رواية تزوجت اختها كاملة بقلم همس حسن عبر مدونة كوكب الروايات
رواية تزوجت اختها الفصل الثاني عشر 12
زهرة : اقابلك مين يا حيوا””ن انت صدقت نفسك ، انت شكلك هربت م السجن وانا هعرف ازاي ارجعك تا…
– ولو قولتلك ان معايا فيديوهات ليكي واعتقد انها تخصك واوي كمان ؟
**زهرة حاطة الفون علي ودنها ومصدومة !!!!**
شريف : ايه بلعتي لسانك ؟ 😂
زهرة : فيديوهات ايه اللي بتتكلم عنها ياشريف
شريف : لما تيجي هتعرفي كل حاجة
زهرة : انت كداب .. ولا فيه فيديوهات ولا نيل”ه وبتشتغلني
شريف : والله انتي حره بقى ، فارق معاك سمعتك وشكلك وسط الناس تيجي في المكان اللي هبعتهولك .. هانت عليكي نفسك بقي وعندك استعداد تتفضحي انتي حره بردو .. يلا سلام
قفل المكالمة وزهرة قاعدة عمالة تضرب أخماس في اسداس ياترى يقصد ايه بالفيديوهات وهل ممكن يكون معاه حاجة ضدها فعلاً ويستغلها ولا بيحور وبيقول أي كلام .. خرجت من الاوضة بسرعة تشوف فين بدر
**افتكرت إنه في المكتب**
رجعت الاوضة بسرعة لبست هدوم الخروج .. فتحت الباب ونزلت
**بعد 20 دقيقة كانت وصلت المكان اللي فيه مكتبه **
دخلت بسرعة ولسة هتفتح باب المكتب لقت السكرتيره جاية
السكرتيرة : رايحه فين يااستاذه
زهرة : داخلة أشوف بدر
السكرتيرة : بدر ؟
لا حضرتك أستاذ بدر مش فاضي دلوقتي عنده إجتماع وبعدين المرة الجاية لما تحبي تجيله خدي معاد الأول
السكرتيرة : معاد ؟؟
معاد ايه اللي بتتكلمي فيه .. بقولك اوعي من قدامي عايزة ادخله
السكرتيرة : وانا مقدرش ادخلك يافندم هو منبه عليا اني مدخلش حد عليه عشان هو بيتعصب من كدا وانا مبحبش اعصبه خالص
زهرة : مبحبش اعصبه !!
ما تتكلمي عدل عن مديرك ايه الطريقة دي هو صاحبك في الجامعة
السكرتيرة : لا هو انتي اللي تعدلي طريقتك معايا عشان انا سكرتيرته يعني أقرب حد ليه بعد أهله .. انتي من بقيت أهله ؟
زهرة : لا خالص مش بقيت أهله .. انا مراته
السكرتيرة : ايه
هو حضرتك مراته ؟
زهرة : آه حضرتي مراته
وتاني مرة قبل ما تتكلمي بالاسلوب ده تشوفي مين اللي واقف قدامك الأول عشان انا على اخري
جايه بتفتح الباب عشان تدخل السكرتيرة وقفت قدامها تاني
السكرتيرة : لا بس مش انتي اللي كان خاطبها وهيتجوزها انا عارفه شكلها كويس ، شكلك بتشتغليني ومش هدخلك إلا مااتأكد
زهرة : والله ؟؟
طب اوعي كدا بقي
زهرة زقتها رزعتها في الحيطة .. فتحت الباب ودخلت المكتب جامد
بدر كان قاعد مع ناس وقاموا عشان يمشوا لقوها بتفتح الباب وداخله .. اتخض وبص ع الباب بسرعة
زهره استنت لما الناس اللي كانو معاه خرجو على برا والاوضة فضيت
بدر : ايه يا زهره خير في حاجة ولا ايه
زهرة : عرف سكرتيرتك اللي خايفة علي زعلك اوي انا ابقى مين يا بدر
بدر بيبص للسكرتيرة : دي تبقي مراتي يا بسنت
ايه هو حصل حاجة ولا ايه
السكرتيره بتحط ايديها على بوقها : انا آسفة والله مكنتش اقصد انا كنت بتأكد بس
زهرة : بتتأكدي ؟؟
بتبص لـ بدر : ياترى بقي كانت بتتأكد عشان خايفة على شغلها ولا عشان خايفة عليك وغيرانه
