رواية حب بالصدفة كاملة بقلم ملك ناصر عبر مدونة كوكب الروايات
رواية حب بالصدفة الفصل الثالث 3
لميس: انا هطلع اناديها يا ماما..
طلعت لميس لاوضه دارين علشان تناديها خبطت ومفيش رد فتحت الباب واتفاجات لما لقت ان دارين مش موجوده في الاوضه
لميس وهي بتدور عليها: داريين.. دارين انتي فين.. دار…. مكملتش جملتها لما فتحت باب الحمام واتصدمت لما شافت
دارين واقعه على الارض واديها بتن.زف والد.م في كل مكان في الحمام..
لميس بصويت وفزع: دارييييييين
الكل اتخض لما سمع صوتها وطلعوا كلهم جري على الاوضة
كنان بقلق: لميس انتي فين
لميس ببكاء: انا هنا يا كنان في الحمام..
الكل اتجه ناحيه الحمام واتفاجاؤه لما لقوا دارين مرميه على الارض بتنز.ف ولميس واقفه جمبها مصدومه من المنظر..
كنان اول ما شافها حس بنغزه قوية في قلبه وصفاء لما شافتها صو.تت بفزع..
فهد بسرعه: كنان شالها وهاتها بسرعه للعربيه وانا نسبقق يالا بسرعه..
كنان كان واقف بيبص عليها بصدمه ومش بيتحرك..
فهد بصوت عالي: كنان بسرعه مفيش وقت البنت بت.موت
كنان فاق لنفسوا وقرب منها وشالها بسرعه ونزل بيها جري للعربيه وفهد فتحلوه الباب..
فهد: بابا تعالى ورانا بسرعه بالعربيه..
صفاء بعياط: وانا هاجي معاك يا لؤى انا مش هسيب البنت لوحدها..
لميس: و.. وانا كمان يابابا..
لوى بسرعه وتوتر: يالا طيب اركبوا بسرعه..
بعد وقت مش كتير»»
دخل كنان من باب المستشفى وهو شايل دارين اللي غرقا.نه بد. مها
كنان بصراخ: دكتووووور بسرررعه
جه دكتور: حطها على الترولى ده يا دكتور كنان..
فهد: أدخل معاها العمليات يا كنان..
لؤى حط ايده على كتف كنان: انا واثق فيك يابني..
كنان هز راسه ودخل يلبس لبس العمليات بسرعه..
_______________
في مكان تاني»»
كانت ماشيه على البحر بهدوء لمسات الهوا بتداعب شعرها الطويل وبتطيروا بتخبط المايه في رجليها.. بتنزل دموعها بحزن على حالها.. فجاه وقفت وقالت بصراخ وانهيار..
: لييييييه.. لييييه انا.. ليه بيحصل معايا كل ده ليييييه..
فجأه بتسمع صوت من وراها: يمكن علشان ده قدرك؟!
بتبص ليه بعيونها اللي بتلمع من الدموع..
: او مثلا من حب ربنا ليكي..
البنت ببكاء: ازاي ربنا بيحبني وبيحصلي كل ده..
الشاب بابتسامه: ربنا لما يحب عبد بيبتليه.. وانتي اكيد ربنا بيحبك اوي وبيختبرك..
البنت بحزن وتنهيده: بس انا تعبت.. تعبت اوي..
: هونى على نفسك.. وافتكري ان مهما ضاقت بيكي الدنيا ربنا موجود وربنا مش بيسيب حد محتاجله ابدا وباذن الله بكره
كل حاحه تتغير وتكون احسن وابقي قولي فراس قال.. اه صح.. ومد ايده يسلم عليها.. انا فراس وانتي..
مردتش عليه وبصت اودامها بشرود..
فراس مد ايده التانيه وسلم على نفسه..
فراس: وانا ذات الرداء الاحمر..
البنت بتصلوا بأستغراب: هسميكي ذات الرداء الاحمر لحد ما اعرف اسمك..
بصتلوا باستغراب اكبر..
فراس شاور على فستانها الاحمر: بما اني شوفتك اول مره وانتي لابسه فستان احمر كده فهسميكي ذات الرداء الاحمر..
غمزلها واتكلم: هتلاقيني موجود هنا كل يوم في نفس الوقت ده باي يا.. ذات الرداء الاحمر..
____________
عند دارين….
كانت نايمه في اوضه العمليات لا حول لها ولا قوه وكان اللي بيعملها العمليه كنان..
كانت نايمه وبتحلم ب….
