رواية رحلة معرفة الحقيقة كاملة بقلم زينب مجدي عبر مدونة كوكب الروايات
رواية رحلة معرفة الحقيقة الفصل الخامس 5
أيه…. يعني أنا كنت مخطوفه….هو في إيه…. إيه التوهان إللي أنا فيه ده
اميره بسعادة لرجوع ابنتها…..تعالي بس اقعدي يا حبيبتي إنتي وحشاني أوي أوي عمر بحاله منك لله يا ابراهيم
جدتها….اقعدي يا حبيبتي هعملك حاجه تاكليها شكلك تعبانه…. أبني فين يا أيه واكملت بدموع….نور عيني طفي ضي عيني وهج.. وحشني… وحشتني دخلته عليا…وحشني ريحته…. وحشتني حنيته
أيه بتوتر…. للأسف مش هينفع أقول على مكانه….ونظرت إلى أميره وقالت…..هو إنتي بجد أمي
اميره…. هو إنتي مش مصدقاني استني اجبلك البطاقة تتأكدي
أتت اميره بالبطاقة الشخصية نظرت بها أيه ونظرت إلى أمها وقالت.. سامحيني أنا عايشه طول حياتي فاكره إني يتيمه الأم والاب….ومن فتره عرفت إن أمي عايشه بس مسجونه.وفي مصحه أمراض عقليه
ودلوقتي أمي واقفه قدامي وكويسه ومتسجنتش أصلا…هو في إيه…. إيه المفاجآت الكتير دي
اميره…..مين إللي قالك الكلام ده… مين إللي قالك اني مسجونه
أيه… فهميني بس الأول إيه الموضوع ده.. إزاي اتخطفت منك…وازاي أبويا مات…وازاي مدورتوش عليا
أميره…..بصي يا بنتي..كان في يوم خالك جاي لأبوك وبيتكلمو في الشغل.. وأنا قومت اعملهم شاي وإنتي كنتي قاعدة على رجل أبوك
وخلصت الشاي وداخله لقيت أبوك مغمي عليه وخالك بيحاول يفوقه وإنتي عماله تصوتي… لما شوفته كده صوت
واعمامك وستك وجدك طلعو جري… أصل أبوك كان تعبان وهما كانو بيخافو عليه أوي
ستك قعدت تصوت وتقول إني موته وقعدت تقول كلام كتير عني وحش…واعمامك طلعو يجرو جابو دكتور والدكتور لما جه قال إنه مات. ولازم يروح المستشفى نعرف سبب الوفاة.كنتي إنتي عماله تعيطي وتقولي كلام مش مفهوم من كتر عياطك…..لقيت خالك خدك ونزل…قولت اكيد هياخدك عنده البيت علشان متشوفيش الصوات والعزا والحاجات دي…..ودي كانت آخر مره أشوفك فيها إنتي وخالك
عرفو في المستشفى إنه مات بسكته قلبية
وبعد ما دفنا أبوك أدور عليكي فص ملح وداب….وخالك ومراته وعياله فص ملح وداب…بيتهم زي ما هو مفيش حاجه في ناقصه حتي هدومهم كلها موجوده…..قلبنا البلد عليكم..دورنا في كل حته..اعمامك مسبوش مكان مدوروش عليكي فيه…بس كنا عارفين إنك مع خالك ومن ساعتها اعمامك بيدورو عليكي…. وأنا هموت من الحزن عليكي وعلى ابوكي…….ده كل إللي حصل
أيه مصدومه….. أنا كل شويه أسمع روايه شكل ليه…اصدق مين واكدب مين…. اصدق خالي إللي رباني وعمري ما شوفت منه حاجه وحشه..وكان بيعاملني بحنيه وعطف هو مراته…ولا أصدق أمي إللي أول مره في حياتي أشوفها
بس خالي قال إن أمي في مصحه.وفاقده النطق..بس أنا أمي دلوقتي قدامي وبتكلمني
اميره….. اهدي يا بنتي…. والله إحنا لحد دلوقتي منعرفش خالك عمل كده ليه…وايه إللي يخليه يسيب بلده وأهله كده
دا جدك مات وكان نفسه يشوفه
أتت الجده وقالت…… تعالي يا حبيبتي كلي وقوليلي خالك فين…نفسي أشوفه قبل ما أموت