بدر بيضحك : غيرانه ايه يا زهرة انتي مش فاهمة حاجة 😂😂
زهرة : بلا فاهمه بلا زفت انا همشي
بدر : استني طيب انتي اكيد جاية عشان حاجة معينة قوليلي طيب كنتي عايزة ايه
زهرة لسة هتحكيله عن شريف .. مسكت نفسها وفكرت للحظات في اللي حصل حست انها مش طايقة تحكيله حاجة
زهره : لا مفيش قولت اجي اشوف الدنيا عندك ماشية ازاي وياريتني ما جيت .. انا هروح البيت
**لفت عشان تخرج**
بدر : ماشي انا ساعة بالكتير وهخلص واجي وراكي اهو
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
**زهرة ركبت تاكسي عشان تروح وتشوف هاتعمل ايه**
وهي في التاكسي جالها رسالة من شريف
” كدا فاضل ربع ساعة يازهرتي .. ربع ساعة والخبر اللي بفلوس هيبقي ببلاش في كل حتة وخلي بالك لو شميت خبر انك قولتي لمخلوق او لعبتي بديلك بأي شكل اناي حره .. اللهم بلغت ”
فتحت تقرا في الرسالة .. طلعت جابت اللوكيشن اللي كان باعته قبلها
زهرة : لو سمحت انا غيرت الطريق وعايزة أروح اللوكيشن ده
قبل ما توصل اللوكيشن بشوية نزلت من العربية اشترت اسبراي فلفل حامي حطته في شنطتها وركبت تاني
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
في اللوكيشن زهرة نزلت من التاكسي .. بدأت تمشي واحدة واحدة وهي ركبها بتخبط في بعض وخايفه
فجأة لقته في وشها .. اتخضت طبعاً واتفضت .. غمضت عينيها خدت نفسها وبلعت ريقها وفتحتها تاني
شريف : ايه مالك يابا ما تمسك نفسك كدا هو انا بعوض 😂
زهرة : فيديوهات ايه اللي بتتكلم عنها بقي ؟
واقسم بالله لو طلع حوار من حواراتك انا ..
شريف : بس بس اهبطي كدا وابردي علي نفسك عشان ميطقش ليكي عرق وهتفهمي كل حاجة
زهرة : اتفضل سمعاك
شريف : أول حاجة كده نقول بيها بسم الله الرحمن الرحيم .. انتي كنتي حامل من العبد لله
زهرة بتبرق : انت مجنون ؟؟؟
حامل منك ازاي يعني!!
شريف : ايه متعرفيش انك كنتي حامل وسقطتي في الحادثة اللي عملتيها انتي وبدر
زهرة : حامل ايه انت ….
وقبل ما تكمل كلام دماغها عملت فلاش باك وافتكرت التقرير بتاع يوم الحادثة اللي فتحته وجملة ان المريضة كانت حامل واجهضت .. وافتكرت بقيت المحادثة اللي دارت بينها وبين بدر كلها
زهره الدنيا بدأت تلف بيها .. رجعت لـ ورا قعدت على المقعد اللي وراها
زهرة بصدمة بشعة : يعني انا كنت حامل فعلاً وبدر مكانش بيحور عليا ولا حاجة ؟؟
طب ازاي ؟؟ ازاي وانا مفيش حد لمسني أصلا
شريف : ومين قالك اني ملمستكيش ؟
زهره بتقوم تقف لمستني امتى وازاي انت كدااااب .. انت اللي عامل الحوار ده كله ومزور التقرير ده يا حيوا”ن
شريف : كنت عامل حساب اللقطة دي وعشان كدا عملت حسابي وصورت الفيديو ده
طلع تليفونه وفتحلها فيديو كامل (ليهم مع بعض)
وهي فاقدة الوعي تماماً ومش دريانة بالدنيا
زهره ماسكه التليفون بتتفرج ع الفيديو وهي مبرقة ومصدومة .. التليفون وقع من ايديها قبل ما تكمل الفيديو من الصدمة
شريف : تاخدي الكبيرة بقى ..
