رواية قدري و نصيبي كاملة بقلم السيد محمد عبر مدونة كوكب الروايات
رواية قدري و نصيبي الفصل الاول 1
-بقلك ايه
: هاا قول
-بتعملي ايه
:نايمه .. ليه بتسال
– طب هتاخديني في حضنك
: تصدق انك سافل ومشوفتش التربيه
– والله انتي اللي مشوفتيش بربع جنيه سلكان
: ليه حضرتك بتقولي قومي صلي الفجر مثلا
– انا بقصد يعني هتاخديني في حضنك لما نتجوز
: مش لما نتجوز الاول
– طب انتي هتلبسي ايه
: بردو مصمم انك متبقاش محترم
– يبنتي قصدي هتلبسي ايه بكره
: ليه بسال يعني يخصك في حاجه
– لا بس كنت عاوز اقابل باباكي فقلت نطقم زي بعض.
: ايييه ،، عاوز تقابل بابايا ليه
– لا بس كنت عاوز اوريه الطقم اللي جايبه وناخد صوره سلفي انا وهو مع بعض.. في ايه يا فداء ده وقت غباء بذمتك
: فداء بفرح . طارق انتا قصدك انك عاوز تقابل بابايا وتخطبني وكده وودوني علي بيت حبيبي وكده
– لا كده هيودونا علي مستشفي المجانين
:طارق انتا بتتكلم بجد مش بتهزر صح ،، انتا جاي تخطبني صح .. فداء دموعها نزلت من الفرح وبدأت تعيط
-لا لو هتعيطي يبقي اعملي حسابك سحبت كلامي.
: تسحب ايه حضرتك هو دخول الحمام زي خروجه
: وبعدين خلاص احنا هنحجز في انضف قاعه
– لا احنا كده هنحجز في مستشفي العباسيه
: تصدق انك رخم يا طارق
– يلا تصبحي علي خير يا برنسيستي
*تاني يوم في الصباح
قومي يا فداء الوقت اتاخر يلا علشان نرتب البيت فيه ضيوف جيالنا
– فيه ايه يا ماما بس بتصحيني ليه
: قومي يختي في واحد كلم ابوكي عليكي وجايين النهارده ، قومي يلا علشان ورانا مشاغل كتير
-شغل ايه يا ماما ايدك علي 3000 جنيه فستان الخطوبه و2000 علشان الميكب
: قومي يبت فزي بلا 2000 هيا ناقصه دلع يلا علشان الناس جايه تشوفك لو جم وشوفوكي كده هيمشو من غير ميسلمو حتي
-مين قالك كده يا ماما دا بيموت في…….
: نعم بتقولي ايه … بقولك دا هيموت عليا يعني لما يشوفني
:اه اصل سمعتها حاجه تاني .. لا يا ماما ابقي سلكي ودانك
: طب قومي يختي بدل مسكك انا من تحت البطانيه
– حاضر يا ماما هقوم اهو دا ابو العيال اللي جاي ده
– نعم يختي ،وتمسك فداء من شعرها قصدك ايه يبت بكلامك ده
يووه يا ماما انتي دايما بتفهميني غلط قصدي يعني هيبقي ابو العيال لما اوافق ونتجوز
الام: ايوه كده اتعدلي بدل معدلك الرجل اللي هيجي يقول عليكي ايه مجنونه
فداء في سرها : دا هو اللي علمني الجنان كله هههه
بالليل
الباب بيخبط يفتح الباب ابو فداء: اهلا اتفضلو اتفضلو البيت بيتكم.