أيه…..لا حول ولا قوة إلا بالله…مش عارفه يا تيته اقولك ايه بس أنا مش هينفع أقول على مكانه خالص
اميره… كلي الأول يا أيه وتعالي اوديكي عند اهل ابوك يعرفو إنك رجعتي ويطمنو على بنتهم…ولما نيجي نتكلم في كل حاجه…. وحشتيني اوي يا بنتي… وحشتيني
أيه… حاضر يا……..ماما
…………. ……………….. …………
في منزل حسن
جيهان…..حسن صحابي غاده وريم جايين يقعدو معايا شويه انهارده
حسن بضيق…..اصحابك بقو بييجو كتير اوي هنا يا جيهان
وبصراحه أنا بقيت بدايق
جيهان متفاجئه….. إيه.انت طول عمرك بتقولي المهم اشوفك مبسوطه… إيه إللي اتغير دي كلها ساعه ولا اتنين وبيمشو وإنت بتروح تقعد مع اصحابك أو بتروح عند مامتك
حسن…..طيب اقولك إيه…يا حبيبتي اقعدي براحتك معاهم بس ليه دايما بييجو في الوقت إللي أنا فيه في البيت ييجو في وقت
جيهان…… إنت طول الوقت في البيت يا حسن من بعد ما بترجع من الشغل
حسن…..بصي يا جيهان.. إنتي طيبه أوي بس أنا مش هقولك حاجه غير خلي بالك
وقومي جهزي العصير إللي هتعمليه علشان أنا مش هدخل عليكم…. أنا هقوم ألبس وانزل
جيهان لنفسها…..ماله حسن متغير كده ليه أول مره يتكلم كده…. وأثناء ذلك سمعت جرس الباب فتحت وجدت اصدقائها
غاده…… وحشتيني يا جي
جيهان…. وإنتي اكتر يا حبيبتي اتفضلي…ريم حبيبتي وحشاني اتفضلي
ادخلتهم جيهان الصالون وخرج حسن من الغرفه وقام بمناداة جيهان
حسن…… أنا خارج عايزه حاجه اجبهالك وأنا جاي
قبل أن ترد جيهان خرجت غاده وقالت
أيه يا حسن إنت خارج ولا ايه مش هتعملنا العصير التحفه اللي بتعمله
حسن وهو ينظر في الأرض….اسمي بشمهندس حسن… وجيهان هتعملكم كل إللي انتوا عايزينه
غاده…..طيب أقعد معانا شويه
حسن…. لأ شكراً ورايا مشوار مهم.. بعد اذنكم
خرج حسن وقالت غاده لجيهان…هو جوزك بيعاملنا وحش ليه كده هو مدايق علشان بنجيلك….هو ميعرفش إننا كنا 24ساعه مع بعض….ولا هو عايز ياخدك مننا…. لأ بقي إحنا لينا فيكي اكتر ما هو ليه…. وبعدين أنا قولت برضه إنه من الرجاله إللي بتلغي شخصية زوجاتهم..ويكونو هما سي سيد
جيهان بطيبه….. على فكره حسن مش بيلغي شخصيتي ولا حاجه..هو كويس جداً معايا
غاده….. كويس جداً علشان إنتي مش بتقولي غير حاضر ونعم….جربي تعترضي على حاجه وشوفي وشه التاني
وبعدين نسيتي يوم الفرح عمل فيكي إيه علشان بس قررتي تفرحي في أهم يوم في حياتك..وتلبسي حاجه إنتي إللي مختراها….زعقلك قدامنا وساب الفرح ومشي وخلا مامتك وبباكي واقفين مكسوفين من الناس…. وفي الآخر راح جبلك فستان كتفك بيه ومنعك ترقصي على الاستيدج براحتك زي كل العرايس إللي في الدنيا…
خديها نصيحه من صحبتك إللي عايزه مصلحتك
اعملي شخصية لنفسك علشان جوزك بيلغي شخصيتك واحدة واحدة
كانت جيهان تسمع..وهي تشعر بالتوهان هل ممكن ان يكون حسن يريد أن يلغي شخصيتها
ريم……سبيها براحتها يا غاده طالما هي وجوزها مرتاحين
غاده……يا بنتي صحبتي وتهمني مصلحتها…هو أنا عندي أغلي منها
جيهان….ربنا يخليكو ليا هقوم..اعملكم حاجه تشربوها
………….. ………….. ………..
