رواية عزيز الفصل السادس
رواية عزيز الفصل السادس
الفصل السادس
عزيز
اختبأ عزيز بسرعه وسمع والده وجده صوت في الخارج فذهبوا ليبحثوا بسرعه ولكنهم لم يجدو احد اما عند عزيز صعد بسرعه الي غرفته فتحدثت نجمه مردفه: في اي مالك لو عايز حاجه جولي وانا اجيبهالك
عزيز بسعاده: سمعت بابا وجدو وهما بيقولوا علي الراجل ال موتوه
نظرت اليه بصدمه ثم تحدثت مردفه: انت بتجول اي
عزيز بسعاده: بقول انهم قتلوه موتوه ودفنوه تحت التراب زي ما انا عايز اموت سما وادفنها
نجمه بصدمه: انت مبسوط اكده ليه... مستحيل جدي يعمل اكده جدو مستحيل يموت حد
عزيز بتذمر: يا غبيه عادي يمكن هو ال كان عايز يموت علشان كده سمعوا كلامه
نجمه بحده: محدش بيبجي عايز يمووت.. طيب انت معرفتش مين ال كانوا بيتكلموا عنه دا او مين ال موتوه بالظبط
عزيز بثقه: عرفت علشان انا ذكي.. قالوا ابو نجمه وايه وشمس
انفزعت نجمه من مكانها وفجأه صرخ كارم وهو يتحدث مردفا: لا... لا اكيد مسمعش حاجه
زيدان بقلق: مالك يا ابني
كارم بقلق: تخيلت ان عزيز سمعنا وقال لنجمه كل حاجه... يارب ما يكون حد سمعنا
زيدان بضيق: متخافش يا ابني ان شاء الله مش هيوحصل حاجه
كارم بقلق: يارب... يارب
اما عند عزيز دخل الي المطبخ وظل يبحث عن الطعام وبدأ في تسخينه فدخلت سما وتحدثت مردفه: بتعمل اي في وقت زي دا
عزيز بسخريه: بصطاد سمك... غبيه.. انتي لسه قاعده ليه مش خلاص مبقاش فيه فلوس
سما بحده: انا ليا نصيبي ومش هسكت وفلوس جوزي هترجعله وهطلقه من البنت البيئه دي هو بيحبني وانا عارفه كويس انه مستحيل يبعد عني او يسيبني زعلانه حتي
عزيز بضحك: طيب تيجي نتراهن علي حاجه وال يكسب فينا التاني يديله 1000 جنيه ويعمله كل ال هو عايزه لمده يوم موافقه
سما بأستغراب: هنتراهن علي اي؟!
عزيز: هتروحي دلوقتي لطارق تقوليله انك تعبانه وان انا كمان تعبان وانتي تقوليله يبات عندك انهارده في الاوضه وانا اقوله كده ونشوف هيروح لمين
سما بضيق: هيروحلي انا علشان انا مراته وهو بيحبني ومش معايا حد بس انت معاك مراتك
عزيز بضيق: ماشي نشوف.. هنشوف بيحب مين اكتر
سما: ماشي وانا موافقه
في غرفه طارق تحدث بضيق مردفا: اذا كنتي عارفاني دلوقتي او زمان يا ايه بس دي ملهاش علاقه انك تكتبي ليا كل الفلوس كده
ايه: انا مش فاهمه انت مستغرب اكده ليه وزعلان ليه كمان... دي اصلا فلوسك انت انا مش من حقي اخد اي حاجه من الفلوس دي... طيب نجمه وجولنا علشان عزيز تعبان واول ما يبجي زين هي هترجعله كل فلوسه لكن انا ليه اخد فلوسك
جاء طارق ليتحدث ولكنه سمع صوت طرقات الباب فذهبت ايه لتفتح ووجدت ساجد يتحدث مردفا: بابا ماما تعبانه وعايزاك
ذهب طارق بسرعه الي غرفه سما وخلفه ايه ثم اقترب منها وتحدث مردفه: سما ماالك.. حاسه بأي..
