رواية حب بالصدفة كاملة بقلم ملك ناصر عبر مدونة كوكب الروايات
رواية حب بالصدفة الفصل الحادي و العشرون 21
فراس راح ناحيه اوضة فيروز وخبط على الباب: فيروز معاكي لبس تلبسيه؟
في الوقت ده فيروز كانت فعلا قاعدة على السرير ومش لاقيه لبس تلبسه واول ما سمعت صوته ردت بسرعة من ورا الباب: لا مش معايا
فراس: طيب افتحي الدولاب هتلاقي كام بيجامه خديلك واحده البسيها..
فيروز استغربت وفعلا قامت تشوف لقت فعلا بجيمات بناتي حلوه اوي..
فيروز حست بالغيره والاستغراب ان ممكن يكون فراس كان عايش مع بنت تانيه قبلها؟!
لبست فيروز بيجامه من البجيمات اللي كانت موجوده وكانت حلوه اوي عليها وكانت تقريبا على مقاسها وسابت شعرها المبلول على ضهرها وخرجت..
اول ما خرجت للصاله ملقتش فراس قالت لنفسها اكيد بياخد شاور وهيطلع وقعدت اودام التليفزيون تستناه..
في مكان تاني»»
فهد لكنان: وبعدين بقالنا ست ساعات ومفيش جديد..
كنان كان مركز على اللاب توب وفجاه قام وقف وقال بسرعة ولهفه: عرفت مكانها عررفت..
فهد قرب منه بسرعة: فين فين
كنان خد مفاتيح العربية والفون وخرج بسرعة ووراه فهد..
وفعلا فضلوا يتتبعوا مكانهم وكان المكان بعيد يبعد عنهم بساعتين تقريبا..
_______________
عند دارين
_______________
دخل صقر على دارين المخزن لقاها قاعدة مكانها زي ما كانت..
صقر: ازيك يا حلوه..
دارين بصتله بقرف ومردتش
صقر بسخرية: شكلك كده مطولة معانا والباشا ابن عمك مش هيخاطر بشغله علشانك..
دارين فكرت للحظة في كلامه وحست ان ممكن فعلا يكون كنان مش همه اللي حصلها..
بس اتكلمت وقالت بثقه: لا كنان هيجي وهينقذني منك ومش هيضحى ولا بيا ولا بشغله..
صقر ضحك بصوت عالي كسخرية على كلامها..
صقر: واثقة اوي انتي في حبيب القلب.. المهم وشاور على رجالته باشارة وهما فهموا وقربوا من دارين..
دارين بقلق: ايه في ايه..
قربوا اتنين من الرجاله اللي كانوا اد الباب تقريبا..
دارين بغضب: وخدني على فين سيبوني..
بس لا حياه لمن تنادي وخدوها الرجاله على عربية بره وكان اودامهم صقر وكبعا محاولات كتير من ظارين انا تفلت من بين اديهم بس مقدرتش..
بعد وقت طوييل جدا وصلوا لمكان في بيت صغير ومكنش في اي حاجه تانيه حوليه غير شلال مكان بعيد شوية عن البيت وكان عميق جدا..
صقر لواحد من رجالته : خدها دخلها جوه وخلي اتنين حراس يقفوا على الباب وواحد يروح يجيبلها اكل يالا بسرعة..
: اوامرك يا صقر بيه..
وفعلا نفذ اوامره وكان البيت عباره عن بيت خشبي ولكن متبن جدا وكان في حراس واقفين بره اودام البيت ودارين قاعدة جوه لوحدها وضامه نفسها بخوف..
دارين بدموع وخفوت: اتأخرت ليه يا كنان.. اتأخرت ليه..
________________
في الوقت ده كان كنان وصل للمكان اللي كانت موجوده في دارين دخل بسرعة هو وفهد وكام ظابط كان معاهم واقتحموا المكان لكن اتفاجوا بعدم وجود اي شخص جوه.. فضل كنان يدور وينادى على ظارين زي المجنون لحد ما فهد لمح ورقة موجوده على تربيزة صغيره..
