رواية حرب العشق كاملة بقلم هالة احمد عبر مدونة كوكب الروايات
رواية حرب العشق الفصل التاسع عشر 19
حمزه بسخريه ونبره كلها كسره: اضربي انتي يا عشق عاوز امو*ت ع ايدك انتي
عشق ببرود: عادي خالص طالما دي امنيتك الاخيره
حمزه غمض عينو وكان بيفتكر كل حاجه معاها من اول ما شافها لغايه دلوقتي ووقتنا هذا وقال: يلا يا عشقي
بس فجأه عشق ضر*بت رصا*صه في دراع وفاء اللي ماسكه بيه المسد*س وفاء وفاء وقعت ع الارض من الوجع…
حمزه فتح عينو وبصلها بصدمه وقال: عملتي اي يا مجنونه
عشق بدموع: يعني كنت اسيبها تقت*لك يعني
جميله صرخت وقالت: ماماااااااا
وفاء بصت لعشق وقالت: انتي اللي جبتيه لنفسك يا عشق
عشق بصتلها بانتصار وقالت: قولتلك ان انا اللي هنتصر في الاخر يا وفاء
وفجأه دخل اسر وادهم وعساكر..
حمزه بصلهم بصدمه وقال: ايييييه في ايييييي
اسر بجديه: مطلوب القبض عليكي يا وفاء هانم
وفاء بتمثيل: الحقني يا حمزه عاوزين ياخدو امك اللي ربتك وتعبت عليك
عشق بعصبيه وبعدم تصديقها: انتي ازااااي كده ازاااااي لسه بتكدبي لغايه دلوقتي
حمزه بصلها وكان ع وشك انو ينهار بس مسك نفسو وقال: بتهمه اي يا اسر باشا
ادهم: احنا سجلنا كل حاجه يا حمزه باشا واعترافها معانا غير انها كانت هتسبب في قت*لك غير المسد*س ده اللي بدون ترخيص
حمزه بستغراب: تسجيلات ايييه
عشق رفعت تلفونها وشغلت التسجيل وقالت: ده يا حمزه كل حاجه متسجله هنااا
حمزه بص لوفاء بحزن وكسره وقال: للاسف يا وفاء هانم مش هقدر اساعدك اتفضلو نفذو شغلكم يا ادهم
جميله جريت ع حمزه وقالت بانهيار: لا يااا حمزه متسيبش مامااا علشان خاطري يا حمزه دي ماماا متعملش كده ابوس ايدك
حمزه بحده: اطلعي اوضتك يا جميله
جميله بدموع: بس يا ابيه م
حمزه قاطعها بزعيق وقال: قولت اطلعيييييي اوضتككككك
حمزه بعصبيه: يلا يا ادهم نفذ الامر
ادهم القا التحيه باحترام وقال: احنا متأسفين جدا ع اللي حصل ده يفندم عن اذن حضرتك
ومسك وفاء من ايديها وهيا كانت قاعده تعيط وتصرخ بأسم حمزه بس حمزه كان حط ع قلبو حجر وحط ايدو في جيبو بتكبر وقال بسخريه: مع السلامه يا ماما لازم تاخدي جزاتك
اسر: انا اسف جدا ليك يا حمزه
حمزه بحده: اسر هستناك بكره في مكتبي محتجاك في شويه حجات تمام
اسر بحزن: حاضر يا صاحبي عن اذنك
عشق كانت واقفه بعيد وخايفه من حمزه وعلامات وشو اللي مكنتش بتبشر بلخير كان شخص تاني خالص قربت بهدوء منو وقالت بخوف: حمزه
حمزه بصلها بعيون مليانه دموع: عاااااوزه اي من زفت تاني دمرتي حياتي دمرتيهااااااا
عشق قربت منو وحضنتو وقالت بدموع: كفايه يا حمزه كفايه بقا وجع فياا وكسره انا تعبت اوي علشان خاطري متجيش عليا اكتر من كده
حمزه فضل سايبها في حضنو بضعف قلبو رافض يبعدها عنو وعقلو رافض يسيبها جنبو وهل فيه حل لصراع القلب والعقل الانتصار دايما بيبقا القلب بس مع حمزه اختلفنا وكان العقل…
