رواية الم قلبي الفصل الثاني
رواية الم قلبي الفصل الثاني
آلم قلبي البارت التاني
ملك… يا رب لا يا رب لا
فتحت هاتفها فوجدت رسالة من خالد
" انا اخدت ادم اوديه المدرسة و قفلت المنبه عشان تنامي"
تنفست براحة و ابتسمت فهل يحاول إصلاح اي شئ مع ولده
********************
خالد… قولي بقى يا سيدي عامل ايه في المدرسة
ادم…. مش عارف بس طلعت صاعبة و اصحى بدري و انا بحب انام اوي
خالد ضحك… تنام اوي ماشي يا سيدي… احم ادم هو انت قولت لماما انك مش بتحبني
ادم بخوف… انا اسف مش هقول كده تاني
خالد.. اهدى انا مش زعلان بس ليه قولت كده
ادم… عشان مش بترضي تخرج معايا
خالد… ماشي يا سيدي انا اللي اسف و هخرج معاك..
اي رأيك متروحش المدرسة النهاردة
ادم برفض… لا ماما هتزعل مني
خالد ضحك… ماشي يسيدي هبقى اجي اخدك
************************
سارا… خالد حبيبي عامل ايه
خالد حضنها… كويس وحشتيني
سارا… في مواعيد كتير عندك النهاردة
خالد…. فضيلي معاد من الساعة اتنين ل تلاتة
سارا… مش هينفع خالص و بعدين ليه يعني
خالد… هجيب ادم من المدرسة
سارا بضيق… ما تبعت السواق ايه الاوڤر ده و بعدين خلي ملك تجيبه
خالد …. هشوف هشوف
***********
حامد… ملك مش عجباني
سهير.. ليه يعني
حامد… شكل في مشاكل ما بينها هي و جوزها
سهير بقلق… تفتكر يا رب ما يجيب مشاكل
دلف شخص يبدو عليه انه شاب … مامااااااااااا
سهير بفزع… انت متخلف يبني ما تتلم
فارس… سوري يا امي العزيزة انا هروح ل ملك
سهير… روح يا شيخ جتك القرف
فارس… على فكرة يا بابا ماما قالت امبارح انك كبرت و بقيت عندك زهيمر
حامد… انتي قولتي كده
سهير …. ده كداب … تعالى يا حبيبي ماما تعالى
و امسكته من خصلات شعره و ضربته
فارس… يا ماما عيب كده انا كبرت خلاص ليه التهزيق ده
سهير… اجري اجري من هنا
ركض للخارج بخوف
حامد بتوتر… طب طب انا هقوم انام
سهير… تنام ليه
حامد… انا اسف خليني مكاني
************
خالد… خلي عمر يجيب ادم من المدرسة
ملك ببرود… انا بعته يجيب حاجات
خالد بعصبية… ما تسألي الاول انا مشغول و مش هعرف اروح اجيب ادم في ايه
دخلت سارا… خالد حبيبي
ملك باستنكار… واضح فعلًا انك مشغول
اغلقت الهاتف بدأت دموعها في الهطول على وجنتيها فجلست على الارض و صوت شهقاتها يملئ البيت
ملك… الو يا فارس
فارس بقلق… صوتك ماله في ايه
ملك… مفيش ممكن بس تجيب ادم من الحضانة عشان تعبانة
فارس…حاضر يا حبيبتي ارتاحي انتي
****
في مدرسة ادم
ادم بغضب… اروى
اروى… نعم
ادم… هو مش احنا صحاب روحتي تلعبي مع ناس غيري
اروى… انت بتقعد تعيط كتير
ادم.. طب اقعدي العبي معايا و مش هعيط تاني
جه ولد زق ادم وقعه على الارض و بدء ادم يبكي فمشيت اروى مع الواد التاني
ادم… ااااه رجلي
في الوقت ده كان فارس داخل المدرسة …ادم حبيبي انت كويس مالك
ظل ادم يبكي… اار اروى مش عايزة العب معايا عشان بعيط و انا قولتلها مش هعيط تاني