سما بتمثيل وتوتر: تعبانه.. خليك معايا انهارده يا طارق
ايه: خليك معاها هي تعبانه ولو احتاجت اي حاجه جولي
نظر طارق اليها بابتسامه زجاءت لتخرج ولكن دخل رماح وتحدث مردفا: طارق عزيز تعبان ومش عايز حد غيرك جال هاتولي طارق
طارق بلهفه: انا جاي حالا.. جيهان خليكي معاها انتي وايه وانا هاجي تاني
في غرفه عزيز كان يختبأ تحت الغطاء ونجمه بجانبه تتحدث بقلق مردفه: طيب وريني وشك بلاش اكده علشان نفسك وجولي انت تعبان مالك ونطلب الحكيم
عزيز بهمس: مين الحكيم دا؟!
دخل طارق الي الغرفه واقترب من عزيز ثم تحدث بلهفه مردفا: مالك يا عزيز اتصل بالدكتور
مسك عزيز يده ثم تحدث مردفا: انا تعبان... والبنت دي بتزعلني وعايزه تنام جمبي وانا هموت
نجمه بلهفه: بعد الشر عليك متجولش اكده
عزيز: اهه شوفت عايزه تموتني
طارق: انا مشوفتش حاجه.. بس قولي حاسس بأي
عزيز بضيق: حاسس انك لازم تبات معايا انهارده هنا انت ورماح
طارق بقلق: طيب قولي انت حاسس بأي الاول ونطلب الدكتور وبعدها هعملك ال انت عايزه
عزيز بخبث: دماغي بتلف وانا بلف معاها ورجلي بتوقف لوحدها ومش بتمشي حتي شوف
نهض عزيز ووقف علي قدميه وتحدث مردفا: اهه مش راضيه تمشي
رماح بضحك: طارق خلاص خلينا معاه انهارده
طارق: سما تعبانه كمان
عزيز بهمس: لا دي بتمثل انا شوفتها وهي بتكلم واحده وبتقولها انا هعمل نفسي اني تعبانه علشان يجي ينام عندي صدقني بتمثل
طارق بضيق: بجد
عزيز بتفكير: ايوه بجد بس انا مش بحب احلف علي الحاجات التافهه الا وكنت حلفتلك دلوقتي علشان تصدقني
طارق بابتسامه: مصدقك من غير حلفان خلاص هقعد معاك
عزيز بسعاده: هاااي... يلا بقا يا نجمه روحي نامي مع اختك وجيهان وسيبوا سما لوحدها في الاوضه علشان تخاف
نهضت نجمه بابتسامه ثم ذهبت الي غرفه سما وتحدثت مردفه: الف سلامه عليكي.. بيجولك طارق معلش هو هينام انهارده عند عزيز علشان تعبان واحنا هنجعد معاكي اهنيه
سما بصراخ: عزززيز.. عزيز.. عزيز.. ربنا ياخده ويخلصني منه
جيهان بغضب: ما تحترمي نفسك يا سما اي قله الادب والسفاله دي بعد الشر عليه الزمي حدودك وكفايه بقا بجاحتك دي.... يلا نطلع من هنا بلاش قله ادب
القت جيهان كلماتها ثم خرجت من الغرفه وخلفها ايه ونجمه ودخلوا الي غرفه جيهان التي تحدثت مردفه: هي شمس اختكم فين اختفت ليه بعد الفرح
ايه بابتسامه: شمس كانت جايه معانا بس هي متجدرش تسيب البيت هناك في الصعيد ومينفعش كلنا نبجي اهنيه لازم حد ياخد باله من كل حاجه هناك والشغل
جيهان بأستغراب: الشغل؟! غريبه ان جدو مخلي شمس تعمل كل حاجه ال اعرفه ان مفيش بنات هناك بتشتغل شغل جدو دا
نجمه: شمس بتشرف علي الشغل مش بتنزل غير بسيط جدا غير لما يكون فيه حاجه مهمه
جيهان بدهشه: غريبه.. ان جدو بيعمل كل دا.. انا مش قصدي والله علي الفلوس بس انا مش فاهمه ليه يعمل كده
ايه بابتسامه: متخافيش احنا والله مش وحشين بالعكس انتي لما تتعانلي معانا هتتأكده من اكده
جيهان: انا واثقه انكم كويسين.. قولولي بقا رأيكم اي في اخواتي
