارفة بس هي اكيد مبسوطة طيب انا همشي علشان عندي حالات

الدكتورة نهاد قالت : وانا كمان

وخرجوا من المكتب

وراحت الدكتورة ملك الي مكتب الدكتورفؤاد مدير المستشفى ووصلت وبتخبطت علي الباب

الدكتور فؤاد :اتفضل

ودخلت الدكتورة ملك

ونظر الدكتور فؤاد لها وقال : انا كنت متأكد انك هتجي اتفضلي يادكتورة

وقعدت الدكتورة ملك علي الكرسي

الدكتور فؤاد قال :قبل ما تقولي أي حاجة انا الأول عاوز اعرف ايه اللي حصل معاكي

الدكتورة ملك قالت : مافيش يا دكتور تعبت فجأة قبل ماادخل العمليات

الدكتور فؤاد قال باستغراب : طيب ليه ماقلتش للدكتور مجدي انك تعبانة

الدكتورة ملك قالت : بصراحة كنت خايفة انه يفكر إن رفضها اعمل معها العملية وانا لسة فترة التدريب وبعدين ده أستاذي يادكتور وانا المساعدة بتاعته

الدكتور فؤاد قال بغضب : بس دي حياة إنسان يادكتورة يعني مش لعبة انتي تعبانه ماكنش المفروض تدخلي غرفة العمليات صحيح الدكتور فؤاد غلط علشان ناقش اللي حصل بشكل ده بس يادكتورة انتي كمان غلطتي علشان عارفة انك تعبانة ومع ذلك أصرتي على دخول غرفة العمليات وعلشان كده انا هعطكي لفت نظر

الدكتورة ملك قالت باستغراب : طيب ممكن يكون انا غلطت فعلا إن دخلت العمليات وانا تعبانة بس اللي مش قدرها أفهمه إن حضرك تخلي دكتورة لسه مخلصتش تدربها تكون مساعدة مدير المستشفى وده منصب كبيرة

الدكتور فؤاد قال :بس انتي يادكتورة تستهلي هذا المنصب وبعدين انتي يادكتورة هتتدربي برده تحت إشرافي ولورفضها مافيش مشكلة

الدكتورة ملك قالت باستغراب : لا يا دكتور انا ليه إشراف إن ادرب تحت ايده حضرك بس انا خايفة اني أكون مش قد هذا المنصب

الدكتور فؤاد قال بإبتسامة : لا يا دكتورة إن شاء الله هتكون قده وبعدين انا واثق إنك هتبقي قده

وقامت الدكتورة ملك من علي الكرسي وقالت بإبتسامة : طيب يادكتور بعد اذنك ومشت وراحت عند الباب

الدكتور فؤاد قال :دكتورة ملك

ولفت الدكتورة ملك وشها

الدكتور فؤاد قال :انتي ما تعرفيش ليه الدكتور مجدي طلعك من غرفة العمليات

الدكتورة ملك قالت بإبتسامة خفيفة : أظن علشان لاحظ اني تعبانة

الدكتور فؤاد قال : يعني تفتكري إن هو ده السبب

الدكتورة ملك قالت بإبتسامة : اه امال هيكون السبب ايه

الدكتور فؤاد قال بإبتسامة : طيب اتفضلي انتي

وخرجت الدكتورة ملك من المكتب

الدكتور فؤاد قال لنفسه :طلع الدكتور مجدي معه حق انها متعرفشي هو ليه طردتها من غرفة العمليات

ودخلت الدكتورة اميرة مكتبها ورايحه جاية وعلي وشها علامات الدهشة وقالت لنفسها بعصبية : إزاي تكون مهملة وتبقي مساعدة مدير المستشفى ازاي يحصل كده ليه الدكتور فؤاد عمل كده ليه ده ظلم بدل مايطردها بسبب اللي عملته ويقوم يعينها المساعدة بتاعته ليه هي فيها ايه مميز اشمعنا هي ووقعت الكرسي برجلها دي واحدة مهملة ازاي هو يعينها المساعدة بتاعته وهي مش لسه في التدريب وبتبكي هي متستهلش منصب زي ده هي عملت ايه علشان تاخد منصب زي ده وانهارت المنصب ده من حقي انا وبس ومسحت دموعها مش هسبها تتهنا بمنصب زي ده وانا أقف اتفرج عليها يا انا يا هي في المستشفى

