رواية تزوجت اختها كاملة بقلم همس حسن عبر مدونة كوكب الروايات
رواية تزوجت اختها الفصل الحادي عشر 11
بدر داخل الاوضة بالصدفه وبيبص لزهره
زهره بتتلفت وبتبصله بصدمة وبترفع التقرير
زهره : ايه ده ؟؟؟؟؟؟؟؟؟؟؟
بدر باصصلها وساكت (مصدوم) ..
زهرة : انا بكلمك على فكرة ، ايه ده ؟؟
بدر بيقعد على طرف السرير
زهرة : هو انت بلعت لسانك .. بدر انا بسألك سؤال
بدر : مانا بصراحه مش عارف أرد اقولك ايه ..
هو انتي لقيتي التقرير ده ازاي ؟
زهرة : مش موضوعنا يابدر لقيته ازاي ، عايزة أفهم اللي فيه ده صح ولا غلط .. رد بـ أه او لا
بدر بيبص في الارض : آه يا زهرة .. اللي شايفاه صح
زهرة بتضحك بصوت عالي : يعني انا كنت حامل صح 😂😂
بيرفع عينه وبيبصلها : بتضحكي علي ايه يازهرة
زهرة : بضحك على انك كداب
بدر : نعم
زهرة : زي ماسمعت كدا .. انت كداب و انا سكتلك كتيييييير اوي بس لحد هنا وكفايه ، لحد شرفي واقف عندك بقى يابدر
بدر : انتي شايفه إني كداب يعني وبحور عليكي
زهرة بصوت عالي: ايووووة دي الحقيقة انت كداب وبتحور .. حمل ايه اللي هحمله من غير ما إنسان يلمسني انت اتجنننت ؟؟؟؟؟؟
لو ده حوار من حواراتك وفاكر إنه هيخيل عليا تبقى غلطاااان ، ايه فاكرني سكرا”نه انا ولا شاربه حاجة عشان أصدق الكلام الفاااارغ ده
**بدر باصصلها وساكت **
بدر بينه وبين نفسه: دلوقتي انا لو قولتلك ان الكلام ده حقيقة وخدتك عند دكتور ااكدلك كمان هتبدأي تبحثي في الموضوع وهاتعرفي ان اختك السبب وساعتها هتفقدي ثقتك فيها وفي نفسك وفي الحياة
لا يبقى تفقدي ثقتك فيا انا أحسن
زهرة بصوت عالي : ما ترررررد عليا .. اعترف وقول اه انا اللي عملت كداااا
بدر : اه انا اللي عملت كدا وزورت التقرير قبل ما نتجوز عشان لو رفضتي تتجوزيني اهددك بيه
زهرة :هي وصلت معاك لكدا ؟؟؟؟؟
انت إنسان معندكش لا دم ولا دين ولا مبادئ
حسبي الله ونعم الوكيل فيك ياشيخ
بدر عينه في عينيها وساكت خالص
زهرة : حتى مش متأثر بدعوتي عليك ؟؟؟
بدر : حسبي الله ونعم الوكيل أخاف منها لو كنت ظالم
وانا بيني وبينك ربنا لو كنت ظلمتك في حاجة يابنت الناس ، تصبحي علي خير
** سابها وخرج على برا قبل ما تلحق ترد عليه **
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
**في المكان اللي محبوسه فيه مها**
مها قايمة بتتسحب .. فتحت باب الاوضة وخرجت براااااحة .. بتبص على مصطفى لقته مغمض عينه و نايم على الكرسي مكانه .. لفت قفلت باب الأوضة عشان لو فتح عينه ميحسش
بدأت تتسحب واحدة واحدة على برا وفجأة ..