في منزل والدة حسن
والدته….مالك يا حبيبي شكلك متغير
حسن…..ولا متغير ولا حاجه يا ست الكل
والدته..وهي تفرك في قدمها…. جيهان عامله ايه معاك….اوعي تزعلها يا حسن مراتك طيبه أوي وكمان بتحبك أوي
حسن….. إنتي عارفه إني أنا برضه ازعلها يا أمي دي في عنيه ومن ناحيه طيبه فهي أطيب واحده في الدنيا
والدته….. أنا بس عايزه اقولك إنها تربيتها غير تربيتنا وهي مترييه في مجتمع مفتوح أوي…بيبينو شعرهم ويبينو جسمهم عادي….وهي يا حبيبتي بتحاول على قد ما تقدر تتغير علشان خاطرك وبقي لبسها كله واسع واخمره
فعايزاك لو جت في يوم وحنت للايام القديمه تكون حنين معاها وتفهمها وجهة نظرك براحه… علشان أنا عرفاك لما بتغير بتتحول..
حسن بضحك…. حاضر يا أمي بس إنتي رجللك لسه بتوجعك
والدته…. آه والله يا ابني
حسن ….دقيقه واحده هجبلك شويه مايه وبملح وادعك رجليكي
والدته…….متتعبش نفسك يا ابني
حسن….تعبك راحه يا ست الكل وبعدين إنتي مكنتيش بتستريحي غير لما ادعكهالك
……………….. …………….
عند أيه
أخذتها والدتها إلي منزل أهلها
جدة أيه…..يا حبيبتي يا بنتي..يا ريحه الغالي تعالي في حضني وحشتيني
خدك مننا إللي ينتقم منه ربنا وبعدك عن حضننا
أيه….لوسمحتي يا تيته متدعيش عليه….دا برضه خالي إللي رباني ومقصرش معايا
جدة أيه…..سيبك منه وش الغراب ده وتعالي اقعدي وحشتيني تعالي يا اميره أدخلي
دخلو جميعاً وجلست جدة أيه وتدعي منيره وقامت بمناداة كل من في المنزل
نزل اثنين من النساء ومعهم الكثير من الأولاد
أيه بنت أبني خالد رجعت تعالو سلمو عليها
دي مرات عمك علي…. إسمها ام عاصم
ودي مرات عمك ناصر…. إسمها أم خالد سمت ابنها على اسم الغالي الله يرحمه
سلمو عليها بحرارة وقالوا…نورتي بيتك يا حبيبتي
منيره..شاورت للاولاد وقالت….تعالو يا أولاد سلمو على بنت عمكم
كل واحدة ترن على جوزها تعرفه….وهي فين مرات شوقي منزلتش ليه تيجي ترحب ببنت سلفها وخطيبة ابنها
كانت أيه تشعر بالسعادة والألفة بينهم..وما إن سمعت جدتها تقول خطيبة ابنها حتي هبت واقفه
خطيبه مين يا تيته دا انتوا أول مره تشوفوني
جدتها بسعادة…. اقعدي يا بت… إنتي نسيتي احمد بن عمك دا كان على طول يقول هتجوز أيه واحنا كتبناكي علي اسمه من ساعتها
…………………. …………………….
في احد الكافيهات…كانت تجلس غاده وريم
ريم…..بس إنتي سخنتي جيهان أوي على جوزها يخرب بيت دماغك
جيهان…..مش هو إللي عامل نفسه مثالي أوي وعامل فيها الزوج المحترم وهي طالعه بيه السما وكل شويه حسن حسن
ريم….بس أحلي حاجه في جيهان إنها بتقتنع بسرعه صدقت كل الكلام اللي قولتيه
غاده….. جيهان دي واحده غبيه ومتستاهلش كل إللي هي فيه…ومش عارفه جوزها ده بيحبها أوي ليه كده
وكمان بتقولي لو هو جه قبلها مش الشغل بيحضر الأكل على ما هي تيجي..شوفتي نحره اكتر من كده
وكمان يساعدها في شغل البيت
وكمان بيغير عليها أوي
أنا كنت هموت يوم الفرح لما اعترض على الفستان وراح جبلها واحد تاني في نفس الوقت علشان ميكسرش فرحتها مع إني تعبت أوي علشان اقنعها بالفستان ده
وهو جه أعترض وراح جاب غيره وكملو الفرح عادي جداً كأن مفيش حاجه وهي كانت مبسوطه وهتطير من الفرح
وهو غيران عليها وخلاها مترقصش قدام الرجاله
إحنا فعلاً ملناش حظ..الحظ ده ليه ناس معينة مش لينا خالص إحنا لينا الديوثين بس… إللي لو شافونا بلبس قصير عادي جداً ويبقى مبسوطين كمان
هو ليه مفيش حد بيحبنا ويغير علينا كده زي البت جيهان
- تبع الفصل التالي اضغط على ( رواية رحلة معرفة الحقيقة ) اسم الرواية
تعليقات
إرسال تعليق