رواية قدر الزين الفصل الثالث
رواية قدر الزين الفصل الثالث
بعد مافقدت الأمل في علاج والدها وشغلها اللي لسه مابدءتش بيه وتليفونها اتسرق وفلوسها والديون المتراكمه عليها
فضلت تبكي وتدعي ربنا يهون عليها كل دا وفكرت في الوقت دا تبيع . كليتها
مفيش قدامها غير كدا ودا انسب حل
بس الكليه مش هتسدد ديونى وتعمل العمليه لبابا كام شهر بس ومش هيمشي تانى
يارب خليك معايا
تاني يوم نزلت الجامعه ومفيش معاها غير ثمن مواصلاتها وهى رايحه بس وهيفضل معاها فلوس بسيطه مش هتكمل ترجع بيهم
في طريقها للجامعه طلعت وقفت علي الطريق ومستنيه تاكسي او اى حاجه الجو كان لسه الصبح كدا بس الشمس كانت طالعه وضوءها جاي عليها لتتفاجئ بعربيته قدامها
واقفه كدا ليه
قالت في نفسها
هو القمر بيطلع علي الصبح كدا
انتى ياانسه
ها
ها ايه واقفه كدا ليه
مفيش مستنيه مواصله للجامعه
طب اركبي
ايه
اركبي
انا
هو في حد غيرك هنا صع"ب دلوقتي تلاقي تاكسي ع الصبح كدا
ركبت معاه وهى حاسه ان اليوم دا مختلف عن كل الأيام اللي مرت قبله
وفجأة افتكرت حاجه وقالت بصوت عالي استني هنا استنى وبعدين استوعبت ان دا مش تاكسي وان دا دكتورها في الجامعه
اسفه يا دكتور استنى هنا لحظه
هجيب حاجه وراجعه
ونزلت عند محل صغير كدا واشتريت شيكولاته وحطيتها في الشنطه وركبت ومشيوا
بعد شويه وصلوا الجامعه
وقابلت الطفله اللي بتستناها كل يوم عند الجامعه باستها من خدها وفتحت الشيكولاته ليها واكلتها ودخلت الجامعه وهى بنفس الابتسامه
وهنا والدة الطفله بتنادي عليها يا بنتي يابنتى
ايوه
دول حاجاتك امبارح سيبتيهم معايا لما كنتي بتأكلي فرح الشيكولاته وغص"ب عني خدتهم ومشيت ومااخدتش بالي غير وانا في البيت وماعرفتش اجيبهم ليكى لان البيت بعيد عن الجامعه
قدر اخدتهم وشكرت السيده وحضنتها ودخلت
كل دا تحت صد"مه زين
وبدءت المحاضره
زين كان مركز معاها اوى وهي فرحانه
انتى ياانسه
انا
ايوه
اسمك ايه
انا
ياربي هو في حد غيرك هنا انا وقفته
لا
اسمك إيه
قدر
علي صوتك
قدر
اه قوليلي ياانسه قدر انا كنت بقول ايه ولو قولتي سوري يا دكتور ماكنتش مركزه همنعك من محاضراتي طول السنه
طب هو انا بس مش م طب هو ينفع اعتذر وتكون دى اخر مره مااركزش
اتفضلي برا
ارجوك يادكتور ما في كتير غيري مش مركز وحياة احلفك بمين بس
طب وحياة حبيبتك سماح المره دى
للحظه زين كان واقف زي التمثال ومش بيتحرك غمض عيونه وقال اخر مره بعد كدا مش هتحضري اي محاضره ليا
حاضر
وبدء زين يعيد من اول وجديد وسألها وجاوبت
وخلصت المحاضره
وخرجت قدر بسرعه كبيره عشان تلحق المقابله المفروض كانت خلصت كام حاجه من امبارح عشان المقابله النهارده لكن مالحقتش وخلصت كل حاجه اثناء المحاضره