تعرفي مين اللي كان بيصور الفيديو ده ؟؟؟
زهره باصه قدامها بصدمة وعدم استيعاب : مين
شريف : مها أختك ☺️
زهرة بتبصله وبتبرق اكتر .. بتبدأ تفتكر كل حاجة حصلت من مها الفترة اللي فاتت واليوم اللي حاولت تقتلها فيه
شريف : بس الشهاده لله يعني مكانتش في الأوضة هي ظبطت التليفون على فلتر كويس وسابته وخرجت م الأوضة
وطبعاً بدر حبيب القلب لما فهم الكلام ده مقدرش يستحمل وقال يعمل معاكي لقطة جدعنة ويتجوزك هو 😂😂 فاكرني هسيبك ليه
المهم يعني .. طبعاً انتي عارفه مها اختك جميله قد ايه وبتحب الفلوس زي عينيها ، غريتها بقرشين كدا وخليتها تقوم هي بالمهمة كاملة وتجيبك في المكان والزمان اللي حددتهم ليها .. وطبعاً لو مش مصدقاني تقدري ترجعي بالذاكره وتفتكري اليوم اللي خدتك وخرجتو فيه ورجعتي من برا تعبانه ومدريتيش بالدنيا إلا تاني يوم
وطبعاً انا كان اتفاقي معاها ان لا انا اجيب سيرتها ولا هي تجيب سيرتي .. بس حبيت اعرفك واقولك الكلمتين دول عشان هي اللي غيرت اتفاقها معايا الاول يوم ما غدرت بيا وخلتني اقولها ع المكان اللي خاطفك فيه وتبعتلي بدر
زهره مازالت باصة في اتجاه واحد وفي عالم تاني..
شريف : عارف إن زمان الصدمة جامدة عليكي شوية بس معلش خلينا دلوقتي في المهم
لو مش عايزة الفيديو اللي معايا ده يلف مواقع التواصل الاجتماعي تماً هتعملي ال3 حاجات اللي هقولك عليهم حالاً
أول حاجة هتروحي القسم زي الشاطره كدا تتنازلي عن المحضر اللي عاملاه ضدي عشان ابقي انا في السليم
تاني حاجه هتروحي دلوقتي البيت الاولاني اللي كنت خاطفك فيه وهتخرجي اختك من الحبس اللي جوزك حابسهولها
وتاخدي منها كل التسجيلات اللي معاها ضدي وبتتهدني بيها، وهبعتلك لوكيشن البيت دلوقتي
تالت حاجة ودي الأهم من كل ده .. هتتطلقي من بدر بأي شكل انشاله ترفعي قضية طلاق حتي
معاكي 48 ساعة تكوني عملتي فيهم كل ده .. يا كده
يا انتي عارفه الباقي بقي 🤷
زهره استنت لما خلص كلام وسابته ومشيت .. ماشية باصه قدامها زي اللي مدلوق عليه جردل ماية سقعة .. لا شايفة ولا سامعه ولا دريانه بالدنيا حواليها
كل اللي بيتردد في دماغها كلام شريف .. الفيديو اللي شافته لنفسها .. تصرفات مها الايام اللي فاتت كلها .. اليوم اللي حاولت تقتلها فيه .. كلام شريف عن مها واللي حاولت تعمله .. بدر واللي عمله الأيام اللي فاتت كله ومعاملتها ليه وطريقتها معاه .. الفيديو بيرجع يتردد تاني في دماغها
وبعد نص ساعة مشي وفي شارع فاضي خالص .. وقفت
زهرة : ازاي كده ؟؟
ازاي الدنيا وحشة اوي بالشكل ده
هو فيه أخت تقدر تعمل كده في اختها !!!
فيه أخت تقدر تغدر باختها وتضيع شرفها وتوافق انها تحمل من راجل في الحرام .. فيه اخت تحاول تقتل اختها قاصده .. فيه اخت تخطط انها تدمر مستقبل أختها !