ايه بابتسامه: طارق طيب جووي وكمان ذكي بس علطول حاسه انه زعلان من حاجه او مضغوط فيه حاجه فيه انا لسه مش عارفه افهمها بس هو كمان شكله حلو بصراحه مكنتش اتوقع اني اتجوز واحد زيه وهفضل طول عمري اشكر جدي علشان خلاني اتجوزه
ابتسمت جيهان وتحدثت مردفه: واووو... اخويا شكله سيطر من اول اسبوع اهه... وانتي يا نجمه
نجمه بابتسامه: مش عارفه اجول اي غير اني محظوظه والله اني اتجوزت عزيز.... هو دمه خفيف جووي وكمان طيب وذكي جووي ما شاء الله.. تعرفي انا نفسي يرجع كويس
جيهان: عزيز ليه عمليه بس نسبه نجاحها مش كبيره علشان كده بابا وماما وطارق خافوا يعملوها علشان لو لاقدر الله فشلت هو ممكن يموت او يحصله اي اعاقه في جسمه هتأثر عليه جامد
نجمه بلهفه: طيب ما نفكر في الموضوع دا مش يمكن تنجح
جيهان: مش عارفه والله يا نجمه بس نبقي نفكر
ايه بابتسامه: جوليلنا انتي رماح عامل اي معاكي
جيهان بضيق: الحمد لله... كويس.. بس فكره اني حاسه دايما اني كنت مجبوره عليه مش راضيه تطلع من تفكيري ومش عارفه اطلع الموضوع دا من دماغي ولا اقبل الوضع دا
نجمه: رماح كويس خالص والله وبكره تتأكدي من اكده
اما عند سما كانت تجلس في غرفتها تبكي بشده حتي سمعت طرقات الباب فنهضت وفتحت ووجدت عزيز امامها ينظر اليها بصحك مردفا: هاتي الالف جنيه
سما بحده: بكره هتاخدهم هو خلاص يعني لازم دلوقتي وبعدين متفرحش كده يا عزيز هو راحلك علشان انت تعبان ومجنون وغير مؤهل علشان كده الكل معاك بس في الحقيقه ان محدش بيحبك ولا حد اصلا يتمني يكون عنده ابن او اخ او جوز زيك
عزيز بعصببه: انتي ال مجنونه وغبيه وانا بكرهك والله ما انا سايبك يا سما
القي عزيز كلماته ثم دخل الي غرفته وجلس علي السرير بحزن فنهض طارق وتحدث مردفا: مالك يا عزيز
عزيز بحزن: مليش وهنام
القي عزيز كلماته ثم اغمض عيونه ونام وفي الصباح كان الجميع علي مائده الطعام فتحدثت انغام مردفه: مالك يا عزيز قاعد ساكت ليه
عزيز بحزن: مش ساكت انا قاعد اهه
رماح: جدو.. عمي.. انا شوفت فيلا اهنيه جنبكم هي صغيره شويه وهننقل فيها
نظرت جيهان اليه بابتسامه فتحدث كارم مردفا: ليه يا رماح ما تقعد هنا يا حبيبي معانا
رماح بابتسامه: الفيلا اهنيه يا عمي خطوتين وتكونوا عندنا.. بس لازم يكون لينا بيت لوحدنا
كارم: ماشي يا حبيبي المهم انكم تبقوا جمبنا وخلاص
نظرت جيهان الي رماح بابتسامه كأنها تشكره بنظراته فأبتسم رماح وجاء لينهض ولكنه انصدم عندما وجد عزيز يسحب المفرش الموضوع علي مائده الطعام ويلقي كل شئ علي الارض فوقف الجميع بصدمه وقبل ان يتحدث احدهم وجدوه يصعد الي غرفته بسرعه فصعدوا خلفه وظلوا يطرقوا الباب بشده ولكن بدون جدوي فتحدثت انغام بخوف مردفه: اكسرروا الباب دا بسررعه
اقترب رماح وطارق اكثر وكسروا الباب وعندما دخلوا تجمد الجميع مكانه عندما وجدو عزيز ملقي علي الارض وشراين يده ممزقه وتنزف بشده ووو
•تابع الفصل التالي "رواية عزيز" اضغط على اسم الرواية
تعليقات
إرسال تعليق