دارين ماشيه في مكان زي غابه لابسه فستان ابيض طويل وفارده شعرها بتبص في كل مكان حوليها بخوف..
دارين بخوف: ماما.. بابا.. ماااما.. بابا انتو فين..
فجاه بتسمع صوت من وراها بتلف بلهفه لقت مامتها وحمبها باباها..
الام(ريحانه): بدوري علينا يا دارين..
دارين بتجري عليهم بلهفه وشوق كبير
دارين: وحشتوني وحشتوني اوي..
شاهين: وانتي كمان يا حبيبتي..
دارين بفرحه: انتو رجعتوا تاني صح مش تمشوا تاني وتسبوني ماشي..
ريحانه بابتسامه وحنان: مينفع يا حبيبتي.. احنا عمرنا انتهى خلاص.. ولازم تعيشي حياتك من بعدنا..
دارين بعدم تقبا وهي بتدخل في حضنها لعلها تحس بالامان تاني: لا لا لا انا مش هسيبكم خلاص خدوني معاكم متسبونيش هنا لوحدي.. المكان هنا ضلمه اوي..
شاهين بحنان وهي بيمسك وشها بأيدوا: لسه اودامك عمر طويل يا حبيبتي تعيشيه مع ناس تحبك وتحبيهم اصبري يا دارين اصبري..
دارين بدموع: مش قادرة.. مش قادرة
ريحانه بصت لشاهين: يالا بينا يا شاهين..
شاهين بابتسامه: يالا يا حبيبتي.. وبدؤا يمشوا هما الاتنين ويبعدوا عنها ببطى..
دارين بصراخ: لااا لا متسبونيش لااا متسبونيش ارجوكم متسبونيش..
شاهين وريحانه وقفوا بعيد عنها وشاورولها بأيديهم: هنستناكي يا دارين.. هنستناكي..
فجاه دارين ترجع للواقع وتفتح عيونها اللي يكونوا لونهم احمر من الدموع..
الممرضه: المريضه فاقت يا دكتور فاقت..
يبص كنان لدارين يلاقيها فتحت عنيها وبتبص لفوق بدموع..
كنان بلهفه: دارين.. دارين انتي سمعاني.. دارين حاسه بأي الم..
لمن لا حياه لمن تنادى دارين مش بترد وكأنها في عالم تاني..
كنان اداها حقنه مخد.ره تاني وراحت في نوم عميق وهو خرج من اوضه العمليات..
الكل جري عليها..
لؤى: ها يابني دارين كويسة..
كنان بابتسامه: اه يابابا الحمدلله الجرح مكنش عميق اوي..
صفاء اخدت نفسها براحه وحضنت لميس: الحمدلله الحمدلله..
فهد طبطب على كتف كنان: عاش يا وحش..
لؤى: يعني كده خلاص مفيش خطر على حياتها هينقلوها لاوضه عادية..
كنان: اه يابابا نص ساعه بالكتير وهتفوق..
________________༺༻_________________
بعد مرور نص ساعه»»
صفاء: كده يا حبيبتي تقلقينا عليكي.. كنتي عايزة تموتي نفسك..
لؤى: خلاص بقا يا صفاء مش وقته..
دارين كانت بتبصلها بدموع وحزن..
لميس بمرح: كده يا دودو تقومينا من على الاكل دانا حتى هموت من الجوع..
فهد: بس يا طفسه..
كنان دخل وقاطع كلامهم: يالا يا جماعه بقا سبوها ترتاح شوية وروحوا البيت كده كده كلها كام ساعه واخدها ونروح انا وهي..
لؤى: طيب يا حبيبي خلي بالك منها..
الكل مشي واتبقا دارين وكنان بس في الاوضه..
كنان: كنتي عايزة تموتي نفسك؟!
دارين: …………..
كنان: كنتي عايزة تموتي كاف.ره؟!
دارين: …………..
كنان بغضب: انتي عارفة كان ممكن يحصلك ايه لو لميس مكنتش طلعتلك في الوقت ده.. كنتي هتموتي.. فااهمه كنتي هتموتي.. انتي متخيله حجم الكارثه اللي كنتي هتحطي نفسك فيها.. كنتي هتقولي ايه لربنا ها؟! تقدري تقولي منتي هتقولي ايه لربنا..
دارين بقت تعيط بشهقات وفجاه……..
- يتبع الفصل التالي اضغط على ( رواية حب بالصدفة ) اسم الرواية
تعليقات
إرسال تعليق