طب فيه واحد عنده ذرة إنسانية يقدر يركن قلبه علي جنب ويعمل في بنت اللي شريف عمله فيا ؟
فيه واحد عاقل يكسر واحدة بالشكل ده ويدمرها نفسياً ولما يحاول يرجعلها ومترضاش يخطط أنه يدمر مستقبلها وحياتها كمان عشان يجبرها تكون معاه ؟؟
طب ليه ؟؟؟؟؟؟
انا عملتلكو ايه عشان تعملو فيا كدا ؟ انا عملت ايه في حياااتي أصلا عشان أعيش اللي بعيشه دلوقتي ده
لا لا انتو أكيد مش بني ادمين .. انتو اكيد مش بني ادمييييييين
بدأت تفقد أعصابها ووعيها وتلطم علي وشها بعزم ما فيها وتصوت بعلو صوتها “انتو اكيد مش بني ادمين” تصوت وتصرخ وهي بتعيط وتلطم لحد ما الناس بدأت تتلم علي صويتها ولطمها … وقبل ما حد يحاول يمسكها كانت وقعت من طولها اغم عليها في الأرض
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
**بدر بيفتح باب الشقة وداخل**
بدر : زهرة
انتي يابت يا مقموصه انتي
مبتردش ليه دي
رمي الشنطة من ايده ودخل علي جوا : بت يا قصيرة
بيبص حواليه ملقاش زهره
بدر : ايه ده ؟؟؟ هي راحت فين !!
بيفتح أبواب الاوض كلها يبص عليها ملقاش اي حاجة
طلع تليفونه وبيتصل بزهره .. تليفونها مقفول
بدر وشه جاب ألوان وحواجبه الاتنين قفلوا
بدر : راحت فين دي ؟؟
بيحاول يتصل تاني .. مازال الفون مقفول
نزل جري علي تحت يشوفها فين ..
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
**في الشارع **
الناس حوالين زهره بيفوقوها ويرشوا عليها مايه .. واحدة واحدة بدأت تفوق
فتحت عينيها وبصت حواليها .. مسحت دموعها
قامت وقفت بالراحة
Flash back 📸🔙
“”شريف : تاني حاجه هتروحي دلوقتي البيت الاولاني اللي كنت خاطفك فيه وهتخرجي اختك من الحبس اللي جوزك حابسهولها وتاخدي منها كل التسجيلات اللي معاها ضدي وبتتهدني بيها، وهبعتلك لوكيشن البيت دلوقتي””
رجعت من الفلاش باك 🔙
طلعت تليفونها فتحته .. دخلت ع الواتس اب طلعت لوكيشن البيت .. راحت ناحية البيت
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
** بعد ساعة **
زهره داخلة البيت اللي مخطوفة فيه مها
فتحت باب الأوضة ودخلت عليها ..
مها جريت خادتها بالحضن جامد : هما لاقوكي أخيرا ياحبيبتي .. الف حمد وشكر انتي متعرفيش انا خوفت عليكي قد ايه يا زهرة ، انتي جاية عشان تاخديني معاكي ونمشي من هنا صح ؟
زهره بعدت عنها وراحت رزعاها قلم ملو خبطتها في الشباك الازاز اتكسر وعورها في وشها
مها بتحط ايديها على وشها لقت د”م : ليه كده يازهره انا عملتلك ايه !!!
زهره طلعت من شنطتها سكي”نه وراحت شاده مها وحاطة السكي”نة على رقابتها .. مها بتص”وت
زهره : كل اللي بدر عمله فيكي لحد دلوقتي كوم .. واللي انا هعمله من اللحظة دي كوم تاني
انا معنديش أغلي من شرفي .. ولو معملتيش اللي هقولك عليه دلوقتي بالحرف اقسم بالله لا هموتك يا مها واعمل اللي انتي منجحتيش انك تعمليه معايا قبل كده
مصطفى واقف مبرق ومصدوم مش مصدق اللي شايفه ..