بعدها عنو بعنف وقال: ليييه حصلي كده من يوم مشوفتك لييه عيلتي كلها راحت مني كل حاجه وحشه جات معاكي اخويا الكبير اكتشف انو هو ورا كل حاجه وهوا الزعيم بتاعكم اساسا وصفاء في المستشفي لا حول ليها ولا قوه وامي اتسجنت واختي الصغيره هتكرهني بسبب اللي انا عملتو ده وان انا سيبت امهااا
عشق بعدت عنو بدموع وصدمه وكأن كل الدنيا اتهدت فوق دماغها: حمزه انا مليش ذنب والله دي حقيقه عيلتك وكنت لازم تكتشفها دلوقتي او بعدين كنت هتعرف
حمزه زعق فيهااا وقال: لا مكنتش هعرفهاا انا مكنتش عاوز اعرفهااااا
قرب عليها ومسكها من دراعها بعنف وقال: كل ما برجعلك وبسامحك ترجعي تنيلي الدنيا اكتر واكتررر انا مش عاوز اسمع صوتك ومش عاوز اشوف وشك طول منا هنااا فااااااهمه انا كر*هتك
عشق بدموع: حاضر هسيبلك الدنيا كلها وامشي
حمزه ضحك بسخريه وقال: تؤ يا حبيبتي انتي مراتي وع ذمتي يعني مش بمزاجك لازم تتعذبي كل يوم زي ما انتي عذ*بتيني وبتعذ*بيني
عشق بصتلو بخيبه امل وشدت ايديها منو وطلعت اوضتهااا ودخلت وراها شروق اللي كانت واقفه فوق وشايفه كل حاجه…
حمزه طلع برا الفيلا وركب عربيتو ومشااا…
وعدت الايام ومكنش في حاجه جديده في حياه ابطالنا غير ان حمزه دافن نفسو في الشغل وشغال ع قضيه سليم علشان يوقع الشبكه دي كلها وعشق كانت مع نفسها وبعيده عن بناتها وشروق اللي كانت معاهم لحظه بلحظه ومن وقت اللي حصل عشق كانت بتشوف حمزه من بعيد لبعيد الايام تقيله ع قلوبهم بس كانو مكملين في تكبرهم وكبريائهم…..
في المستشفى عند صفاء..
حمزه ببتسامه: اخيرا القمر بتاعنا هينور البيت
صفاء بحزن: والله ما ليا نفس ارجع يا حمزه اكيد البيت مش حلو ومش احسن حاجه خالص
حمزه قرب منها وباس دماغها وقاال: انا جنبك ومش محتاجين حد احنا هنوقف ع رجلينا بنفسنا اهم حاجه عاوزك دلوقتي تبقي جنب جميله علشان مبتتكلمش معايا من ساعه اللي حصل وانتي عارفه انها في سن خطر 17سنه ده سن خطر جدااا ومش عاوز حد من برا يهتم ليها انتي فهماني
صفاء ببتسامه: متقلقش يا حبيبي انا هحل كل حاجه ان شاءلله
حمزه: طب يلا يا حبيبتي
صفاء بحزن: هو فين ادهم يا حمزه
حمزه: مكلفو بشغل يا حبيبتي انتي عارفه ان احنا بنشتغل ع قضيه كبيره وعاوزه كل جهدنا ومكنش ينفع نيجي احنا الاتنين
صفاء: تمام يا حبيبي ربنا معاكو
حمزه: يارب يا حبيبتي
وجهزو نفسهم وطلعو من المستشفى وراحو ع الفيلا
واول ما وصلو نزلت شروق استقبلتهم
صفاء بتستغراب: امال فين عشق
شروق ببتسامه: نايمه شويه بس ومكنتش تعرف انك جايه انهارده
صفاء: انت مقولتش ليها يا حمزه
حمزه ببرود: لااا مقولتش
صفاء برفع حاجب: ودا ليييه
حمزه: يلا علشان ترتاحي شويه
شروق ببتسامه: روح شغلك انت يا حمزه وانا هاخد بالي منها
حمزه بادلها الابتسامه وقال: تمام شكرا يا شوشو
وحمزه مشا وصفاء راحت اوضتها اللي كان حمزه مجهزها ليها تحت جنب مكتبو علشان مينفعش تطلع فوق بحالتها دي وفي نفس الوقت تكون جنبو علشان هو دايما في مكتبو..