لقت حد بيحط ايده علي كتفها
مصطفى : على فين كده يا مها 🤔
مها بتبرق : يالهوي عليا بقى ، ياعم انت مش كنت نايم 😱
مصطفى بيضحك : فاكراني هنام وانا عارف ان فيه عقربة زيك كدا في الاوضة اللي جنبي .. ده انا لو قافل عليكي بالمفتاح اخاف تنزلي من تحت الباب
وبعدين هو انتي متدغدغة بالمنظر ده وقايمة تتحركي وعايزة تهربي كمان ؟؟ ده انتي جبروت
مها : بالله عليك يا مصطفى انا تعبانه بجد وجسمي كله متكسر .. نفسي اروح بيتي بقي وارتاح
مصطفى : وبيتك يفرق ايه في الراحه عن هنا ؟ قاعدة في بيت نضيف ونايمة علي سرير نضيف وجنبك اكل وشرب وواحد واقف حراسه ع الباب كمان يعني فندق خمس نجوم اهو
مها : ايوة بس
مصطفى بصوت عالي : هو انتي هتبسبسي ؟؟؟؟
انتي مخطوفة ياماما مش جايبك تنزلي البسين ، خشي يامها اترزعي جوا ده انتي مصيبتك سودااا
**بيدخلها الأوضة تاني **
مصطفى : آل اروح بيتي ارتاح آل 😒
وانتي اللي زيك يرتاح ليييييه اصلا
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
**في بيت بدر وزهرة **
**في اوضة بدر**
بدر واقف بياخد العلاج عشان ينام .. بيبص في المراية لقى زهره واقفة جنبه
بدر بيلف بسرعة : بسم الله الرحمن الرحيم .. انتي دخلتي امتى يابنتي
زهرة : انا عايزة اروح عند ابويا
بدر : وانا تقريباً قولتلك مفيش خروج صح ؟
زهرة : بدر بعد اذنك متختبرش صبري .. خليني أروح لابويا عشان مخلكش توافق بطريقتي
بدر : وايه هي طريقتك بقي 🤔
زهرة : هاتها من قاصرها يابدر احسنلك انت لحد دلوقتي متعرفنيش
بدر : لا لا معلش أحب اجرب بنفسي واحكم ✋🏻😂
زهرة : كدا ؟ طيب افتكر اني طلبتها منك بالذوق الاول وانت اللي رفضت وجبته لنفسك .. لما اكرهك في عيشتك بقى متزعلش
بدر : وانتي من أهله يا تفاحتي ☺️
بيقلع التيشيرت عشان ينام
زهرة لقيته بيقلع اتكسفت وجريت من الأوضة بسرعة
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
تاني يوم الصبح ..
بدر بيفتح عينه على صوت عالي اووووووي وخبط ورزع .. خارج بسرعة يشوف ايه ده
لقى زهره واقفة في نص الريسبشن .. وشايلة السجاجيد وبتمسح الشقة
بدر بيدعك في عينه : ايه الجنان ده ع الصبح ؟؟
انتي شايفة الساعة كام معاكي
زهرة : مالك في ايه بنضف
بدر : تنضفي في الوقت ده ؟
وبعدين تنضفي ايه اصلا الشقة لسة مفروشة مبقالهاش يومين تلاتة 😱😱
زهرة : خش انت بس كمل نوم متشغلش بالك بيا وانا هخلص على طول متقلقش ☺️
بدر بيضرب كف على كف : شكلها مجنونة اقسم بالله
بيلف داخل على اوضته اتزحلق في الصابون وقع على رجله (الرجل اللي أصلا وجعاه) مسك رجله واتوجع جامد
زهره جريت عليه ومسكت رجله .. انت كويس ؟؟
بدر : كويس ايه بقي وبتاع ايه بالالغام اللي حطاهالي في البيت دي
سندته عشان يقوم يقعد ع الكرسي .. جريت جابت علبة الادوية وقعدت تغيرله ع الجرح
بدر بيبصلها وبيتأمل في ملامحها المنمنمة اللي مش لايقة خالص ع الازعرينا اللي عاملاها .. بيتفرج عليها وهي بتغير ع الجرح وبيبص ع الكحكة اللي عاملاها فوق ومخلية شكلها شبه الأطفال 😹❤️
زهرة بتبصله بالصدفة : ما تبص قدامك على ما اخلص اللي بعمله واقوم ايه رأيك ؟؟؟؟ 😒
بدر : مراتي مبصلهاش ؟؟
خلصت تغيير ع الجرح وقامت وقفت : اول حاجة انا مش مراتك ولو كررتها هقولك كلمة مش لذيذة ☺️
تاني حاجه ودي الأهم اوعي تفتكر اهتمامي بيك وبرجلك ده عشان سواد عيونك .. توء توء توء
ده بس عشان الجرح ده كان بسببي مش اكتر
يلا اتفضل ادخل نام .. ولا اقولك
خليك نايم هنا ع الانتريه عشان هدخل انضف الاوض جوا ☺️
وسعلي كدا بقي ..