مها بتبرق : زهره انتي عايزة تموتيني 😱
زهره : اشمعنا انتي كنتي عايزة تموتيني قبل كدا ولا هو حلال ليكي وحرام ليا
بتتك بالسك”ينة علي رقابتها : انا عفاريت الدنيااااا بتتنطط قدامي دلوقتي هتعملي اللي انا عايزاه ولا اسحب السحبه دي وارجعك للي خلقك ؟؟
مها : لااااا لا خلاص والله هعملك اللي انتي عايزاه بس اهدي وشيلي السكينه دي
زهره : مش هشيل سكاك”ييييين .. هاتعملي اللي انا عايزاه والسكي”نه على رقابتك زي ما هي
فين تليفونك ؟؟
مها بخوف : معرفش والله واخدينه مني
مصطفى بيحط ايده في جيبه : اهو تليفونها يا زهره
زهره : هات
مصطفى : قوليلي بس هتعملي بيه ايه الأول لا تودي نفسك في داهية
زهره : بقولك هات الزززززف”ت
مصطفى : حاضر حاضر خدي اهو التليفون
زهرة بتمسك الفون : انا عرفت إنك ماسكه على شريف تسجيلات وحاجات توديه في داهية .. واكيد كلها موجودة علي التليفون ده ، تمسكي التليفون دلوقتي و تطلعيهم من عليه
مها: انتي عرفتي منين ؟
زهره بتتك بالسكي”نة لحد ما شبه عورتها 🔪: عرفت وخلاااااص هاتي ام التسجيلات
مها بتتوجع : اااه حاضر حاضر هاتي التليفون اجيبهوملك
مصطفى تليفونه بيرن “بدر ”
بيخرج علي برا بسرعة يرد
مصطفى : أيوة يابدر
بدر بخضة : انا مش لاقي زهره يا مصطفى وقلبت عليها الدنيا ودورت في كلللل البيوت اللي اعرفها ملقتهاش
اقفل علي مها كويس وتعلالي بسرعة نشوف هنعمل ايه
مصطفى : زهرة عندي يا بدر
بدر : ايه ؟؟؟!!!
عندك ازاي يعني
مصطفى : معرفش يا بدر بس الوضع ميطمنش خالص و شكلها ناوية علي نية سودا وهتحرق الاخضر واليابس النهاردة
بدر : اقفل انا جاي حالا
**في الاوضة**
مها ماسكة الفون بتطلع التسجيلات ..
• دي اول حاجة .. تسجيلات لمكالمات بيني وبينه وهو بيعرفني هخطفك ازاي عشان اوديكي ليه (ساعة اللي حصل)
• ودي فيديوهات بتثبت إنه شغال شمال ومن تحت الترابيزة وكل فلوسه جايبها من السكك الملتوية دي .. هكرت تليفونه ولقيت الفيديوهات دي معاه وعرفت انه كان شاريها من حد ماسكها عليه
وطبعا الفيديوهات دي لو حد مسكها هيروح في ستين داهية وفلوسه كلها هتتصادر
زهره : وايه تاني ؟؟؟؟؟
مها : دي آخر حاجة بقا .. بس اخطرهم كلهم يا زهره
دي صور لـ بنت اخته اللي بيربيها وهي بلبس البيت
زهره بتبص ع الصور .. بتداري وشها وبتبص لمها
زهره : وانتي جبتي الصور دي منين ؟؟
مها : بصراحه هكرت تليفون بنت اخته كمان عشان كنت عايزة امسك عليه اي حاجة توجعه ، وبنت اخته اصلا في سن مراهقة ودماغها طقة وكنت متأكدة ان تليفونها هيكون عليه اي حاجة تتمسك عليها وعلي خالها
زهرة بقرف : ده انتي شيطانة ياشيخة .. شيطانة ايه ده انتي الشياطين تاخد عندك كورسات
بس هقول ايه .. ما جمع إلا ما وفق بصراحة متتخيروش عن بعض انتو الاتنين
مها بخوف : طب ينفع تنزلي السكي”نة بقي انا عملتلك اللي انتي عايزاه اهو
زهرة: سكي”نة ايه اللي انزلها انتي لسة معملتيش حاجة اصلا .. انتي هتتصلي بشريف دلوقتي وتعملي اللي هقولك عليه بالحرف
والنهاردة انا يا هنهيكو انتو الاتنين .. يا هنهي نفسي واخلص بقى
- يتبع الفصل التالي اضغط على ( رواية تزوجت اختها ) اسم الرواية
تعليقات
إرسال تعليق