فارس ضحك بخفة… ما انت بتعيط اهو
ادم..ولله مش هعيط تاني
فارس… طب اهدي طيب و بعدين اشمعنى اروى يعني
ادم… عشان انا بحبها و هي بتروح تتكلم مع سيف
فارس… يا خرابي كل الحب ده عشان دي متشلش في قلبك يا حبيبي و اكمل بحزن مصطنع… عامل زي خالك دايمًا مكسور الجناح
**************
ملك… خالد انا بحبك اوي
خالد ابتسم… و انا كمان
ملك… مالك بقالة فترة متغير
خالد بتنهيدة… الشغل و كده
ملك… ربنا معاك سلام يا حبيبي
فاق خالد من شروده على صوت صراخ يأتي من احد السيارات
… يا استاذ خلي بالك انت مبتشوفش
بصله خالد بغضب و من غضبه نزل مسك الراجل و ضربه و ما اللي في دماغه ملك و بعدها عنه و ابنه و كل حاجة
بس البوليس جه و الراجل كان عايز يعمل محضر و يروح على الاسم بس الناس هدوه و خالد مشي
*********
دخل خالد المنزل و يضع يده على انفه
ملك بخضة… خالد انت كويس انت وشك بيجيب دم كده ليه تعالي معايا
مسكته من ايده و اخدته للدش و قعدته على الحرف و خلعته القميص و نزلت المياه عليه
خالد بتعب.. انا مش قادر اقفلي المياه
ملك دمعت… ايه اللي خلاك تعمل كده بس
خالد… انتي خايفة عليا
مردتش عليه و سابته و خرجت و هو لبس هدومه و خرج
خالد.. ملك
ملك… نعم
خالد…. انا اسف انا كان عندي شغل ولله
ملك … مش لازم نتكلم دلوقتي انت تعبان
مسكها من ايدها و شدها ليه… انتي ليه مش مصدقاني
ملك دمعت… عشان كل مرة بصدقك بتخذلني قدام نفسي الصبح كنت تعبانة لو فارس مكانش موجود كان مين هيجيب ابنك ها
حضنها… انا اسف بكره هجيبه
ملك… بكره اجازة
خالد ضحك… اهو اي يوم و خلاص
سكت قليلًا و نظر لها ف اقترب منها و قبلها
و الليلة ليلة الحب
****************
في الصباح استيقظت ملك على صوت طرق باب المنزل
ف ارتدت روب منامتها و خرجت لتفتح الباب ف وجدتها شابة من الممكن ان تكون في العشرينات
ملك… مين حضرتك
… انا سارا
ملك بضيق… و انتي ايه اللي جايبك
سارا… هو ايه ايه اللي جايبني جاية لحبيبي و بعدين ايه اللي انتي لابساه ده انتي بتلبسي كده قدامه
ملك ضحكت ببرود… ولله هو اللي قايلي البس كده اصلي مراته بقى
جاء خالد و هو يتكلم … مين يا حبيبتي … سارا
نظرت سارا بصدمة لهيئته فكان يرتدي بنطاله فقط
خالد… سارا انتي جاية ليه
سارا بدلع.. جايك عشان اقولك تعالى نفطر برا
ملك.. ولله هو..
خالد بمقاطعة.. ملك ادخلي جوا
نظرت له بصدمة و دخلت
سارا.. يلا
خالد بعصبية… انتي ايه اللي جابك اتفضلي امشي
سارا… هو ايه اللي امشي انت هتعملي جو انها مراتك و بتحبها و كده
خالد… انتي غبية انتي جاية لحد هنا
سارا… م انا كلمتك في التليفون
خالد… ولا حتى تكلميني في التليفون فاهمة و امشي دلوقتي
و اغلق الباب في وجهها فتوعدت له
دلف خالد للغرفة
خالد… ملك
صفعته بقوة…مش عايزة…
يتبع
اسفة على التأخير كان عندي ظروف
•تابع الفصل التالي "رواية الم قلبي" اضغط على اسم الرواية
تعليقات
إرسال تعليق