وخبطت الباب

الدكتورة اميرة قالت :اتفضل

دخلت الدكتورة رانيا قالت بإبتسامة : يلا جاهزة

الدكتورة اميرة قالت بإبتسامة خفيفة : علي ايه

ونظرة الدكتورة رانيا لها وقالت باستغراب : انتي نسيتي ولا ايه

الدكتورة اميرة قالت :نسيت ايه

الدكتورة رانيا قالت بإبتسامة : لا اهااا يا انتي فعلا مش فاكرة

الدكتورة اميرة قالت :ما تقولي يا رانيا وخلص

الدكتورة رانيا قالت بإبتسامة : العذومة اللى انتي عذمني عليها

الدكتورة اميرة قالت :انا قلت أني عذمكي النهاردة

الدكتورة رانيا قالت بإبتسامة : لا بس انا عاوزها النهاردة وهتقعد ايه ده ايه اللي وقع الكرسي ده كده

الدكتورة اميرة قالت :مافيش تلقيه وقع لواحده بس هيقوم المهم انتي عاوزها النهاردة ليه

وشالته وقعدت الدكتورة رانيا عليه وقالت بإبتسامة : علشان سببين الأول إني مبسوطة اوي علشان مشكلة ملك عدت علي خير واترقت كمان والتاني علشان بقلنا فترة مخرجناش مع بعض

الدكتورة اميرة قالت بإبتسامة : طيب ياستي عاوزها تروحي فين

الدكتورة رانيا قالت بإبتسامة : عاوزها انروح نتعشي الأول وبعد كده نلف شويه علي المحلات وبعدين نفسي اوي اروح الملاهي

وقامت الدكتورة اميرة من علي الكرسي وبتقلع البالطو وقالت بإبتسامة : حسة اني قعدة مع طفل مش دكتورة

الدكتورة رانيا قالت بإبتسامة : طيب ياريت نرجع صغار تاني

وأخذت الدكتورة اميرة شنطتها وقالت بضحك : طيب يلا يا طفلة

وقامت الدكتورة رانيا من علي الكرسي وقالت بضحك : طيب ياستي ايه رأيك لو أخذنها معنها ملك بالمرة

ونظرة الدكتورة اميرة لها وقالت بعصبية : ايه

الدكتورة رانيا قالت بإبتسامة : علشان نحتفل بيها بالمرة ايه رأيك بقي

بزمتك مش فكرة حلوة اما اروح اندهلها

الدكتورة اميرة قالت بعصبية : بس

وفتحت الدكتورة رانيا الباب وقالت بإبتسامة : مش هتاخر وقفلت الباب

الدكتورة اميرة قالت بعصبية وغضب لنفسها : كمان هتخرج معنها وهحتفل بترقيتها اهو ده اللي كان تقصني كمان وقعدت علي الكرسي ونظرة للأرض ايه ده علبة الجاتو ومدت ايدها وجبتها وحطتها أمامها علي المكتب كنت هنساكي ولو كان حد أكل منك كنت هروح في ستين دهية وقامت وجابت الشنطة وحطتها فيها

وفتحت رانيا الباب وقالت بإبتسامة : يلا يا اميرة

الدكتورة اميرةوقالت لنفسها : إظهار مرضتش تجي وخرجت من المكتب وعلي وجهها علامات الفرحة ومعها علبة الجاتو

وفجأة لقتها في وشها

الدكتورة رانيا قالت بإبتسامة : تعرفي يا اميرة ان ملك ماجنتش عاوزها تجي و اقنعتها بصعوبة أنها تجي ترفه عن نفسها شويه

الدكتورة اميرة قالت بإبتسامة خفيفة : ليه يا ملك رانيا معها حق

الدكتورة رانيا قالت بإبتسامة : شوفتي بقي اني معايا حق وبعدين علشان تنسي اللي حصل معاكي النهاردة و نحتفل بمنصبك الجديد ولا ايه يا اميرة

الدكتورة اميرة قالت بإبتسامة خفيفة : اه طبعا

ونظرة الدكتورة رانيا علي اللي في يده اميرة وقالت باستغراب : هو ايه اللى فى يدك ده يا اميرة

ونظرة الدكتورة اميرة علي ايدها وقالت بإرتباك : ها لا مافيش دي حاجات كانت ماما طلبها مني

الدكتورة رانيا قالت بإبتسامة : اه طيب

وخرجوا من المستشفى

الدكتورة اميرة قالت بإبتسامة خفيفة : انا هركب عربيتي وهبقي وراكم الدكتورة رانيا قالت بإبتسامة : طيب يا اميرة