صفاء نامت من التعب وشروق راحت للبنات..
بس صفاء صحيت بعد شويه ع صوت جميله..
صفاء بفرحه: تعالي حضني يا جزمه وحشتيني
جميله اترمت في حضنها وفضلت تعيط وقالت: شوفتي اللي حصل لماما يا صفاء
صفاء مسحت ع شعرها بحنيه وقالت: اهدي يا حبيبتي اهدي كل حاجه هتتحل ان شاءلله وانا جنبك دلوقتي
جميله بعدت عنها وفضلت تتكلم معاها عن الفتره اللي كانت بعيده عنها عن البيت..
جميله بتوتر: بس بصراحه في حاجه كده بخصوص ابيه حمزه وشروق
صفاء بستغراب: مش فاهمه ازاي يعني
جميله: انتي مشفتيش اهتمامها بيه واهتمامو بيها ازاي وبصراحه شروق دي واخده فرصه ان ابله عشق تعبانه ومكتئبه وفي اوضتها دايما ومتملكه كل حاجه ابيه حمزه والتوأم وحتي الفيلا بقت هيا مسؤوله عن كل حاجه هنا
صفاء بصدمه: مش معقول مستحيل انا لازم اوقفها واعرفها مقامها هتخطف جوز صحبتها ولا ايييه
جميله: ما بصراحه ابله عشق مش مهتمه بحاجه خالص وفي اوضتها دايما ومش بتعمل حاجه وسايبه حتي بناتها
صفاء: اسكتي انتي يا جميله متعرفيش حاجه انا هتصرف
عند حمزه في مركز الشرطه..
حمزه ببتسامه: بقول اي يا شباب
اسر وادهم: نعم
حمزه: انا عامل حفله صغيره كده عندي في الفيلا بمناسبه خروج صفاء من المستشفى وفي خبر تاني بس هنخليه مفاجأه
اسر بفرحه: ايوه كده يا اخي خلينا نفرح شويه
ادهم بضحك: احنا هندلع بقاا اخيراااا بقالي ايام وليالي مدفون هناااا
حمزه: الحفله بكره بليل
اسر: اتفقنا
يوم الحفله… كانو كلهم موجودين وعشق انضمت ليهم وكانت جميله جدا كانت لبسه فستان سماوي لون عيونها وفارده شعرها البني وميكب جميل جدا وسيمبل بس رغم ده كان وشها حزين وعيونها وكانت مش معاهم خالص…
صفاء مالت ع جميله وقالت: غريبه فين حمزه وشروق
جميله: مش عارفه كانو هنا بس مش عارفه راحو فين
اسر: امال حمزه فييين
عشق بصت حواليها بستغراب وقالت: يمكن راح يجيب حاجه وزمانو جاي
رجع حمزه بعد وقت كتير شويه وكانو كلهم قاعدين ومستغربين دخل عليهم حمزه وهو ماسك ايد شروق وقال ببتسامه: اتأخرت عليكوو
اسر قام بستغراب من مكانو وقال: انت ماسك ايد شروق كده ليه
وعشق اتحركت من مكانها ووقفت قدامهم وقالت بعيون حيرانه: اي دااا انا مش فاهمه حاجه
حمزه بصلها ببرود وقال: انا وشروق اتجوزنااا من يومين وقولت افجأكم هيا دي الانسانه الصح واللي هكمل معاها حياتي لا في كدب ولا في نفاق ولا اي حاجه شروق اجمل بنت في الدنيا كلهاا وان شاءلله اقدر افرحها دايما
كلهم بصو بصدمه وو…….
….
… وحلفت انك لا تخون وخنتني.. وحلفت انك لا تميل مع الهوي اين اليمين واين ما عاهدتني… 🖤
- تبع الفصل التالي اضغط على ( رواية حرب العشق ) اسم الرواية
تعليقات
إرسال تعليق