رواية عذاب امرأة كاملة بقلم ريمو حسني عبر مدونة كوكب الروايات
رواية عذاب امرأة الفصل الثاني عشر 12
يارا بهدوء:بابا
مصطفى بانتباه:نعم يا حبيبتي
يارا:انا قررت اشتغل
مصطفى:عين العقل يا حبيبتي انا كنت هقولك كدة
نورة باستغراب:بس انتي يا يارا مكنتيش بتفكري في الشغل
يارا:مين قال كدة طبعا كان في دماغي الشغل بس كل حاجه كانت بالنسبالي جت بسرعه يعني اتجوزت وقولت اقعد فترة واظبط اموري الاول بس الموضوع راح على بالي وبعدين البنات جم قولت اتفرغ ليهم هم وجو ….قصدي اللي كان جوزي بعدين اظبط حكاية الشغل دي بس بدات المشاكل وانتوا عارفين الباقي
احمد:والله يا بنتي انتي خسارة فيه
وكمل بمرح:مفيش راجل عدل في الزمن ده
رفع طارق حاجبه وقال:على حد علمي يعني يا استاذ احمد انك من الرجالة يعني
احمد بغباء:اتصدق صح اي ال*غباء ده
ضحكت يارا عليهم
مصطفى كان بيض*رب كف على كف من غباء ابنه
ونورة كانت بتضحك وفي نفس الوقت مبسوطة من فرحة بنتها
احمد :يلا يا بنات عشان اوديكوا المدرسة
مرام؛لا انا عايزة خالو طارق هو اللي يوديني
ملك ومريم:واحنا كمان عايزينه
احمد نزل لمستواهم وقال:وماله خالو احمد يا اختي انتي وهي
قربت عليه مرام وهمستله في ودانه :عشان انت بتقعد تعا*كس البنات وهقول لجدو عليك لو مجبتليش اللي انا عاوزاه
احمد قام بصدمة وعدل لياقة القميص بغرور :طيب استاذن انا يا جماعة وهجيب لمرام حبيبة خالو حاجة حلوة وانا جاي
مرام شاورتله ينزل تاتي وهمست:ومتنساش تجيب مصاصة كتير اوي
احمد :مصلحجية اوي انتي
مرام بتحذير طفولي:لو ماجبتش هقول لجدو
احمد بغرور وثقة مصطنعة:بس يا ماما خوفت انا كدة هاخد على كلام طفلة
مرام :بقى كدة ماشي
بصوت عالي:يا جدوووووو
حط احمد ايده على بقها
احمد بخوف:اسكتي يخربيتك حاضر هجيب اللي انتي عاوزاه استري على خالك يستر عليكي ربنا
مصطفى:في اي يا حبيبة جدو وانت يا احمد حاطط ايدك كدة ليه
احمد بتوتر:اصل اصل ككان اه كان ضرسها بيوجعها وانا بشوفلها
طارق:أنت كدة قاطع نفسها
احمد شال ايده ومرام قالت:ما كان من الاول يا برنس ناس مش بتيجي غير بالعين الحمرا صحيح
احمد :برنس وعين حمرة انتي طفلة انتي
مرام:عجبك ولا جدو حبيبي يتصرف
احمد قام بسرعة وقال :طبعا عاجبني انا هروح الشغل بقى عايزين حاجة
كله:سلامتك
مرام بدلع مستفز:ترجع بالسلامة يا خالو
احمد بغيظ:حبيبة خالو انتي ومشي راح الشغل
طارق ويارا بيبصوا لبعض وكاتمين ضحكهم بالعافيه لأنهم عارفين هو بيعمل اي
وبعد شوية طارق قام وخد البنات وداهم المدرسة وراح على شغله
وقامت يارا كمان لبست
نورا:راحة فين يا حبيبتي
يارا:عايزة اشوف مكان كدة اعمله سنتر عشان ابدا اشتغل فيها دروس في أسرع وقت
(ملحوظة يارا خريجة كلية تربية لغة عربية)
مصطفى:ماشي يا بنتي لو عوزتي حاجة رني عليا
يارا:ربنا يحفظك ليا انت وماما ومشيت
عند يوسف
كان قاعد حاطط ايده على خده
سامية:اي الحزن اللي قاعد فيه ده
يوسف:والنبي يا ماما سبيني باللي انا فيه
سامية:قولتلك هترجع بس اصبر
يوسف:يارا عنيدة ومش سهلة
سامية بتفكير:جاتلي فكرة المرادي هترجع زي الكل*بة بجد
يوسف بسرعه:اي
سامية:…..
يوسف بصدمة:نعمممم
عند يارا دورت كتير اوي على مكان مناسب للسنتر تعبت من اللف
وهي ماشية لقت مكان مكتوب عليه للايجار وخدت الرقم من عليه واتصلت على الرقم
اتفقت تتقابل مع صاحب المكان بكرة
سامية:تتجوز عليها
يوسف:نعمممم اي اللي بتقولي يا ماما ده لا طبعا كدة هتعند اكتر من الاول وكمان هو انا قادر على واحدة عشان اجيب التانية
سامية:يا غب*ي افهم ما يكس*رش الست الا كدة اما تتجوز عليها كدة تكس*رها
يوسف:مش عارف يا امي
سامية:فكر واسمع كلامي بس
بيت مصطفى
الجرس رن وكانوا البنات
نورا:اهلا يا حبايبي عاملين اي
البنات:كويسين يا تيتة
ودخلوا سلموا على جدهم
مرام بهمس:جدو هو خالو احمد جه
مصطفى بهمس:لا لسة انتي عايزة اي
مرام:لا مش عايزة بسأل بس أصله وحشني
مصطفى:يا بكاشة ما هو كان معاكي الصبح
رن الجرس تاني وكانت يارا
يارا بتعب :السلام عليكم
الكل:وعليكم السلام
نورا:عملتي اي يا بنتي
يارا:معلش يا ماما مش قادرة هخش انام وأما اصحى نتكلم
دخلت يارا وغيرت هدومها ونامت
وبعد فترة صحيت وقعدوا يتغدوا
مصطفى:عملتي اي يا حبيبتي
يارا:لفيت كتير يا بابا مكنش فيه وانا جاية لقيت مكان ومكتوب عليه للايجار اخدت الرقم وكلمت صاحبه واتفقت على بكرة
مصطفى:ربنا يصلح حالك
تاني يوم
يارا نزلت تقابل الراجل
وبعد مدة
الشخص:مش معقول مدام يارا
يارا :انت
- يتبع الفصل التالي اضغط على ( رواية عذاب امرأة ) اسم الرواية
تعليقات
إرسال تعليق