رواية اوقعتني في جنانها الفصل الاول
رواية اوقعتني في جنانها الفصل الاول
: انتى عارفه يعنى ايه بقيتى مرات عمر الجارحى
قالها ببرود وغرور وهى كانت بتسمعه ببرود
كارما بسخريه : لاء والله انا كل ال اعرفه ان اتجوزت واحد متكبر ومغرور وبتاع بنات زيك
عمر ضحك بصوت عالى وقال بسخريه : طب كويس انك عارفه عشان متتعبنيش كتير بعد كده
كارما بضيق من أسلوبه : طيب تمام أنا دلوقتي عايزه اعرف السبوبه دي هتخلص امتى
عمر بصدمه : سبوبه !!!!
كارما بضيق : ايوه سبوبه متفتكرش شغل الروايات ده هيخيل عليا لاء انا فاهمه كويس انك واخدني تخليص حق من خالى عشان الشراكه ال كانت بينكم رسيني بقا على الحوار من دلوقتي عشان منزعلش من بعض
عمر قرب عليها وقال بدهشه : انتى ازاى كده ؟؟ ايه الجرا"ءه دي كلها انتي مش عارفه بتكلمي مين
كارما بملل من حديثه : عارفه والله عمر الجارحى صاحب شركات الجارحى جروب خلصنا بقا مش مسلسل هو
عمر قرب اكتر منها وقال : لاء بس انتي متعرفنيش معرفه شخصيه
كارما بصتله بتحذير وقالت : انت بتقرب كده ليه ياقليل الادب انت
عمر ضحك بصوته كله عليها وعلى كلامها
كارما : فين أوضتي اخلص عايزه انام
عمر بسماجه : قصدك اوضتنا عندك فوق فى الجناح التانى
كارما بصتله بقر"ف وطلعت وهي بتقول : هه قال اوضتنا ده بيحلم
طلعت فوق ودخلت اول اوضه قابلتها وكان فيها مفتاح وفرحت جدا وقفلت الباب وراحت عند البلكونه قفلتها كويس عشان عارفه أن ممكن يدخل منها
ونامت على السرير بتعب وقالت : لما اشوف ايه ال هتعمله معايا ياعمر ياجارحى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا
وليد : اخيرا ارتاحت منها ومن همها
سعاد بغيظ : بس وقعت واقفه بنت ناهد ده بدل ماتجوزه بنتك رايح تجوزه بنت اختك عشان تكوش على كل حاجه
وليد : ماحنا خدنا المقابل وكمان لحقت نفسى قبل الشركه ماتقع انتي عارفه أن عمر كان ناوى يفض الشراكه ويبوظ كل حاجه
سعاد : طب ومعرضتش بنتك عليه ليه
وليد : هو ال اختار كارما انا مش هجبره يعني يلا انا داخل انام
سعاد بسخريه : نام ياخويا نام
وليد دخل وسعاد قالت بحقد : لاء مانا مش هسيب بنت ناهد تبقا احسن من بنتى ميحصلش ابدا
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
عمر بغيظ : افتحى الباب يازفته مش قولتلك دى هتبقى أوضة مشتركه
كارما ببرود من الداخل : وانا مبحبش اشارك حد أوضتي يلا بقا سيبنى انام
عمر بعصبيه : انتي عارفه عقاب ال بتعمليه ده ايه
كارما : هتضربني مش مهم متعوده
عمر بعدم فهم : متعوده على ايه
كارما بوجع وسخريه : متحطش فى بالك يلا تصبح على خير
عمر بوعيد : تمام ياكارما بس متتعوديش على كده تمام
قال كلامه ودخل الاوضه ال جنبها واترمى على السرير وابتسم بارتياح لأنها بقت مراته وفى بيته
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
تانى يوم
صحيت كارما وادت صلاة الفجر وبعدين دخلت فى البلكونه وقرأت الورد والاذكار وبعدين صلت الضحى ولبست الدريس والخمار ونزلت تحت وهى بتحاول تنسى كل حاجه تزعلها دخلت المطبخ وعملت فطار كبير وكانت بتبدع فيه
عمر صحي من النوم واخد شاور وبعدين نزل وشم ريحة الاكل دخل المطبخ وشافها بتطبخ بحماس
عمر باستغراب : بتعملى بنفسك مستنتيش ليه الخدم جاين كمان ساعه
كارما بابتسامه وهدوء : الفطار بالذات بحب اعمله بنفسى لأن بيكون بداية اليوم عملت حسابك على فكره
عمر ابتسم عليها وعلى براءتها وكلامها وقال : طب كتر خيرك انا جعان جدا
كارما : خمس دقايق ويكون جاهز
عمر قرب منها وقال : اساعدك
كارما بتوتر : ل لاء شكرا قربت اخلص اخرج بقا
عمر برفعة حاجب : بتطردينى
كارما زقته وراحت عند البوتجاز وقالت : الصراحه اه مبحبش حد يفضل جمبى وانا بعمل الاكل
عمر ضحك وقال بغمزه : ولا عشان بس وجودى موترك
كارما صرخت بغيظ وقالت : برررره ياعمر
عمر ضحك تانى وخرج وهو مبسوط بجنانها
كارما بغيظ : بنى ءادم مستفز
كملت ال بتعمله لحد لما سمعت صوت انثوى بره استغربت وخرجت من المطبخ وشافت واحده متعلقه فى رقبة عمر
البنت بفرحه : وحشتنى ياامورى
كارما بصدمه : مورك ؟؟؟ ده انتى يومك مش هيعدى النهارده
كارما قربت منها وشدتها من شعرها وعمر كان مصدوم من ال هى عملته
كارما بغضب : انا بقا هوريكي ازاى تعملى كده مع جوزى
•تابع الفصل التالي "رواية اوقعتني في جنانها" اضغط على اسم الرواية
تعليقات
إرسال تعليق