ومن هنا بدأت زهرة تشتغل في الأزرق لـ بدر
مرّ أسبوعين كاملين وزهره بتحاول ترازي فيه ليل نهار بكل الطرق وتوقعه في مصايب سودا لحد ما قرب يقول حقي براقبتي من اتجاه
من إتجاه تاني ناهد امه مخلية بالها منها وبتطلعلها كل يوم تتطمن عليها ويتكلموا سوا
هند بتلقح عليها في الرايحة والجاية ..
مصطفى مازال خاطف مها وبيعاملها زي الزفت.. بدأت تتحسن والجروح اللي فيها تخف .. وبدر بيكلمه يتطمن عليها من بعيد لبعيد من غير ما يروح ولا يشوفها
وفي نفس الوقت مباشر الشغل في المكتب وبيعمل دوره ودور مصطفى ..
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
**بعد أسبوعين **
**في الجامعة**
هند قاعدة على مقعد في ساحة الجامعة مستنية اصحابها .. فجأة حست بشاب بيحوم حوالين المكان اللي قاعدة فيه وعمال يبصلها من تحت لتحت .. لحد ما جه قعد جنبها
الشاب : هو الحلو بيحضر في سكشن كام
هند : افندم ؟
الشاب : اقصد انتي قسم ايه يعني
هند : وانت مالك اصلا ؟؟؟ قوم من هنا احسن ما اندهلك الأمن
الشاب : و ليه الغلط طيب ده انا داخلك بالوش المحترم حتى ، ولا كل ده عشان حلوة حبتين يعني فـ بتتقلي 😉
هند بتقوم تقف وبصوت عالي : انت قليل الأدب على فكرة
فجأة الناس بدأت تتلم عليهم (طبيعي لأنها جامعة طبعاً)
الشاب : تصدقي إنك عيله مش متربية وانا غلطان اني فكرت أسأل واحده زيك عن حاجة جوا المنهج اصلا
هند بتبرق : حاجة جوا المنهج 😳😳 ده انت كمان بتحور
الشاب : بت اسكتي خلاص
وفجأة طلع فريد قدامه : عيله مش متربية .. وبت كمان ؟؟؟ ده انت ليلة ام””ك سوده
**هند بتبصله باستغراب !!!**
ضربه بالدماغ ونزل عليه رنه علقة موت والناس ملمومه بتحوش بينهم ومش عارفين يشيلوا فريد من فوقه .. لحد ما الأمن جه خرجهم هما الاتنين برا الجامعه خالص
الواد جري بسرعة واختفى .. فريد واقف بيمسح مناخيره من الدم
هند : انت بتعمل ايه في الجامعة وظهرت فجأة كدا ازاي اصلا؟؟؟
فريد : تعالي نقعد في أي كافيه طيب وهحكيلك كل حاجة
******* في الكافيه *******
هند : مبدأياً شكراً على اللي عملته مع الواد اللي مترباش ده
فريد : شكرا على ايه يا هند انتي كدا بتشتميني
هند : اه قولتلي جيت ليه و ازاي بقي ؟
فريد : بصراحه كنت مراقبك
هند : مراقبني ؟!
فريد : اه مراقبك .. بس أكيد عندي سبب يعني مش هراقبك فراغ
هند : وايه هي أسبابك
فريد : أسبابي اني كنت مستني فرصه عشان عايز اتكلم معاكي
هند : ايوة تتكلم معايا في ايه بردو
فريد: تتجوزيني ؟؟
هند بصاله بصدمة …
فريد : انا بحبك يا هند من يوم ما شوفتك اول مرة وانتي جايه مع بدر تطلبوا ايد مها .. علقتي معايا لدرجة ان مش شايف ولا عايز غيرك وبصراحه انا عايز أكمل نص ديني واتجوز واستقر بقى
وشايف إنك أحسن واحدة منكن تبقى زوجة ليا ونصي التاني
هند : امممم .. عارف عيبك فين يا فريد ؟
فريد بعد سكوت لحظات : فين ؟
هند : إنك متسرع ومبتفكرش قبل ما تتكلم
لأنك لو كنت فكرت دقيقتين بس قبل ما تكلمني كنت هتستنتج إجابتي من غير مااسمع منك حاجة
جواز ايه يافريد اللي جاي تكلمني فيه ؟؟
احنا مش شبه بعض لا شكلاً ولا موضوعاً ولا فكراً ولا حتي في الثقافة .. من الاخر كدا مش انت الاستايل اللي بدور عليه
**فريد باصصلها ومصدوم من رد فعلها **
هند : انا عارفه ان زمانك مصدوم دلوقتي وطبعاً هتكمل كلامك وتقولي لا فكري تاني يمكن توافقي ومش عايز منك رد دلوقتي وجو المسلسلات ده لكن للاسف انا …
فريد : بس بس .. انا لا هقولك فكري تاني ولا تالت ولا حتى هعمل جو المسلسلات لأن احنا عايشين على أرض الواقع والواحد ميملكش أغلي من كرامته
ربنا يوفقك يابنت الناس وتلاقي الاستايل اللي بتدوري عليه ويكون شبهك شكلا وموضوعا .. انا آسف اني ضيعت من وقتك خمس دقايق
بيقوم يقف : عن اذنك
**بيطلع الفلوس من جيبه وبيحطها ع الترابيزه عشان المشروبات وبيخرج على برا **
هند بينها وبين نفسها : ايه ده بالسهولة دي ؟
غريب اوي البني آدم ده !!!