ياااااه كل دول جايين يشتغلوا وايه الناس دي لابسين كدا ليه معقول مدير الشركه دى يسيب بنات. الليل دول ويوظف واحده زيي لا انا همشي خلاص مالهاش لازمه بقي خلاص كدا
ياربي انا جيت عشان اشتغل وعندي امل تقف جنبي
ان شاء الله هتقبل يارب خليك معايا
وفضلت مستنيه لحد ما جه دورها
انتى قدر محمد عبدالرحمن
ايوه
ياااه دا انتى عليكي توصيه عاليه اوى
مش فاهمه حاجه من كلام حضرتك
قصدى ان في حد موصي عليكي وحكي ليا كل الظروف اللي بتمري بيها
وان شاء الله هتستلمي شغلك من بكره
بس عايزك تعرفي حاجه قبل ماتبدئي شغل معانا
قبل ماتدخلي هنا اكيد شوفتي كل اللي كانوا موجودين برا دول
ايوه شوفتهم
في منهم معاه تعليم عالي واللي بيعرف يتكلم اكتر من كام لغه مختلفه ووظفتك بس معانا عشان اللي وصي عليكي صديق مقرب جدا ليا
التزمتي هتكوني معانا ماالتزمتيش مالكيش مكان بينا تمام
ان شاء الله هكون عن حسن ظن حضرتك
ان شاء الله مرتبك هيكون عادي لان انتى لسه في البدايه ومانعرفش شغلك هيكون عامل ازاى
ونادي علي سكرتيرته الخاصه وقال ليها ان قدر من النهاردة مسؤوله منها لحد ما تتعلم نظامهم
ومر وقت طويل وقدر في الشركه معاهم بتخلص الجامعه وبتروح شغلها بس مش بتروح الجامعه علي طول
وبدءت تتعلم نظامهم كان شغلها بنظام وبيعجب المدير
المدير دا لطيف جدا
ههههههه هو لطيف جدا لكن انتى لسه ما قابلتيش المدير الحقيقي
هو في حد تاني غيره
ايوه في بس هو في اجازه ووالده ماسك الشغل مكانه لحد مايرجع من اجازته
يرجع بالسلامه
لا بلاش يرجع دا ما ينطا.قش خالص وكل مره بيرفد كام موظف من الشركه جديد قديم مش مهم المهم اللي يفضل هنا يشتغل بأقصي سرعه عنده واهم حاجه الامانه
ولسه بيتكلموا بتيجي موظفه وبتقول ليهم
المدير القديم وصل يعنى في ناس هنا تجهز نفسها للرفد هههههههههههه و اه يلا عشان في اجتماع معاه بعد عشر دقايق ومشيت
يانهار بعد عشر دقايق بس انا خا.يفه اوى لما بقف قدامه مابعرفش اتكلم خالص
للدرجه دي هو عامل رع،، ب للكل هنا
واكتر بكتير
يلا ياروز انتى وقدر الاجتماع هيبدء وانتوا لسه واقفين
بسرعه ياقدر هيرفدنا
الكل اتجمع وقدر متشوقه جدا لرؤية الشخص دا واول ما بتشوفه قدامها
دكتور زين هو دا المدير
ايوه
امممم ضمنت الرفد
انتى تعرفيه
دا دكتوري في الجامعه
ايه دا انتى بتعملي ايه هنا
انا
ايوه انتى
انا بشتغل هنا
اه من امتي
من 3 شهور
امممم روز
روز بإرتباك : ايوه يافندم
نظامها ايه في الشغل
هو انت هترفدني ولا ايه
روز انا سألتك سؤال
اسفه يا فندم هي لسه تحت التدريب
بس مش انتى قولتي ان انا فهمت كل حاجه ايه تحت التدريب دى
وبتبص لزين لقيته بيبص ليها بغض"ب
وقال بصوت عالي قدررر
انتي مرفوده
بقلمي أيات الرحمن
عشاق الروايات 2 🖍️🌏
•تابع الفصل التالي "رواية قدر الزين" اضغط على اسم الرواية
تعليقات
إرسال تعليق