رواية حب بالصدفة كاملة بقلم ملك ناصر عبر مدونة كوكب الروايات
رواية حب بالصدفة الفصل العاشر 10
في المدرسة»»
كانوا في البريك وقت الاستراحه والبنات كانت قاعدة في الكفتيريا بيتكلموا فجاه قرب ولد منهم وقعد على الكرسي اللي جمبهم..
لميس بحده: نعم؟؟
الولد: اهلا انا سيف معاكم في تالته ممكن اتعرف عليكوا..
دارين بتلقائية: انا دارين..
لميس بغيظ: دارين..
سيف مد ايده علشان يسلم على دارين: اتشرفت بمعرفك يا دارين ممكن نبقا صحاب..
دارين: اسفه بس مش بصاحب ولاد..
سيف: ليه بس..
لميس قامت وقفت: علشان حرام وعيب.. ومشيت هي ودارين.. ومن بعيد على تربيزه تانيه كانوا قاعدين تلت بنات
بعا لازم في كل فصل بيبقا في حربيات هما بقا دول الحربيات..
شذه: هما مش دول البنات الجديده هو سيف بيعمل ايه معاهم..
ناريمان بصت علين بغيظ: ايوة هو.. وقربت عليه والبنات وراها..
ناريمان بغضب: ممكن اعرف انت كنت بتعمل ايه مع البنات دي..
سيف ببرود وقام وقف: ملكيش دعوه بيا يا ناريمان..
ناريمان: هو ايه اللي ملكيش دعوه بيا انا صاحبتك وبحبك..
سيف بملل: اوف كل يوم نفس الكلام ده كان زمان يا ناري انما دولقتي لا نوو مفيش منو ومشي بكل برود..
ناريمان كانت واقفه متصعبه..
شاهي: معليش يا ناري متزعليش نفسك..
ناريمان: ماشي يا سيف..
»»»»»»»»
عدا اليوم وجه الليل»» على السفره
لؤى: لقيت الفيلا المناسبه يا حمزه..
حمزه: ايوة يا عمي لقيتها خلاص واسبوع بالكتير وهننقل هناك..
لؤى: على خير ان شاء الله..
سكت الكل وهما بياكلوا جت رساله على تليفون لارا فتحتها واول ما قرائتها وشها اصفر وبقت مصدومه..
نازلي: في حاجه يا لارا..
لارا: ………
تالا: لارا.. لاارا
لارا بانتباه: ها..
تالا: بنكلمك مش بترودى..
نازلي: في حاجه يا لارا..
لارا بتوتر: ل. لا لا مم.. مفيش
وبعدين قامت ومسكت التليفون: انا شبعت هطلع انام تصبحوا على خير.. الكل استغرب بس سكتوا..
كنان في نفسه: ياترى عملتي ايه تاني يا لارا..
خلصوا عشا وكل واحد طلع اوضته..
في اوضة دارين»»
كانت قاعده بتقلب في الفون جتلها رساله..
كنان: مكلتيش كويس ليه..
دارين اتوترت واستغربت: لا كلت عادي..
كنان: ملحقتش اسالك عملتي ايه في المدرسة النهارده..
دارين: عادي حضرت الحصص وقعدت مع لميس في البريك..
كنان: ومتعرفتيش على حد النهارده..
دارين افتكرت سيف وافتكرت اما سلمت عليه وعرفته اسمها..
: لا متعرفتش..
فجاه جالها رساله من رقم غريب بتفتح الرساله تلاقي……….
»»عند فراس..
كان قاعد بهدوء بيشتغل في مكتبه..
اعرفكم بفراس&&
فراس شاب عنده سبعه وعشرين سنه بيشتغل ظابط في العمليات الخاصه شاطر جدا في شغله ومفيش مهمه بتعدي من تحت ايده ملامحه عادية لكن عضلاته وجسمه القوي
العريض بتزيده وسامه ملقب بالقط الاسود بسبب تخفيه في المهمات وسريته التامه ومش اي حد يعرفه..
كان قاعد بهدوء بيشتغل في مكتبه على المهمه الجديده واللي كانت اصعب مهمه مرت عليه عن تجار اثار واعض.اء واطفال ومخد.رات وكل حاجه خارجه عن القانون ولكن كان
رئيس الما.فيا ده حد متخفى وحذر جدا كل ما يمسكوا حد من اللي شغالين معاه يتق.تل قبل ما يعترف..
وهو بيتشغل جت على بالو وابتسم وافتكر ملامحها الهاديه الجميله وضحكتها اللي سحرته وعيونها الخضره زي غابه خضره..
فراس: ياترى انتي مين وايه حكايتك يا.. دانا حتى مش عارف اسمك.. بس على مين مسيري هعرفه يا ذات الرظاء الاحمر……..
- يتبع الفصل التالي اضغط على ( رواية حب بالصدفة ) اسم الرواية
تعليقات
إرسال تعليق