– الاب: تعالي يا فداء وهاتي الحاجه الساقعه للضيوف
تدخل فداء وهيا مكثوفه ووشها في الارض وباين عليها الفرحه ان حب عمرها جاي يخطبها
ام فداء: سلمي يا فداء علي الضيوف
فداء رفعت رأسها وبتبص متلاقيش زيد وسلمت علي كل الموجودين ومستنيه حد يقولها طارق فين ، بس محدش اتكلم
تخرج فداء للمطبخ وهيا متلخبطه وترن علي طارق وتشوفه هو مجاش معاهم ليه، بترن علي طارق مبيرودش بعتتله رساله بردو مردش القلق زاد عن فداء وبتحاول تطمن نفسها وبتحاول تضحك بس الحزن والخوف امتلكها .. لا لا اكيد طارق موجود وبيعملي مفاجأه ،، وبابا هيناديني علشان اقعد معاه
بعد شويه:
الاب تعالي يا فداء علشان الرؤيه الشرعيه …
فداء قلبها بيدق جامد من الفرحه وبردو خايفه وتدخل عليهم ووشها في الارض،
فداء – السلام عليكم
يرود الموجودين ووعليكم السلام ورحمة والله بركاته
يرود عليها شخص اتفضلي يا فداء اقعدي.
ترفع فداء راسها وتشوفه وقلبها يزيد من الخوف ،
فداء- انتا مين
:انا العريس
– عريس مين انتا هتهزر عريس ايه وبتاع ايه
: فيه ايه كنتي مستنيه حد تاني ولا اي
– حد ،،،، حد مين ده
مالك اتخضيتي كده ليه
فداء بارتباك ، حد ? حد مين لا طبعا انا بس ……
: شكلك اتغيرت يا فداء ، اول مدخلتي شكل ولما شوفتيني شكل تاني خالص
-لا هيا نفس الشكل ولا انتا تخصص اشكال، اش عرفك انتا
: طب مالك كده اهدي احنا جايين في خير مش في خناقه
-مش حضرتك شوفتني عن اذنكم بقا
: ايه رايحه فين
– بص يا عسل انا اصلا مش بفكر في الجواز دلوقتي وكل حاجه نصيب يلا روح شوفلك وحده تاني انا مش هتجوز
:لا انتي فاهمه غلط، احنا تقريبا متفقين علي كل حاجه انا وباباكي ومش ناقص غير اننا نجيب الشبكه
– فداء بصدمه، انتا بتقول ايه هو اي تخاريف وخلاص وتلقيح جتت انا مش هتجوزك ولو علي موتي يا،،،،،
: زيد اسمي زيد
– هو حد سالك عن اسمك وبعدين انا مش موافقه علي الجوازه دي ولا هو غصب وبعدين اول مشوفتك خوفت ومطمنتش ودا مش حلو يلا بقا من هنا،
: يبقي الف الف الف مبروك
– فداء تمسك كوب العصير وتقرب منه، انتا متعرفش دماغي انا ممكن اكسر الكوبايه دي علي دماغك اتكل علي الله بدل متطلع من هنا علي المستشفي علي طول
وهنا يدخل ابو فداء ،
مالك يا فداء ماسكه الكوبايه كده ليه
– مفيش يا بابا دا انا كنت بشربه العصير بس
*طيب يا حبيبت ابوكي طب تحب نجهز الاكل يا زيد يا يبني
:اه ياريت يا حمايا وبعدها نشرب شربات بقا يا حمايا احنا خلاص تقريبا متفقين
*جهزي الاكل يا حجه وبلي الشربات
*الام لولولولوي الف مبروك يا فداء وتحضن بنتها ، وكل ده ولسه علامات الدهشه علي وش فداء
: زيد ايه يا فداء انتا هتكليني ولا ايه
– فداء، دا انا هعمل من وشك شاورما ، هو انتا فاكر ان كده خلاص اتجوزتني غصب
: مين قال غصب بس ، انا اتقدمت وانتي هتوافقي وهتطلعي تقوليلهم كمان انك موافقه
– انتا اهبل، مش عارف جايب الثقه دي منين
: لا مش اهبل بس تقدري تقوليلي لو باباكي ومامتك عرفو انك مصاحبه واحد او بتكلمي حد من وراهم وهما ميعرفوش
هيكون رد الفعل ايه ،،،،،
- تبع الفصل التالي اضغط على ( رواية قدري و نصيبي) اسم الرواية
تعليقات
إرسال تعليق