وركبت الدكتورة اميرة عربيتها وقالت لنفسها بغضب : قال ايه هنحتفل بمنصبها الجديد كان لازمته ايه يعني تخرج معانا كله من رانيا وكمان انا اللي هحسب وكل ده ولازم اتظهر إن مبسوطة علشان منصب الدكتورة الجديد والا هيبان اني بحقد عليها اففففف

وركبت رانيا عربيتها ومعها ملك ومشت وتحركت اميرة وراها

ووقفوا أمام مطعم أكل :

الدكتورة رانيا قالت بإبتسامة : اما المطعم ده بيعمل سمك بس ايه طعمه تحفه

الدكتورة ملك قالت باستغراب : سمك بالليل

الدكتورة رانيا قالت بإبتسامة : وايه يعني بالليل انزلي انزلي

الدكتورة ملك قالت بإبتسامة : مجنونة ونزلت

ونزلت رانيا من العربية وشاورت للدكتورة اميرة ونظرة للمطعم وقالت لنفسها باستغراب : يا مطعم سمك ونزلت

ودخلوا المطعم

الدكتورة اميرة قالت باستغراب : هتكلي سمك بالليل

الدكتورة رانيا قالت بإبتسامة : وايه يعني فيها ايه وبعدين المطعم ده لسه فاتح جديد وبيقوله عليه سمكه لا يعله عليه تعالي تعالي نقعد

وقعدوا على ترابيزة وطلبت رانيا الطلب

وحط الجرسون الأكل ومشي

وذاقت الدكتورة ملك الأكل وقالت بإبتسامة : معاكي حق فعلا السمك طعمه تحفه

الدكتورة رانيا قالت بإبتسامة : مش قوتلك وانتي يا اميرة ايه رأيك

الدكتورة اميرة قالت : فعلا طعمه حلوه

وخلصوا أكل ومشوا

في بيت الدكتورة اميرة

والداتها قالت بقلق : يا اسامه اتصل باختك شوفها اتاخرت ليه

اسامه :انتي قلقة ليه زمانها جايه وبعدين هي لسه صغيرة يادكتورة

والداته قالت بنرفزه : يعني علشان بقت دكتورة ماقلقش عليها يابني انت مابتحسش بدل ماتقولي انزل اشوفها اتاخرت ليه

اسامه قال بإبتسامة : ودور عليها ليه هي تيهه يادكتورة ياماما

والداته قالت بنرفزه : انت رجل البيت انت يا انت جبلها اتصل باختك يازفت

أسامة قال بإبتسامة : زمانها جاية تلقيه فى حالة مستعجل في المستشفى وهي اللي اخرتها

وخبطت الباب

أسامة : اهي جات

ونظرة له والداته بغضب وراحت وفتحت الباب وقالت بخوف :ايه يا اميرة اتاخرتي ليه

ودخلت اميرة وقالت :مافيش ياماما أصل خرجت شويه مع رانيا

أسامة قال بصوت مرتفع : شوفتي ياستي انتي قلقنها عليها وقعدة تشتمني وهي بتتفسح بره

فمسكت اميرة المخدة وحدفتها في وشه وقالت بنرفزه : علشان ماتدخلش في اللي مالكش فيه تاني

والداته قالت بإبتسامة : احسن احضرلك العشا

اميرة قالت بإبتسامة خفيفة : لا ياماما انا تعشيت بره ودخل علي غرفتها ووالداتها وراها

أسامة قال بصوت مرتفع : اتعشتي ايه

اميرة من غرفتها قالت بصوت مرتفع : هجيلك

أسامة من بره قال بصوت مرتفع : طيب وعلي ايه اسكت احسن

اميرة من غرفتها وقالت بصوت مرتفع : ايوه كده اخدتي دواكي

والداتها قالت بإبتسامة : اه تصبحي على خير

أميرة قالت بإبتسامة : وانتي من اهله

وخرجت والداتها من الغرفة وقفلت اميرة الباب وفضلت رايحه جاي تفكر في اللي حصل النهاردة في المستشفى

ووصلت الدكتورة رانيا الدكتورة ملك علي بيتها ومشت ب

وطلعت الدكتورة ملك وخبطت علي الباب

وبتفتح والداتها الباب وقالت بصوت مرتفع : تاني يا ملك التأخير وفتحت

ودخلت ملك وقفلت الباب وقالت بإبتسامة : انا عارفة اني اتاخرت بس انا تعبانه اوي سبني انام وبكرة إن شاء الله وهحكلك على كل حاجة وبستها ومشت