فهد:كنان بص لقيت ايه
كنان راح وفتح الورقة وقراها وكان محتواها..
محتوى الرساله:هههه كنت عارف انك ذكي وهتفكر تيجي المكان ده بس مش اذكى مني يا تهامي في الوقت اللي بتشوف في الرسالة دي هكون انا وحبيبه القلب وصلنا للمكان ده وهو **(وكتب العنوان) واودامك ساعتين بالظبط والمهله
تخلص وفي الثانيه الاخيره من الساعتين هتكون حبيبه القلب بتقع من فوق الشلال وبتودع يا تلحق يا متلحقش.. تيك توك تيك توك.. وكان مكتوب في اخر الورقة الصقر..
خبط كنان ايده بغضب على الحيط وقال بغضب جحيمي: صاااااااقر////////
فهد بسرعة: يالا يا كنان بسرعة مفيش وقت..
كنان راح بسرعة وكان بيتصل بصقر طول الطريق علشان يرد عليه..
وبعد مكالمات كتير اخيرا رد عليه صقر..
صقر ببرود: ايه يا حضره الظابط اكبد قريت الورقة صح ههههههه..
كنان: انت مرييض مرييض يا صقر.. صدقني لو.. لو عملتلها حاجه هخليك تتمنى الموت ومتلقيهوش يا صقر ايااااك ايااك تلمس بس شعره منها هق.تلك يا صقر سااامع هق.تلك
صقر: ههههه عدا عشر دقايق من الساعتين يا حضره الظابط..
كنان: عايز اشوفها..
صقر ابتسم بخبث وبص للكميرات اللي اودامها: بس كده دانت تؤمر.. وفتح الكاميرا وكانت ظارين قاعدة منكمشه في نفسها وشعرها متبهدل وهدومها متبهدله وكان كنان شايف كل ده من خلال الكاميرات اللي صقر مركبها في البيت اللي قاعدة في دارين..
صقر: ها ايه رأيك..
كنان وقف العربية وبص للصورة ويقسم انه لولا وجود اضلاعه لخرج قلبه اللذى ينبض بشده..
فهد طبطب على كنان وقالوا بهدوء: تعالى يا كنان مكاني انا هسوق.. وفعلا بدلوا اماكنهم وكنان فضل باصص على الصورة بضعف وكسره وهو مش عارف يعمل ايه..
كنان: موافق
صقر ابتسم بانتصار: البضاعة تدخل المخازن والعربيات تعدي بأمان وعاكف يخرج من السجن حالا سامع يا حضره الظابط..
كنان بهدوء: تمام.. وقفل الفون..
فهد: كنان انت هتعمل كده بجد؟!
كنان بصله وهو بيحاول يحبس دموعه: مستحيل اخاطر بحياتها يا فهد مستحيل..
فهد: للدرجه دي بتحبها؟
كنان بص اودمه: انا عديت مرحله الحب من زمان وقعت في حب دارين التهامي يا فهد.. كنان التهامي وقع في حب طفله..
فهد حس بحزن على اخوه الكبير اللي مكنش يتوقع ابظا يشوفه بالضعف ده..
وكنان كلم فراس وقاله ينفذ كلام صقر ولكن هل فعلا فراس هيعمل كده؟! مظنش..
بعد ساعة ونص بالظبط كانت متبقي تقريبا خمستاشر دقيقة والساعتين يخلصوا..
صقر اتصل بكنان وكنان رد..
كنان باستغراب: ايه اللي حصل؟!
صقر: والله مش عارف ايه اللي حصل الشحنه اللي كانت هتوصل اتقبض عليها ورجالتي كلهم اتقبض عليهم وضيعت عليا
تلاتين ملييوون.. هندمك يا كنان هندمممك
كنان بصدمه: ايه.. لا لا مستحيل انا مكلمهم بنفسي وقولتلهم يلغوا ال..
صقر بجنون وغضب: هق.تلها يا كنان هق.تلهااا وووووو
- يتبع الفصل التالي اضغط على ( رواية حب بالصدفة ) اسم الرواية
تعليقات
إرسال تعليق