رواية طبيب ولكن الفصل الثالث 3 بقلم مصطفى محمد

 رواية طبيب ولكن الفصل الثالث

 

رواية طبيب ولكن الفصل الثالث 

يوسف وهو يمسك بعض نتائج التحاليل : ها طمنينى عامله اى النهارده...

المريضه : تعبانه شويه يا دكتور وحاسه بإرهاق... 

يوسف : ومين سمعك انا كمان حاسس بإرهاق أكتر منك طب تصدقى وتؤمنى بالله... 

المريضه : لا إله إلا الله... 

يوسف : بقالى اكتر من 36 ساعه منمتش وواقف على رجليه لما ناقصنى بس تكه وهمدد جمبك والله...

المريضه : ربنا يكون ف عونك يا دكتور أهو انا دلوقتى عرفت انتو بتتعبو أد اى...

يوسف : وياريت عاجب ولاد... ال ولا بلاش... 

المريضه بفضول : ولاد مين ها... 

يوسف : لو عايزه تكملى علاجك هنا وتخرجى بخير وعايزانى أكمل ف المستشفى دى متسأليش،المهم انا هغيرلك العلاج دا بحاجه أقوى... 

الممرضه : المريضه تخص دكتورة زينة ويعنى لازم ناخد إزنها قبل... 

يوسف مقاطعاً: عارف إنها تخص دكتورة زينة بس العلاج دا لازم يتغير ولو اتكلمت معاكى قوليلها الدكتور يوسف أمر بكدا تمام... 

الممرضه : انتو حُرين بقا انا مالى...

يوسف : بتبرطمى تقولى اى...

الممرضه : بقول ربنا يوفق الدنيا على بعضها... 

يوسف : وياخدك من الدنيا كلها انتِ واللى ف بالى...

المريضه وهى تحاول النهوض : أيوه مين بقا اللى ف بالك دول... 

يوسف : يا بنتى انتِ ف اى ولا ف اى خليكى ف تعبك دا ولما تخفى اتحشرى براحتك،يللا باى... 

المريضه بأداء تمثيلى : اى دا هتسيبنى.... 

يوسف بنفس إسلوبها : متخافيش هرجعلك تانى لا إله إلا الله... 

المريضه بضحك : سيدنا محمد رسول الله.. 

يوسف للمرضه : يلاا بينا...،دا انا ليا الجنه والله ع اللى بشوفه دا... 

"فى غرفة زينة" 

زينة عبر الهاتف : أيوه يا بابا هترجع بكرا

والدها : هخلص المؤتمر وهركب أول طيارة

زينة : تيجى بالسلامه يارب

والدها : طمنينى اخبار المستشفى اى فى مشاكل ولا حاجه...

زينة : لا لا إطمن كل حاجه ماشيه زى محضرتك حابب هو بس فى مشكله كدا... 

والدها : خير مشكلة اى... 

زينة : متقلقش حاجه بسيطه كدا لما ترجع هنحلها...

والدها : طيب ع العموم انا زى مقولتلك هخلص المؤتمر وجاى بكرا..،يلا سلام... 

زينة : مع السلامه

"أغلقت الخط وفركت عيناها بتعب وهى تنظر لصور حفلة تخرجها وكم كانت فى قمة الساعده،أخذت تنظر بتأمل لصورتها وهى تقف الى جوار يوسف وتغمرها السعاده وإبتسمت قليلاً وشردت فى زكريات الجامعه الجميله ولكن قاطع شرودها دخول الممرضه" 

الممرضه : دكتورة زينة.. 

زينة بإنتباه : انتِ مش هتبطلى العادة بتاعتك دى قولتلك قبل كدا خبطى الاول.. 

الممرضه بإرتباك : انا اسفه يا دكتورة بس انا خبطت كتير وحضرتك مردتيش فدخلت... 

زينة بإنزعاج : طيب انتِ عايزه اى دلوقت... 

الممرضه : دى تقارير النهارده وخلصت الجوله مع دكتور يوسف بس... 

زينة : بس اى تانى... 

الممرضة : هو فى حاجه كدا عايزه أقولهالك بس خايفه تتع... 

قاطعتها زينة قائله : بقولك اى اخلصى انا مش فاضيالك قولى فى اى... 

الممرضه بحذر : دكتور يوسف... 

زينة بتنهد : ماله... 

الممرضه : غير دوا لحاله تخص حضرتك... 

"اتسعت عينا زينة بغضب لتكمل الممرضه مسرعه" 

: وانا قولتله ناخد رأى حضرتك بس هو أصر وقال إنه بيتحمل المسؤليه...

"شعرت زينة بالغضب وكادت نظراتها أن تفتك بالممرضه التى تقف امامها مزعورة فهى تعى ما وراء هذه النظرات لتنهض زينة من على كرسيها وتغادر مكتبها وتتجه الى مكتب يوسف لتجلس الممرضه على أحد الكراسى وتقول" 

: هو يوم مش فايت... 

•تابع الفصل التالي "رواية طبيب ولكن" اضغط على اسم الرواية