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
**في المكان اللي محبوسه فيه مها**
مصطفى بيفتح الباب وداخل وفي ايده صينية اكل ..
مها رايحة جاية في الاوضة متنرفزة وعماله تنفخ
مصطفى : الاكل اهو
مها : مش عايززززة طفح
مصطفى : استغفر الله العظيم .. اتكلمي عدل عن نعمة ربنا عشان متزولش من وشك
ممكن أفهم في ايه بقي ؟؟؟؟
مها : لا مفيش عايشة اجمل أيام حياتي فـ متبطرة شوية وحاسه بملل
فيه اني اتخننننننننقت .. حابسني بقالي اسبوعيييين
اسبوعين حبسه وخنقه وملل وتعب .. اسبوعين مشوفتش أهلي ولا اعرف عنهم حاجة .. اسبوعين وشي في وشك مشوفتش بني ادميييين .. اسبوعين عقااااااب
ما كفايه بقي اعتقوني لـ وجه الله
مصطفى: الاسبوعين اللي انتي قاعدة هنا محبوسه فيهم اختك محبوسه هي كمان في بيت مش حاباه مع واحد مش حاباه واتجوزته بسببك وبسبب اذيتك ليها
يارب نكون اتعظنا بقى شوية
مها : طب بالله عليك تخرجني من هنا ابوس ايدك ، وانا هعمل اللي انتو عايزينه والله ومش هأذيها تاني
مصطفى: لما بدر يقرر ده هبقي اخرجك من هنا .. وكلي عشان متموتيش قبل ما تلحقي تتوبي
وتبقي اتعاقبتي دنيا وآخرة
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
**خرج من الأوضة واتصل ببدر**
مصطفى : أيوة يابني .. اخرتها ايه في اللي حابسيها جوا دي ، ده احنا بقالنا اسبوعين يا بدر وانت حتى مش مفهمني ايه اللي جاي
بدر : هقولك ايه اللي جاي وهفهمك هتعمل ايه بالظبط وهننهي القصة دي ازاي .. بس مش دلوقتي عشان في المكتب وفوق دماغي مليون حاجة والله
مصطفى: خلاص ماشي هستنى تليفونك
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
“(رقم غريب)” .. فتحت المكالمة
زهرة بتفوق : احم احم .. الو
– صحي النوم يا زهرة قلبي .. كل ده نوم
زهرة بتفتح عينيها بسرعة : مين ؟؟
– معقول نسيتي صوتي
بتتعدل بسرعة : شريف ؟؟؟؟
انت خرجت ازاي وبتكلمني منين اصلا
– معاكي ساعة بالظبط تقومي تلبسي وتجهزي حالك وتيجي تقابليني في اللوكيشن اللي هبعتهولك ، بس متقلقيش المرة دي مفيهاش خطف
زهرة : اقابلك مين يا حيوا””ن انت صدقت نفسك ، انت شكلك هربت م السجن وانا هعرف ازاي ارجعك تا…
– ولو قولتلك ان معايا فيديوهات ليكي واعتقد انها تخصك واوي كمان ؟
**زهرة حاطة الفون علي ودنها ومصدومة !!!!**
- يتبع الفصل التالي اضغط على ( رواية تزوجت اختها ) اسم الرواية
تعليقات
إرسال تعليق