ونظرة لها والداتها وقالت بإبتسامة : تصبحي علي خير

ملك قالت بصوت مرتفع : وانتي من اهله ودخلت علي غرفتها رمت شنطتها علي السرير ونمت بهدومها من قطر التعب

وفي الصباح:

في بيت الدكتورة ملك :

صحيت ملك من النوم ونظرت لنفسها في المرايا وقالت : ايه ده يا انا نمت بهدوم امبارح وخرجت من غرفتها

وطلع والداتها من المطبخ ونظرة لها وقالت باستغراب : ايه ده انتي مغيرتش هدومك امبارح

ملك قالت : ماتقدرتش اغيرهم فنمت بيهم ودخلت الحمام

وتليفونها رن

وسمعته والداتها وقالت بصوت مرتفع : يا ملك تليفونك بيرن

ملك وهي في الحمام قالت بصوت مرتفع : حاضر ياماما وخرجت

وراحت الي غرفتها ومسكت التليفون وفتحت الخط الووه

سعاد الممرضة : الووه صباح الخير يادكتورة

ملك قالت : صباح النور ياسعاد فيه حاجة

سعاد الممرضة :الدكتور فؤاد قالي ابلغ دكاترة قسم القلب إن فيه اجتماع الساعة عشرة

ملك قالت باستغراب : ليه فيه ايه

سعاد الممرضة قالت : معرفش يادكتورة

ملك قالت : طيب انا جاية مع السلامة وحطت التليفون من يدها على السرير وفتحت الدولاب

ونظرة لها والداتها من بره وراحت لها وقالت باستغراب : في ايه يا ملك

ملك وهي بتطلع هدومها وقالت : معرفش ياماما بس لازم اروح المستشفى دلوقتي

والداتها قالت : مش هتفطري

ملك قالت : مش هلحق

والداتها : طيب وخرجت من الغرفة

وطلعت ملك من الغرفة وراحت عند الباب بتلبس الكوتشي وخلصت وفتحت الباب وقالت بإبتسامة : سلام ياماما

والداتها قالت بإبتسامة : مع السلامة وقفلت الباب

ونزلت ملك مسرعة من البيت ووقفت تاكسي وركبت ومشي

ونزلت اميرة من البيت وبتفكر بما حدث امبارح في المستشفى وركبت عربيتها ورايحه علي المستشفى

ووصلت ملك علي المستشفى وقالت للسواق : اتفضل الحساب ونزلت من العربية ودخلت المستشفى ومتوجه الي مكتب المدير ووصلت وخبطت علي الباب ودخلت وقفلت الباب وراها ونظرة لقيت دكاترة القسم موجودين ولم يحضر مدير المستشفى لسه وبينظر لها الدكتور مجدي فنظرة له وحطت وشها في الارض ودخل مدير المستشفى الدكتور فؤاد وقال لهم بإبتسامة : اتفضلوا اقعدوا

فقعدوا الدكاترة

وقعد الدكتور فؤاد علي الكرسي وقال : امبارح اتصل بيها شخصية مهمه والشخصية دي بنته هتعمل عملية خطيرة في القلب وهو اختار المستشفى بتاعتنها علشان يعمل العملية فيها علشان كده لازم نكون على قدة المسؤولية وانا بنفسي اللي هعمل العملية دي بس عاوز فريق معايا يكون على قدر المسؤولية

الدكتور مجدي : هي الحالة ايه بضبط

الدكتور فؤاد قال : التفاصيل كلها هتعرفوها قبل ماندخل العمليات ونعمل العملية بس الأول هختار الفريق اللي هيكون معايا في العملية

وطبعا حضرك يادكتور مجدي معايا في العملية

الدكتور مجدي : تمام يادكتور

الدكتور فؤاد قال:وانتي يادكتورة ملك

الدكتور مجدي قال بانفعال : بس يادكتور

وقطع الدكتورفؤاد كلامه وقال : بعدين يا دكتور وأول ما الحالة توصل عاوز من الدكتور سمير والدكتورة نهال يشرفوا علي حالتها ويبلغوني بها اول باول

الدكتور سمير والدكتورة نهال :تمام يا دكتور

وسمعت الدكتورة اميرة كلام الدكتور فؤاد وقالت بإبتسامة ماكرة لنفسها : هي دي فرصتي——-

• يتبع الفصل التالي اضغط على (  رواية خفايا القدر) اسم الرواية